ফম্বাক থক্তা লেংশিনবীরিবা শক্নাইরবশিং অমদি মসিগী ফজখ্রবা লম্পাক অসিদা তিনবীরিবা ঐহাক্কী মরূপ পুম্নমকপু, লাইরৈবাক উত্তরাখন্দগী অসিগুম্লবা শেংলবা লমদম অসিদগী মালেম পুম্বদা লৈরিবা যোগবু নুংশিজবশিংগী মফমদা ঐহাক্না মরিশুবা ইন্তর্নেস্নেল যোগ নুমিৎ অসিদা য়াইফ-পাউজেল পীজরি।
ইমা গঙ্গাগী অসিগুম্লবা লমদম অসিদা, চারধাম লৈরিবা লমদম অসিদা, আদি শঙ্করাচার্য় অমসুং স্বামি বিবেকানন্দনা য়াম্না তোয়না লাকখিবা লমদম অসিদা, যোগ নুমিৎকী থৌরম অসিদা ঐখোয় পুম্নমক্না তিল্লরিবা অসি ঐখোয়গী লাইবক ফবনি।
উত্তরাখন্দ অসি চহি চা কয়াদগী যোগগী মরুওইবা মফম অমা ওইদুনা লাক্লি। উত্তরাখন্দগী চীংশিং অসিনা ঐখোয়বু যোগ অমসুং অয়ুর্বেদগীদমক পুক্নীং থৌগৎলি।
ইচম চম্বা মীওই ফাওবা লমদম অসিদা লাকপা মতমদা তোপ তোপ্পা দিভাইন ফীলিং অমা ফাওই। মসিগী শেংলবা লমদম অসিদা ইনক্রিদিবল স্পিরিৎ, ভাইব্রেসন অমসুং মেগনেতিক পৱার অমা য়াওই।
মরূপশিং,
মসি ঐখোয় ভারত মচা পুম্নমক্কী চাউথোকচনীংঙাইনি মদুদি ঙসি নুমিৎ থোক্লকপগা লোইননা নুমিৎনা মহাক্কী খোংচৎ হৌদুনা মালেম অসিদা নুমিৎকী মঙাল য়ৌরকলিবা অদুগুম্লবা মফমশিং অদুদা মীয়াম্না নুমিৎপু যোগগা লোইননা তরাম্না ওক্লি।
দেহরাদুন্দগী দুব্লিন ফাওবা, শংহাইদগী চিকাগো ফাওবা অমসুং জকার্তাদগী জোহেনবর্গ ফাওবা হৌজিক্তি যোগ অসি মফম খুদিংমক্তা শন্দোক্লে।
হিমালয়গী ফুৎ লিশিং কয়া ৱাংবা চীংশিং ওইগেরা নত্রগা নুংশাগী মৈশানা চাকথেক্লিবা মরুভুমীগী লমদম ওইগেরা, মফম মতম খুদিংদা যোগনা পুন্সিবু মহৈ য়ালহল্লি।
যোগনা পুন্সিনবগী থবক তৌই। ঙসিগী খোংজেল য়াংনা চৎলিবা পুন্সি অসিদা যোগনা হকচাং, ৱাখল অমসুং আত্মাবু পুন্সিন্দুনা মীওইবগী পুন্সিদা শান্তি পুরকই।
মীওই অমবু ইমুং মনুংগী মীওইশিংগা শম্নহন্দুনা ইমুং অদুদা নুংঙাই য়াইফবা পুরকই।
ইমুং মনুংশিংবু সমাজকী মায়কৈদা সেন্সিতিব ওইহন্দুনা সমাজদা অপুনবগী শক্তম অমা পুরকই।
সমাজ অসি নেস্নেল ইন্তেগ্রেসনগী লিঙ্কশিং ওইরকই। অমদি অসিগুম্বা লৈবাকশিংনা মালেমদা শান্তি অমসুং অপুনবগী শক্তম পুরকই।
মসিনা তাকপদি যোগনা মীওইশিং, ইমুং মনুংশিং, সমাজশিং অমসুং মালেম অসিবু অমত্তা ওইনা পুন্সিল্লি অমসুং মসিনা মীওইবা জাতি পম্নমকপু অমত্তা ওইনা পুন্সিল্লি।
য়ুনাইতেদ নেসন্দা যোগগী ৱাফম পুখৎপা মতম অদুদা মসিবু মালেমদা লৈরিবা লৈবাক অয়াম্বনা কো-স্পোন্সর তৌদুনা য়ুনাইতেদ নেসন্দা রেকোর্দ ওইখি। মসিনা য়ুনাইতেদ নেসনগী পুৱারীদা অতেনবা মতমগী মনুংদা অয়াবা পীখিবা প্রপোজেল ওইরি। ঙসিদি যোগ অসি মালেমগী মীপুম খুদিংমক্না, মালেমগী লৈবাক খুদিংমক্না মশাগী ওইনা খনবা হৌরক্লে।
অদুবু করিগুম্বা ঐখোয়না ঐখোয়গী পাঙ্গল অমদি তৌবা ঙম্বগী শক্তি অদুদা থাজবা থমদ্রগদি কনানসু মসিবু লৌশিনবীরোই। করিগুম্বা ইমুং অমনা ইমুং অদুগী অঙাং অমবু হন্থনা য়েংলগা সমাজনা অঙাং অদুবু ইকায় খুম্নবা ওইথোক্তে। মমা-মপা, ইমুং-মনুং, মচিল-মনাও অমসুং মচে-মচল পুম্নমক্না অঙাং অদুবু য়াবীরবা মতম অদুদা য়ুমলোন্নবশিংনসু অঙাং অদুবু য়াগনি।
ঙসিদি যোগনা মসি ময়েক শেংনা উৎলে মদুদি ভারতনা অমুক হন্না যোগগী শক্তিদা মশামকপু লুপচরিবা অসিগুম্না মালেম অসিসু যোগদা লুপ্পা হৌরক্লে।
ঙসিদি যোগ অসি মালেমদা খ্বাইদগী শক্তি লৈবা অমত্তা ওইনা পুন্সিনবগী শাফু অমা ওইরক্লি।
ঐহাক্না থাজবগা লোইননা হায়বা ঙম্লি মদুদি করিগুম্বা ঐখোয়না মালেম পুম্বদা যোগ তৌরিবা মীওইশিংগী মশিং অদু খোমজিল্লগদি থাজদবা অচুম্বা ৱাফমশিং মালেমগী মাংদা লাক্কনি।
তোঙান তোঙানবা লৈবাকশিংদা, পার্কশিংদা, অহাংবা মফমশিংদা, লম্বীশিংগী নাকলদা, ওফিসশিংদা, য়ুমশিংদা, হোস্পিতালশিংদা, স্কুল অমসুং কোলেজশিংদা, পুৱারীগা শাগোন্নরবা বিলদিংশিংদা যোগগীদমক তিল্লরিবা মীয়াম, অদোম অদোমগুম্লবা মীওইনা য়ুনিবর্সেল ব্রদরহুদ অমসুং গ্লোবেল ফ্রেন্দশিপতা মখা তানা ইনর্জী পীরি।
মরূপশিং, মালেম পুম্বনা যোগবু কোন্সিল্লে অমদি মদু চহি খুদিংগী পাংথোক্লিবা ইন্তর্নেস্নেল যোগ দেদা উবা ফংই। তশেংবদি যোগ দে অসি হেন্না ফবা হকশেল অমসুং য়াইফনবগীদমক খ্বাইদগী চাউবা মীয়ামগী খোংজং অমা ওইরক্লি।
মরূপশিং, তোকিয়োদগী তোরোন্তো ফাওবা, স্তোকহোলমদগী সাও পাউল ফাওবা, যোগ অসি মীওই মিলিয়ন কয়াগী পুন্সিদা পোজিতিব ওইবা ইনফ্লুৱেন্স অমা ওইরক্লি।
ইন্দিভিজুয়েলদা ওইগেরা নত্রগা সোসাইতীদা ওইগেরা প্রজানা মায়োক্নরিবা প্রোব্লেম অয়াম্বগী মতিক চাবা সোলুসন অদু যোগদা লৈরি।
ঐহাক্না মসি পারুবদা অঙকপা ফাওই মদুদি চহি খুদিংগী চাউরাক্না মীওই মিলিয়ন ১৮ হেন্না থমোয়গা মরি লৈনবা লৈনানা শিরি। চাউরাক্না মীওই মিলিয়ন ১.৬না দাইবেতিসকা মায়োক্নবদা মায়থিরি।
য়েন্থোকপগী মহুৎ যোগনা পুন্সিলহল্লি।
মখা তানা য়েংথিনবগী মহুৎ যোগনা নুংশিনহল্লি।
অৱাবা চৈনা হেঙ্গৎহনবগী মহুৎ যোগনা অৱাবা কোকহল্লি।
যোগ প্রেক্তিস তৌবনা শান্তি ওইবা, নুংঙাই যাইফবা অমসুং ব্রদরহুদকী যুগ অমা শেমগৎপা ঙমহল্লগনি।
হৌখিবা চহি অহুম অসিদা মীওই কয়ানা যোগ তম্বীরি, অনৌবা ইন্সতিত্যুসনশিং লিংখৎলে অমদি তেক্নোলোজীনা ফাওবা যোগবু মীয়ামগা শম্নহল্লে। লাক্কদৌরিবা মতমশিং অসিদা মসিগী মোমেন্তম অসি শাগৎনবা ঐহাক্না ময়ামগী মফমদা হায়জরি।
মরূপশিং, যোগনা মালেম অসিবু ইলনেস অমসুং ৱেলনেসকী লম্বী অদু তাক্লি।
মরম অসিননি মালেমগী মফম খুদিংদা যোগবু পাম্বগী চাং অসি খোংলৈ থুনা হেঙ্গৎলক্লিবা।
কোবেন্ত্রী য়ুনিবর্সিতী অমসুং রেদবাউদ য়ুনিবর্সিতীনা পাংথোকখিবা চাংয়েংদা হায়রি মদুদি যোগনা হকচাংবু পোত্থাহনবতা নত্তনা নাহল্লিবা অমসুং দিপ্রেসন থোকহল্লিবা ঐখোয়গী দি.এন.এদা চত্থরিবা মোলিকুলর রিয়েক্সনশিং অদু ওন্থোকপসু ঙমহল্লি।
করিগুম্বা ঐখোয়না যোগগী পোজশিং অমসুং ব্রেথিং এক্সরসাইজ নুমিৎ খুদিংগী প্রেক্তিস তৌরগদি ঐখোয় ইশাবু ইশাবু লৈনা কয়াদগী ঙাকথোকপা ঙমহল্লগনি। চাং নাইনা যোগ প্রেক্তিস তৌবনা ইমুং অমা হেক্তগী মেদিকেলগী চাদিং হন্থহল্লি।
মরূপশিং, যোগ অসি পাক শন্না শন্দোকপা হেঙ্গৎলকপনা মালেম অসিবু ভারতকা অমদি ভারতপু মালেমগা হেন্না নকশিলহল্লে। ঐখোয় পুম্নমক্না লেপ্পা লৈতনা হোৎনদুনা মালেমদা ঙসি যোগনা কল্লিবা মফম অসি মতমগা লোইননা হেন্না চেৎশিলহল্লগনি।
হকচাং ফবা অমসুং নুংঙাই য়াইফবা হ্যুমেনিতী অমগীদমক যোগগী মরমদা মখা তানা দিবেলপ তৌবা অসি ঐখোয়গী থৌদাংনি।
শেংলবা লমদম অসিদগী মালেম পুম্বদা লৈরিবা যোগদা থৱায় য়াওজবা মীপুম খুদিংমকপু ঐহাক্না অমুক হন্না য়াইফা পাউজেল পীজরি।
থৌরম অসি শিনবীবগীদমক উত্তরাখন্দগী সরকারবু ঐহাক্না তৌবিমল খঙবা উৎচরি।
হন্না হন্না থাগৎচরি।
