কেন্দ্রগী আইন মন্ত্রী কিরন রিজিজুজী, রাজ্য মন্ত্রী এস.পি. সিংহ বঘেলজী, মীফম অসিদা শরুক য়ারিবা রাজ্য পুম্নমক্কী আইন মন্ত্রীশিং অমসুং সেক্রেতরীশিং, মরু ওইরবা কনফরেন্স অসিদা য়াওবা লাকপীরিবা অতোপ্পা দিগনিতরীশিং, নুপী অমদি নুপাশিং,
লৈবাক অমদি রাজ্য পুম্নমক্কী আইন মন্ত্রীশিং অমসুং সেক্রেতরীশিংগী মরু ওইবা মীফম অসি স্তেচু ওফ য়ুনিতীগী ফজরবা মফম অসিদা পাঙথোক্লি। ঙসি লৈবাক অসিনা আজাদী কা অমৃত মহোৎসব পাঙথোক্লিবা মতম অসিদা মীয়ামগী য়াইফনবা খনবা সরদার পতেলগী ইথিলনা ঐখোয়বু অচুম্বা মাইকৈদা চৎহনগনি অমসুং পান্থুং য়ৌনা পুরগনি।
মরুপশিং,
খুন্নাই খুদিংমক্তা মতমগী মতুং ইন্না জুদিসিএল সিস্তেম অমসুং তোঙান তোঙানবা থৌওংশিং অমসুং চৎনবীশিং অসি শেমখি। অফবা খুন্নাই অমগীদমক, মশাদা থাজবা লৈজবা খুন্নাই অমগীদমক, লৈবাক্কী চাউখৎ থৌরাংগীদমক থাজবা য়াবা অমসুং খোঙজেল য়াংবা জস্তিস সিস্তেম য়াম্না তঙাই ফদে। ৱায়েল ফংলবা মতমদা ইরৈবাকচাশিংনা কন্সতিত্যুস্নেল ইন্সতিত্যুসনশিংদা থাজবা থম্বা হেনগৎলকই। অমসুং ৱায়েল ফংলবা মতমদা লৈবাক অসিগী মীচম প্রজাগী থাজবসু চপ মান্ননা হেনগৎলকই। মরম অসিনা লৈবাক্কী লো অমসুং ওর্দর ফগৎহন্নবগীদমক অসিগুম্বা থৌরমশিং অসি য়াম্না মরু ওই।
মরুপশিং,
ভারতকী খুন্নাইগী চাউখৎ খোঙচৎ অসি চহি লিশিং কয়া শুরে। শীংনবা কয়া লৈজরবসু ভারতকী খুন্নাইনা লেপ্পা লৈতনা খুমাং চাউশিল্লি, খোঙজেল অসি লেংদনা লৈহনখি। ঐখোয়গী খুন্নাইদা মোরেলিতী অমসুং কলচরেল ত্রেদিসনশিং অসি য়াম্না লুম্না লৌই। ঐখোয়গী খুন্নাইগী খ্বাইদগী চাউবা মগুন অসি চাউখৎপগী লম্বীদা চংশিনবগা লোয়ননা মশাবুসু শেমদোকচদুনা ফগৎহনবা অসিনি। ঐখোয়গী খুন্নাইনা চৎনদ্রবা আইনশিং, চৎনবীশিংবু লৌথোক্লি, হুন্দোকখি। নত্ত্রবদি চৎনবী অমা হেক্তা অসি তৌদবা য়াদ্রবা থৌওং ওইরকপা মতমদা মদুনা খুন্নাইগী পোৎলুম অমা ওইরকই অমসুং পোৎলুম অসিগী চৈথেং খুন্নাইনা পুই। মরম অসিনা সিস্তেম খুদিংমক্তা লেপ্পা লৈতনা ফগৎহনবা হায়বা অসি য়াম্নমক তঙাই ফদবা অমনি। নখোয়না তারম্লগনি, ঐহাক্না তোইনা হায়জৈ মদুদি লৈয়াক অসিগী মীয়াম্না সরকার লৈতে হায়না ফাওরোইদবনি অমসুং লৈবাক অসিগী মীয়াম্না সরকার লৈবগী পোৎলুম অদুসু পুরোইদবনি। কান্নদ্রবা আইনশিংনসু সরকারনা মীয়ামদা পোৎলুম পুহনবদা অচৌবা থৌদাংসু লৌখি। হৌখিবা চহি ৮ অসিদা ঐখোয়না ভারতকী প্রজাশিংদী সরকারনা পীবা পোৎলুম লৌথোক্নবগীদমক অখন্নবা মীৎয়েং চংদুনা লাকখি। লৈয়াক অসিনা অরিবা অমসুং চৎনদ্রবা আইন লিশিং অমা মখাই হেন্না লৌথোকখি। আইনশিং অসি অয়াম্বনা মীখা পোল্লিঙৈ মতমদগী লৈরকপনি। কমপ্লায়েন্স লিশিং ৩২ হেন্না ইনোভেসন অমসুং ইজ ওফ লিবিংগী লম্বেলদা আইনগী ওইবা অপনবশিং পীদনবা লৌথোকখি। অহোংবশিং অসি মীয়ামগী খুদোংচানবা পুরকখিবনি অমসুং মতম অসিগী মতুং ইন্না য়াম্নসু তঙাই ফদবা ওইরি। ঐখোয়না খঙই মদুদি মীখা পোল্লিঙৈ মতমগী আইনশিং অসি রাজ্য খরদদি হৌজিকসু চৎনরি। অমৃত কাল অসিদা মীখা পোল্লিঙৈ মতমদগী চৎনরকপা আইনশিং লৌথোকপা তঙাই ফদে অমসুং মতম অসিগী মতুং ইন্না অনৌবা আইনশিং শেমগদবনি। ঐহাক্না ময়াম্না হায়জরি মদুদি কনফরেন্স অসিদা অসিগুম্বা আইনশিং লৌথোক্নবা খন্নবা ফৈ। মসিগী মথক্তা রাজ্যশিংদা হৌজিক চৎনরিবা আইনশিং অসি য়েংশিনবা অসিসু য়াম্না কান্নবা ফংগনি। য়েংশিনবদা ইজ ওফ লিবিং অমসুং ইজ ওফ জস্তিস অসি য়েংলগা মীৎয়েং চংগদবনি।
মরুপশিং,
ৱায়েল পীবদা থিন্থবা হায়বা অসি ভারতকী প্রজাশিংনা মায়োক্নরিবা খ্বাইদগী চাউবা শীংনবশিংগী মনুংদা অমা ওইরিবা হীরম অমনি। ঐখোয়গী জুদিসিয়রীনা মাইকৈ অসিদা য়াম্না হকচিন্না লৌবগা লোয়ননা থবক পাইখৎলি। হৌজিক অমৃত কাল অসিদা ঐখোয়না অমত্তা ওইনা সমস্যা অসি কোকহন্নবা হোৎনবা তাই। খোঙথাং কয়া লৌখৎপদা অলতর্নেতিব দিস্পুৎ রিজোল্যুসন হয়বা অতোপ্পা পাম্বৈ অসি রাজ্য সরকারগী থাক্তা পুখৎপা য়াগনি। অসিগুম্বা মেকানিজম অসি মতম কয়াদগী ভারতকী খুঙ্গংশিংদা চৎনদুনা লাকখি। মসিগী মশাগী মওং লৈজৈ, মশাগী কাংলোন লৈজৈ অদুবু মসি ৱাখল্লোননি। ঐখোয়না মসিবু লিগেল সিস্তেমগী শরুক অমা করম্না ওইহনগনি, মসিদা করম্না থবক পাইখৎকনি হায়বগী মতাংদা রাজ্যশিংগী লোকেল লেবেলদা সিস্তেম অসি খঙনবা হোৎনবা তাই। ঐহাক্না নীংশিংলি, ঐহাক্না গুজরাতকী মুখ্য মন্ত্রী ওইরিঙৈ মতমদা ঐখোয়না ইভিনিং কোর্তস হৌদোকখি অমসুং অহানবা ইভিনিং কোর্ত অসি লৈবাক অসিগী ওইনা মদুদগী হৌখি। ইভিনিং কোর্তশিংদা কা হেন্না লুদবা কেসশিং খন্নৈ। মীয়াম্না অয়ুক-নুংথিলগী মতমদা মখোয়গী থবক লোইশিল্লবা মতুংদা কোর্তশিং অসিদা লাক্তুনা জুদিসিএল প্রোসেস লোইশিল্লি। মসিনা মখোয়গী মতম মাংহনদে অমসুং কেসকী হিয়রিংসু থুজিলহল্লি। ইভিনিং কোর্তশিংনা মরম ওইদুনা হৌখিবা চহিদা গুজরাত্তা কেস লাখ ৯ হেন্না লোইশিনবা ঙমখি। ৱায়েল থুনা পীনবগীদমক লৈবাক অসিদা অতোপ্পা পাম্বৈ ওইনা লোক অদালাতশিং লিংখৎখি। রাজ্য কয়াদা মসিগী মতাংদা য়াম্না ফবা থবক তৌখি। লোক অদালতশিংগী খুত্থাংদা চহি কয়া অসিদা লৈবাক অসিদা কেস লাখ কয়া লোইশিনবা ঙমহনখি। মসিনা কোর্তশিংদা পীবা পোৎলুম হন্থহনখি অমসুং মসিনা লায়রবশিং মরু ওইনা খুঙ্গংশিংদা লৈ মীওইশিংনা লায়না ৱায়েল ফংবা ঙমহনখি।
মরুপশিং,
নখোয় অয়াম্বনা পার্লিয়ামেন্তরী এফিয়র্স মন্ত্রালয়গী থৌদাংসু পাইরি। মরম অসিনা নখোয়নসু আইন অসি কুপ্না খঙনবগী হোৎনরমগনি। পান্দম অদুনা ফনা ফরবসু করিগুম্বা আইন অদুদা চম্মনবা লৈরবদি মদু ময়েক শেংবা ঙমলোই অদু ওইবদি তুংলমচৎতা মদুগী অৱাবা মীচম প্রজাশিংনা ফংগনি। আইন হায়বা অসি য়াম্না লুই, মরম অসিনা মীচম প্রজাশিংনা শেল কয়া তিংদুনা ৱায়েল ফংনবা হোৎনরিবনি। মরম অসিনা মীচম প্রজানা আইন অদু খঙলকপা মতমদা মসিগী কান্নবা অসি তোঙানগনি। লৈবাক খরদা পার্লিয়ামেন্ত নত্ত্রগা বিধান সভাদা আইন অমা শেম্বা মতমদা মসি মওং অনি থোক্না শেম্মি। অমনা আইনগী ৱাহন্থোক পীবদা তেক্নিকেল ওইবা ৱাহৈশিং শীজিন্নদুনা শন্দোক্না তাকই অমসুং অতোপ্পনা লৈবাক অদুগী প্রজানা খঙবা ঙমগদবা মওংদা মীয়াম্না শীজিন্নবা লোনদা মদুগী ৱাহন্থোক মাংহনবা তৌদনা ইথোকই। মরম অসিনা আইন শেম্বা মতমদা ঐখোয়না অনৌবা আইন অদু লায়রবশিংগী খ্বাইদগী লায়রবনা খঙবা ঙমগদবা মওংদা শেম্বদা মীৎয়েং থমগদবনি। লৈবাক খরদা আইন শেম্বা মতমদা আইন অদু মতম কয়া য়াম্না শাংনা চৎনগনি হায়বগী ৱারেপ লৌনবগী প্রোবিজনসু থম্মি। হায়বদি আইন অমা শেম্বা মতমদা মদুগী চহি, মুথৎপগী মতম লেপথোকই। আইন অসি চহি ৫ চৎকগনি, চহি ১০ চৎনগনি লেপথোকই। মতম য়ৌরকপা মতমদা আইন অদু অনৌবা ফীভম অদুগী মতুং ইন্না রিভ্যু তৌই। ভারত্তসু ঐখোয়না চপ মান্নবা ৱাখল্লোন অসি চৎনহনবা তাই। ইজ ওফ জস্তিসতা লমদম অমগী লোলনা অচৌবা থৌদাং লৌই। ঐহাক্না মসিগী ৱাফম অসি ঐখোয়গী জুদিসিয়রীদা তোইনা পুখৎচৈ। লৈবাক অসিনা মাইকৈ অসিদা অচৌবা খোঙথাং কয়াসু লৌখৎলি। আইনগী লৈরিবা লোল অদুনা প্রজা অমা হেক্তদা অপনবা পীরোইদবনি, রাজ্য খুদিংমক্না মদুগী মাইকৈদা থবক তৌবা তাই। মসিগীদমক ঐখোয়না লোজিস্তিক্স অমসুং ইনফ্রাস্ত্রকচরগী মতেং লৌবা তঙাই ফদে অমসুং ইমা লোলদা নহারোলশিংগীদমক একাদেমিক ইকোসিস্তেম অমা শেম্নবা হোৎনবা তাই। ঐখোয়না ইমা লোলদা লো কোর্সশিং হাংনবা হোৎনবা তাই, ঐখোয়গী আইনশিং অচম্বা লোলদা ইথোকপা তাই, লমদম অসিগী লোলদা হায় কোর্তশিং অমসুং সুপ্রিম কোর্তশিংগী মরু ওইবা কেসশিংগী দিজিতেল লাইব্রেরী থম্বা তাই। মসিনা মীচম প্রজাদা আইনগী মরমদা লৌশিং হেনগৎহনগনি অমসুং আইনগী ওইবা ৱাহৈশিংদা অকিবা পোকপা হন্থহনগনি।
মরুপশিং,
খুন্নাইগা লোয়ননা জুদিসিয়রী সিস্তেমনা পাকথোক চাউথোরক্লবা মতমদা মোদর্নিতী শীজিন্ননীংবগী অপাম্বা মহৌশানা লাক্কনি মসিনা খুন্নাইদা লাকপা অহোংবশিং অদু জস্তিস সিস্তেমদা মমি তারক্কনি। ঙসি জুদিসিএল সিস্তেমদা তেক্নোলোজী অসিনা করম্না মরু ওইবা থৌদাং লৌবগে হায়বা ঐখোয়না কোরোনাগী মতমদা উবা ফংখি। লৈবাক অসিদা ই-কোর্ত মিসন খোঙজেল য়াংনা খুমাং চাউশিনখি। ‘ভর্চুএল হিয়রিং’গুম্বা সিস্তেমশিং অসিনা ঐখোয়গী লিগেল সিস্তেমগী শরুক ওইরক্লি। মসিগী মথক্তা কেসশিংগী ই-ফাইলিং তৌবা অসিসু থৌগৎলি। হৌজিক লৈবাক অসিদা ফাইব-জি লাকপগা লোয়ননা সিস্তেমশিং অসি হেন্না খোঙজেল য়াংশিল্লি অমসুং অচৌবা অহোংবশিং লাক্লগনি। মরম অসিনা রাজ্য খুদিংমক্না মসি খঙনা মখোয়গী সিস্তেমশিং অপদেৎ অমসুং অপগ্রেদ তৌবা তাই। তেক্নোলোজীগী মতুং ইন্না মসি শেম শাবা হায়বা অসি ঐখোয়গী লিগেল এজুকেসনগী মরু ওইবা পান্দমসু ওইগদবনি।
মরুপশিং,
মতিং লৈবা অমসুং নুংশি চান্নবা খুন্নাই অমগীদমক্তা মীয়ামগী অপাম্বা খঙবা জস্তিস সীস্তেম অমগী মথৌ তাই। মরম অসিনা ঐহাক্না হায় কোর্তশিংগী অপুনবা মীফমদা অন্দরত্রাইলশিংগী সমস্যা পুখৎখি। ঐহাক্না পুম্নমক্তা রাজ্য সরকারনা কেসশিং খোঙজেল য়াংনা ত্রাইল চত্থনবা তৌবা য়াবা তৌনবা হায়জরি। জুদিসিএল সীস্তেম্বু খুমাং চাউশিলহন্নবগীদমক্তা অন্দর্ত্রাইএল প্রিজনরশিংগী মতাংদা রাজ্য সরকারশিংনা হ্যুমেন আইদিএলগা লোয়ননা হ্যুমেন এপ্রোচ চত্থবগী মথৌ তাই।
মরুপশিং,
কন্সতিত্যুসন্না ঐখোয়গী লৈবাক্কী জুদিসিএল সিস্তেমগী খ্বাইদগী মকোক থোংনা লৈ। কন্সতিত্যুসন্না জুদিসিয়রী, লেজিস্লেচর অমসুং একজেক্যুতিবকী হৌরকফম্নি। সরকার, পার্লিয়ামেন্ত, ঐখোয়গী কোর্তশিং ওইরো, মখোয় অহুম অসি মমা অমতগী মচানি হায়না ঐখোয়না খনবা য়াই। মথৌ তোঙাল্লবসু, ঐখোয়না করিগুম্বা সংবিধানগী ইথিলদা য়েংলবদি, মখোয়গী মরক্তা চাংয়েংনবা নত্ত্রগা য়েৎনবগী ফিভম লৈফম থোক্তে। মমা অমতগী মচাশিংগী তৌফম থোকপা ওইনা, মখোয় অহুম্মক্না ইমা ভারতীগী সেবা তৌগদবনি। মখোয় অহুম্না পুন্দুনা ভারতপু ২১শুবা চহি-চাসিদা চাউখৎপগী অনৌবা থাক্তা পুগদবনি। কনফরেন্স অসিদগী ফংলকপা কান্নবা অদুনা লৈবাক অসিগীদমক লিগেল রিফোর্মশিং পুরক্নবা অমৃত শোইদনা পুথোক্লগনি হায়না ঐহাক্না থাজৈ। ঐহাক্না পুম্নমক্তা মতম কাইথোকপীদুনা স্তেচু ওফ য়ুনিতী অমসুং অপুনবা কেম্পসতা পাইখৎলিবা চাউথোকপগী অমসুং চাউখৎ-থৌরাংগী থবকশিং য়েংবীনবা হায়জরি। লৈবাক অসিনা হৌজিক খোঙজেল য়াংনা মাংদা চংশিন্নবা শেম-শাদুনা লৈরে। নখোয়না লৌরিবা থৌদাং অদু মপুং ফানা পাঙথোকপীয়ু। মসি মীয়ামদা ঐহাক্না পীজবা য়াইফ-মঙ্গোলনি। হন্না-হন্না থাগৎচরি।
