Share
 
Comments

ঙসি লৈবাক অসিদা ইনোৎ হাপ্লিবা অখং-অহৈ তরেৎকী মফমদসু অথোইবা মওংদা তৌবিমল খংদবা উৎচরি মরমদি অদোম্না মতম কাইথোকপিদুনা অদোম্না থেংনবিরকপা ময়াম অদু হায়বিদুনা অদোম্না ফিৎনেসকী তোঙান-তোঙানবা দাইমেন্সনশিংদা অদোম ইশামক্না ফোংদোকপিরিবশিং অসিনা চপ-চানা লৈবাক অসিগী  মীরোল খুদিংমক্না অদুক্কী মতিক কান্নহল্লগনি হায়না ঐহাক্না খঞ্জৈ। ঙসিগী খন্ন-নৈনবা অসিদা চহি কাংলুপ খুদিংগী ওইনা অমদি মখ্ল-মখা কয়া পামজবা থম্লিবশিংগীদমক্তসু য়াম্না কান্নগনি। ফিৎ ইন্দিয়া মুভমেন্তগী অহানবা মপোক কুমওন্দা ঐহাক্না ইরৈচা খুদিংমক্তা হকচাং ফনা লৈনবা য়াইফ-পাউজেল পীজরি।

চহি অমগী মনুংদা মসিগী ফিৎনেস মুভমেন্ত অসি মীয়ামগী খোংজং অমা ওইখ্রে অমসুং ফননবগী খোংজং ওইরে। লৈবাক অসিদা হকশেল অমসুং  ফিৎনেসকী মতাংদা লেপ্তনা মিৎ-না শিংহন্নবসু হেনগৎহল্লি। য়াগা, আসন, আয়াম, ৱাল্কিং চৎপা, চেনবা, ইরোইবা, হকচাং ফহনগদবা চিঞ্জাক চাবগী হৈনবীশিং, হকচাং ফনবা পুন্সি মহিং হিংবা হায়রিবা খুদিংমক অসি ঐখোয়গী মহৌশাগী ওইনা ৱাখলদা পোকপা অমগী শরুক ওইরক্লি।

মরূপশিং,

থা তরুক্তগী লৈরক্লিবা অথিংবশিং অসিগী মরক্তা হিংবা তাখিবা মতমসিদা  ফিৎ ইন্দিয়া মুভমেন্তনা চহি অমদগী মপুং ফানা থবক পাংথোকখি। অদুবু ফিৎ ইন্দিয়া মুভমেন্তনা মহাক্কী মমি অমসুং মতমসিগী চান্নবা মওংদা কোরোনাগী মতমসিদা মপুং ফানা পোংথোক্তুনা উহল্লে।  তশেংনা ফিৎ ওইনা লৈবা হায়বসি মীয়াম্না খন্নরিবা অদুমাইনা অদুক য়াম্না লুবদি নত্তে। চৎন-কাংলোন খরা অমসুং হোৎনবা খরনা মতম পুম্নমক্তা অদোম্বু হকচাং ফনা লৈহনগদৌরিবনি। 'ফিৎনেসকী দোজ অসি নোংমদা পুংখাই অমা' হায়বা লাইশোন অসিনামীপুম খুদিংমক্কী হকচাং ফবা অমদি নুংঙাইবা অসি লোত্তুনা লৈরি। য়োগা ওইরো, বেদ্মিন্তন ওইরো, ফুৎবোল, করাতী ওইরো নত্রগা কবদ্দী ওইরো অদোম্না অপাম্বা অমা নুতিগী য়ামদ্রবদা মিনিত ৩০ তৌবিয়ু। হৌজিক ঐখোয়না য়ুথ এফেয়র্স মন্ত্রালয় অমসুং হকশেল মন্ত্রালয়না পুন্না ফিৎনেসকী প্রোতোতোকল অসিসু মখা চত্থহনখ্রে। 

মরূপশিং,

ঙসি মালেমপুম্বদা ফিৎনেসকী মতাংদা মিৎ-না শিংনরক্লে। ৱর্ল্দ হেল্থ ওর্গনাইজেসন-দব্লয়ু.ঐচ.ও.না মালেমগী ওইবা অফবা চিঞ্জাক, ফিজিকেল এক্তিভিতী অমসুং হকচাং ফনা লৈনবগী মতাংদা লাল্লোং য়াৎখ্রে।  ফিজিকেল এক্তিভিতীদা মালেমগী ওইবা রিকমেন্দেসনসু তৌহনখ্রে। ঙসি মালেম অসিগী লৈবাক কয়ানা ফিৎনেসকী মতাংদা অনৌবা পান্দম শেমখ্রে  অমসুং মদুদা ফ্রন্ত কয়াদা থবক পাংথোক্লি, মখল কয়াগী থবক পাংথোক্লি। অস্ত্রেলিয়া, জর্মনী, ব্রিতেন, অমেরিকাগুম্বা লৈবাক কয়াদা মতম অসিদা অচৌবা থাক্তা মফমদুগী য়াম্লবদগী য়াম্লবা নাগরিকশিংনা নুতিগী হকচাং ফনবা শাজেল তৌনবা, হকচাং ফনবগী শাজেলগী রুতিনগা শমজিন্নহন্নবা ফিৎনেসকী কেম্পেনশিং চত্থরি।  

মরূপশিং, ঐখোয়গী মেদিকেল সাইন্সশিং হায়রি-

সর্ৱ প্রাণি ভৃতাম নিত্যম্

আয়ুঃ য়ুক্তিম্ অপেক্ষতে।

দৈবে পুরুষা কারে চ

স্থিতম্ হি অস্য বলা বলম্।

হায়বদি তাইবংপালসিদা ঙোৎবা কনবা, মায় পাকপা, লাইবক্না তম্বা পুম্নমক অসি নাদবা, হকচাং ফবগী মখা পোল্লি হায়বনি। হকচাং ফনা লৈরবা মতমদা লাইবক ফবা ওইগনি, মায় পাক্কনি। চাং নাইনা হকচাং শাজেল তৌরসি, ইশানা ফিৎ ওইবা অসি হেন্না হেনগৎহনসি। ঐখোয় খুদিংমক ইশানা ওইহনবা ঙম্বা ঙাক্তনি হায়বগী ৱাখল্লোন অমা থোরক্লি। ইশানা থাজজবা অমা লৈরক্লি। মীওই অমনা অসিগী থাজবা অসি পুন্সিগী তোঙান-তোঙানবা লমশিংদা মায় পাকপা ঙমহনগনি।  ৱাফম অসি ইমুং-মনুং, খুন্নাই অমসুং লৈবাক অসিদসু চৎনরি, পুন্না শান্নমিন্নবা ইমুং অদু পুন্না  ফিৎ ওইনসু লৈ।

এ ফেমিলী দেৎ প্লেজ তুগেদর স্তেজ তুগেদর।

লায়চৎ অসিগী মতমদা ইমুং কয়ানা চাংয়েং অসি তৌদুনা য়েংলি। পুন্না শান্নমিন্নরি, পুন্না য়োগা তৌমিন্নরি-প্রনায়ম তৌমিন্নরি, হচাং শাজেল তৌমিন্নরি, পুন্না হুমাং তাহল্লি।

ফিজিকেল ফিৎনেসকী ওইনা কান্নবা অমা ওইরি অদুগা অতোপ্পা বাইপ্রদক্ত অমগী মওংদা পুক্নিং-ৱাখলগী লিপুন্না পুনশিনবা, হেন্না ফনা খন্নবা, অমগা-অমগা তেংবাংনবগুম্বা ৱাফম কয়া অসি ইমুং-মনুংগী পাঙ্গল-থৌনা ওই হায়বসিসু খংন-উনরক্লি।  অরাইবা মওংদা খংন-উনরক্লি। অয়াম্বনা অফবা হৈনবী অসি ইমা-ইপানা ঐখোয়দা তাকপি-তম্বিবা ওই হায়না উনরক্লি। অদুবু ফিৎনেসকী মতাংদা হৌজিক খেৎনবা খরা লৈরে। হৌজিক নহা ওইরিবশিংনা থবক পায়খৎলি অমসুং মপা-মমাদসু হকচাং সাজেল তৌনবা, শান্ননবা পুক্নিং থৌগৎলি।  

মরূপশিং, ঐখোয়গীসিদা হায়নবা অমা লৈ-  মন চঙ্গা তো কঠৌতী মে গঙ্গা।

মসিগী পাউজেল অসি স্পিরিচুএল ওইনা অমদি ময়ামগী ওইনা মরুওইরি অদুগা মসিগী মনুংদা লুরবা ৱাহন্থোক অমা লৈরিবা অসি ঐখোয়গী নুতিগী পুন্সিগী ওইনা য়াম্না কান্নবা ওইরি। মসিগী ৱাহন্থোক অমদুদি ঐখোয়গী ৱাখলগী পাঙ্গল অসিসু য়াম্না মরু ওই হায়বনি। হায়বদি ৱাখল ফবা হায়বসিনা হকচাং ফবা মী অমদা লৈ হায়বনি। ঐখোয়গী ৱাখল অসি ফরবদি হকচাং অসিসু ফনা লৈগনি হায়বনি। অদুগা হৌজিক ৱা খন্নখিবা অদুদা ৱাখল অসি ফনা লৈহন্নবগীদমক্তা ওইবা ৱাফম অসিদি ৱাখল চাউথোকহনসি। অখুবা মিৎয়েংদগী " ঐ" হায়বসিদগী মমাং চংশিন্দুনা মীওই অদুনা ইমুং-মনুংগী, খুন্নাইগী অমদি  লৈবাক অসি মশাগীনি হায়না লৌরগা মখোয়গীদমক্তা থবক তৌরবদি মদুদা মশাগীনি হায়বগী থাজবা অমা লাকই, ৱাখল অদু কনখৎহন্নবগীদমক্তা মসি শিদ-হিদাক অমা ওইনা মথৌ তৌই। শিদ-হিদাক ওইরি। মরম অসিনা স্বামী বিবেকানন্দনা হায়বিরম্মি- -"পাঙ্গল কনবনা পুন্সিনি, পাঙ্গল শোনবনা অশিবনি। পুকচেল চাউথোকপনা পুন্সিনি, পুকচেল পীকশিল্লকপনা অশিবনি।"

ঙসি-ঙরাং অসি মীয়ামগা, খুন্নাইগা  লৈবাক্কা মরি লৈনহন্নবা অমদি অদুম্মক মরি লৈনহন্নবগীদমক্তা থৌওং কয়া, পাম্বৈ কয়া অমত্তা ৱাৎত্রে. খুদোংচাবনা পীক থন্না লৈরে। অমসুং ইনোৎ হাপ্পিনবগীদমক্তা ঐখোয়গী ইনাক নকপদা খুদম কয়া অমা ফংগনি। ঙসি ঐখোয়না তাবা ফংজরিবা অকং-অহৈ তরেৎ অসিদগী হেনবা   ইনোৎ অমা কদায়দা লৈরমখিগনি, ঐখোয়না ঐখোয়গী অপাম্বা অসি ঐখোয়গী খোইদাজবগী মতুং ইন্না পোৎশিং খনগদবনি অদুগা মসি চৎন-কাংলোন নাইনা থবক তৌগদবনি। ঐহাক্না ইরৈচাশিংদা, মীরোল খুদিংমক্তা হায়জগদবা অসি অদোম্না মতৌ করম্না মীগী মতেং অসি মতৌ করম্না পাংগদগে হায়বসি লেপ্পিয়ু করি পীগদগে-অদোমগী মতম, অদোমগী ৱাখল-লৌশিং, অদোমগীহৈথোই-শিংথোইবশিং, ফিজিকেল ওইবা তেংবাং ওইরবসু শোইদনা খরা মতেং পাংবিয়ু।

মরূপশিং, ইরৈচাশিংনা ফিৎ ইন্দিয়া মুভমেন্ত অসিগা হেন্না-হেন্না শম্নগনি অমদি ঐখোয় পুন্না মীশিংবু শমজিন্নহনগনি হায়বা ঐহাক্না থাজৈ। 'ফিৎ ইন্দিয়া মুভমেন্ত' অসি অশেংবদি 'হিৎ ইন্দিয়া মুভমেন্ত'সুনি।  মরম অসিনা ইন্দিয়া অসি ফিৎ ওইনা লৈরিবমখৈ ইন্দিয়া অসি হিৎ ওইগনি। মসিদা অদোম খুদিংমক্কী হৌৎনবা অসি মতম পুম্নমক্তা লৈবাক অসিগী মতেং য়াম্না পাংগনি।

ঐহাক্না অদোম পুম্নমক্তা য়াইফ-পাউজেল পীজরি অদুগা অদোম খুদিংমকপু থম্মোইনুংদগী তৌবিমল খংবা উৎচদুনা ঙসিগী ঙসি ফিৎ ইন্দিয়া মুভমেন্ত অসিদা অনৌবা থৌনা অমা পীনবা, অনৌবা ৱাশক্কা লোয়ননা মমাং থানা চংশিনসি, ফিৎ ইন্দিয়া অসি মীওই পুম্বগী ওইা মখা তানা অদুম চত্থবা ওইহনসি। ৱাখল্লোন অসিগা লোয়ননা অদোম পুম্নমকপু হন্না-হন্না থাগৎচরি!

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Whom did PM Modi call on his birthday? Know why the person on the call said,

Media Coverage

Whom did PM Modi call on his birthday? Know why the person on the call said, "You still haven't changed"
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 সেপ্তেম্বর, 2021
September 19, 2021
Share
 
Comments

Citizens along with PM Narendra Modi expressed their gratitude towards selfless contribution made by medical fraternity in fighting COVID 19

India’s recovery looks brighter during these unprecedented times under PM Modi's leadership –