ইচল-ইচে অমসুং মরূপ-মপাংশিং,
সেলভি জয়াললিতাজীগী মপোক কুমওন থৌরম অসিদা ঐহাক্না মফমদা ইকায় খুম্নজরি অমসুং ময়ামগী মফমদা য়াইফ পাওজেল পীজরি । নখোয়গী মায়থোংদা মমোন মীনোক তমহন্নবা মহাক্না লৈখিবা মফম খুদিংমক্তা, মহাক নুঙাইনা লৈরমগনি হায়বা ঐহাক্না থাজবা থমজরি। মহাক্কী দ্রিম প্রোজেক্তশিংগী মরক্তা অমা ওইরিবা অম্মা তু হ্বিলর স্কিম ঙসি হৌদোকপা ফংজবা অসিদা ঐহাক নুঙাইবা ফাওই । অম্মাগী ৭০ শুবা মপোক থৌরমদা তামিল নাদু পুম্বদা পাম্বী লাখ হুম্ফুতরা থাগনি হায়না ইফমদা তাকপিররে । মসিগী অনৌবা খোংথাং অনি অসিনা মতম কুইনা নুপীগী এম্পৱারমেন্ত হেঙ্গৎহল্লগনি অমসুং মহৌশাগী ফিভম ঙাক্তুনা থম্লগনি।
মরূপশিং,
ইমুং অমদা ঐখোয়না নুপীদা শক্তি শিন্নবা মতমদা, ঐখোয়না ইমুং পুম্বদা শক্তি শিন্নরবনি । ঐখোয়না নুপী অমগী এজুকেসন্দা মতেং পাংবা মতমদা, ইমুং পুম্বা মহৈ মশিং হৈরে হায়না ঐখোয়না লৌগদবনি । ঐখোয়না মখোয়বু হকচাং ফনা লৈহল্লগদি ইমুং পুম্বা হকচাং ফনা লৈগনি । মাইকৈ অসিদা ঐখোয়না থবক তৌরি।
মরূপশিং,
মীচম প্রজাগীদমক “ইজ ওফ লিভিং” হেঙ্গৎহন্নবা কেন্দ্র সরকারনা মীৎয়েং থম্লি । ঐখোয়গী স্কিম অমসুং প্রোগ্রাম পুম্নমক পান্দম অসিদা য়ুমফম ওইরি । ফাইনান্সিয়েল ইনক্লুজন ওইগেরা, লৌমীশিংগী অমসুং কর্বার মচা তৌবশিংগীদমক লোন লাইনা ফংহনবা ওইগেরা, হেল্থকেয়ার অমসুং সেনিতেসন ওইগেরা, কেন্দ্রদা লৈরিবা এনদিএ সরকারনা পাংথোক্লিবা বেসিক মন্ত্র অমদু মসিনি । প্রধানমন্ত্রী মুদ্রা য়োজনাগী মখাদা লোন কোতী ১১ হেন্না সেঙ্কসন তৌখ্রে । বেঙ্ক গরেন্তী অমত্তা য়াওদনা প্রজাদা লুপা কোতী লাখ ৪ লিশিং ৬০গী শেনফম পীখ্রে । য়াম্না মরু ওইরিবদি কান্নবা ফংলবশিং অদু চাদা ফুম্ফুতরাদি নুপীশিংনি ।
স্তেন্দ অপ ইন্দিয়াগী মখাদা, নুপী ইন্তরপ্রিনরশিংদা লুপা লাখ ১০দগী কোতী অমা ফাওবগী লোন পীরগনি । ফেক্তরিজ এক্ততশু ঐখোয়না অহোংবা খরা পুরক্লে, অমসুং নুপীশিংবু নুমিদাংগী সিফতশু থবক শুহন্নবা রাজ্যশিংদশু খংহনখ্রে । ঐখোয়না মেতর্নিতী লিব অদু হপ্তা ১২দগী ২৬তা শাংদোক্লে । প্রধানমন্ত্রী অৱাস য়োজনাগী মখাদা য়ুমগী রেজিস্ত্রী অসি নুপীশিংগী মিংদা পাল্লে । জন ধন য়োজনানশু নুপীশিংদা য়াম্না চাওনা কান্নবা ফংহল্লে । জন ধন বেঙ্ক একাউন্ত কোতী ৩১গী মনুংদা কোতী ১৬তি নুপীশিংগিনি । স্বচ্ছ ভারত মিসন্না নুপীশিংদা ইকাইখুম্নবা ফংহল্লে । লৈবাক অসিদা রুরেল সেনিতেসন চাদা ৪০দগী চাদা ৭৮ কোন্সিল্লে । সরকারগী স্কুল পুম্নমক্তা নুপীমচাশিংগী তোইলেত ফংহন্নবা মিসন অমদা ঐখোয়না থবক হৌরে ।
মরূপশিং,
কেন্দ্র সরকারগী স্কিমশিংনা নেচরবু প্রোতেক্ত তৌরি, মদুগা লোইননা মখোয়না মীয়ামগী শক্তি হেঙ্গৎহল্লি । উজালা স্কিমগী মখাদা হৌজিক ফাওবদা এলইদি বল্ব কোতী ২৯ য়েন্থোকখ্রে । মখোয়না ইলেক্ত্রিসিতী বিলদা লুপা কোতী লিশিং ১৫ কন্বা ঙমহল্লে । মখোয়না য়াম্লবা চাংদা কার্বোন দাইওক্সাইদ থাদোকপা হন্থহল্লে । কেন্দ্র সরকারনা উজ্জ্বলা য়োজনাগী মখাদা ফ্রী গ্যাস কনেক্সন কোতী ৩.৪ হেন্না পীখ্রে । মদুনা নুপীশিংদা মৈখু চেন্দবা এনভাইরোনমেন্ত অমা ফংহল্লে, কেরোসিন শিজিন্নবা হন্থহনবা অসিনশু এনভাইরোনমেন্তা কান্নবা ফংহল্লে । স্কিম অসিদগী হৌজিক ফাওবদা তামিল নাদুদা নুপী লাখ মাপল মখায়না কান্নবা ফংলে । রুরেল এরিয়াদা গ্যাস সপ্লাই অমসুং সেনিতেসনগী ইশু অদু ৱাখলদা থম্লগা কেন্দ্র সরকারনা গোবর-ধনস্কিম পায়খৎলে । মসিগী পান্দমদি শা-শনগী মথী ময়ুং অমসুং এগ্রীকলচরেল ৱেস্তশিংবু কম্পোস্ত, বাইও-গ্যাস, অমসুং বাইও-সিএনজি ওন্থোকপনি । মসিনা শেন্থোক হেঙ্গৎহল্লগনি অমসুং গ্যাসকী চাদিং হন্থহল্লগনি ।
মরূপশিং,
হৌজিক হৌজিকমক কেন্দ্রনা তামিল নাদুদা লুপা কোতী লিশিং ২৪গী প্রোজেক্তশিং ইমপ্লিমেন্ত তৌরি । প্রোজেক্তশিং অসি এনদিএ সরকারনা ওফিস পায়রবা মতুংদা হৌখিবনি । মদুগী মনুংদা সোলর পৱার প্লান্তশিং, শুংদ্রোক্তিবা থাওগী পাইপলাইনশিং, নেস্নেল হাইৱেশিং অমসুং হিথাংফমগা মরী লৈনবা থবকশিং য়াওরি । চেনাই মেত্রো রেলগীদমক লুপা কোতী লিশিং অহুমগা চাতরেৎ হেন্না সেঙ্কসন তৌরে । কেন্দ্রদা কংগ্রেসনা লুচিংবা সরকার লৈখিবা মতমদা ১৩শুবা ফাইনান্স কমিসনগী মখাদা তামিল নাদুনা লুপা কোতী লিশিং ৮১ ফংখি । এনদিএনা শক্তি পাইরক্লবা মতুংদা ১৪শুবা ফাইনান্স কমিসনগী মখাদা তামিল নাদুনা লুপা কোতী লাখ অমগা লিশিং ৮০ ফংখি । ইং ২০২২ ফাওবদা লাইরবা মীওই খুদিংমক্তা য়ুম অমমম ফংহন্নবা সরকার অসিনা থবক তৌরি । হৌখিবা চহি অহুম অসিদা চাওরাক্না য়ুম কোতি অমা শাখ্রে । রুরেল হাউজিংগীদমক ২০১৬-১৭তা চাওরাক্না লুপা কোতী ৭০০ অমসুং ২০১৭-১৮তা চাওরাক্না লুপা কোতী ২০০ তামিল নাদুদা পীথখ্রে । অর্বান হাওজিংগীদমক রাজ্য অসিদা লুপা কোতী ৬০০০ হেন্না পীথখ্রে ।
মরূপশিং,
তামিল নাদুনা প্রধানমন্ত্রী ফসল বিমা য়োজনাদগীশু কান্নবা ফংলি । স্কিম অসিগী মখাদা হৌজিক ফাওবদা লুপা কোতী ২৬০০ হেনবা ক্লেম তৌরকপা শেনফম তামিল নাদুগী লৌমীশিংদা পীখ্রে হায়বা ইফমদা খংহনবিরক্লে । ব্লু রিভোলুসন স্কিমগী মখাদা তামিল নাদুদা ফিশিং মোর্দনাইজ তৌবগী মায়কৈদা কেন্দ্র সরকারনা থবক তৌরি, লোং লাইনর ত্রোলর্সকীদমক ঙামীশিংদা ঐখোয়না শেলগী তেংবাং ফংহল্লি । মমাং চহিদা, ঐখোয়না হি চাতরেৎ য়াঙ্খৈ হেন্না লোং লাইনর ত্রোলরশিং ওন্থোক্নবা রাজ্য সরকারদা লুপা কোতী ১০০ পীখি । ভারতকী পাক চাওরবা ওসিনগী রিসোর্সশিং অমসুং শাংলবা কোস্ত-লাইন্না চাওনা ওইথোকপা য়াবা কয়া লৈরি । কেন্দ্র সরকারনা সাগরমালা প্রোগ্রামদা থবক তৌরি। মসিনা দোমেস্তিক অমসুং ফোরেন ত্রেদ অনিমক্তা মমল হন্থহল্লগনি । মসিনা ভারতকী কোস্ত-লাইন্দা লৈরিবা মীওইশিংগী পুন্সিদশু কান্নবা ফংহল্লগনি ।
হন্দক্কী বজেত্তা ঐখোয়না অয়ুশ্মান ভারত স্কিম লাওথোকখ্রে । অখন্নবা হোস্পিতালশিংদা লাইরবা ইমুংশিংবু চহিগী ওইনা লুপা লাখ ৫ ফাওবা লেম্না লায়েংবা ফংহল্লগনি । মসিনা লৈবাক্কী প্রজা কোতী ৪৫দগী ৫০ ফাওবদা মতেং ওইহল্লগনি । প্রধানমন্ত্রী সুরক্সা অমসুং জীবন জ্যোতি য়োজনানা প্রজা কোতী ১৮ হেনবদা ইন্সুরেন্স কোভর তৌহল্লে । জন ঔশধি কেন্দ্র ৮০০ হেনবগী খুত্থাংদা অহোংবা মমলদা হিদাক লাংথক ফংহনবন চিংবা অতোপ্পা খোংথাংশিংশু ঐখোয়না পায়খৎলি । প্রজা মীয়ামগী পুন্সিদা পোজিতিব ওইবা অহোংবা অমা পুরক্নবগী মায়কৈদা ঐখোয়না থবক তৌরি ।
অমুক হন্না ঐহাক্না সেলভি জয়াললিতাজীগী মফমদা ইকায় খুম্নবা উৎচরি । ময়াম পুম্নমক্কী মফমদা ঐহাক্না য়াইফ পাওজেল পীজরি ।
ময়াম্বু থাগৎচরি।
ময়াম্বু হায়নিঙাই লৈতনা থাগৎচরি ।
