“মেরে সপনো কা ভারত” অমসুং “অনসং হেরোজ ওফ ইন্দিয়ন ফ্রিদম মুফমেন্ত”গী মতাংদা খনগৎলবা ৱারেংশিং ফোঙখ্রে
এম.এস.এম.ই. তেক্নোলোজী সেন্তর অমসুং ওপন-এয়র থিএতর ওইবা ওদিতোরিয়ম অমা -পেরুনথলাইবর কামরাজর মনীমন্দপমসু শঙ্গাখ্রে
“ভারতকী দেমোগ্রাফী অসি নৌরি, অমসুং ভারতকী ৱাখল্লোন অসিসু নৌরি। ভারতকী মতিক-ময়াই অমসুং মাগী মঙলানশিংদা নহা ওইবগী ৱাখল চেল্লি। ভারত অসি মাগী ৱাখল্লোন লোয়ননা ৱাখল খন্বা ঙম্বগী মতৌদসু নৌরি”
“ভারতনা মাগী নহারোলশিংবু দেমোগ্রাফিক দিভিদেন্দ ওইনা খনবগা লোয়ননা দিভেলপমেন্ত দ্রাইভরনি হায়নসু খল্লি”
“ভারতকী নহাশিংদা কন্না থবক শুবা ঙম্বগী মতিক লৈ অমসুং তুংলমচৎপু ময়েক শেংনা উবা ঙম্মি। মরম অসিনা ঙসি ভারতনা হায়বা অদু মালেম্না হয়েংগী খোঞ্জেলনি হায়না লৌনরিবনি”
“নহারোলশিংগী তৌবা ঙম্বা অদু অরিবা স্তেরিওতাইপশিংনা পোৎলুম পীদ্রে। নহারোলশিং অসিনা মশা অমদি খুন্নাইবু অনৌবা শীংনবশিংগী মতুং ইন্না অওনবা পুরকপা ঙম্লে”
“ঙসিগী নহারোলশিংদা ‘ঐহাক তৌবা ঙম্মি’ হায়বগী ইথিল চেল্লি হায়রিবা অসি মীরোন খুদিংদা ইথিল পীনবা হৌরকফম ওইরি।”
“ভারতকী নহারোলনা মালেমগী য়াইফ নুংঙাইবগী পথাপ ইরি।”
“ঙসিগী নহারোলশিংদা ‘ঐহাক তৌবা ঙম্মি’ হায়বগী ইথিল চেল্লি হায়রিবা অসি মীরোন খুদিংদা ইথিল পীনবা হৌরকফম ওইরি।”
“ভারতকী নহারোলনা মালেমগী য়াইফ নুংঙাইবগী পথাপ ইরি।”

পুদুচেরীগী লেফতনেন্ত গবর্নর তমিল সাই জী, মুখ্য মন্ত্রী এন. রঙ্গাসামীজী, কেন্দ্রগী মন্ত্রী মন্দলদা লৈরিবা ঐহাক্কী মরুপ শ্রী নরায়ন রানেজী, শ্রী অনুরাগ থাকুরজী, শ্রী নিশীত প্রমানিকজী, শ্রী ভানু প্রতাপ সিংহ বর্মাজী, পুদুচেরী সরকারগী সেনিয়র মন্ত্রীশিং, পার্লিয়ামেন্তরিয়ন, লেজিসলেচর, লৈবাক্কী অতোপ্পা রাজ্যশিংগী মন্ত্রী অমসুং ঐহাক্কী নহারোল মরুপশিং! ভনক্কম! অদোম খুদিংবু নেস্নেল য়ুথ ফেস্তিবেলগীদমক্তা থাগৎপা ফোংদোকচরি।

ঐহাক্না ভারত ইমাগী শক্নাইরবা মচারী স্বামী বিবেকানন্দগী মপোক নুমিত্তা মহাক্কী মফমদা ইকায় খুম্নবা উৎলি। নীংতম্বগী অমৃত মহোৎসবকী মতমসিদা মহাক্কী মপোক কুমওন অসিনা অহেনবা ইথিল পীরি। হন্দক্কী চহিসিদি অতোপ্পা মরম অনিনা অমুক্কা হেন্না মগুন লৈহল্লে। ঐখোয়না হন্দক্কী চহিসিদা শ্রী ঔরোবিন্দোগী ১৫০শুবা মপোক কুমওন পাংথোক্লি অমসুং চহি অসি মহাকবী সুব্রমনিয়া ভারতীজীগীসু ১০০শুবা মপোক কুমওন তারি। মখোয়গুম্লবা শক্নাইরবা মীওই অনিমক্কা পুদুচেরীগা অখন্নবা মরী অমা লৈনৈ। মখোয়না মশাগী লিতরেচর অমসুং স্পিরিচুএলগী খোঙচত্তা অমনা অমগী খোঙলোয় ওইদুনা লাকখি। মরম অদুনা, পুদুচেরীদা পাংথোক্লিবা নেস্নেল য়ুথ ফেস্তিবেল অসিবু ভারত ইমাগী অসিগুম্লবা শক্নাইরবা মচারোই অনিগী মফমদা কত্থোক্লি। মরুপশিং, ঙসিদি, পুদুচেরীদা এম.এস.এম.ই. তেক্নোলোজী সেন্তর অমসু শঙ্গারি। এম.এস.এম.ই. সেক্তরগী থৌদাং অসি মরোমদোম লেপচবা ঙম্বা ভারত অমা শেম্বদা য়াম্না মরু ওই। মালেম্বু শেমদোরক্লিবা তেক্নোলোজীশিংবু এম.এস.এম.ই.শিংনা শিজিন্নবা হৌবসি য়াম্না মরু ওই। মরম অদুনা, লৈবাকসিদা ঙসিদি তেক্নোলোজী সেন্তর সীস্তেম প্রোগ্রামগী চাউরবা খোঙথাং পায়খৎলি। পুদুচেরীদা শঙ্গারিবা এম.এস.এম.ই. অসিনা মাইকৈ অসিদা থাংজিবা মরু ওইবা খোঙথাং অম ওইগনি।

মরুপশিং,

ঙসিদি, পুদুচেরীগী নহাশিংনা তোঙানবা থৌওং কয়াদা শিজিন্নবা য়াবা ওদিতোরিয়ম মখল অমা ওইরিবা মনিমন্দপ্পম অসিবুসু খুদোল অমা ওইনা কামরাজজীগী মিংদা ফংলে। মসিগী ওদিতোরিয়ম অসিনা কামরাজজীনা কত্থোকপীরমবশিংবু অমুক্কা হন্না নীংশিংহল্লগনি। মসিনা ঐখোয়গী নহাশিংদা মখোয়গী হৈ-শিংবা উৎপগী প্লেৎফোর্ম অমা পীরগনি।

মরুপশিং,

ঙসিদি, মালেম্না ভারত্তা আশা অমসুং থাজবগী মিৎয়েং অমদা য়েংলি। মরমদি, ভারতকী মীয়াম অসি নহানি অমসুং ৱাখল্লোনসু নহাগী ৱাখল্লোন্নি। ভারতকী তৌবা ঙম্বগী মতিকসু নহা ওইরি, মঙলানসু নহা ওইরি। ভারতকী ৱাখল্লোনসু নহা ওইরি, ৱাখল তাবগী মতৌসু নহা ওইরি। ভারতনা নহা ওইরিবগী মরমদি ভারতকী ৱাখল্লোন্না মতম পুম্বদা অনৌবা অমসুং মতমগা চুনবা থৌওংবু তরাম্না ওকপা অমসুং ভারতকী ফিলোজোফীনা মতম্না পুরকপা অহোংববুসু তরাম্না ওকপগীনি। অরিবা মওং-মতৌদসু অনৌবা শক্তম উবদি ভারতনি। ঐখোয়গী চহি লিশিং কয়া লিরবা ভেদনসু অসুম্না তাকপীরম্মি-

“অপি য়থা, য়ুৱানো মৎস্থা, নো বিন্ধ্য জগৎ, অভিপিত্বে মনিশা”।।

হায়বদি, মালেম অসিদা নুংঙাইবগী মওংবু তেক্ত কায়দবগী থৌওং ওহন্নবা পাউ ফাওরিবসি নহারোলশিংনি। নহারোলশিং অসিনা ঐখোয়গী ভারতকী, লৈবাক্কীদমক্তা নুংঙাইবা অমসুং তেক্ত কায়দবগী লম্বী শোইদনা শেমগদবনি। মরম অদুনা, য়োগবু মালেমগী মীয়ামদা য়ৌহনবগী খোঙচৎ ওইরো, রিভোল্যুসন্দগী ইভোল্যুসনগী ইহৌ, সেবা তৌবা, অহোংবা নাইবা ওইরো নত্ত্রগা শক্তি পাঙ্গল ওইরো, তেংবাংবা ওইরো নত্ত্রগা শেমদোক্তুনা চাউখৎপা পুরকপা ওইরো, হীরম অমবু মরু ফংনা মরী লৈহনবা ওইরো নত্ত্রগা অনৌবা থৌওং পাংথোকপা ওইরো, ভারতকী নহাশিংনা থৱাই য়াওনা অমসুং মাংজিল থাদুনা শরুক য়াখিদবা করিগুম্বা অমত্তা লৈতে। ভারতকী ৱাখল্লোন্না তোখায়দুনা অনি থোক্লকপা মতমদা, শঙ্করগুম্বা নহা অমনা অদিশঙ্কর ওইনা থোক্লক্তুনা লৈবাকপু অমত্তা ওইনা পুনশিন্নবা মীওই অমা অদুমক থোক্লকই। ভারতনা মীচঙ-মীখায় নায়বা অমসুং ওৎপ-নৈবগী মাইয়োক্তা লান্থেংবগী মথৌ তারকপা মতমদসু গুরু গোবিন্দ সিংহজীগী নহা ওইরিবা মচাবু কত্থোকখিবগী ৱারীনা ঐখোয়দা লম্বী অমুক তাকপী। ভারতনা নীংতম্বা ফংনবগীদমক্তা ইহৌ হৌবগী তঙাই ফরক্তবা মতমদনা সর্দার ভগৎ সিংহদগী হৌদুনা চন্দ্রসেখর অজাদ অমসুং নেতাজী সুভাশ চন্দ্র বোসকুম্বা লৈবাক্কী নহা কয়া অমনা মশাগী ওইজবা পুম্নমক থাদোক্তুনা কত্থোক্নবা থোক্লকখি। ভারতনা স্পিরিচুএলিতী অমসুং করিগুম্বা অনৌবা অমা শেম্বগী শক্তিগী তঙাই ফদবা লৈরকপা মতমদনা শ্রী ঔরোবিন্দোদগী হৌরগা সুব্রমনিয়ম ভারতী ফাওবা অমুক থোক্লকখি। অদুগা ভারতনা মশাগী মাঙলুরবা শন-মান অমুক্কা হন্না ফংনীংলকপা অমসুং লৈবাক্কী মশেক মঙালবু মালেমদা অমুক্কা হন্না শক্তাক্নীংলকপা মতমদা স্বামী বিবেকানন্দগুম্বা নহা অমনা ভারতকী লৌশিংবু মালেমদা তাক্তুনা মালেম্বু মিৎকপ থোকহনখিবনি।

মরুপশিং,

ভারতকী মনাক্তা লম্বা লৈত্রবা মপাঙ্গল অনি লৈ হায়বসি ঙসিদি মালেম্না য়ারবা ৱাফম ওইরবনি। মখোয়শিং অদুদি – দেমোগ্রাফী অমসুং দেমোক্রেসীনি। লৈবাক অমদা নহারোলগী মশিং য়াম্না লৈরিবমখৈ, লৈবাক্তুগী তৌবা ঙম্বগী মতিক হেল্লি হায়না লৌনরিবনি। মসিগীদি চাংদম্নীংঙাই লৈতনা ওইথোকপা য়াবা কয়া লৈ হায়না লৌনরিবনি। অদুগা, ভারতকী নহাশিংগী মনাক্তা দেমোগ্রাফিক দিভিদেন্দকা লোয়ননা গনতন্ত্রিক ওইবা ভেল্যুসু লৈ, মখোয়গী দেমোক্রেতিক দিভিদেন্দ অসিগসু চাংদম্ননীংঙাই লৈতে। ভারতনা মশাগী নহারোলশিংবু দেমোগ্রাফিক দিভিদেন্দ ওইনা খনবগা লোয়ননা দিভেলপমেন্ত দ্রাইভরনি হায়নসু খল্লি। ঙসিদি, ভারতকী নহারোলশিংনা লৈবাক্কী চাউখৎপগা লোয়ননা দেমোক্রেতিক ওইবা ভেল্যুদসু লুচিংলি। ভারতকী নহাশিংদা ঙসি তেক্নোলোজীগী মঙাল লৈবা মতমদা, গনতন্ত্রা খঙবগী ৱাখল্লোনসু অমুক লৈরিবনি। ভারতকী নহাশিংদা ঙসি থবক শুবা ঙম্বগী মতিক লৈরবদি, তুংগী ময়েক শেংলবা মতম অমসু  লৈরি। মরম অদুনা, ভারতনা ঙসি হায়বা খুদিংমক মালেম্না তুংগী মতমগী খোল্লাওনি হায়না লৌই। ঙসি ভারতনা য়েংবা মিৎয়েং, ৱারেপ লৌবা খুদিংদা ভারতকী কান্নবগা লোয়ননা মালেমগী তুংগী কান্নবগী মমিসু তাবা ফংলিবনি।  অদুগা অসিগুম্বা ভারতকী অমসুং মালেমগী তুংগী মতমশিং অসি ঙসি শেম্লিবনি। মসিগী খুদোংচাবা অসি অদোমগুম্বা লৈবাক্কী নহারোল করোর কয়ানা ফংলিবনি। হৌজিক্কী ২০২২গী চহি অসি অদোমগী, ভারতকী হৌরক্লিবা নহারোলগী চারোন শুরোনগীদমক্তদি য়াম্না মরু ওইবনি। ঐখোয়না ঙসি ২৫শুবা নেস্নেল য়ুথ ফেস্তিবেল পাংথোক্লি। চহি অসি নেতাজী সুভাশ চন্দ্র বোসকী ১২৫শুবা মপোক কুমওনগী চহিসু ওইরিবনি। অদুগা ঙসিদগী চহি ২৫গী মতুংদা ভারতনা নীংতম্বগী চহি ১০০ ফারকপগী হরাও-নুংঙাইবসু অমুক পাংথোক্কনি। হায়বদি, ২৫গী মশিংগী তান-চান্নবা অসিনা ভারতকী শক্তম্বু খ্বাইদগী শক্নাইবা ওইহনবগী মশিং অমা ওইগদৌরিবনি। নীংতম্বগী মতমগী নহাশিংনা লৈবাক্কীদমক্তা কত্থোকপদা মিৎকুপ অমা ফাওবা মাঙহনখিদে। অদুবু, ঙসিগী নহাশিংদি লৈবাক্কীদমক্তা হিংগদবনি অমসুং ঐখোয়গী নীংতম লান্মীশিংগী মঙলান মঙফাওনহনগদবনি। মহাঋশি শ্রী ঔরোবিন্দোনা হায়বীরম্মি- “মথৌনা লৈবা, পুকচেল শেংবা অমসুং ইথিল লৈবা নহা হায়বসি লৈবাক্কী তুংগী মতম্বু শাগৎপা য়াবা অমত্তা ঙাইরবা য়ুম্বীনি”। মহাক্কী ৱারোল অসি ঙসিগী ২১শুবা চহি-চাগী ভারতকী নহাশিংগীদমক্তদি পুন্সিগী মন্ত্রা অমগুম্বনি। ঐখোয়না লৈবাক অমা ওইনা, নহা খ্বাইদগী হেন্না লৈবা মালেমগী লৈবাক অমা ওইনা ঐখোয়না তোঙানবা থাক অমদা লৈরবনি। মসিদি ভারতকী ওইনা অনৌবা ৱারেপকী থাক অমনি। অসিগুম্বা মতমসিদা, ভারতকী নহাশিংগী মপাঙ্গলনা ভারতপু অনৌবা অসুং অৱাংবা থাক অমদা পুখৎকদৌরিবনি।

মরুপশিং,

শ্রী ঔরোবিন্দোনা নহাশীংগীদমক্তা অসুম্না হায়বীরম্মি – “অনৌবা মালেম অমা শেমগদৌরিবা অসি নহারোলশিংনি”। মহাক্না ফোংদোক্লম্লিবা রিভোল্যুসন নত্ত্রগা ইভোল্যুসনগী ৱাখল্লোন অসিদি নহাশিংগী অশেংবা শক্তাক্নি। মসিগী গুন অনি অসিনা মতিক লৈরবা লৈবাক অমগী মপাঙ্গল হাপকনি। নহাশিংগী তৌবা ঙম্বগী মতিক অসিদি অরীবা অমসুং কান্নদবা চৎনবীশিংবু  থনম্লগা ইন্থোক্তুনা চৎপা ঙম্বগী মতিক অসিনি। মসিগী নহারোল অসিনা মশাবু, খুন্নাইবু অনৌবা শিংনবা, অপাম্বদা য়ুম্ফম ওইদুনা ইভোল্ব তৌবা ঙম্মি, অনৌবা থৌওং শেম্বা ঙম্মি। অদুগা মসিমক অসি ঐখোয়না লৈবাক অসিদা উদুনা লাক্লিবনি। ঙসিদি, ভারতকী নহাশিংনা ইভোল্যুসন্দা অহেনবা মিৎয়েং থম্লি। হৌজিক্কান অসিদা অয়েৎপা কয়া থেংনরি, অদুবু মখোয়না অয়েৎপশিংবু চাউখৎপা অমসুং খুদোংচাবদা ওন্থোকপা ঙম্লে। ঙসিদি, ভারতকী নহাশিংনা অনৌবা থৌওং পাংথোক্লি, শিংনবা কয়াগী ৱারোইশিন পুরক্নবা অমত্তা ওইনা হোৎনরি। মরুপশিং, ঙসিগী নহারোলশিংদা ‘ঐহাক তৌবা ঙম্মি’ হায়বগী ইথিল লৈ অমসুং মসিনা চারোন শুরোন খুদিংগী ইথিল লৌফম ওইরি। ভারতনা দিজিতেল পেমেন্তকী হীরমদা অসুক য়াম্না মাং থানা লাকপা ঙম্লিবা অসি নহারোলগী মপাঙ্গল অসিননি। ঙসিদি, ঙসিগী ভারতকী নহারোলনা মালেমগী য়াইফ নুংঙাইবগী কোদ ইরি। মালেম পুম্বগী য়ুনিকোর্নগী ইকোসীস্তেমদা ভারতকী নহারোলশিংনা মীথোয় মীহেল্লি।      ভারত্তা স্তার্ত-অপ লিশিং ৫০ হেনবগী মপাঙ্গল কল্লবা ইকোসীস্তেম অমা লৈরি। মসিগী মনুংদগী স্তার্ত-অপ লিশিং ১০ হেনবদি কোরোনাগী মনুংদা অমসুং মমাংগী থা ৬-৭তা হৌদোকখিবনি। মসিনি ভারতকী নহারোলশিংগী মপাঙ্গল অমসুং ঐখোয়না মসিদা য়ুম্ফম ওইরগা স্তার্ত-অপকী সনাগী য়ুগতা খোঙদাশল্লিবনি।

মরুপশিং,

অনৌবা ভারতকী মন্ত্রা অদুদি মসিনি- চাংয়েংনসি অমসুং খুদুম চনসি। হায়বদি, য়াওশিল্লসি অমসুং মকোক ওইরসি। য়াওশিল্লসি অদুগা লান অসিদা মায় পাক্লসি। পেরালীম্পিক্সতা ভারতনা ফংখ্রিবা মেদল মশিং য়ৌনা ভারতনা মশাগী পুৱারীদা অমুক্তা ফাওবা ফংবা ঙমখিদ্রি। ওলীম্পিক্সতসু ঐখোয়না নীংথিজনা পাংথোকপা ঙমখি, মসিগী মরমদি ঐখোয়গী নহারোলশিংদা মকোক ওইবগী থাজবা লৈখিবননি। ঐখোয়গী কোবিদ তীকা থাবগী খোঙজংনা মায় পাকপদা নহারোলশিংনা লৌখিবা থৌদাংশিংসু তোঙানবা শক্তম অমদা উবা ফংলে। চহি ১৫দগী ১৮ ফাওবগী নহাশিংনা কয়া য়াম্না য়াঙনা ভেক্সিন কাপ্নরিবনো হায়বসু ঐখোয়না উবা ফংলি। অসুক য়াম্না তেল্লবা মতমগী মনুংদা, অঙাং করোর ২ হেনবনা তীকা কাপ্নখি। ঐখোয়গী তীনেজরশিংদা লৈরিবা থৱাই য়াওবগী মতৌ উবদা লৈবাক্না তুংদা য়াম্না য়াইফরগনি হায়বগী থাজবা হেনগৎলে। ঐখোয়গী চহি ১৫দগী ১৮ ফাওবগী মনুংদা লৈবা তীনেজরশিংনা মশাগী থৌদাং খঙবগী মমিসু ঐখোয়না কোরোনাগী মনুংদা লৈবাক্কী নহারোলশিংদা উবা ফংখি।

মরুপশিং,

নহারোলশিংগী অসিগুম্বা মপাঙ্গল অসিগীদমক্তা স্পেস ফংহনবা হায়বসিদা সরকারনা হোৎনরি, সরকারনা য়ারিবমখৈ অয়েৎপা পীদনবা হোৎনরি। মখোয়গী মতিক-মপাঙ্গল হেনগৎনবগীদমক্তা, মখোয়বু য়োকখৎপীবগী খুদোংচাবা পীনবা অমসুং প্লেৎফোর্ম লৈহনবা হায়বসি সরকারগী অপাম্বনি। দিজিতেল ইন্দিয়াগী খুত্থাংদগী সরকারগী থৌওংশিং লায়হনবা, কমপ্লাইএন্স কয়া হন্থহনবনা ঐখোয়গী অপাম্বা ফংবা ঙমগনি। মুদ্রা, স্তার্ত-অপ ইন্দিয়াগুম্বা খোঙথাং কয়া অসিনা মখোয়দা তেংবাংলি। স্কিল ইন্দিয়া, অতল ইন্নোভেসন মিশন অমসুং অনৌবা নেস্নেল এজুকেসন পোলিসী অসি নহাশিংগী তৌবা ঙম্বগী মতিক হেনগৎহন্নবা পায়খৎপা খোঙথাংশিংনি।

মরুপশিং,

ঐখোয়না নুপা-নুপী চপ মান্নৈ খল্লি। ঐখোয়না ৱাখল্লোন অসিগা লোয়ননা নুপীমচাশিংগী য়ুম পানবগী চহিবু ২১দা লেপ্নবা ৱারেপ লৌরে। মসিদি নুপীমচাশিংসু মখোয়গী কেরিয়র শেম্বা ঙমহন্নবগীদমক্তা, মখোয়দা মতম য়াম্না ফংহন্নবগীদমক্তা পায়খৎপা য়াম্না কান্নবা খোঙথাং অমনি।

মরুপশিং,

নীংতম্বগী অমৃত মতমসিদা ঐখোয়গী লৈবাক্কী ৱারেপশিংবু মঙফাওনবা ঙম্বসি ঐখোয়না ঙসি হোৎনবগী মতুং ইন্না লেপকনি। মসিগী হোৎনবগী থৌওং অসি থাক খুদিংদা অমসুং সেক্তর খুদিংদা পাংথোকপসি য়াম্না মরু ওইবনি। ঐখোয়না ভোকেল ফোর লোকেলবু হেন্না খুমাং চাউশিলহন্নবা মিশন অমগা লোয়ননা থবক পায়খৎপা য়াদবরা? পোৎ লৈবা মতমদা ঐখোয়গী অপাম্বশিংগী মরক্তা লৈবাক্কী পাঙ্গল, লৈহাওগী মনম চেনবা থীবসি য়াম্না মরু ওইবনি। ঐখোয়না পোৎ লৈবা খুদিংদা শেল ফলাদা ওনবদি কৈদৌনুংদা কাওদে, মতৌ অসুম্না ঐখোয়না পোৎ লৈবা মতমদা লৈরিবা পোত্থোক অদুদা লৈবাক্কী লাইরবা মীওই অমগী হুমাংগী মনম চেনবরা য়েংগদবনি। ভোকেল ফোর লোকেল, ঐখোয়গী শিংনবা কয়াগী ৱারোইশিন অসি মরোমদোম লেপচবা ঙম্বদা লৈ। ঐখোয়গী লৈবাক অসিদা শাবা পোত্থোকশিং লৈবদা লৈ। মসিদগী শেন্মিৎলোনসু য়াম্না থুনা চাউখৎপদা তেংবাংগনি। মসিদগী লৈবাক্কী খ্বাইদগী লাইরবা মীওইসু শন-মান ফংগদৌরিবনি। মরম অদুনা, ভোকেল ফোর লোকেলবু লৈবাক্কী নহারোলশিংনা মখোয়গী মন্ত্রা ওইহনবীয়ু। অদু ওইরবদি, নীংতম্বগী চহি ১০০ অসি কয়া য়াম্না য়াইফগনি হায়বা ঐখোয়গী ৱাখলনা লাম্বা ফংগনি। অপাম্বশিং ফংবগী অমসুং নীংবা থুংবগী মতম ওইগনি।

মরুপশিং,

ঐহাক্না মতম পুম্বদা ৱাফম অমা শোইদনা হায়জনীংই। ঙসিসু অমুক্কা হায়নীংই, অদুগা অদোমগী মরক্তা হায়নীংবা পোকই। মসিগী মরমদি, অদোম্না মসিগী চুক্লি পায়বগীনি। ৱাফম অদুদি লু-নানবগীনি। লু-নানববু পুন্সি মহিংদা ওন্থোকপদা অদোম নহারোলশিংগী অচৌবা থৌদাং য়াওরি। নীংতম্বগী ইহৌদা মখোয়গী কত্থোকপা অমসুং তেংবাংখিবশিংবু খঙবীদবা লান্মী কয়া অমা লৈরি। মখোয়বু মীয়াম্না মশক খঙবগী হক ফংদনা লৈবা কয়া লৈরি। মখোয়গী কত্থোকপা, হোৎনজখিবা অমসুং তেংবাংখিবশিংনা অতৈদগী তাখিবা নত্তে। অদুবু মখোয়বু ঐখোয়না খঙবীদে। ঐখোয়গী নহারোলশিংনা মখোয়গী মরমদা থিজিল্লিঙৈ, ইরিবমখৈ, ঐখোয়গী তুংগী হৌরক্কদবা চারোন-শুরোনশিংনা মখোয়গী মরমদা খঙবা হেনগনি। অদু ওইরবদি, ঐখোয়গী নীংতম ইহৌগী পুৱারীসু হেন্না মশক থোক্কনি, মগুন লৈবা হেনগনি অমসুং ইথিল পীবসু হেনগনি।

মরুপশিং,

পুদুচেরী অসি এক ভারত, শ্রেস্থ ভারতকী মতিক চারবা খুদম অমনি। তোঙান-তোঙানবা লমদম কয়াদগী লাকপা ঈচেলশিংনা পুন্দুনা মফমসিগী তোপ-তোপ্পা শক্তাক অমা পীরি। মফমসিদা শাগদৌরিবা ৱারী ৱাতাইশিংনা এক ভারত, শেস্থ ভারতকী ইথিলবু কনখৎহনগনি। অদোমগী ৱাখল্লোন্দা অনৌবা ইথিল থোক্লকপা অমসুং মফমসিদগী অদোম্না করিগুম্বা অনৌবা অমা তমখিবনা চহি কয়া কয়াদা লৈবাক্কী সেবা তৌগনি। ঐহাক্না নেস্নেল য়ুথ ফেস্তিবেলদা অচেৎপা থাজবা লৈ অমসুং মসিনা ঐখোয়গী মঙলানশিং মঙফাওনহনবগী লম্বী তাক্কনি।

মরুপশিং,

মসিদি হরাও কুমহৈগী মতম্নি। মশিং থীঙমদ্রবা কুমহৈ কয়া, ভারতকী কাচিন কোয়াদা কুমহৈ কয়া অমা লৈ। মকর সঙ্ক্রান্তী অমুক, লোহরী অমুক, পোঙ্গল অমুক, উত্তরায়ন অমুক লৈরি অমসুং অসিগুম্বা কুমহৈ কয়াগীদমক্তা খ্বাই পুম্নমকপু য়াইফ পাউজেল পীজরি। কোরোনাদগী নীংথিনা চেকশিন্দুনা কুমহৈশিং পাংথোকপীয়ু। অদোম্না হরাও নুংঙাইনা লৈবীয়ু। য়াইফ পাউজেলগা লোয়ননা পুম্নমকপু অমুক্কা হন্না থাগৎচরি।

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Industry Upbeat On Modi 3.0: CII, FICCI, Assocham Expects Reforms To Continue

Media Coverage

Industry Upbeat On Modi 3.0: CII, FICCI, Assocham Expects Reforms To Continue
NM on the go

Nm on the go

Always be the first to hear from the PM. Get the App Now!
...
PM reviews fire tragedy in Kuwait
June 12, 2024
PM extends condolences to the families of deceased and wishes for speedy recovery of the injured
PM directs government to extend all possible assistance
MoS External Affairs to travel to Kuwait to oversee the relief measures and facilitate expeditious repatriation of the mortal remains
PM announces ex-gratia relief of Rs 2 lakh to the families of deceased Indian nationals from Prime Minister Relief Fund

Prime Minister Shri Narendra Modi chaired a review meeting on the fire tragedy in Kuwait in which a number of Indian nationals died and many were injured, at his residence at 7 Lok Kalyan Marg, New Delhi earlier today.

Prime Minister expressed his deep sorrow at the unfortunate incident and extended condolences to the families of the deceased. He wished speedy recovery of those injured.

Prime Minister directed that Government of India should extend all possible assistance. MOS External Affairs should immediately travel to Kuwait to oversee the relief measures and facilitate expeditious repatriation of the mortal remains.

Prime Minister announced ex- gratia relief of Rupees 2 lakh to the families of the deceased India nationals from Prime Minister Relief Fund.

The Minister of External Affairs Dr S Jaishankar, the Minister of State for External Affairs Shri Kirtivardhan Singh, Principal Secretary to PM Shri Pramod Kumar Mishra, National Security Advisor Shri Ajit Doval, Foreign Secretary Shri Vinay Kwatra and other senior officials were also present in the meeting.