PM Modi, PM Hasina of Bangladesh jointly inaugurate two railway projects and a power link
Railway projects between India and Bangladesh to boost trade and connectivity
India to supply an additional 500MW power to Bangladesh, through the existing Bheramara-Baharampur interconnection
Enhanced cooperation between India and Bangladesh augurs well for our peoples as well as progress of both countries: PM Modi

বাঙ্গলাদেশকী প্রধান মন্ত্রী, য়োর এক্সিলেন্সী শেখ হসীনাজী,

ভারত অমসুং বাঙ্গলাদেশকী মপান থৌরম পুবা মন্ত্রী,

নোংচুপ বেঙ্গলগী মুখ্য মন্ত্রী, সুশ্রী মমতা বেনর্জীজী,

ত্রিপুরাগী মুখ্য মন্ত্রী, বিপ্লব কুমার দেবজী,

নুমিৎ খরনিগী মমাংদা কাথমান্দুদা বিম্সতেক সমিৎতা ঐনা শেখ হসীনাজীগা উনজখি। মদুগী মমাংদসু ঐখোয় মে থাদা শান্তিনিকেতন্দা, অমসুং এপ্রিলদা কমনৱেল্থ সমিৎতা লন্দন্দা উনখি।

ঙসি ঐ ভিদিও কনফরেন্সকী থোংদা অদোমগা উনজবগী তাঞ্জা ফংজবা অসিদা নুংঙাইবা ফাওজরি।

ঐনা মমাংদসু কয়ারক হায়জখ্রে মদুদি য়ুম্লোন্নবা লৈবাকশিংগী লুচীংবশিংগী মফমদা য়ুমলোন্নবা অমগুম্না মরি থমনগদবনি। হেক পামলকপদা ৱারী শানগদবনি, হেক নীংলকপদা চৎলুগদবনি। অসিগুম্বা মতাংশিং অসিদদি ঐখোয়দা প্রোতোকোলগী অফা-অপুন লৈহল্লোইদবনি।

অমসুং অসুম্না নকশিন্নবা অসিনা প্রধান মন্ত্রী শেখ হসীনাজীগা ঐগা লোইনবা অদু ময়েক শেংনা উবা ফংলি। কয়ারক হন্না উনখিবা অদুতা নত্তনা মসি ঐখোয়গী মরিরকশুবা ভিদিও কনফরেন্সনি, অমসুং ইকুই কুইদনা ভিদিও কনফরেন্স অমসু পাংথোক্লগনি।

ভিদিও কনফরেন্সশিং অসিগী খ্বাইদগী ফবা ৱাফমদি ঐখোয়গী লৈবাক অনি অসিগী তেংবাং পীনবগী প্রোজেক্তশিং হৌদোকপদা নত্ত্রগা শঙ্গাবদা করিগুম্বা ভি.আই.পি.গী ওইবা খোংচৎ অমত্তগী মথৌ তাদ্রে।

এক্সিলেন্সী, ঐখোয়না কনেক্তিবিতীগী মতাংদা পন্নরকপদা, ঐনা মতম পুম্নমক্তা অদোমগী ১৯৬৫গী মমাংগী কনেক্তিবিতী অদু অমুক হন্না হিংগৎহন্নবগী ভিজন অদু নীংশিলকই।

অদুগা ঐগীদমক্তদি মসি য়াম্না হরাওনীংঙাইনি মদুদি ঐখোয়না হৌখিবা চহি খরা অসিদা মাইকৈ অদোমদা লেপ্তনা খোং থাংজিল্লি।

ঙসি ঐখোয়না ঐখোয়গী পাৱর কনেক্তিবিতী হেনগৎহল্লে, অমসুং রেলৱে কনেক্তিবিতীবু হেন্না চেৎশিলহন্নবগীদমক্তা প্রোজেক্ত অনি হৌদোক্লে।

২০১৫দা ঐনা বাঙ্গলাদেশতা লাকখিবা মতমদা ঐখোয়না বাঙ্গলাদেশতা ৫০০ মেগাৱেৎকী অহেনবা মৈ পীনবা ৱারেপ লৌখি। অমসুং মসিগীদমক্তা নোংচুপ বঙ্গালদগী বাঙ্গলাদেশকী ত্রান্সমিসন লিঙ্ককী থবক পাইখৎলি। থবক অসিবু মপুং ফাহনবদা মতেং পাংবীবগীদমক মুখ্য মন্ত্রী সুশ্রী মমতা বেনর্জীবু নোল্লুকপা উৎচরি। প্রোজেক্ত অসি মপুং ফাবদগী হৌজিক ১.১৬ গিগাৱাৎকী মৈ ভারত্তগী বাঙ্গলাদেশতা সপ্লাই তৌরি। ঐনা খঙই মদুদি মেগাৱাৎতগী গিগাৱাৎতা লাক্লিবা, মসিগী ক্বান্তম জম্প অসি ঐখোয়গী মরি অসিগী মরু ওইবা তাঙ্কক অদুগী খুদম্নি।

রেলৱেগী লমদসু ঐখোয়গী কনেক্তিবিতী লেপ্তনা হেনগৎলক্লি। মসিগী মনুংদা বাঙ্গলাদেশকী মনুংগী কনেক্তিবিতী, অমসুং ভারতকা লৈনরিবা কনেক্তিবিতী অসি ঐখোয়গী মরু ওইবা তেংবাং পীনবগী মরু ওইবা শক্তম্নি।

অখৌরা-অগরতলাগী রেল কনেক্তিবিতীগী থবক মপুং ফারকপগা ঐখোয়গী ক্রোস-বোর্দর কনেক্তিবিতীদা অতোপ্পা মরি অমসু হাপকৎলগনি। প্রোজেক্ত অসিদা মতেং পাংবীবগীদমক মুখ্য মন্ত্রী শ্রী বিপ্লব কুমার দেববু নোলুকপা ফোংদোকচরি।

প্রধান মন্ত্রী শেখ হসীনাজীনা বাঙ্গলাদেশকী চাউখৎ-থৌরাংগীদমক্তা অপামবা পান্দম অদু লেপথোক্লে – ২০২১ ফাওবগী মনুংদা মিদল ইকোনোমী কন্ত্রী অমসুং ২০১৪ ফাওবগী মনুংদা দিবেলপ কন্ত্রী ওইনবগী মহাক্কী ভিজন অদুবু মপুং ফাহনবদা মতেং পাংবা অসি ঐখোয়গীদমক্তদি চাউথোকচনীংঙাইগী ৱাফম্নি।

ঐনা তশেংনা থাজৈ মদুদি ঐখোয়গী মরি অসি অসুম অসুম চেৎশিল্লকপগা লোইননা অমসুং মীয়ামগী মরক্তা লৈনবা মরি অসি অসুম অসুম চেৎশিল্লকপগা ঐখোয়না চাউখৎপা অমসুং ৱাৎত-পাদবগী অনৌবা মতোল অদু লোম্বা ঙমগদৌরিবনি।

থবক অসিদা মতেং পাংবীবগীদমক অমসুং ঙসিগী থৌরম অসিদা শরুক য়াবীবগীদমক্তা ঐনা প্রধান মন্ত্রী শেখ হসীনাজীবু, নোংচুপ বেঙ্গল অমসুং ত্রিপুরাগী মুখ্য মন্ত্রীশিংবু থমোই শেংনা থাগৎপা ফোংদোকচরি।

থাগৎচরি!    

 
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Modi 3.0: First 100 Days Marked by Key Infrastructure Projects, Reforms, and Growth Plans

Media Coverage

Modi 3.0: First 100 Days Marked by Key Infrastructure Projects, Reforms, and Growth Plans
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 16 সেপ্তেম্বর, 2024
September 16, 2024

100 Days of PM Modi 3.0: Delivery of Promises towards Viksit Bharat

Holistic Development across India – from Heritage to Modern Transportation – Decade of PM Modi