Share
 
Comments
হৌজিক ফাওবদা ভারত মচা করোর ৪০না মখোয়গী পাম্বোমদা তীকা কাপতুনা ‘বাহুবলি’ ওইখ্রে: পি.এম.
ঐখোয়না পার্লিয়ামেন্তদা লাইচৎকী মতাংদা কান্নরবা অফবা দিবেৎ তৌনবা পাম্মি: পি.এম.
ঐহাক্না ফ্লোরগী লুচিংবশিংদা লাইচৎকী মতাংদা খন্ন-নৈননবা হয়েং নুমিদাং ৱাইরমদা মতম কাইথোক্নবা হায়জখ্রে: পি.এম.
ওপোজিসন্না অরুবা অমসুং মনুং হকচিনবা ৱাহংশিং হঙগদবনি অদুবু শান্তি লৈবা মওং অমদা পাউখুম পীনবা খুদোংচাবসু পীগদবনি: পি.এম.

মরুপশিংবু তরাম্না ওকচরি অমদি ময়াম পুম্নমক্না অমত্তং ওইরবসু তীকা থাদোক্লম্লগনি হায়না ঐহাক্না থাজৈ। অদুম ওইনমক ঐহাক্না ময়াম পুম্বদা অমদি ঐহাক্কী হাউস অসিদা লৈরিবা মরুপ পুম্নমক্তা কোরোনাগী প্রোতোকলশিং অসি ঙাক্না চৎপদা মতেং পাংবীয়ু হায়না হায়জরি। ভেক্সিন অসি ‘বাহু’ (পাম্বোম)দা কাপ্পী অমসুং মসি কাপখ্রবা মীওইশিং অসি ‘বাহুবলি’ ওইরকই। কোরোনাগী মায়োক্তা লান্থেংননবা বাহুবলি ওইনবা অমত্তা ঙাইরবা লম্বী অসি তীকা থাদোকপনি।

কোরোনা লাইচৎ অসিগী মায়োক্তা মীওই করোর ৪০ হেন্না ‘বাহুবলি’ ওইখ্রে। মসি খোঙজেল য়াংনা মাংদা চংশিল্লি। লাইচৎ অসিনা মালেম শিনবা থুংনা, মীওইবা খুন্নাই অপুনবদা চৈথেং পীখি। মরম অসিনা ঐখোয়না লাইচৎকী মতাংদা কান্নরবা দিবেৎ তৌবা পাম্মি। ঐখোয়না লাইচৎ অসিগী মায়োক্তা লান্থেংননবা অনৌবা ৱাখল্লোন কয়া পুথোক্নবা ইকাই খুম্নরবা এম.পি. পুম্নমক্তগী প্রেক্তিকেল সজেসন পুম্নমক ঐখোয়না ফংনবা খ্বাইদগী মরু ওইবা মীৎয়েং পীবা তাই। করিগুম্বা মসিদা অশোই খরা লৈবা তারবদি মখোয়না মদু চুমথোকপা তাই অমসুং ঐখোয়না লাঞ্জং অসিদা পুন্না মাংদা চংশিনবা তাই।

ঐহাক্না ফ্লোরগী লুচিংবা পুম্নমক্তা হয়েং নুমিদাং ৱাইরমদা মতম কাইথোক্নবা হায়জখ্রে মরমদি ঐহাক্না লাইচৎ অসিগী ওইরিবা ফীভমগী মতাংদা অকুপ্পা মরোল য়াওবা প্রজেন্তেসন অমা মখোয়দা পীবা পাম্মি। ঐখোয়না হাউস মনুংদা লোইননা মপান্দা ফ্লোরগী লুচিংবা পুম্নমক্কা খন্ন-নৈনবা পাম্মি মরমদি ঐহাক্না লেপ্পা লৈতনা মুখ্য মন্ত্রীশিংগা উনদুনা লাকখি। তোঙান তোঙানবা ফোরমশিংদা খন্ন-নৈনবশিং পাঙথোক্লি। মসি হাউস্তা দিবেৎকা লোইননা ফ্লোরগী লুচিবশিংগা লোইননা খন্ন-নৈনরবদি হেন্না খুদোংচাগনি।

মীয়াম্না হংলকপা ৱাহংশিংগী পাউখুম সরকারনা পীবা ঙম্নবা হন্দক্কী সেসন অসি কান্নরবা দিবেৎশিংগা লোইননা রিজল ওরিয়েন্তেদ ওইহনসি। ঐহাক্না ইকাই খুম্নরবা এম.পি.শিং অমসুং দল পুম্নমক্তা হাউসশিংদা খ্বাইদগী অরুবা অমসুং মনুং হকচিনবা ৱাহংশিং হংনবা হাজরি অদুবু সরকারনা শান্তি লৈবা মওংদা পাউখুম পীনবসু অয়াবা পীনবীয়ু। দেমোক্রেসী অসি মীয়ামদা অচুম্বা অদু য়ৌহল্লবতদা মপাঙ্গল কনখৎলি। মসিনা মীয়ামগী থাজবা অমদি চাউখৎ-থৌরাংগী খোঙজেলদা মপাঙ্গল হাপ্পি।

মরুপশিং, হন্দক্কী সেসন অসিগী মনুংগী ওইবা শিল-লাংবা অসি মমাংগা মান্নদে, মীপুম খুদিংমক্না ফম্মিনদুনা অমদি পুন্না থবক তৌগনি মরমদি মসিদা অয়াম্বা মীওই তীকা থাদোক্লবা ঙাক্তনি। ঐহাক্না অমুক হন্না ময়ামদা থাগৎপা ফোঙদোকচরি অমসুং ময়ামদা ইশাবু চেকশিন্না লৈনবা হায়জরি। ঐখোয় পুন্না লৈবাক অসিগী অনীংবশিং অমসুং আশাশিং থুংহন্নবা অমত্তা ওইনা থবক তৌরসি।

মরুপশিং, হন্না-হন্না থাগৎচরি!

দিস্কগ্লেমর: মসি পি.এম.না থমখিবা ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীবীখিবনি।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Govt allows Covid vaccines at home to differently-abled and those with restricted mobility

Media Coverage

Govt allows Covid vaccines at home to differently-abled and those with restricted mobility
...

Nm on the go

Always be the first to hear from the PM. Get the App Now!
...
Social Media Corner 24th September 2021
September 24, 2021
Share
 
Comments

PM Narendra Modi interacted with top 5 Global CEOs to highlight opportunities in India, gets appreciation from citizens

India lauded Modi Govt for its decisive efforts towards transforming India