Share
 
Comments

ইকাই খুম্নরবা স্পীকর সর,

ঐহাক্না ৱারোল থাগৎপগী মোসনগী খন্ন-নৈনবা অসিদা য়াওনা ৱাফম খা থমজগে অমসুং ইকাইখুম্নরবা রাস্ত্রপতিগী পুক্নিং থৌগৎনিংঙাই ওইবা ৱারোলী থাগৎ ৱাহৈসু থমজগে। রাস্ত্রপতিগী ৱারোল অসি ভারতকী প্রজা করোর ১৩০গী অখাং কনবা অমসুং ফিরেপ; অৱাবা অমসুং খুদোংচাদবা মতম অসিগী মনুংদসু লৈবাক অসিনা করম্না মাগী লম্বেল খনখিবা, লম্বেল অসিদা চৎখিবা অমসুং মখোয়গী পান্দমশিং ফংদুনা মাংলোমদা চংশিনবগে হায়বা অদু উৎলি। রাস্ত্রপতিনা পুম্নমক অসিগী অকুপ্পা মরোল মহাক্কী ৱারোলদা থমখি। মহাক্না পীখিবা ৱারোলগী ৱাহৈ খুদিংমক্না প্রজা মীয়ামদা অনৌবা ইথিল অমা পীখি অমসুং প্রজা খুদিংমক্না মখোয়গী লৈবাক অসিগীদমক করিগুম্বা খরা তৌনবা ইথিল পোকহনখি। মসিগীদমক ৱাহৈ কয়ানসি ঐখোয়না তৌবিমল ফোঙদোকপা ঙমলরোই। হাউস অসি পুং ১৫ হেন্না খন্ন-নৈনখ্রে। অহিং নোংয়াই ১২ ফাওবা ইকাই খুম্নরবা এম.পি. পুম্নমক মীৎনা শিংনা লৈখি। মখোয়না থৌদাং লৈনবা কান্নগদবা মওংদা থৱায় য়াওনা শরুক য়াখি। ঐহাক্না ঐখোয়গী নুপী এম.পি.শিংদা অখন্না থাগৎপা ফোঙদোকচনিংঙাই মরমদি মখোয়না খন্ন-নৈনবা অসিদা হেন্না শরুক য়াখি অমসুং ৱাখল লৌশিং পীদুনা ৱাখল্লোন খুদিমক মপুং ফানা রিসর্চ তৌনবা হোৎনখি। ঐহাক্না নুপী এম.পি.শিং অসিবু থাগৎচরি অমসুং মখোয়গী লৌশিং অমসুং মখোয়না শেম শাখিবগী মওং-মতৌ অদুগীদমক থাগৎপা ফোঙদোক্লি। মখোয়গী মমল য়াম্লবা ৱাখল্লোন অদুনা হাউস অসিগী মগুন হাপখি অমসুং খন্ন-নৈনবদা চাউনা কান্নবা ওইখি।

ইকাই খুম্নরবা স্পীকর সর,

ভারত অসি নাকল অমরোমদা নীংখা তমখিবগী চহি ৭৫শুরক্কদৌরে। চহি ৭৫কী পন্দুপ য়ৌরক্কদবা অসি ভারত মচা খুদিংমক্কী চাউথোকচনিংঙাই ওই। মসি তুংলমচৎতা খুমাং চাউশিন্নবগী নুংঙাইবা ফোঙদোকপা অমনি। মরম অসিনা খুন্নাই অমগী কাংলুপ অমা ওইরবসু নত্ত্রা ভারতকী মফম অমদগী ওইরবসু, খুন্নাই নত্ত্রগা ইকনোমিক স্ত্রেতা অমা হেক্তদগী ওইজরবসু ঐখোয় পুম্নমক ঐখোয়গী নীংখা তম্বা অসিনা ইথিল পীখি অমসুং ২০৪৭ অসি অনৌবা কয়াগা লোইননা য়ৌনবা ফিরেপ লৌখি মতম অদুদা ভারত অসি নীংখা তমখিবা চহি ১০০ শুবগী পাল্লন তৌরগনি। ঐখোয়গী মাংদা ভারতকী নীংখা তমখিবগী চহিচা অমা মপুং ফাগদবগী ঙাইদুনা লৈরে। চহি ২৫ অসিগী মনুংদা লৈবাক অসিনা করম্না খুমাং চাউশিনগনি অমসুং লৈবাক অসি গ্লোবেল মেপতা করম্বা মফম কনগনি হায়বা অসি ভারত মচা পুম্নমক্ক মঙলান ওইগদবনি। চাউখৎ-থৌরাংগী ইকোসিস্তেম লৈহনবা হায়বা অসি পার্লিয়ামেন্ত, মালেম ইমা অমসুং কোংগ্লোমরেসনগী থৌদাংনি।

ইকাই খুম্নরবা স্পীকর সর,

ঐখোয়না লৈবাক অসিনা নীংখা তম্বা ফংখিবা মতমদা অরোইবা ব্রিতিশ কম্মান্দরনা চৎলমদাইদা ভারত অসি লৈবাক কয়াগী অচৌবা কন্তিনেন্ত অমনি অমসুং শক্তি অমত্তনা মসি অপুনবা লৈবাক অমা ওইহনবা ঙম্লোই হায়না ফোঙদোক্লমখি। অদুবু ভারত মচাশিংনা অদুগুম্বা চিংনবা অমসুং ৱাখলনা শাগৎপশিং অদু অরানবনি উৎখি। ঐখোয়না চিংনবা পোক্লিবা ৱাখল্লোনশিং মাংহনখি। ঐখোয়গী থৌনা-লিংজেল, কলচরেল য়ুনিতী অমসুং চৎনবী অসিগা লোইননা ঙসি মালেমদা অপুনবা লৈবাক অমা ওইনা মালেমগী আশাগী মঙাল অমগা লোইননা মফম অমা কনবা ঙমখ্রে। ঐখোয়না মসি চহি ৭৫দা করম্না ফংবা ঙমখি। ভারত অসি অঙকপা দেমোক্রেসী অমনি হায়না হায়নখি। ঐখোয়না মসিগী ৱাখল্লোন অসিসু মাংহনখি। দেমোক্রেসী হায়বা অসি ঐখোয়গী ইদা য়াওখ্রে অমসুং ইহুল খুদিংমক্তা মসিগী ৱাখল্লোন অসিগী মমি তারি। দেমোক্রেসীগী ইহুল অসি ঐখোয়গী ৱাখল্লোনশিং, থৌরাংশিং অমসুং হোৎনরিবশিং অসিদা য়াওহনখ্রে। ঐখোয়না মীখল কয়া অমসুং লৈঙাকপশিংদা অহোংবশিং লাক্লবসু ৱাখল্লোন অসি লেংবা নাইদে। লৈবাক অসিনা অনৌবা লৈঙাক খুদিমক্না তারম্না ওকখি।

মসি চহি ৭৫গী খোঙচৎ অমনি। ঐখোয় মখল কয়াগী কাংলুপ্না খন্দাবা লৈবাক অমনি মরম অসিনা ঐখোয়গী দেমোক্রেতিক ভেল্যুশিং অসি ইকাই খুম্নৈ। ঐখোয়গী লোল অমসুং দাইলেক ১০০ হেন্না লৈ, মখল কয়াগী ফীজেৎ-চাকচা অমসুং মখল কয়াগী কলচরশিং লৈ অদুবু ঐখোয়না অপুনবা পন্দম অমা থম্লি অমসুং মসি ফংনবা লম্বী অমদা পুন্না চংশিল্লি। ঙসি ঐখোয়না ভারতকী মরমদা ৱারি শাবা অসিদা ঐহাক্না স্বামি বিবেকানন্দান হায়রম্বা ৱাহৈশিং নীংশিংজগে। মহাক্না হায় “লৈবাক খুদিংমক্না পীনবা পাউজেল অমা লৈ, পাঙথোক্নবা পান্দম অমা লৈ, য়ৌগদবা পন্থুংফম অমা লৈ”। কোরোনা শন্দোরকপা মতমদা ভারতনা মাশাগী খক্তা নত্তনা মালেমবু মতেং পাংবদা লৌখিবা মরু ওইবা থৌদাং অদু ঐখোয়গী তর্নিং পোইন্ত অমা ওইখি। ঐখোয়না বেদশিং অমসুং বিবেকানন্দাদগী অফবা ৱাখল্লোন মদুদি “থৱায় পানবা খুদিংমক শান্তিদা লৈবা ওইসনু, কনাগুম্বা অমত্তা অনা অয়েক য়াওদবা ওইসনু” অসোগী ৱাখল্লোনগী ইরোইননা চাউরকখি। ভারতনা মসি কোরোনাগী মনুংদা উৎপা ঙমখি। “ঐখোয়গী লৈবাক অমসুং প্রজাশিংনা ভারত অসি মরোমদোম লেপচবা ঙম্বা লৈবাক অসমা ওইহন্নবা অচেৎপা খোঙথাং কয়া লৌখৎখ্রে। মালেমগী অনিশুবা লাঞ্জাও লৌখিবতা ঙাইরিঙৈ মতম অমসুং মালেম অসিবু লাঞ্জাও অনিনা ওইহনখিবা ফীভম অদু ঐখোয়না করম্না কাউগনি? মীনুংশি অমসুং মীওইবগী মগুনশিং অসিমক্তা শিংনবা লাকখি। ফীভম য়াম্না শোকখি অমসুং অনিশুবা লাঞ্জাওগী মতুংদা মালেম অসিদা অনৌবা খুন্নাই শেম্বা হৌরকখি। শান্তি লৈহন্নবা ৱাশকশিং লৌখি অমসুং মালেমদা নন-মিলিতরী কোওপরেসনগী লাইৱা অসি হেন্না মপাঙ্গল কনখৎহনখি। লৈবাকশিং শান্তি লৈনবা অমসুং অফবা মওংদা খুমাং চাউশিন্নবা তোঙান তোঙানবা এজেন্সীশিং অমসুং মেকানিজমশিং শেমখি। অদুম ওইনক তাইওনবা অমা থোরকখি, নাকল অমদা লৈবাক খুদিংমক্না শান্তি লৈহন্নবা হোৎনখি অদুগা শক্তি লৈবা লৈবাকশিংনা শান্তিগী ৱারী শারিঙৈ মনুংদা মখোয়গী মিলিতরী ইনফ্রাস্ত্রকচর হেনগৎহন্নবা হৌরকখি। য়ু.এন শেম্লবা মতুংদা মখোয়গী মিলিতরী হৈশিংবা শরুক কয়া হেনগৎলকখি। অপীকপা লৈবাকশিং ফাওবা মিলিতরীগী মপাঙ্গল লৈবা তান্নবা অসিদা য়াওরকখি। অদুবু অসিগুম্বা তানফম অসিদা মিলিতরীগী হৈশিংবা হেনগৎহন্নবা শক্তি কয়া পুনশিন্নখী অমসুং মতম অসিদা ইন্নোবেসন অমসুং রিসর্চ হেনগৎলক্তুনা মিলিতরী ফোর্সশিংগী মপাঙ্গল কনখৎহনখি। কোরোনাগী মতুংদসু অনৌবা মওংগী মালেম অমা ওইরকপা উবা ফংলি। মালেম শিনবা থুংনা অনৌবা কোওপরেসন অমসুং রিলেসনশিপকী ইকোসিস্তেম অমা শেমগৎলক্লি।

ঐখোয়না হৌজিক মালেমগী লাঞ্জাও মতুংদা তুমিন্না লৈতুনা ময়াম্না তৌনবা য়েংখিবা অদুগুম্না অদুমক লৈবা পাম্বরা নত্ত্রগা মালেমগী হোংলক্লিবা অনৌবা মওং অসিদা এদাপ্ত তৌনবা হোৎনগদ্রা হায়বা ঐখোয়না ৱারেপ লৌবা তাই। ভারতনা মতম অদুদা তুমিন্না লৈখ্রবসু হৌজিক্তি কোরোনা মতুংগী ওইরক্লিবা অনৌবা মালেমগী মওং অসি শোইদনা উরগনি। করি মওং ওইরক্কনি অমদি কনানা হৌদোক্কনি হায়বা অদুদি মতমনা পুরক্লগনি। মালেমনা খুদোংথিবা অসি খাংখিবা, মসিগী মতাংদা মালেমনা মীৎয়েং চংখিবা অমসুং নমদুনা চংহনখি মওং অসিদা ভারতনা মালেমদগী তোখাইনা লৈবদি য়ারোই। হৌজিক্তি মপাঙ্গল লৈবা প্লেয়র অমা ওইবা তাই, মালেমদা ঐখোয়গী মীশিংদা য়েংবদা মকোক্তা লৈবা অসিগুম্না ঐখোয়না মফম কনবা তাই। অনৌবা মালেম অসিদা ভারতা মপাঙ্গল কনখৎহনদুনা মরোমদোম লেপচদুনা আত্মানির্ভর ভারত ওইহনবা তাই। ঐখোয় ফার্মাসী সেক্তরদা মরোমদোম লেপ্পা ঙম্লে। মালেমগী হকশেলগী লমদা ঐখোয়না মরু ওইবা থৌদাং লৌবা য়াই। ভারতনা মরোমদোম লেপচবা অমসুং মপাঙ্গল কনবা হেল্লিবা মখৈ মসিনা মীওইবা খুন্নাই অমসুং মালেমগী য়াইফবা পুরক্কপা ঙমগনি। ঐখোয়গী ইদা “থৱায় পানবা খুদিংমক শন্তিদা লৈবা ওইরসনু” হায়বা লাইৱা অসি য়াওই মরম অসিনা ঐখোয়না আত্মানির্ভর ভারত ওইহন্নবা হোৎনবা হেনগৎপা তাই। মসি রাজনিতী নত্ত্রগা সরকারগী খোলাও খক্তনি হায়না খল্লোইদবনি। হৌজিক্তি ভারতকী কাচিন কোয়াদা “ভোকেল ফোর লোকেল” লাউরি। ঐখোয়না পুথোরকপা প্রদক্ত খুদিংমক লোকেল ওইরকপা অসি উবদা নুংঙাইবা পোকই। মরোমদোম লেপচবা ভারত অমা ওইহনবদা ইশাদা চাউথোকচবা পোকপা অসি য়াম্না কান্নৈ। অমসুং ঐখোয়গী ৱাখল্লোনশিং, ঐখোয়গী রাজনিতীশিং, ঐখোয়গী ফিরেপশিং অসিনা ভারতপু মরোমদোম লেপচবা ঙম্নবা অহোংবশিং পুরক্কনি হায়না থাজৈ। মসি ঐহাক্কী ৱাখল্লোন অদুনি।

খন্ন-নৈনবা অসিগী মনুংদা মেম্বর খুদিংমক্না কোরোনা হায়বা অসি পনখি। হিরম অসি ঐখোয়গী ওইনদি অপেনবা পোকখিবা লোইননা চাউথোকচনবা মরম ওই। কোরোনা শন্দোরকপনা মালেমদা অকাইবা চাউনা থোকহনখি অমসুং লাইচৎ অসিনা থোকহল্লকপা য়াবা অকাইবা কয়া অখং-অহৈশিংনা ফোঙদোকখি ভারত্তসু অকিবা কয়া পোকহন্নবা হোৎখি। য়েক্নবা অসি মশক খঙদবা ওইবনা থৌনা লৈনা করিগুম্বা অমত্তা তৌবা ঙমখিদে। মী কুংনা তাবা অচৌবা লৈবাক অমসুং ইনফ্রাস্ত্রকচরগী অৱাৎপা লৈবা অসিনা করিবু তৌবা ঙমগনি হায়না চিংনবা পোক্নখি। অচৌবা লৈবাক কবা অৱাবা নংখি ভারতনা করিগী নংলোই খন্নখি। করিগুম্বা ভারতকী ফীভম শোকচিল্লবদি মালেম অসি ফাওবা কনবা ওইথোকলোই হায়না খন্নখি। অসিগুম্বা তানফম অসিদা প্রজা করোর ১৩০ অসিনা কত্থোকখিবা অদুনা ঙসি ঐখোয়বু কনবা ঙমখিবনি মসিনা ভারত অসিনা মাই পাকপগী তানফম য়ৌনবা খুদোংচাবা অদু ফংখি। ঐখোয় ইশানা হন্থনা খঞ্জবনা মালেমনা ঐখোয়বু লোইশিল্লোই ঐখোয় ইশানা হৌৎনবা অমসুং থৌনা লৈনা মায়োক্নবা অসি খক্তনা মালেমনা ঐখোয়বু লোইশিনগনি। মসি মালেমগী চৎনরোলনি অমসুং ঐখোয়না মসিগী মরমদা খঙবা তাই।

মিস্তর মনিশ তিৱারীনা হায় ইশ্বরগী থৌজালদগী ঐখোয়বু কোরোনাদগী কনবা ঙমখি। হিরম অসিদা ঐহাক্না হায়জনিংবদি তশেংনা ঐখোয়বু মপুং মহাক্না থৌজানখি। তশেংনা মসি দোক্তরশিং অমসুং নর্সশিংগী শক্লোন লৌদুনা ইশ্বরনা কনখিবনি। মখোয়না মীওই কয়াবু য়েংশিনখি। ঐখোয়গী সেনিতেসন ৱার্করশিংনা থৱায় খুপাক্তা হাপতুনা কন্না হোৎনখিবা অসিনা কোরোনা লাইচৎ অসি মাইথিবা পীবা ঙমখিবনি। কনা অমত্তনা অনাবাশিংগী মনাক্তা চংদ্রবা মতমদা সেনিতেসন ৱার্করশিংনা মখোয়বু লুনান হনদুনা থম্বা ঙমখি। অম্ব্যুলেন্স দ্রাইভরশিংসু অদু মঙাই লাইরিক হৈজদ্রবসু মখোয়না কোরোনা পোজিতিব ওইবা মীওই পুথোক-পুশিন তৌরি খঙজৈ মখোয়না মীওইবা খুন্নাইগীদমক শেবা তৌখি মরম অসিনা মখোয়সু ঈশ্বরদগী তাবা নত্তে।

ইকাই খুম্নরবা স্পীকর সর,

কোরোনা লাইচৎ অসি তশেংনা পন্দুপ অমা ওইখি। তশেংবা এসিদ তেস্ত অদুদি খুদোংথিবা মায়োক্নরবা মতম অদুনা ওইগনি। মহৌশাগী মতমদদি নাপল কাদুনা লৈ অদুবু মালেমগী খ্বাইদগী অচৌবা লৈবাক ফাওবদা খুদোংথিবা নংলবদা ঐখোয়না খুদোংথিবা অসিদা অহানবা ওইনা লৌখৎখিবা খোঙথাং অসি মীপুম খুদিংদা শেল অমসুং হকশেলগী মতেং হকথেংননা ফংহনবা হায়বা অসিনা ওইখি। Banks, post offices and all other facilities had to be shut abruptly. Intentions were strong and announcements were also made. লৈবাক কয়ানা কোরোনা শন্দোরকপা, লোকদাউন অমসুং কার্ফিয়ু থমখিবা অসিনা মরম ওইরগা শেল ফনা লৈরবসু মখোয়গী প্রজাশিংদা মতেং মরাং কাইনা য়ৌহনবা ঙমখিদে। খঙহৌদনা বেঙ্ক, পোস্ত ওফিসশিং অমসুং অতোপ্পা ফেসিলিতীশিং লেপখি। অদুবু ভারতকুম্বা লৈবাক অসিদদি কোরোনাগী মতমগী মনুংদা থা নিপান ভারত মচা করোর ৭৫ হেনবদা য়ুমথোংদা রেসন ফংহনখি। জন্ধন একাউন্তশিং, আধার কার্দ অমসুং মোবাইল বেঙ্কিং ত্রান্সফরশিংগী খুত্থাংদা লুপা করোর লাখ ১গী শেনফমগী শেলগী মতেং মাই পাক্না ফংহনখি। ঙসি খুদোংচাবশিং অসিনা ঐখোয়গী লায়রবা প্রজাশিংগী মতেং ওইখি। কয়াদা লাইবক থিরিবনো আধার পীবা লেপহন্নবা মতম অমদা সুপ্রিম কোর্ত্তা ৱাকৎখিবা। ঐহাক অঙকপা পোকই ইকাই খুম্নরবা স্পীকর ঐবু ঙাকপীসু ঐহাক্না ঙসিসু অমুক হন্না হায়জরি মদুদি করিগুম্বা মতমদা হাউস অসিদা খঙদবানা মরম ওইরগা অকাইবা কয়া থোকহল্লি।

ইকাই খুম্নরবা স্পীকর সর,

কোরোনা লাইচৎ মনুংদা স্ত্রীৎ ভেন্দরশিংদা শেলগী তেংবাং অমসুং মতেং পীনবা হোৎনখি। মসি মাই পাক্না ঙমখিবদা ঐহাক্না নুংঙাইবা পোকই। ইকাই খুম্নরবা চিয়রমেন সর, খুদোংথিবা অসি থোকপা মতমদসু ঐখোয়না ইকনোমিক রিফোর্মশিং মথং-মথং পুরকপা ঙমখি। মসিনা মরম ওইরগা ত্রেক্তরশিং অমসুং ওতিমোবাইলশিং রেকোর্দ ওইনা য়োনবা ঙমহনখি। জি.এস.তি. খোমগৎপসু খ্বাইদগী ৱাংবা ওইখি। পুম্নমক অসিনা ভারতকী শেন্মীৎলোন ফগৎলক্লি হায়বা তাখি। মালেম পুম্বদগী অমসুং পুন্দিৎশিংনা দবল দিজিৎ গ্রোথ লৈগনি হায়না পান্নরি। লাইচৎ লৈজরবসু খুদোংথিবা থোক্লবসু লৈবাক অসিনা গ্রোথ উবা ফংখি অমসুং প্রজাশিংনা নীংলিবা অদু থুংহনবা ঙমখি।

ইকাই খুম্নরবা স্পীকর সর,

কোরোনাগী মতম অদুদা ঐখোয়না ফার্ম লো অহুম পুথোকখি। লো অহুম অসি মতম অদুদা য়াম্না তঙাইফবা ওইখি অমসুং চহি কবাদগী লৌউ-শিংউগী সেক্তরতা লৈরিবা খুদোংচাবদবশিং অসি কোকহনবদা য়াম্না মরু ওইখি। হিরম অসিদা ঐখোয়না থম্মোই শেংনা হোৎনখি। মশক নাইরবা খঙহৈবশিংনা তুংদা লৌউ-শিংউগী সেক্তরদা থেংনগদবা খুদোংচাদবশিং পুথোরকখি মসি ঐনা হায়জিনবা নত্তে অমসুং মসিদা কন্নবা হোৎনবা মথৌ তাই হায়না ফোঙদোকপীরকখি। মরম অসিনা ঐখোয়না পন্থবা তৌদনা হোৎনবা হৌখি। মতাং অসিদা ঐগী ওপ্পোজিসনদা লৈবিরিবা কোংগ্রেসনা লো অসি অমুবরা নত্ত্রগা অঙৌবরা হায়না মচুদা দিবেৎ তৌরি। মসিগী মহুৎ মখোয়না মসিদা য়াওরিবা অমসুং লৈবাক অসিগী লৌমিশিংদা করি ফংহনগনি হায়বা অসি ওইনা খন্নবিরম্লবদি ফগদবনি।

ঐহাক্না থাজৈ ঐগী ইয়াম্বা ‘দাদা’না মরু ওইবা হিরমশিংদা চেকশিন্নবা ওরাইরগা ৱা ঙাংগনি হায়না অদুবু মহাক্না কদাইদা করি লৈ, পি.এম. অমসুং মহাক্কী তিমনা ৱেস্ত বেঙ্গলদা করিগী চৎপনো, ঐখোয়না মখোয়গী রাজ্যদা করিগী, কদাইদা অমসুং করম্না চৎকনি হায়বা অসিদা ওইনা ঙাংবা তাজৈ। মরম অসিনা হন্থক্তি অদোমগী ৱাখল্ল খনবা ৱাৎপা অদুদা নুংঙাইতবা ফাওজৈ। য়েংলসি মীখল মতুংদা অদোমনা করিগুম্বা খুদোংচাবা ফংলবদি। রাজ্য অদু য়াম্না মরু ওই মরম অসিনা ঐখোয়না চৎলিঙৈদা তৌবা য়াবা তৌরমখি। লাইবক থিরিবদি নখোয়না নাথৈরমখিবা অদু ঐখোয়না হৌজিক তৌরি। হৌজিক চত্থরিবা প্রোতেস্ত অসিগী মতাংদদি ঐখোয়না খঙনবা হোৎনসি। দিল্লীগী ঙমখৈদা প্রোতেস্ত তৌরিবা ইচিল-ইনাওশিং অসি অরানবা ৱাখল্লোনশিং অমসুং তোকঙা শন্দোপগী ভিক্তিম ওইরি। ঐহাক্না ৱা ঙাংবা লোইরা মতুংদা নঙসু ঙাংবা য়াগনি। অদোমদসু খুদোংচাবা অমা পীখি। নহাক্না মখোয়দা অসিগুম্বা ৱাহৈশিং অসি হায়রম্বা য়াই অদুবু ঐদি তৌরোই। (ওপ্পোজিসনদগী লাউরকপা অদুদা খুম্লদুনা) নুংশিরবা শ্রী কাইলাশ চৌধরী জি য়েংঙু অদোমগীদমক ঐহাক্না কয়াম খনবগে হায়বা অদু। অদোমনা রেজিস্তর তৌবা পাম্বদা ঐনা তৌরি।

ইকাই খুম্নরবা স্পীকর সর,

হাউস অসিনা ইরাং হৌরিবা লৌমী মরু পুম্নমক্কীদমক খল্লি অমসুং সরকার অসিনা মখোয়বু ইকাই খুম্নবা মখা তানা উৎখিগনি। অমসুং মরম অসিনা পঞ্জাবতা ইরাং হৌবা হৌখিবা অদুগী মতুং তারপদগী সরকার অসিগী মকোক থোংবা মন্ত্রীশিংনা মখোয়গা লেপ্তনা দাইলোগ তৌনরি । মসি ঐখোয়গী লৌমীশিংবু ইকাই খুম্নবা অদুনা তৌবনি।

ইকাই খুম্নরবা স্পীকর,

লেপ্পা লৈতনা দাইলোগশিং চত্থরি। পঞ্জাব খক্তদা ইরাং হৌবা হৌরকখিবদগী হৌনা। মসিগী মতুং দিল্লী য়ৌরবা ফাওবা চত্থখি, মখোয়না করি খল্লিবা করি চিংনবা লৈবা খঙনবা হোৎনখি। খন্ন-নৈনবা অসি লৌমীশিংনা খল্লিবা পুম্নমক ফোঙদোকহনখি। নরেন্দ্র সিংহ তোমা পুম্নমক অসি রাজ্য সভাদা মরিক চুম্না থমখ্রে। মখোয়বু ক্লস অমমমগী ওইনা খন্ন-নৈন্নবা বর্তন তৌখি। করিগুম্বা লো অসিদা অশোইবা য়াওবনা লৌমীশিংদা য়াম্না অকাইবা পীগদবা ওইরবদি ঐখোয়না শোইদনা শেমদোক্কনি মরম মসি প্রজা মীয়ামগীনি। করিগুম্বা ৱারেপ খরা লৌরবদি মদু লৌমীশিংগী য়াইফনবনি। অশোইবা অদু পুথোরকপা তারদি মদু শেমদোক্কনি। ঐখোয়না ৱাফম অসি পঞ্জাবতা ইরাং হৌবা হৌরকখিবা মতম অদুদগী হায়দুনা লাকখি। লো অহুম অসি র্দিনান্সনা খক্তনা এনফোর্স তৌখি। মতুংদা পার্লিয়ামেন্তদা পাস তৌখি। লো অসি ইমপ্লিমেন্ত তৌরবা মতুংদা লৈবাক অসিদা মন্দি অমত্তা মুত্থৎখিদে অমদি এম.এস.পি. লেপখিদে। মসি ঐখোয়না ফোঙদোক্তবা অচুম্বাশিং অদুনি। মসিদা নত্তনা এম.এস.পি.দা লৈশিনবসু হেনগৎহনখি, তশেংনা অনৌবা লো অসি চৎনরবা মতুংদা হেনগৎহনবা ঙমখি।

ইকাই খুম্নরবা স্পীকর,

মসিদা ইরাং হোরিবা লম্বী থিংজিল্লিবা অসি রাজনিতীগী থৌরাং ঙাক্তনি। অদুবু অরানবা অমসুং তোকঙা শন্দোক্লিবা অসি শোইদনা অরানবনি তাক্কনি অমসুং অচুম্বা অদু খঙহন্নবা লালোং য়াৎকনি। মখোয় তুমিন্নবা লৈরোই মরম অসিনা মখা তান্না মপান্দা ইরাং তৌরিবা অসিগুম্না মসিদসু চাউ খোঙবা তৌরক্কনি। মখা তানা গেমপ্লান তৌগনি। নখোয়না অসুম্না কৈদৌনুংদা মীয়ামগী থাজবা ফংবা ঙমলোই।

ইকাই খুম্নরবা স্পীকর সর,

ঐহাক্না লৌমীশিংদা হংজনিবদি মখোয়গী হকশিং, কান্নবশিং নত্ত্রগা খুদোংচাবশিং ওর্দিনান্স অসি চৎনবা নত্ত্রগা বিল অসি পাস তৌবদগী অমসুং পার্লিয়ামেন্তদা অনৌবা লো অসি শেম্লবা মতুংদা মৎখিবা লৈবরা অসিনি। মসিগী পাউখুম কান্না অমত্তনা পীদে নত্ত্রগা খন্নবা তৌদে। পুম্নমক হান্নগুম্না অদুমক লৈরি। হোংলিবা হায়ববু অনৌবা পাম্বৈ অমা হাপচিনবা অসি মসিসু তৌদবা য়াদেবদি নত্তে। লো অমগী মায়োক্তা য়ানিংদবা ফোঙদোকপা অসি মদু শোইদনা চৎনদবা য়াদে হায়রবা মতমদা খক্তনি। অদুবু মসিনা ওপ্সনেল ওই। অদোমনা অপাম্বা খনবা য়াই। ওর্দিনান্স অমসুং লোগী খুত্থাংদা ঐখোয়না লৌমীশিংনা মখোয়দা হেন্না কান্নগদবা ইনফ্রাস্ত্রকচ অদু খনবগী খুদোংচাবা পীরি। (অধিরঞ্জন জি প্লিস, য়াম্না হেনমল্লে ঐহাক অদোমবু ইকাই খুম্নবা উৎলিবা মীওই অমনি) ঐহাক্না মমাংদা হায়খ্রে অদোমনা তৌবা খুদিংমক মসিদা রেজিস্তর তৌখি। অদোম শোইদনা বেঙ্গলদা তি.এম.সি.দগী হেন্না পব্লিকসিতী ফংগনি। করি কান্নগনি? য়েংঙু দাদা ঐহাক্না হায়রিসিনি করিমতা ৱাগনু। অধিরঞ্জন জি প্লিস অদুম্না তৌগনি য়াম্না লেমদে ঐহাক্না অদোমবু য়াম্না ৱাংনা খঞ্জবনি অদোমনা করিগী অসুম্না তৌরিবনো অঙকপা ফাওই।

স্পীকর সর, লো অসি কনাগুম্বা অমনা ঙাক্লগা চৎকদবনি হায়বা লৈতে। মখোয়দা ওপ্সন অমা পীরি মরম অসনা য়ানিংদবা ফোঙদোক্নবগী মরম লৈতে। করিগুম্বা লো অসি ঙাক্তবা য়াদে হায়বা ওইরগনি মখোয়না ইরাং হৌবা অদু মরম চাই। অশেংবা ইরাং হৌবা মীওংশিং ওইরবদি অসুম্না তৌরোই। অন্দোলনজিবিস খক্তনা অসিগুম্বা মওং অসি চত্থগনি। মখোয় অসি অরানবা পাউ অমসুং লান্না ইনশিনবনা তৌহনবনি। করিগীদমক থোক্লোইদবা অমগীদমক অসুম্না অকিবা পোকহল্লবনো অমসুং ইরাং হৌহল্লিবনো, মসি দেমোক্রেসী অমসুং নন ভাইলোন্সতা থাজবা মীওই খুদিংমক্না মীৎয়েং চংবা থোকই। ফাথবিয়ু অদোমগী মতম শোইদনা লাকখিগনি।

ইকাই খুম্নরবা স্পীকর সর,

অরিবা মন্দিশিংদা অথিংবা থমদে। মসিদা নত্তনা বজেৎ অসিগী প্রোবিজনদা মখোয়গী ইনফ্রাস্ত্রকচর মতমগা চুনবা মওংদা শেমঘ৭নবা ফন্দশিং এল্লোকেৎ তৌখি। ইকাই খুম্নরবা স্পীকর সর, ৱারেপ অসি পুম্নক্কী য়াইফনবা অমসুং ক্বিতী লৈনবা ৱাকল্লোন্দা য়ুম্ফম ওইখি। ইকাই খুম্নরবা স্পীকর সর, হাউস অসিগী মেম্বরশুনং শোইদনা খঙলম্লগনি মদুদি কোংগ্রেস অমসুং অচৌবা দলশিংনা ৱাফম অসিদা মখোয়গী ৱাখল্লোনশিং থমখ্রে হায়বা অদুবু অশেংবা ৱাফম অদুদি থিদোক্তে। মখোয়না ৱাফম অসি কুপ্না থিজিনফম থোকপনি। মসিনা ঐহাক্না অঙকপা পোক্লিবদি পীয়ু হায়দনা করিগী পীরিবনো হায়বা ৱাখল্লোন অসিনি। অহানবদা মসি ফংবা ফংদবা নখোয়গী অপাম্বগী মখা পোল্লি। কনা অমত্তনা নখোয়দা ইনশিল্লোই। মসি ওপ্সনেল ওই। মসি অচৌবা লৈবাক অসিগী সিস্তেম অমনি। লৈবাক অসিগী শরুক খরদদি মসিদগী কান্নবা শোইদনা ফংগনি। অদুগা খরনা ফংদবা য়াই অদুবু ৱাফমদি মসি শোইদনা চৎনদবা য়াদবা অমদি নত্তে। মরম অসিনা হংবা তৌদনা পীবা হায়বা ৱাফম করিসু লৈতে। ঐহাক্না হায়জনিংবদি দাউরীগী মতাংদা লো শেমখিবা অদু কনা অমত্তনা হায়বদগী তৌখিবা নত্তে। মসি লৈবাক চাউখৎনবা থৌখিবনি। ইকাই খুম্নরবা স্পীকর, মসি কনা অমত্তনা ধাবি তৌরকখিবা লৈতে অদুবু লৈবাক অসি চাউখৎহনবদা ত্রিপল তলাককী মায়োক্তা লো অসি চৎনহনবা য়াম্না মরু ওইখি হায়বা অসি খঙজিনবা ফগনি। চাইল্দ মেরিয়েজ থীংজিনবা মথৌ তাখি অমসুং মরম অসিনা ঐখোয়না চাইল্দ মেরিয়েজ থীংনবা লো অমা শেম্বা তঙাই ফদবা ওইখি। অসিগুম্বা লো অসি লৈবাক চাউখৎহন্নবা অমসুং য়াইফ হনবদা মরু ওই। কনানা মচানুপীশিংনা লন-থুমদা চপ মান্নবা হকশিং পীগদবনি? নত্ত্রা এজুকেসন ফংহনবদা পীগদবনি হায়না ধাবি তৌরকখিগে? অসিগুম্বা রিফোর্মশিং অসি লৈবাক চাউখৎহনবদা অমসুং অহোংবা পুরকপদা মথৌ তাখি। লৈবাক অসিদা অসুক য়াম্না রিফোর্মশিং পুরকখিবা উখ্রবরা? মালেমনা মসি উরবা নত্ত্রা অমসুং মখোয়নসু য়াজখ্রবা নত্ত্রা?

ইকাই খুম্নরবা স্পীকর সর,

ঐখোয়না থাজৈ ভারত্তা খ্বাইদগী অরিবা রাজনিতী দল অসি কোংগ্রেসনি হায়বা। মখোয় মথন্তানা দিকেদ তরুক্কী ময়াদা লৈঙাকলকখি। অদুবু লাইবক থিবদি মখোয়গী মচা-মশু অসি লম্বেল তোঙান তোঙান্না চৎখিবনা খরনা রাজ্যসভা অমসুং খরনা লোকসভাদা খাইবুম-খাইবুম তাখ্রে। অসিগুম্বা খাইবুম-খাইবুম তারবা অমসুং ৱাখল চম্মনরবা দল অসিনা লৈবাক অসিগী অফবা তৌবা ঙমলোই অমদি ঙসি লৈবাক অসিনা মায়োক্নরিবা তোঙান তোঙানবা খুদোংথিবা অসি কোকহন্নবা খনবসু ঙমলোই। মসিদগী হেন্না লাইবক থিবা লৈখিগদ্রা? রাজ্য সভাদা ফম্লিবা মকোক থোংবা কোংগ্রেস লুচিংবশিংনা য়াম্না অফবা কান্নরবা দেবেৎ তৌনরি অমসুং মখোয়গী অপাম্বা মরিক চুম্না থমখি অদুম ওইনমক লোকসভাদা ফম্লিবা অসিদি.... মতমনা অদুমক তাকচরগনি।

ইকাই খুম্নরবা স্পীকর,

ঐহাক্না ই.পি.এফ. পেন্সন স্কীমগী মতাংদা নখোয়গী পুক্নিং চিংশিনজি। ২০১৪গী মতুংদা ঐহাক্কী তেনর মনুংদা তাঙ্কক কয়াদা মীওই খরনা শুপ্নগী লুপা ৭ নত্ত্রা লুপা ২৫ নত্ত্রগা লুপা ৫০ নত্ত্রগা লুপা ২৫০ ফংলি হায়বা অসি খঙবা ঙমলকখি। মসিনি ঐখোয়গী লৈবাক্তা চৎনরম্লিবা অসি। মখোয়গী পেন্সন লৌনবা ওফিস ফাওবা লাকপগী ওতো ভরা অদুনা হেন্না ৱাংখি হায়বা ঐহাক্না খঙলকখি। শিন্মীশিংগী য়ুনিয়নশিংদগী কনা অমত্তা ধাবি তৌরকখিদে অমসুং এপ্লিকেসন থারকপা লৈখিদে। ঐখোয়না অমেন্দমেন্তশিং তৌদুনা য়ামদ্রবদা লুপা ১০০০গী পেন্সন ফংহন্নবা হোৎনখি। মসি হায়জরকপদগী লৌখিবা ৱারেপ নত্তে। লৌমীশিংগী য়ুনিয়ম অমত্তনা অপীকপা লৌমীশিংগীদমক শেলগী মতেং পীবিনবা হায়জবা লাকখিদে। অদুবু মখোয়দা পি.এম. কিসান সম্মান নিধি য়োজনাগী মখাদা শেলগী তেংবাং ফংহনখি।

ইকাই খুম্নরবা স্পীকর সর,

চাউখৎপা খুন্নাই অমদা অহোংবা হায়বা অসি য়াম্না মরু ওই। রাজা রামমোহন রোই, ইশ্বর চান্দ বিদ্যাসাগরম জ্যোতিবা ফুলে, বাবা সাহেব অম্বেদকর অসিগুম্বা অচৌবা লুচিংবশিং অমসুং অতোপ্পা রিভোল্যুস্নরীশিংনা শিংনবা কয়া লৈরবসু খুন্নাইদা অচৌবা অহোংবা পুরক্নবা কান্না হোৎনখি মতম অদুদসু অদুমক য়ানিংদবা ফোঙদোকপা উবা ফংখি। অহৌবদা হৌজিক লৈরিবা সিস্তেমদা অনৌবা পুশিল্লকপদা য়ানিংদবা লৈগনি অদুবু মদুগী কান্নবা খংলবা মতুংদা অনৌবা কাংলোন মশানা য়ানা লৌখি।

ভারত অসি য়াম্না চাউবা লৈবাক অমনি, মরম অসিনা ৱারেপ খরদা পুম্নমক্না য়াবা হায়বা অসি ওইথোকপা ৱাৎকনি। মমাংগী কান্নবা স্কীমশিং অদু লৈবাক অসি য়াম্না চাউবনা মফম খরদা হেন্না কান্নবা ফংবা, খরদা হন্থনা কান্নবা ফংবা অমসুং মফম খরদনা কান্নবা অমত্তা ফংদনা লৈরম্বা য়াই। ঐখোয়না পুম্নমক্কী খল্লগা ৱারেপ পুম্নমক খুন্নাইগী য়াইফনবা মঙলানগা লোইননা ইনক্লুসিব ওইনা লৌখি।

ইকাই খুম্নরবা স্পীকর,

ঐহাক্না চম্মনরিবা ৱাফম অদুদি “ মসি কনানা পীয়ু হায়খিবগে?” ঐখোয় অসি ঐখোয়গী মীচম প্রজাশিংনা নীংদ্রিবা ফাওবা পীদবা ওতোক্রেৎরা? ঐখোয়না করি মরমগী মখোয়দা ধাবি তৌহনদোরিবনো? মসি দেমোক্রেতিক ওইবা মওংশিংদা চুন্নদে। সরকারদি মীনুংশি লৈফম থোকই। সরকারবা মীয়ামগী য়াইফনবা দেমোক্রেতিক ওইবা মওংদা য়াইফনবা থৌদাং লৌগদবনি। ভারতকী প্রজাশিংনা আয়ুশ্মান ভারত স্কীমগী অপম্বা ফোঙদোরকখিদে অদুবু ঐখোয়না মদু মেদিকেল ক্রাইসিস থোকপা মতমদা লায়রবা মীয়ামদা ঙাকশেম পীনবা মথৌ তাই খন্না চৎনহনখি। প্রজা মীয়াম্না মখোয়গী বেঙ্ক একাউন্তশিং ফংনবা য়ানিদবগী খোঙচৎ নত্ত্রগা মেমোরেন্দা পীশিনখিবা লৈতে। ঐখোয়না জন ধন স্কীমগী মখাদা মখোয়গী পর্সনেল একাউন্তশিং ফংহনখি।

কনানা স্বচ্ছ ভারত দিমান্দ তৌখিবগে? লৈবাক অসিনা মশানা য়ান্না মাং থানা চংশিনখি। কনানা ঐখোয়দা মখোয়গী ময়ুমদা তোইলেৎশিং মথৌ তাই হায়রকখি...কনাগুম্বনা হায়রকখিবা লৈতে....ঐখোয়না মাং থাদুনা য়ুমথোং করোর ১০দা তোইলেৎ শাবা হৌখী। মসি দেমোক্রেসীনি ওতোক্রেসী নত্তে। ঐখোয়না মীয়ামগী আপাম্বশিং খঙনবা মীয়ামগী মথৌ তাবা অদু থুংহন্নবা খোঙথাংশিং লৌখৎখিবনি। ঐখোয়না মীয়ামদা মখোয়গী হকশিং অদু হায়হনদুনা প্রজাশিংদা মশানা মশাবু থাজবা লৈহনগদবা নত্তে। ঐখোয়না মীয়ামদা মখোয়গী তঙাই ফদবশিং হায়জহল্লবদি মখোয়দা মশানা মশাদা থাজবা লৈরক্লোই। ঐখোয়গী প্রজাশিংদা কম্পিতেন্সীশিং অমসুং মশানা মশাদা থাজবা হেনগৎহন্নবা খোঙথাং কয়া লৌখৎখ্রে। দাদা মিনিৎ অমত্তা তাবিয়ো....ঐনসু মদু চপ মান্ননা। মহাক্না কতিগুম্বা পাম্লবদি অরিবা ফেসিলিতীশিং মখা তানা শিজিন্নবা য়াগনি। অনৌবা স্কীমশিং অসি পাইখৎত্রসু য়াই। অরিবা প্রোবিজনশিং লৌথোকখিদ্রি। মহাক্না মদু অদুমক মখা চত্থবা য়াই হায়বা অসিনি ঐহাক্না হায়নিংলিবসি।

ইকাই খুম্নরবা স্পীকর,

ঐখোয়না কুইনা তুংশিনদুনা লৈবা ঈশিংনা লাইনা মখল কয়া থোকহল্লি হায়বা অসি খঙনরবা ৱাফম অমনি। অচেনবা ঈশিংনা পুন্সি মরেক মহাও লৈহল্লি অমসুং নুংঙাইবা ফংহল্লি। চান্নবা অদুমক মখা চত্থরো। কনাগুম্বা হায়রক্লবা মতমদা খক্তা পীগনি হায়বা অসি লানগনি। মথৌ তাবগী মতুং ইন্না ঐখোয়না থৌদাং লৌনবগী ৱারেপশিং লৌগদবনি। স্তেতস কো.... মসিগী ৱাখল্লোন অসি লৈবাক অমা মাংহনবদা অচৌবা থৌদাং লৈ। মালেম অসি হোংলক্লি। ঐখোয়না কয়াম কুইনা স্তেতস কো ঙাক্না চৎনি। মসিগী চরাংনবা ৱাখল্লোন অসিনা ঐখোয় ইশাদা অওনবা পুরকপা য়ারোই অমসুং লৈবাক অসিগী নহারোলশিং ঙাইহনদুনা থম্বা য়ারোই।

ঙসি ঐহাক্না স্তেতস কো ঙাক্না চৎলিদি করি তৌবগে হায়বা ৱাফম অমা থমজগে। মসি চহি ৪০-৫০গী মমাংগী ৱারী অমনি। মসি অতোপ্পা মীওইদগী তারকপা ওইবনা চপ চাবা তাং অদুদি খঙদ্রে। মতম অদুদা ঐহাক্না তাখিবা অমসুং ঙসি নীংশিংবা অদু তমজগে। ১৯৬০গী মতমদা তামিল নাদুদা মাগী রাজ্যগী শিন্মীশিংগী খুৎশুমল হেনগৎহন্নবা কম্মিসন অমা শেমখি। কম্মিসন অসিগী চিয়রমেন্না অরোৎপা ৱাফম বাওবা এনবেলপ অমা ফংখি। মদুদা এপ্লিকেসন অমা য়াওরমখি। মীওই অদুনা সিস্তেম অসিদা চহি কয়া পুকচেল শেংনা থবক তৌরবসু মহাক্কী তোলোপ হেনগৎখিদে মরম অসিনা চিথি অসিগী খুত্থাংদা মহাক্কী তোলোপ হেনগৎনবা হায়জরকখি। চিয়রমেন অদুনা মমিং মথা অকুপ্পা মরোল পীরক্নবা হায়খি, মীওই অদুনা মহাক মন্ত্রালয় অদুগী চীফ সেক্রেতরীগী লোইশঙদা সি.সি.এ. ওই হায়না পাউখুম পীরকখি। চিয়রমেন অদু সি.সি.এ. হায়বা করিনো খঙখিদে মরম অসিনা শিনফম অদুগী অকুপ্পা মরোল পীরক্নবা হবখি। মীওই অদুনা অকুপ্পা মরোল হায়বা য়াদে মরমদি মহাক্না রুৎ অমনা অথিংবা পী অদুনা ১৯৭৫গী মতুংদা ফোঙদোরক্কে হায়রকখি। চিয়রমেন অদুনা করিগী হৌজিক মহাক্না নাথৈনবা তৌরিবনো অদু ওইরবদি ১০৭৫তা মথৌ তৌগদবা কম্মিসন অদুগা ওইনা উন্নরো হায়না হায়খি। মসিদি য়াররোই খঙদনা নুপা অদুনা চীফ সেক্রেতরীগী লোইশঙদা মহাক চহি কয়াদগী সি.সি.এ. ওইদুনা লাকখি, সি.সি.এ. হায়বদি চর্চিল সিগর এসিস্তেন্ত হায়বনি। ১৯৪০দা চর্চিলনা ব্রিতেনগী পি.এম. ওইবা মতমদা ত্রিচীদগী সিগর অসি মঙোন্দা থাই অমসুং সি.সি.এ. না সিগর অসি থাবগী থৌদাং লৌখি। মরম অসিনা ত্রিচীদগী সিগর থানবা সি.সি.এ থমলমখি। ১৯৪৫তা চর্চিল মীখলদা মাইথিখি অদুবু পোস্ত অসি অদুমক লাইখি অমসুং সপ্লাই মখা চত্থখি। ভারতনা নীংখা তম্বা ফংখি অদুবু ফম অসিদি অদুমক লৈখি। চীফ সেক্রেতরীগী লোইশঙদগী চর্চিলদা চিগর থবকগী থবক মখা চত্থখি মরম অসিনা নুপা অসিনা মহাক্কী তোলোপ হেনগৎনবা অমসুং প্রমোসন পীনবা ধাবি তৌখিবনি।

হোজিক য়েংঙু মসিনি স্তেতস কোগী ফল। স্তেতস কো লৌথোকপা অমসুং সিস্তেম শেমদোকপগী ৱাখল্লো অসি লাকহনবগী মসিদগী হেন্না চাউবা খুদম লৈরোই। ঐহাক্না মুখ্য মন্ত্রী ওইবা মতমদা বেলুন থাগৎখিদ্রে হায়না রিপোর্ত লাকখি। মসি অনিশুবা মালেমগী লাঞ্জাওদগী হৌরকী অমসুং হৌজিকসু চৎনরি। মসিগী চৎনবী অসি ঐখোয়গী সিস্তেমদা মরা থাখ্রে। ঐখোয়না রিবন ককপা, লেম্প চুখৎপা অমসুং ফোতো নম্বদা নুংঙাইরি। মসি লোইশিল্লসি। লৈবাক অসিদা অহোংবা পুরক্না থৌদাং খুদিংমক লৌরসি। অশোইবা য়াওবদি য়াই অদুবু ৱাখল্লোন অদুদি অফবা ওইগদবনি অদু ওইরবদি অফবা ফল ফংগনি। ঐহাক্না থাজৈ নখোয়না সর্তিফিকেৎ এসেস্ত তৌনবা কোওপরেতরশিংগী ময়ুমগী মপালদা শাংনা ক্ব্যু লেপহনখি। মহাক্না চে-চং অদুদা স্তাম্প নমদুনা খুৎয়েক পীগনি মসিদা য়াম্না নোক্নিংবা ৱাদি মদু মহাক মশানা তৌদে। মাগীদমক নুপা অমনা মদুগী থবক অদু তৌগনি অমসুং সিস্তেম অসি মতম শাংনা চত্থদুনা লাকখি অমসুং কনা অমত্তনা ৱাহং হংখিদে। ঐহাক্না লৈঙাকপা মতমদা ঐখোয়না প্রজাশিংদা থাজবা থমসি অদুনা এস্তেতেসনগী চৎনবী অসি মুত্থৎলসি। মীয়ামদা কান্নবা ফংহনখি অমসুং ঐখোয়না অওনবা অমসুং রিফোর্ম পুরক্নবা হোৎনসি।

ঐখোয়গী ইন্তর্ভ্যুগী লৈরিবা থৌওং অসিদা তশেংনা অঙকপা পোকই। নুপা অমনা থোদগী চংলক্কনি মীওই অহুমনা পেনেলিস্ত ওইনা ফমগনি। মীওই অদুগী মওং য়েংলনি মমিং-মথা নিংথিজনা হংদনা পেনেলিস্তনা থোকখিগনি। অসুম্না ইন্তর্ভ্যু পাঙথোক্লি। মসিগী মওং অসিদা ওর্দর পাস তৌখি। অসুম্না করিগী তৌরিবনো ঐহাক্না মহাক্কী এজুকেসন অমসুং অতোপ্পা ক্বালিফিকেসনশিংগী দেতাবেজ অমা শেম্বা য়াদব্রা? কম্প্যুতরনা মেরিৎ লিস্ত অমা পুথোকহল্লু। মসি ক্লাস ৩ অমসুং ৪গী কর্মচারী লৌবগী ফিয়াস্কোগী তৌরকখিবা রিপোর্ত অদুনি। ঐখোয়না মসিগী মওং অসিসু লৌথোকখি।

ঐহাক্কী ৱাখল্লোন্দা ঐখোয়গী লৈবাক অসিদা অহোংবশিং পুরকপা মথৌ তাই। লৈবাক অসিনা মাইথিগনি হায়বগী অকিবনা মীয়ামনা স্তেতস কো চৎনহনবা য়াহনবা লানগনি। ঐখোয়না সিস্তেমদা অহোংবা পুরক্নবা হোৎনবা তাই। মতমগী মতুং ইন্না অহোংবা পুরকপা তাই।

ইকাই খুম্নরবা স্পীকর,

ঐখোয়গী লৈবাক্তা লৌউ-শিংউ অমসুং লৌ-উবা অসি য়াম্না অরিবা ত্রেদিসন অমনি অমসুং ঐখোয়গী কলচরগী শরুক অমা ওইদুনা লাকখি। মসি মেনস্ত্রীমগী থবক-থৌরম অমা ওইদুনা লাকখি। মরম অসিনা ঐখোয়গী মমল য়াম্লবা কলচরেল হেরিতেজ য়োকখৎপদা ঐখোয়গী লৌমীশিংনা মরু ওইবা থৌদাং লৌরি। ঐখোয়গী লাইনিংবশিংনা তোঙান তোঙানবা স্ক্রিপচরশিংদা লৌউ-শিংউগী হিরম কয়া ঈরমখি। ফজরবা এক্সপরিয়েন্স কয়া দোক্যুমেন্ত তৌদুনা থমখি। ঐখোয়গী নীংথৌশিংনা ফাওবা লৌবুক্তা লৌ উরমখি। লোর্দ জানক নত্ত্রগা লোর্দ কৃষ্ণ অমসুং মহাক্না ময়াম্বা বলরামগী ৱারী তাদবা কনা লৈ। ইনাক-কৈরাক খুনবা ইমুং খুদিংমক লৌউ-শিংউ অমসুং লৌ-উবগী থবক তৌরকখি। মসি মহৈ-মরোং থাবা খক্তগী ৱাফম নত্তে। লৌউ-শিংউ অসি ভারতকী কলচরগী অমসুং মাগী খুন্নাইগী লৈরিবা মওং-মতৌ অসিগী মরু ওইবা শরুক ওইদুনা লাকখি। মরম অসিনা মসি ঐখোয়গী কলচরদা য়াওদুনা লাকখি হায়না হঞ্জিন-হঞ্জিন ফোঙদোক্লিবনি। ঐখোয়গী কুক্ষৈ, মাইপাকপা অমসুং অতোপ্পা অফবা থৌদোক ৱাথোক পুম্নমক লৌ লোকপা অমসুং লৌ য়ৈবগা মরী লৈনৈ। মসি ঐখোয়গী চৎনবী ওইদুনা লাকখি। ঐখোয়গী নাৎকী ওইবা ঈশৈ নোংমাই অসি লৌমীগী পুন্সি অমসুং মহাক্কী মহৈ-মরোং শৈথবা ঙাক্তনি। ঐখোয়গী কুক্ষৈশিং অসি মহৈ-মরোংগী পন্থাগী মতুং ইন্না পাঙথোকখি। ঐখোয়না অমনা অমদা য়াইফ-পাউজেল পীনবদা “ধন-ধান্যা” হায়বদি লন অমসুং নুংঙাই য়াইফবা হায়বা ৱাহৈশিং অসি শিজিন্নৈ। ৱাহৈ অনি অসি তৎনা-থানবা য়ারোই। হায়রিবা অসি ঐখোয়গী খুন্নাইগী মরু ওইবা শরুক অমা ওইদুনা লাকখি অদুবু হৌজিক ওইরিবা ফীভম অসিনা মসি মশক থিহল্লি ঐখোয়না অঙম্বা থাক্তা মসি অমুকহন্না ৱাংনা থম্নবা হোৎনবা তাই।

রাজ্য সভাগী ফ্লোরদা ঐহাক্না অপীকা লৌমীশিংনা থেংনরিবা সমস্যাশিংগী মতাংদা কুপ্না ফোঙদোকখ্রে। মখোয় অসি ঐখোয়গী লৈবাক্কী মীশিংগী শরুক ৮০-৮৫% ওইরি। মখোয়বু চাউখৎহনদনা ঐখোয়না খুমাং চাউশিনবা ঙম্লোই। ঐখোয়না মখোয়দা মীনুংশিগা লোইননা য়েংবা তাই। ঐহাক্না অসিগুম্বা অপীকপা লৌমীশিং লৌউ-শিংউগী লৈরিবা কাংলুপশিংনা করম্না হন্থনা য়েংবিবগে হায়না পোইন্ত ওইনা মথং-মথং থমখ্রে। সেক্তর অসিদা চাউনা অওনবা পুরকপা মথৌ তাই। মীশিং হেনগৎলকপা অসিনা লেন্দ হোল্দিংগী চাং হন্থহল্লি মসি ইমুংশিংগী মনুংদা য়েন্থোক্নরগনি। চৌধরী চরন সিংহনা হায়খি ঐখোয়গী লৌমী মশিং য়াম্মি অদুবু লমগী মপুং ওইবগী মশিংদা হন্থরক্লি। মখোয়গী মশাগী ত্রেক্তরনা লৌ উনবা লম লৈরোইদবা মীকুপ অসি য়ৌরক্কদবা কুইদ্রে। মখোয়গী লম অদুক্কী মতিক পীকশিল্লকনি। মসিগী সমস্যাশিং কোকহনবা অসি ঐখোয়গী থৌদাংনি।

নীংখা তম্লবা মতুংদা ঐখোয়গী লৈবাক অসিদা লৌউ উবগী থবক তৌবা শিন্মী ২৮% লৈ। মমাংগী দিকেদকী মীকোক থীবদা মসিগী মশিং অসি ৫৫%দা হেনগৎখি। মসি লৈবাক অমা হেক্তগী ওইনা য়াম্না অরুবা ৱাফম অমা ওইগনি। লমগী চাউবা হন্থরকপনা মরম ওইরগা রিতর্নশিং অসিসু হন্থরক্লি অমসুং লৌমীশিং অসিনা অৱাবা কয়া মায়োক্নরি। মসিনা মরম ওইরগা মখোয়বু অতোপ্পা লৌ উনবা লমগী বোন্দেদ লেবরশিং নমদুনা ওইহনখি।

হেন্না লাইবক থিবদি ঐখোয়গী লৌউ-শিংউগী সেক্তর অসিদা মথৌ তাবা ইনবেস্তমেন্তগী চাং অদু য়ৌনা ফংদ্রি। সরকারনা মদু কোকহনবা ঙমদে অমসুং রাজ্য সরকারশিং অমদি লৌমী মশানসু করিসু তৌবা ঙমদে। লৌমীশিংনা ময়ুম পুবদা খম থেংনা অৱাবা থেংনরি। মরম অসিনা সেক্তর অসিদা ইনবেস্তেন্ত তৌবা য়াম্না মথৌ তাই। ঐখোয়না সেক্তর অসিদা চাউনা ইবেস্তমেন্তশিং তৌহনদ্রিবা ফাওবদি লৌউ-শিংউগী ইনফ্রাস্ত্রকচর মতমগা চুন্নবা মওংদা শেমগৎপা ঙম্লোই। অপীকপা লৌমীশিংনা কান্নবশিং ফংনবা মওংদা ইনফ্রাস্ত্রকচরশিং শেমগৎপা মথৌ তাই। ঐখোয়গী লৌউ-শিংউগী সেক্তর মপাঙ্গল কনখৎহনদুনা মখোয়বু আত্মানির্ভর ওইহনবা অমসুং মখোয়গী পোত্থোক অপাম্বা মফমদা য়োঞ্জনবা মনিং-মখা তমহনবা য়াম্না মরু ওই। হৌজিক লৈরিবা মার্কেৎ ত্রেন্দশিংদা রিসর্চ তৌরি। ঐখোয়না কৈথেলদা মথৌ তাবা অদু পুথোকপা তাই অসুম্না মালেমগী ফম্পাক্তা ঐখোয় ইশাগী মফম অমা কঞ্জবা তাই। ঐখোয়গী অখন্ননা মথৌ তাবশিং লৈজৈ মসি মপানদগী পুশিল্লকপা থৌগৎকুমসি। হরিয়ানাদগী লৌমী অমনা মহাক্কী লৌবুক্তা ঐহাকপু পুখি মহাক্না হায়জরকপদগী ঐহাক চৎখি। মহাক্কী এক্কর ১ নত্ত্রা ১.৫ খক্তা চাউবা লম অমা লৈরমখি। অদুবু মহাক য়াম্না খুমাং চাউশিনখি। মহাক্না হায়রকপা অদুদা ঐহাক্না খঙনিংবা পোকখি মরম অসিনা ঐহাক্না চৎখিবনি। মসি চহি ৩০-৪০গী মমাংগী ৱানি। মহাক্না দিল্লীগী ৫ স্তার হোতেলশিংনা মপালদগী লৈবা অখন্নবা মনা-মশিংগী মখলশিংগী মতাংদা রিসর্চ তৌখি। মখোয়না বেবী কোর্ন নত্ত্রা চেরী তোমেতোশিং মথৌ তারবদি মহাক্কী অপীকপা লম অদুদা অখন্নবা এনভাইর্নমেন্তদা স্পেসিএলাইস্তশিংগী মতেং লৌদুনা থাখি অমসুং দিল্লীগী ৫ স্তার হোতেলশিংদা সপ্লাই তৌবা হৌখি। ঐখোয়না মথৌ তারিবা অসি সিস্তেমদা খরা অহোংবা পুরকপনি। কৎচকী লৈঙোইগী ফম অসিদা স্ত্রোবেরীশিং থারক্কনি হায়না ঐখোয়না নোংমতা খল্লুব্রা? ঐখোয়না খনখি স্ত্রোবেরীশিং অসি অইংবা লমদমশিংদা খক্তা হৌই।

মধ্য প্রদেশ অমসুং উত্তর প্রদেশতা স্ত্রোবেরী থারিবা অসি উবদা থৌগৎনিংঙাই ওই। বুন্দেলখান্দগুম্বা ঈশিং য়াম্না তাংবা মফমশিংদা লৌমীশিংনা মাই পাক্না থাবা উরি। মসিনা ঐখোয়না চাউনা তৌবা ঙম্বা অদু উৎলি। ঐখোয়না শুপ্নগী লৌমীশিংদা লমজিংবা তাই অমসুং মখোয়দা অনৌবা মহৈ-মরোংগা লোইননা এক্সপরিমেন্ত তৌবদা থৌগৎপা তাই। ঐখোয়গী লৌমীশিংনা মখোয়গী লৌউ-শিংউগী পাম্বৈশিংদা মাং থাগনি অমসুং অমুক হন্না কন্থগনি হায়না ঐহাক্না চেৎনা থাজৈ। মখোয়না মমাংথক্তা অৱাংবা থেংনখিবনা মখোয়গী থাজবা ফংবা হায়বা অসি অরাইবা নত্তে। মখোয়দা মশানা মশাবু থাজবা লৈহনবা তাই অমসুং হেন্দ হোল্দিং তৌবা অমসুং লমজিং-লমতাক্লপগা লোইননা মখোয় চাউখৎপগী লম্বীদা চংশিনবা ঙমগনি। মখোয়গী অহানবা খোঙথাংবা অদুনি মরু ওইরিবা। মখোয়বু ভাব তাহল্লবদি মখোয়না অঙকপা কয়া তৌরক্কনি। মসিগা মান্নবা মওংদা ঐখোয়না লৌউ-শিংউগী সেক্তরদা ইনবেস্তমেন্ত তৌবা হেনগৎলবদি থবক হেন্না পীবা ঙমগনি। ঐখোয়না মালেমগী কৈথেলশিংদা ঐখোয়গী ওইবা মফম কনবা ঙমগনি।

ঐখোয়গী খঙ্গংগী শেন্মীৎলোনদা অওনবা পুরক্নবা এগ্রো বিজিনেস ইন্দস্ত্রীদা চাউখৎহনবা মথৌ তাই। মরম অসিনা মাইকৈ অসিদা পুন্না হোৎনদুনা অমসুং মীৎয়েং চংদুনা মপুং ফানা মরোমদোম লেপচবা ঙমহনগনি। খুদোংথিবা কয়াগী মরক্তা ঐখোয়না রেকোর্দ ওইনা লৈশিনখি। কোরোনাগী মনুংদসু লৌমী কয়ানা রেকোর্দ ওইনা পোত্থোক পুথোকখি। লৌমীশিংগী অৱাবা কোকহনবা হায়বা অসি ঐখোয় পুম্নমক্কী থৌদাংনি। মখোয়না মায়োক্নরিবা খুদোংচাদবশিং কোকহন্নবা খোঙথাং কয়া লৌখৎপা তাই। লৌউ-শিংউগী রিফোর্মশিং অসি মাইকৈ অসিদা চংশিন্নবা অপীকপা খোঙথাংশিংনি। ঐখোয়না লৌমীশিংদা চপ মান্নবা খুদোংচাবশিং অমসুং এদভান্স ওইবা তেক্নোলোজী ফংহনবা তাই। মসিনা মখোয়দা মশানা থাজবা ঙমহনগনি। সমস্যাশিং অসি কোকহন্নবা হোৎনবা মথৌ তাই।

করিগুম্বা মসিগী মতমগা চুন্দ্রবা ৱাখল্লোনশিং অমসুং পাম্বৈশিং অসিনা লৌমীশিংগী ফীভম ফগৎহনবা ঙম্বা তারবদি মদু চহি কয়াগী মমাংদা ফংলম্লগনি। ঐখোয়না অনিশুবা গ্রীন রিভোল্যুসনগী মতাংদা পুথোকখ্রে। ঐখোয়না খুমাং চাউশিন্নবা অনৌবা লালোংশোং পুথোকখ্রে অমসুং মসি খন্থবা মথৌ তাই। মসি রাজনিতীগী ৱাফম খক্তা নত্তে। মসি ঐখোয়গী লৈবাক চাউখৎহন্নবা য়াম্না মথৌ তাই। ঐখোয়না মসিগীদমক পুনশিন্নবা মথৌ তাই। মসি লৈঙাক পাইরিবা অমসুং ওপ্পোজিসনশিংগী অপুনবগী থৌদাংনি। ঐখোয়গী ১৮শুবা চহিচাগী ৱাখল্লোন অদুনা ২১শুবা চহিচাগী অসিদা ঐখোয়গী লৌউ-শিংউগী সেক্তরদা মাই পাকপা অমসুং চাউখৎপা ঙমলোই

কনাগুম্বা অমত্তনা ঐখোয়গী লৌমীশিংবু লায়রবগী লোইবা নাইদ্রবা লাং অসিদা থুদুনা লৈহনবা পামদে। মখোয়না নুংঙাইনা হিংনবগী হক অদু ফংদনা হিংলি। ঐহাক্না মখোয় অসি মীখা পোন্দুনা অমসুং মীনাই নাইথাংগী পুন্সি মহিংদা অদুমক হিংবা অসি য়ানিংদে। মখোয়গীদমক হোৎনবা হায়বা অসি ঐখোয় পুম্নমক্কী থৌদাংনি। ঐখোয়না মতেং পাংদুনা লৌমীশিংগী য়াইফনবা তৌদুনা লৈবাক অসি খুমাং চাউশিন্নবা লম্বী অমা নত্ত্রগা অমদা মতেং পাংফম থোকই।

সরদার ভল্লভ ভাই পতেলনা অসুম্না হায়রমখি করিগুম্বা নীংখা তম্লবা লৈবাক অমনা মীনাই-নাইথাংগী অদুমক মখা তানা মমি তারবদি নীংখা তম্বগী থৌনা লিংজেল অদু শন্দোকপা ঙমলোই। ঐখোয়গী লৌমীশিংনা মখোয়গী হকশিং ফংদ্রিবা ফাওবা ঐখোয়না মপুং ফানা নীংখা তম্লে হায়বা চুমলোই। মরম অসিনা ঐখোয় পুন্না অচৌবা অহোংবশিং পুরক্নবা হোৎনবা তাই অমসুং লৌমিশিংদা মথৌ তাবা মতেং ফংহনদুনা অমসুং মখোয়বু চাউখৎপগী লমজেল অসিদা য়াওহন্নবা শেম্বী-শাবীবা তাই। মসি অফবা তৌনবগী হোৎনবনি অমসুং ইশাগী ওইজবগী নত্তে।

ঐখোয়গী সরকারনা অপীকপা লৌমীশিং খোঙথাং খুদিংদা মতেং পাংখি। হৌখিবা চহি তরুক অসিদা ঐখোয়না অপীকপদগী অচৌবা খোঙথাং কয়া লৌখৎতুনা লৌমীশিংদা মরুদগী হৌরগা কৈথেল য়ৌবা ফাওবা মতেং পাংদুনা লাকখি। খুদম ওইনা দাইরী অমসুং কোওপরেতিবশিংগী সেক্তর অসি চাউথোক্লে লোইননা মখোয়গী ভেল্যু চেন অসি মপাঙ্গল কনখৎহনখ্রে।

সরকারনা সেক্তর অসিদা মীৎয়েং চংবদগী খুমাং চাউশিল্লকপা উবা ফংঙি। ঐখোয়না তপ্না-তপ্না উহৈশিং অমসুং মনা-মশিংশিং লোইনা হোর্তিকলচরদা মীৎয়েং চংবা য়াই মসিনা হৱাই-চেৱাই অমসুং সিরিএলগী সেগমেন্ত চাউখৎহনগনি। সেক্তরশিং অসি য়াম্না মপাঙ্গল কনবা য়াই। ঐখোয়গী মাই পাক্লবা বিজিনেস মোদেল অমা লৈ অমসুং মসি ঐখোয়না ইমপ্লিমেন্ত তৌগদবনি। ঐখোয়না মখোয়গী অতোপ্পা মহুৎ শিনবা য়াবা কৈথেলশিং ফংহনবা মথৌ তাই।

ঐখোয়গী সরকারনা লৌখৎখিবা মরু ওইবা অতোপ্পা খোঙথাং অদুদি ফার্মর্স প্রদ্যুসর্স ওর্গনাইজেসন লিশিং তরা শেমখিবা অসিনি। মসিনা অপীকপা লৌমীশিংদা থৌনা হাপ্লগনি। মহারাস্ত্রদা এফ.পি.ও.শিং শেমদুনা চাংয়েং তৌখি অমসুং কম্মুনিস্তকী রাজ্য ওইরিবা কেরেলাদা এফ.পি.ও.শিংগী মশিং য়াম্না লৈহন্নবা কন্না হোৎনরি। মসিগী মতৌ রাজ্য কয়ানসু তম্লি। মসিনা মরম ওইরগা লৌমীশিংনা মখোয়গী অপাম্বা কৈথেল অমা শেমগৎনবা অপুনবা ফোর্স অমা ওইরক্লগনি। এফ.পি.ও. লিশিং ১০ শেমখ্রবা মতুং অপীকপা লৌমীশিংনা মখোয়গী খুঙ্গংশিংদা মপাঙ্গল কনখৎলকপা উবা ফংলগনি। লৌমীশিংনা এফ.পি.ও.শিং অসিগী খুত্থাংদা বেঙ্কশিংদগী শেলগী মতেং লোইননা অপীকপা ৱেয়রহাউসি ইনফ্রাস্ত্রকচরগী তেংবাংসু লেপ্পা লৈতনা ফংলবা য়াই। করিগুম্বা মখোয়না মপাঙ্গল কনখৎলকপা তারবদি মখোয়না মশাগী ওইবা কোল্দ স্তোরেজ ফেসিলিতী থমজবা ঙম্লগনি। সরকারনা সেল্ফ হেল্প গ্রুপশিংগা মরী লৈনবা ইচে-ইচল করোর তরেৎতা লুপা করোর লাখ অমাগী ফন্দ এল্লোকেৎ তৌখ্রে। মখোয় পুম্নমক লৌমীশিংগী মচানুপী ঙাক্তনি। মখোয় অসি লৌমীশিংগী ইমুং-মনুংশিংগা লম্বী অমা নত্ত্রগা অমদা মরী লৈনৈ। মসিগী নেৎৱার্ক অসি শিজিন্নদুনা লৌমীগী কাংলুপ চাউখৎহন্নবা হোৎনরি। মসি শেন্মীৎলোনগী থবক থৌরমশিংগী ওইনা অচৌবা সেন্তরশিং ওইরক্লি। ঐহাক্না গুজরাতকী বালসদ ত্রাইবেল রিজনদা এস.ঐচ.জি.শিংগী মতেংগা লোইননা ত্রাইবেলশিং অসিনগী অপীকপা লমশিংদা প্রোজেক্ত অমা পাইখৎখিবা অদু নীংশিংলকই।

দা. এ.পি.জে. অবদুল লামনা মহাক্কী মপোক নুমিৎ পাল্লন তৌনবা মফম অসিদা লাকলমখিবা অদু য়াম্না লাইবক ফবনি। মহাক্না প্রোতোকল লৈতে অমসুং মহাক্না চম্না লৌমীশিংগা লৈমিন্নবা পাম্মি হায়না ফোঙদোকখি। মসি মাই পাকখিবা প্রোজেক্ত অমনি অমসুং নুপীশিংনা য়াম্না কন্না হোৎনখি। মফম অসিদা মখোয়না গোৱাদা হৌবা চেংগুমশিং অমসুং কাজু অদু মাই পাক্না থারি। মখোয় মশাগী ওইবা কৈথেল অমা শেমজখি। মখোয় অপীকপা লৌমীশিং ঙাক্তনি। মখোয়গী লমশিং অদু য়াম্না পীকই অদুবু মখোয়না হোৎনবা কনবনা মরম ওইরগা দিবিদেন্দশিং ফংখি অমসুং দা. কলামনা ফাওবা মখোয়গী মাই পাকপগী ৱারী অসি মহাক মশানা হকথেংননা উখি হায়না ইরকখি। মসিননি ঐহাক্না অনৌবা ৱাখল্লোন অমসুং প্রোজেক্তশিং পাইখৎনবা মাং থানা চংশিন্নবা হায়রিবা অসি।

ঐখোয়না হৱাইশিং লৈশিনবদা খুদোংচাদবশিং মায়োক্নখি। ২০১৪দা ঐখোয়না লৌমীশিংদা ৱাফম অমা থমখি। মখোয়না কন্না হোৎনদুনা ঐখোয়গী সমস্যাশিং কোকহনদুনা মখোয় মশাগী কৈথেল অমা ফাওবা লিংখৎখি। ঙসিসু অপীকপা লৌমীশিংনা মখোয়গী পোত্থোকশিং অদু ই-নামগী ওনলাইন-ওফলাইন প্লেৎফোর্মগী খুত্থাংদা হকথেংননা য়োল্লি। কোরোনাগী মনুংদা ঐখোয়না কিসান রেশিং অমসুং কিসান ফ্লাইৎশিং লৈহনদুনা চাংয়েং তৌখি। মসিনা হকথেংননা অপীকপা লৌমীশিংগী অচৌবা কৈথেলশিং হাংদোক্তুনা মখোয়গী পোত্থোকশিংগী মতিক চাবা মমল ফংহনবদা মতেং পাংখি। ত্রেনশিং অসি অমরোমদা চকা পানবা কোল্দ স্তোরেজকী মখল অমনি। হাউ অসিগী মন্ত্রীশিদা হায়জনিংবদি কিসান রেলশিং অসি অচম্বা ত্রান্সপোর্তেসনগী ফেসিলিতী অমা ওইনা উরবসু মসিনা অরাপ্পা খুঙ্গংশিংদগী অপীকপা লৌমীশিংবু অতোপ্পা রাজ্যশিংগী অচৌবা কৈথেলশিংগা মরী থম্বা ঙমহনখি। নাসিক্তগী লৌমী অমনা মুজাফরনগরগী বিজিনেস মেন অমগা কন্নেক তৌবা ঙমহনখি। মহাক্কী বিজিনেস অসি য়াম্না চাউবা নত্তে অদুবু মহাক্না কম্ফোই কি.জি.৩০ লুপা ১২৪দা অচৌবা কৈথেল অমদা থারি। অসুম্না লৌমী অমনা ইনফ্রাস্ত্রকচর ফেসিলিতী অসিগী খুত্থাংদা মহাক্কী পোত্থোক অচৌবা কৈথেলশিংদা হকথেংননা য়োনবা ঙমহনখি।

কনাগুম্বনা য়েরুল য়াম্না তাবা লুপা ৬০দা থাবা উবা ফংখি। মহাক্না মদু অকাই-অতোই য়াওদনা থাবা ফংজরে অমসুং মাগী পোৎ অদু লোইনমকসু শিৎপা ঙমজখি। দেবলালিগী অপীকপা লৌমী অমনা দানাপুরদা কিৱি য়োঞ্জবা ঙমখি, লুপা ৬২দা মহাক্কী কিৱ কি.জি. ৬০ অদু অতোপ্পা রাজ্যগী অচৌবা কৈথেল অমদা য়োনবা ঙমহনখি। কিসান রেল অসি পীকচরবসুমসিনা চাউনা অহোংবা পুরক্লি। ঐখোয়না মাই পাকপগী খুদমশিং উবা ফংলে।

ইকাই খুম্নরবা স্পীকর সর,

চৌধরী চরন সিংহনা ভারতকী শেন্মীৎলোনগী মতাংদা লাইরিক অমা ইরমখি। লাইরিক অসিদা মহাক্না লৈবাক পুম্বদা চান্ন-থক্নবা ফংহনবদা মসি লমদম অমা খক্তনিকো হায়না খনবা তাই হায়না ইরমখি। অতোপ্পা ৱাহৈদা হায়রগনা পোৎচৈশিং রাজ্য অমদ্গী অমদা পুবদা অথিংবশিং লৈহল্লোইদবনি হায়বা অসিনি। লৌউ-শিংউগী রিফোর্মশিং, জিসান রেল, ই-নাম, মন্দিশিংদা ইলেক্ত্রোনিক প্লেৎশিং ফংহনবা অমসুং হোলসেল মার্তশিং লৈহনবা অসি ঐখোয়গী অপীকপা লৌমীশিংদা অচৌবা খুদোংচাবশিং ফংহন্নবা অপীকপা খোঙথাংশিংনি।

ইকাই খুম্নরবা স্পীকর সর,

য়ানিংদবা ফোঙদোক্লিবশিং অসিনা দিকেদ কয়া লৈবাক অসি শাসন তৌদুনা লাকখি। মখোয়না লৌমীশিংগী সমস্যাশিং উদে-খঙদে হায়বা অসি ঐহাক্না য়াজনিংদে। মখোয়না মসি খংখি, পুম্নমক ভাব তাখি মরম অসিনা ঐহাক্না ঙসি মখোয়দা মখোয়না হাজখিবা অদু নীংশিংহল্লি। মখোয় মফম অসিদা য়াওদে অদুবু মসি লৈবাক মীয়ামগী য়েংলগা ঐহাক্না মসি ফোঙদোকপা তঙাই ফদে।

মরম অসিদা ৱাফম অমা পাথোকচগে – “ রাজ্য অসিনা মখোয়গী রাজ্যগী এ.পি.এম.সি. এক্ত ২০০৫ মক্তদা অমেন্দ তৌনবা থৌরাং পাইখৎখি মসিনা লনাইগী কৈথেল, কঞ্জুমর, লৌমীশিংগী কৈথেলশিং, ই-ত্রেদিং লিংখৎনবা দাইরেক্ত মার্কেতিং কন্ত্রেক্ত ফার্মিং লৈহনগনি অমসুং ২০০৭দা অমেন্দ তৌখ্রবা প্রোবিজন অসি ইমপ্লিমেন্ত তৌনবা রুলশিং নোতিফাইদ তৌখি, তশেংবদি রাজ্য অসিদা হৌজিল লনাই কৈথেল ২৪ লিংখৎখ্রে।” মসি কন্নাগী ৱাহৈশিংনো? কনানা থৌনা লৈনা এ.পি.এম.সি. এক্ত অমেন্দ তৌখি হায়না লাউথোক্লিবনো? অদুগুম্বা কৈথেল ২৪ অদু মথৌ তৌরে হায়না কন্নানা মনা লৌখি? মসি দা. মনমোহন সিংহগী সরকারগী লৌউ-শিংউগী মন্ত্রী মিস্তর শরদ পাৱরনা চাউথোকচবগী ৱাহৈশিংনি। অদুবু ঙসিদি মখোয়না য়ানিংদবা ফোঙদোক্লি। মসিনা মরম ওইদুনা মখোয়না হৌজিক লৌমীশিং লান্না লমজিংলিবা অসিগী ৱাখল্লোন অসি চিংনবা পোক্তবা ঙমদে।

তোঙান তোঙানবা মন্দিশিং মপুং ফানা মথৌ তৌরে। মখোয়দা সিন্দিকেৎশিংনা পীরিবা মমলগা মতাংদা মসি মন্দি মপুশিং অমসুং দলালিশিংনা শেম্বনি চিংনবা অসিগী মরী লৈনবা ৱাহং হংখিবদা মিস্তর শরদ পাৱরনা অসুম্না পাউখুম অমা পীরকখি। মহাক মশামক্না এ.পি.এম.সি. রিফোর্ম অসি লৌমীশিংদা ঙাকশেল পীনবা অমসুং মখোয়দা অতোপ্পা কৈথেল অমা পীনবা থৌগৎলিবনি হায়না ফোঙদোকখি। মহাক্না মখা তারদুনা হায়খি মদুদি করিগুম্বা বিজিনেসমেনশিং মশিং হেন্না রেজিস্তর তৌরবদি মসিনা মরম ওইরগা কম্পিতিসন হেনগৎলকপনা মন্দিগা লৈনরিবা মরী অসিদা শোইদনা অকাইবা পীরক্কনি। মরম অসিনা ঐখোয়না মসি মুন্না খঙবা মথৌ তাই।

অতোপ্পা রাজ্যশিংগী মফম অসিদা ফম্লিবা মরুপ পুম্নমক্না লৌউ-শিংউগী রিফোর্মশিং অসি পুরক্কপদা পীক্না নত্ত্রগা চাউনা শরুক য়াখিবা ঙাক্তনি। ঐখোয়না অদুগুম্বা লো ১৫০০ কয়া চৎনহনখ্রে। ঐখোয়না খুমাং চাউশিন্নবা পোলিতিক্স তৌখি। ঐখোয়না চাউথনবা পোলিতিক্স তৌবা পামদে। বোজপুরিদা হায়নবা অমা লৈ ঐখোয়না শান্নরোই অমদি নখোয়সু শান্নহল্লোই অমসুং মসিনা মশানা অসি মাংহনগনি।

ইকাই খুম্নরবা স্পীকর সর,

লৈবাক অমগী শক্তি হেনগৎহনগে হায়রবদি পুন্না হোৎনব মথৌ তাই। লৈবাক অসি চাউখৎহনগে হায়রবদি কাশ্মিরদগী কন্যাকুমারি, কৎচতগী কমাখ্যা ফাওবা প্রজা পুম্নমক্না পুন্না হোৎনবা তাই। ঐহাক্না কোংগ্রেস পার্তীদা হায়জনিংবদি করিগুম্বা লৈবাক অমদা পব্লিক সেক্তর অসি মরু ওইরবদি লৈবাক অমা চাউখৎহনবদা প্রাইবেৎ সেক্তরনা শরুক য়াবা অসিসু চপ মান্না মরু ওই। সরকারনা মোবাইল শাবা থৌগৎলি। প্রাইবেৎ পার্তীশিং লাকখি, মেন্যুফেকচর্র লাকখি। ঙসিদি স্মার্তফোন অসিনা খ্বাইদগী লায়রবা ইমুংশিংদসু য়ৌবা ঙমলে। তেলিকোম সেক্তরদা কম্পিতিসন হেনগৎলকখি অমসুং ঙসিদি মোবাইল কোলগী মমল অসি জিরোগী ময়াদা হন্থহল্লি অমসুং হৌজিক্তি ভারতকী দেতা অসি মালেমদা খ্বাইদগী হোংবা ওইরে। ঐখোয়গী ফার্মাসী নত্ত্রগা বেক্সিন মেন্যুফেকচর্রশিং মখোয় অসি সরকারগী ভেঞ্চর ঙাক্তরা? করিগুম্বা ঙসি ভারতনা মীওইবা জাতিগী কান্নবা পীরি হায়না উৎপা তারবদি মদুদা লনাই সেক্তরনা অচৌবা থৌদাং অমা লৌরি। প্রাইবেৎ ইন্তর্প্রাইসশিংনা মালেমদা ঐখোয়গী মফম কনবা ঙমহনখি অমসুং লৈবাক অসিনা মখোয়দা থাজবা থম্নবা মথৌ তাই। মখোয়বু হন্থনা থম্বগী মহুৎ মখোয়দা থাজবা থমগদবনি। হৌজিক্তি লৈবাক চাউখৎহনবা অসি সরকার খক্তগী থৌদাং ওইদ্রে।

মালেম অসি হোংলে। লৈবাক অসি মশাগী খুন্নাইনা মপাঙ্গল হাপ্লে। মীপুম খুদিংদা খুদোংচাবা পীগদবনি। ফজদবা লোল শিজিন্নবা কনাগুম্বা অমবু ফতে হায়না হায়বা অসি অরিবা ভোৎ বেঙ্ককী ওইবা রাজনিতীগী মওংনি। ঐহাক্না লাল কিলাদগী লৈবাক অসিদা লন পীগদবা মীওইশিং মথৌ তাই হায়না ৱা ঙাংখি। অসুম্না নত্ত্রবদি ঐখোয়না লায়রবশিংগী মথৌ তাবা অদু ফংহন্নবা কদাইদগী লন ফংগনি? থবক করম্না পীগনি? ব্যুরোক্রেৎশিং খক্তনা লৈবাক অসিদা পুম্নমক তৌগদবরা? আই.এ.এস. অমনা ফর্তিলাইজরগী ফেক্তরী চল্লাইগদ্রা? মহাক্না আই.এ.এস. ওইবগা কেমিকেল ফেক্তরী হাংগদ্রা নত্ত্রগা এরোপ্লেন পাইগদ্রা? করম্বা মখলগী শক্তি ঐখোয়না শেমখি? লৈবাক অসি ব্যুরোক্রেৎশিংদা শিন্নরগা করি ফংবা ঙমগনি? মখোয় অসি লৈবাক অসিগী প্রজা ওইরবদি চপ মান্ননা নহারোলশিংসু লৈবাক অসিগী প্রজানি। মখোয়গীদমক ঐখোয়না অহেনবা খুদোংচাবশিং পীরবদি ঐখোয়না কান্নবা ফংগনি।

ইকাই খুম্নরবা স্পীকর,

ঐখোয়না হৌজিক উরিবা অসিদি মখোয়গী ফিরেপ অদু ঙাকলৌ পীনবা লোজিক লৈতবগীনি। মখোয়না অকিবা কয়া লৈহনখী অমসুং ফীভম অসিদা ফৎহনখিদে অসুম্না অন্দোলনজিবিশিং থোরকহনখি।

ইকাই খুম্নরবা স্পীকর সর,

ঐহাক্না লৌমীশিংগী ইহৌ অসি ইকাই খুম্নৈ অমসুং ঐহাক্না চাউনা থৌদাং লৌগনি। লৌমীশিংগী ইহৌ অসি অমুকপা য়াওদে হায়না লৌজৈ। ভারতকী দেমোক্রেসীদা অন্দোলন অসি মতম পুম্বদা মরু ওইদুনা লৈরগনি। অদুবু অসিগুম্বা ইহৌ অসি ইহৌ হৌরিবা মীওই খরা খক্তগী মরাইনাইগী কান্নবগীদমক তৌবা ওইরবদি মদুগী মরাইবক করি ওইগনি? ঐহাকপু অমুক্তা ভাব তাহল্লু করিগীদমক ফার্ম লো অহুম অসিগী মায়োক্তা ইহৌ হৌবদা মরান লৈবশিং অমসুং ইরাং থোকহনবা, তেরোসিস্তশিং নকসলশিং অমসুং কম্ম্যুনেল ফোর্সশিংগী ফোতোশিং পাইদুনা মখোয়বু থাদোকউ হাবনা করিগী ধাবি তৌরিবনো? মসি ইহৌবু মশক থিহনবা নত্তবরা?

ইকাই খুম্নরবা স্পীকর,

লৈবাক অসিগী তোল প্লাজাশিং অসি সরকার পুম্নমক্না অমত্তা ওইনা য়ান্নখিবা সিস্তেম অমনি। তোল প্লাজা থুগাইবা, ফাজিনবা মথৌ তৌহনদবা, মসি হৌজিক চত্থরিবা ইহৌ অসি মশক থিহন্নবা হোৎনবা নত্তবরা? পঞ্জাবতা তেলিকোম তাৱর কয়া থুগাইখিবা অসি লৌমীশিংগী ধাবিগা চুন্নরিবরা? মসি ইহৌ হৌরিবা মীওইশিং অদুনা নত্তে মসিদি অন্দোলনজিবিসশিংনা ইহৌ অসি মশক থিহন্নবা থওইনা থৌখিবনি। ঐখোয়গী লৈবাক অসিনা অন্দোলনজিবিশিং অমসুং অন্দোলনকারিগী মরক্তা খেৎনবা খঙবা য়াম্না মতাং চারে। ঐখোয়না অসিগুম্বশিংদগী লৈবাক কনবা মথৌ তাই। মখোয়না অরানবা অমসুং তোকঙা শন্দোক্তুনা লৈবাক অসি লান্না লমজিংলি অমসুং লৈবাক অসি পাইশিন্নবা হোৎনরি। ঐখোয়গী লৈবাক অসি য়াম্না চাউই অমসুং প্রজাশিংগী অপাম্নবসু য়াম্মি অমসুং ঐখোয়না হিরম অসিদা চাউখৎহন্নবা মীৎয়েং চংবা তাই। অচুম্বা ঙাংবদা অকাইবা লৈতে। অচুম্বা তৌবা পাম্বা মীওইশিংদা অচুম্বা ৱা ঙাংবা অসি অচুম্বা তৌবদা য়াওজরবনি। মসিগী খেন্নবা অসি ঐখোয়না ঙবা তাই। ইলেক্তোরেল রিফোর্মশিংগী মরমদা ৱা ঙাংলম্বশিংনা মখোয় মশানা ৱান নেসন ৱান ইলেক্সন অসিদা য়ানিংদবা ফোঙদোক্লি। হায়রিবা মীওইশিং অসিমক্তা জেন্দর জস্তিস পুরক্নবা খোলাউ লাউখি অদুবু ঐখোয়না ত্রিপল তলাক মুত্থৎনবা হোৎনবদি য়ানিংদবা ফোঙদোকখি। অমরোমদনা মখোয়না মহৌশা কন্নবা কন্না লাউরি অদুগা নাকলঅমদনা মখোয়না হাইদ্রো পাৱর নত্ত্রগা ন্যুক্লিয়র পাৱরগী সাইৎতা ফিরাল মৈ চুদুনা ইরাং হৌখি। মখোয়না লৈবাক অসিদা ইরাং হৌহনখি। মসিগী ভিক্তিম তামিল নাদুনা ওইখি।

মখোয়না দিল্লীদা মীশিং হেনগৎলকপা অসিগী মতাংদা ইহান হান্না রিৎ ইখি, পি.আই.এল.শিং থাখি অমসুং অপীল তৌখিবা মীওইশিং ওইখি অদুগা পরালি কাংলুপ মৈ থাখিবা দিফোল্তরশিং অদুগীদমক লেপখি দিল্লীগী মীওইশিং অদু মখোয়না অসিমক্না ওইখি। মখোয়না লৈবাক অসি লান্না লমজিংনবা হোৎনরিবা অসি খঙবা অমসুং মসি থিংনবা হোৎনবা তঙাই ফদে।

হৌখিবা চহি তরুক অসিদা ওপ্পোজিসনশিংগী এজেন্দা অসি হোংখিবা উজৈ। ঐখোয়সু ওপ্পোজিসনদা লৈরকখি। মতম অদুদা ঐখোয়না লৈবাক অসি চাউখৎহন্নবা হিরমশিং অমসুং সরকার পাইরিবা দলগী শেঞ্জা থুমজানা থুমহৎলবা লুচিংবাশিংগী মায়োক্তা খোলাও লাওখি। ঐখোয়গী খোলাও অসি মপাঙ্গল কনখৎহনগনি অমসুং পুকচেল শেংনা হোৎনগনি। ঙসি ওপ্পোজিসন অসিনা লৈবাক অসিগী চাউখৎ থৌরাংগী মতাংদা খন্নবা হন্থরকপা অসি অঙকপা পোকই। ঐহাক্না হিরম অসি পুখৎলকপা ঙাইখি অমসুং মসিদা অফবা থবক কয়া পাইখৎখিবা অসি থমজনবা খুদোংচাবা ঙাইখি। অদুবু মদুগী খুদোংচাবা অদু পীবিরকখিদে। হৌজিক্তি মখোয়না হিরম অসিদা মীৎয়েং চংদ্রবনিনা মরু ওইবা হিরম অসিগী মতাংদা ঙাংনবা ৱা লৈত্রে। মরম অসিনা মখোয়না লম্বী নত্ত্রা থোং কয়া শাখ্রে, ঙমখৈদা করি ফীভমদা লৈরি নত্ত্রা রেলৱেজ লাইনশিং কমদৌরি হায়বা অসি খঙবা লেপখ্রে। মখোয়না হৌজিক হিরমশিং অসিদা খন্নবা পামদ্রে।

ইকাই খুম্নরবা স্পীকর সর,

২১শুবা চহিচা অসিদা ইনফ্রাস্ত্রকচরনা মরু ওইবা থৌদাং অমা লৌরি। করিগুম্বা ভারত অসি চাউখৎহনবা তারদি ঐখোয়গী ইনফ্রাস্ত্রকচর ফগৎহনবা হায়বা অসি য়াম্নমক মরু ওই। আত্মানির্ভর ভারতকী রোদ মেপ অসি চাউনা ইমপ্লিমেন্ত তৌবা ঙম্নবা ঐখোয়না তানফম অসিদা মরু ওইরিবা অদু খঙফম থোকই।

ঐখোয়না মপাঙ্গল লৈবা অমসুং মতমগা চুনবা ইনফ্রাস্ত্রকচর লৈরবা খক্তদা লৈবাক অসিনা হিরম খুদিংদা খোঙজেল য়াংনা খুমাং চাউশিনবা ঙমগনি। মাইকৈ অসিদা ঐখোয়না হোৎনবা মথৌ তাই। মতমগা চুনবা ইনফ্রাস্ত্রকচর হায়বা অসি অনৌবা গ্রোথকী খুদোংচাবশিং অমসুং শোত্থরবা অমসুং মিদল ক্লাসকী চাউখৎনবগী ফীভম অমা শেমগৎবা ঙমহনগনি। মসিনা থবক পীবসু হেনগৎহনগনি। মসিনা শেন্মীৎলোন ফগৎহনবা ঙমগনি। মরম অসিনা ঐখোয়না মপুং ওইনা মীৎয়েং চংগদবা অসি লৈবাক অসিদা খ্বাইদগী অনৌবা মখলগী ইনফ্রাস্ত্রচর শেমগৎপা অসিনি। মীখল কান্নবা অনৌবা লম্বী অমা শেম্লগনি হায়না চেদা লাউথোক্তুনা ভোৎ বেঙ্ক হেনগৎনবগী এজেন্দা অমা নত্তে। নাকল অমদনা মীখল কারগা চপ মান্নবা লম্বীদা অঙৌবা স্ত্রাইপশিং করিগী শংলিবনো। অহুমশুবদনা থাও খক্তা হাপ্লি। ইনফ্রাস্ত্রকচর শেমগৎপা অসি মীয়ামদা থাজহন্নবা মেন্দেৎ নত্তে। মসি পুকচেল শেংনা ঐখোয়গী পুন্সি মহিং ফগৎ হনহন্নবা হোৎনবা অমনি। মরম অসিনা ঐখোয়না ইনফ্রাস্ত্রকচরগী মরু ওইবা অদু থমখিবনি। লুপা করোর লাখ ১১০গা লোইননা স্কীমশিংগী অখন্নবা প্রোবিজনগা লোইননা হন্দক্কী বজেৎ অসিদা চাউনা এল্লোকেসন তৌখি মসিনা লৈবাক অসি চাউখৎ-থৌরাংগী মাইকৈদা চংশিনবা ঙমহল্লগনি।

লৈবাক অসিগী সহর ২৭তা মেত্রো ত্রেনশিং চেলহনবা, খুঙ্গং লাখ ৬ হেনবদা খোঙজেল য়াংবা ইন্তর্নেৎ, ইলেক্ত্রিসিতীগী লমদা ৱান নেসন ৱান গ্রিদ অসিগা লোইননা ঐখোয়গী মঙলান মাই পাক্না মঙ ফাওনহনখি। ঙসি সোলর পাৱর য়াওনা রিন্যুএবল ইনর্জীগী লমদা মালেমগী মকোক থংবা লৈবাক মঙাগী মনুংদা ভাএর অমা ওইবা ঙমখ্রে। ভারত্তা মালেমগী ওইনা খ্বাইদগী চাউবা সোলর অমসুং ৱিন্দ হাইব্রদ পাৱর অথুবদা লৈরগনি। অনৌবা স্তেন্দর্দশিংগী মতুং ইন্না চাউখৎ-থৌরাংদা থৌজাল অমা ঐখোয়না উরি।

ঐখোয়না লৈবাক অসিগী তোঙান তোঙানবা শরুকশিংদা মরু ওইনা ভারতকী নোংপোক থংবদা চাউখৎপগী চাং অসি মান্নদবা উবা ফংখি। করিগুম্বা ঐখোয়না নোংপোক থংবা ভারত অসি চাউখৎহনবা পাম্লবদি মসিবু নোংচুপ থংবা ভারতকী লৈরিবা ইকনোমিক দিবেলপমেন্ত অসিগী থাক্তা পুখৎপা মথৌ তাই। অসুম্না লৈবাক মনুংগী ওইনা মপাঙ্গলশিং কনখৎহনগনি। মরম অসিনা নোংপোক থংবা রাজ্যশিং মেনস্ত্রীমদা পুশিল্লকপা তাই। গ্যাস পাইপলাইনশিং. লম্বী থোং অমসুং এয়রপোর্তশুং, রেলৱে লাইনশিং শেমগৎপা, ইন্তর্নেৎকন্নেক্তিবিতী ফগৎহনবা ওইরবসু অমসুং ৱাতর ৱেজ প্রোজেক্ত ওইরবসু অতোপ্পা রাজ্যশিংগা অৱাং নোংপোক্কা ফাওনহনগনি। অসুম্না লৈবাক অসি চাং মান্ননা চাউখৎ হনবা ঙমগনি।

মসিনা ঐখোয়না খুমাং চাউশিনবা অমসুং চাউখৎপা লৈবাক অমা ওইবা ঙম্নবগী ৱাখল্লোন অদু। মরম অসিনা ঐখোয়না নোংপোক থংবা ভারত্তা মীৎয়েং হেন্না চংদুনা মিসন মোদতা থবক পাইখৎলি। জিলা কয়াদা ঐখোয়না সি.এন.ই., পি.এন.জি., সিতী গ্যাস দিস্ত্রিব্যুসনগী নেৎৱার্ক অমা মাই পাক্না শেমগৎখ্রে। মসিগী গ্যাস পাইপলাইনগী নেৎৱার্ক অসিনা রাজ্যশিং অসিদা হার শাবগী সেক্তর য়ৌহনবা ঙমখ্রে। মমাংদা থোং লোল্লুরবা হারগী ফেক্তরী কয়া অমুক হন্না হাংবা ঙমখ্রে। ঐখোয়না গ্যাস অমসুং পাইপলাইন ইনফ্রাস্ত্রকচর ফগৎহনদুনা ফেক্তরীশিং অসিদা অমুক হন্না খুদোংচাবশিং পীনবা কন্না হোৎনখি।

ইকাই খুম্নরবা স্পীকর সর,

হৌখিবা চহি কয়া অসিদগী ঐখোয়না দেদিকেতেদ ফ্রৈৎ কোরিদোর অমগী মতাংদা তাদুনা লাক্লি। ঐখোয়না সরকার পাইবা পামদা হায়রিবা অসিগী ফীভম কমদৌরমখি? শুপ্নগী কিমি অমা খক্তগী থবক লোইরমখি। চহি তরুক্কী মতমগী মনুংদা ঙসিদি কিমি ৬০০রোম মথৌ তৌহনখ্রে অমসুং সেক্সন অসিদা পোৎ-চৈ পুবা হৌখ্রে। য়ু.পি.এ.গী মতমদা বোর্দর ইনফ্রাস্ত্রকচর অসি মপুং ফানা নাথৈদুনা থমখি অমসুং মসিদা মীৎয়েং চংলমখিদে। লৈবাক অমগী ঙাকশেলগীদমক মসি য়াম্না মরু ওই। অসিগুম্বা হিরমশিং মীয়াম মাংদা পুথোক্তুনা খন্নবা য়াদে মরমদি মসি লৈবাক্কী ঙাকশেলগা মরী লৈনৈ। মসি য়াম্না অরুৱা ৱাফম অমনি। মখোয়না মসি মরু ওইনা লৌরমখিদে। লাইবক থিবদি পার্লিয়ামেন্দা ঙাকশেল মন্ত্রী মশামক্না ঙমখৈগী ইনফ্রাস্ত্রকচর অসি ফগৎহনবা মথৌ তাদে মসিগী কান্নবশিং য়েক্নবা ওইরিবা লৈবাকশিংনা ওইনা ফংঙি। মসি য়াম্না ইকাইনিংঙাই ওই। মসিগী ৱাখল্লোন অসিগী মায়োক্তা লৈদুনা ঐখোয়না ঙমখৈগী ইনফ্রাস্ত্রকচরগী থমখিবা পান্দমশিং অদু থুংহনদুনা চাউখৎহনখ্রে।

এল.এ.সি.না থোংশিং শাখ্রে। থোং ৭৫ হেনবগী থবক খোঙজেল য়াংখৎহনখ্রে। মসিগীদমক ঐখোয়না কি.মি. চমা-চমাগী লম্বীশিং শাখ্রে। ঐখোয়না থমখিবা পান্দম অদুগী ৭৫%দি ফংবা ঙমখ্রে অমসুং অতোপ্পা লৈবাক অসিগী শরুকশিংদসু মখা চত্থখিগনি। হিমাচল প্রদেশকী অতল তন্নেলগী লৈরমখিবা ফীভম ঐখোয় পুম্নমক্না উখি। মসি অতলজীনা হিংলিঙৈ মতমদা শেমগৎচরম্বা দ্রীম প্রোজেক্ত অমনি। লাইবক থিবদগী মসি লোইশিনবা ঙমদনা লৈরকখি। অতেনবা মতম অমদা অপীকপা শরুক খরা লোইশিনখি অমসুং মতুংদা অমুক পন্দুনা লৈখি। মরম অমা নত্ত্রগা অমনা প্রোজেক্ত অসি আশা উদনা লৈরকখি। হৌখিবা চহি তরুক অসিদা ঐখোয়না হোৎনবদগী ঙসিদি তন্নেল অসি মীয়াম্না শিজিন্নবা ফংলে। লৈবাক অসিগী আর্মী লোইননা প্রজাশিংনা নুংঙাইনা চৎলি। থা তরুক হেন্না লম্বী চৎপা য়াদনা লৈরুরবা লম্বেল অদু হৌজিক্তি নুংঙাইনা চত্থোক চৎশিন তৌবা য়ারে অমসুং মখোয়গীদমক্তা অতল তন্নেল অসি থৌজেলগী মশক ওইখি।

মসিগা চপ মান্না লৈবাক অসিদা খুদোংথিবা অমা হেক্তা থেংনবা মতমদা ঐখোয়না মদু মায়োক্নবগী পাঙ্গল লৈ। ঐখোয়গী আর্মদ ফোর্সেসনা শিংনবা লাকপদা মপুং ফানা মায়োক্নবা ঙম্নবগী থৌনা লৈ। ঐখোয়গী লান্মীশিংনা লৈবাক অসি চাউথোকহল্লি অমসুং খুদোংথিবা থোরকপা মতমদা মখোয়না কৈদৌনুংদা মাই লৈদুনা চেল্লোই হায়বা ঐহাক্না থাজবা থম্মি। মখোয়না কথোকপগা লোইননা অমসুং অমত্তা ওইনা সর্বিস তৌদুনা লাক্লি। ঐখোয়গী মথৌনা লৈবা জৱানশিং অমসুং আর্মদ ফোর্সশিংগীদম চাউথোকপা পোকচৈ। ঐহাক্না ঘজল অমা তাখি। ঐহাক অসিগুম্বা কয়া পামদে অদুবা ঈশৈগী পরেং অমা কোন্থং য়ৈদুনা লৈহৌখি। ৱাহৈ পরেং অদুদি “ঐহাক্কী পুন্সি মহৈ অদুগী ৱারী ঐহাক্না ঈশৈ ওইনা শক্লগে” হায়বা অসিনি। ঐখোয়বু থাদোক্তুনা চৎখ্রবা মরুপশিংনা মখোয়না হিংলিঙৈ মতমদা থেংনখিবা অদুগী ৱারী লিরমগনি হায়না ঐহাক্না থাজৈ। হৌজিক ঐখোয়না থৌনা লৈনা মাংদা চংশিনবা ঙম্লগনি হায়না থাজৈ। কোরোনাগী মতুংদা লৈরিবা অনৌবা মালেম অসিদা “করিমত্তা তৌবা ঙমলোই” অমসুং “করিসু তৌরোই” হায়বগী ৱাখল্লোন অসি খল্লোইদবনি হায়না অমুক হন্না হায়জগে। ঐখোয়না ভারত মচা করোর ১৩০গী থাজবগা লোইননা মাংদা চংশিল্লসি। অৱাবা লিশিং কয়া লৈরকপা য়াই অদুবু সোল্যুসন লিশিং কয়া থোরক্কনি।

ঐখোয় মপাঙ্গল লৈবা লৈবাক অমনি অমদি ‌ঐখোয়না ঐখোয়গী কন্সতিত্যুস্নেল ফ্রেমৱার্ক অসোদা থাজবা থমদুনা চাউখৎপগী লম্বীদা চংশিল্লি। ঐখোয়না ৱাখল্লোন অসিগা লোইননা মাংদা চংশিনগনি হায়বগী ঐঙোন্দা থাজবা লৈ। তশেংবনি মিদল মেন হায়বগী চৎনবী অদু হৌজিক্তি লৈত্রে হায়বা অসি। লৈবাক অসিগী মিদল ক্লানা চাউখৎপগী খোঙচৎ অসিদা মরু ওইবা থৌদাং অমা লৌগনি। মরম অসিনা সরকারনা মখোয়গী য়াইফনবা খোঙজেল য়াংনা হোৎনরি। মসিগীদমক সরকারনা মরী লৈনবা জুদিসিএল ইনফ্রাস্ত্রকচর মখল পুম্নমক লৈহনখ্রে।

ইকাই খুম্নরবা চিয়রমেন,

লৈবাক অসিদা চাউখৎপা অমসুং খুমাং চাউশিন্নবা ইকোসিস্তেম অমা শেমগৎনবা সরকার অসিনা থাজবগা লোইননা লেপ্পা লৈতনা হোৎনরি। সমস্যাশিং অসিদা ময়েক শেংনা ৱাফমশিং থম্বিখিবগীদমক্তা ইকাই খুম্নরবা রাস্ত্রপতিগী লমন ঐহাক্না তোনশিনজরে। পোলিতিকেল এজেন্দা লৈরিবা মীওইশিংদসু ঐহাক্না মখোয়দা য়াইফ-পাউজেল পীজরি। অদুবু ঐখোয়না নেস্নেল এজেন্দাগা লোইননা মাংদা চংশিল্লি। অমসুং ঐখোয়না মখা তানা মসি তৌখিগনি। অমুক হন্না ঐহাক্না লৈবাক অসিগী লৌমীশিংবু সমস্যা অসি ঐখোয় পুন্না কোকহন্নবা ৱাখল্লোনগা লোইননা দাইলোগ অমা তৌনবা বর্তন তৌজরি। মসিগা লোইননা ঐহাক্না ঐখোয়গী ইকাই খুম্নরবা রাস্ত্রপতিনা পীখিবা মহাক্কী ৱারোলগীদমক অমুক হন্না থাগৎপা ফোঙদোকচবগা লোইননা মতাং অসিদা লোইশিনজরি।

থাগৎচরি!

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi at UN: India working towards restoring 2.6 crore hectares of degraded land by 2030

Media Coverage

PM Modi at UN: India working towards restoring 2.6 crore hectares of degraded land by 2030
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 15 জুন, 2021
June 15, 2021
Share
 
Comments

PM Modi at UN: India working towards restoring 2.6 crore hectares of degraded land by 2030

Modi Govt pursuing reforms to steer India Towards Atmanirbhar Bharat