খুরুমজরি,
অদোম্না খংবিরম্লগনি মদুদি বজেৎকী মতুংদা ভারত সরকারনা তোঙান-তোঙানবা হীরমগী মীওইশিংগা লোয়ননা ৱেবিনার তৌদুনা বজেৎ অসি য়ারিবমখৈ থুনা ইম্প্লিমেন্ত তৌনবা হোৎনরি হায়বসি। বজেৎ অসি ইম্প্লিমেন্ত তৌবা মতমদা করম্বা মখলগী প্রাইভেৎ কম্পনীশিংবু পার্তনর ওইবা য়াহনসিগে অমদি বজেৎ অসি ইম্প্লিমেন্ত তৌহন্নবা পুন্না হোৎনমিন্নদুনা করম্না রোদমেপ শেমসিগে হায়বসিগী মতাংদা ৱা খন্নরি। ঙসি দিফেন্স মন্ত্রালয়গী ৱেবিনারদা শরুক য়াবিরিবা পার্তনরশিং, স্তেকহোল্দরশিংগা উন্ননবগী তাঞ্জা ফংবা অসিদা ঐহাক নুংঙাইবা ফাওই, ঐহাক্না অদোম পুম্নমক্কী মফমদা য়াইফ-পাউজেল পীজরি।
ভারত অসি দিফেন্স সেক্তরদা মতৌ করম্না আত্মিনির্ভর ওইহনসিগে হায়বসিগী মতাংদা ঙসিগী ৱারী-ৱাতাই শান্নবা অসি ঐহাক্কী মায়কৈদগীদি য়াম্না মরুওইবা অমনি। বজেৎকী মতুংদা দিফেন্স সেক্তরদা করম্বা অনৌবা পাংথোকপা য়াবশিং লৈবরা, ঐখোয়গী মখা তানা চৎকদবা মায়কৈ অদু করম্বনো মসিগী মতাংদা ই-পাও অমদি ৱারেপ অনিমক মরুওই। ঐখোয়গী থৌনা লৈরবা লান্মীশিংনা ত্রেনিং লৌরিবা মফম অদুদা ঐখোয়না তত্তনা থেংনৈ মদুদি শান্তিগী মতমদা তারিবা হুমাং অসিনা লানগী মতমদা ঈ তাহনগদবদগী হায়বদি শান্তিগী প্রিকন্দিসন অসি থৌনা লৈবা, থৌনা লৈবগী প্রিকন্দিসন অসিনা মতিক চাবা, মতিক চাবগী প্রিকন্দিসন্না হান্ননা থৌরাং তৌদুনা লৈবা অদুগা অতৈ অদুনা মদুগী মতুংদা লাকচবা ঙাক্তনি। ঐখোয়গীসিদা হায়নবা লৈ - ‘’খাংবা কনবা, ঙাকপী হৈবা, মীনুংশি লৈবা অসি থৌনা লৈবগী মঙাল অসিনা তরং-তরংনা থোরক্লবতদা উবা ফংই’’।
মরূপশা,
খুৎশু-খুৎলাই অমসুং মিলিতরীগী খুৎলাইশিং অসি শাননবা ভারতকীদা মমাংঙৈদগী হৌনা এক্সপরিএন্স লৈ। নিং-খা তমদ্রিঙৈগী মমাংদা ঐখোয়গীসিদা ওর্দিনেন্স ফেক্তরী কয়া অমা লৈরম্মি। মালেমগী লাঞ্জাও অনিমক্তা ভারত্তগী খুৎলাই ময়াম অমা শারগা থাখি। অদুবু নিং-খা তম্লবা মতুংদা মরম কয়াদগী মসিগী মওং অসি ফগৎলক্কদবা মওং অদুদা ফগৎহনবা ঙমখিদ্রে। ওইরিবা ফীভম অসি খুৎলাই মচাশিংগী ওইনফাওবা অতোপ্পা লৈবাকশিংগী মায়কৈ য়েংবা তারি। ঙসি ভারত অসি মালেম অসিগী দিফেন্স ইম্পোর্তরশিংগী মরক্তগী অমনি অমদি মসি অদুক য়াম্না চাওথোক্নিং ওইবা ৱাফম নত্তে। ভারতকী মীশিং অসিগী তেলেন্ত লৈতে হায়বা নত্তে। ভারতকী মীশিং অসি মতিক চাদে হায়বা নত্তে।
অদোম্না য়েংবীয়ু কোরোনা অসি হৌরকখিবা মতমদা ভারত্তা ভেন্তিলেতর অমফাওবা শাখিরমদে। ঙসি ভারতনা ভেন্তিলেতর লিশিং কয়া শারি। মঙ্গল ফাওবা য়ৌনবগী পাঙ্গল লৈরবা ভারত্তা অনৌবা খুৎলাইফাওবা শাবা ঙমখি। অদুবু মপান্দগী খুৎলাই পুশিল্লকপনা লাইরে। অদুগা মীওইবগী লীচৎ অসি অরাইবা, লাইনা ফংবা লম্বি অদুদা হেক্তা চৎনিংই। অদোমসু ঙসি অদোমগী য়ুমদা চৎলগা মশিং থিরবদি খংনবু ওইরো খংদনবু ওইরো অসিগুম্বা মীরমগী পোৎ কয়া অমা চহি কয়াদগী শিজিন্নরিবগে হায়বসি খংলক্কনি। দিফেন্সকীদসু অসিগুম্বা ফীভম অসিনি। অদুবু হৌজিক্তি ঙসিগী ভারত অসি মসিগী মওং অসি হোংদোক্নবগীদমক্তা খ্বাংচেৎ কন্না লাক্তুনা থবক কন্না হোৎনরি।
হৌজিক ভারতকী মশাগী মপাঙ্গল অমদি থবক তৌবা ঙম্বগী থৌনা অসি য়াংনা হেনগৎহন্নবরোমদা কন্না হোৎনরি। ঐখোয়গী য়াম্না লান্থেংনবা কনবা ফ্লাইৎ তেজস অসি ফাইলদা খুমজিন্দুনা থম্বগী মতাংফাওবা লৈখিবা মতাংফাওবা লৈখি। অদুবু ঐখোয়গী সরকারনা ঐখোয়গী ঈঞ্জীনিয়রশিং-সাইন্তিস্তশিংদা অমসুং তেজসকী মপাঙ্গলদা থাজবা থমখি। অমসুং ঙসি তেজস অসি অতিয়াদা পাইরি। চয়োল খরগী মমাংদখক্তনি তেজসকীদমক্তা লুপা করোর ৪৮গী ওর্দর তৌখিবা। এম.এস.এম.ই.শিংগী সেক্তর কয়া অমা লৈবাক অসিগা শমজিন্নবা তারবদি কয়ামুক য়াম্না চাউবা বিজিনেস তৌবা য়াগনি। ঐখোয়গী জৱানশিংনা বুলেৎ প্রুফ জেকেৎশিংগীফাওবা মতম শাংনা ঙাইবা তাখিরম্মি। ঙসি ঐখোয় অসি ঐখোয়গীখক্তা নত্তনা ভারত্তা বুলেৎ প্রুফ জেকেৎ অসি শাবদা নত্তনা অতোপ্পা লৈবাকশিংদসু সপ্লাই তৌবগী চাং অসি হেনগৎহল্লি।
মরূপশা,
চীফ ওফ দিফেন্স স্তাফকী ফম অসি শেমদ্রিঙৈগী মমাংদা প্রোক্যুর্মেন্ত প্রোসেস. ত্রাইএল অমসুং তেস্তিং, খুৎলাইশিং ইন্দক্সন তৌবা, সর্ভিসশিংগী প্রোসেসশিংদা য়ুনিফোর্মিতী পুরকপা য়াম্না লাইরে অমসুং ঐখোয়গী দিফেন্স ফোর্স খুদিংমক্কী ৱিংগী মতেংদগী থবক অসি য়াম্না য়াংনা খুমাং চাউশিল্লি। হন্দক্কী চহিগী বজেৎতা লান্মী অসি অনৌবা মওংদা শেমদোক্নবগী ৱাশক অসি অমু্ক্কা মপাঙ্গল হেনগৎলে। চহি তরামু্ক্কী মতুংদা দিফেন্স সেক্তরদা কেপিতেল আওতলেদা চাদা ১৯ হেনগৎহনখ্রে। নিং-খা তম্লবা মতুংদা অহানবা ওইনা দিফেন্স সেক্তরদা প্রাইভেৎ সেক্তরগী শরুক য়াবা অসি অদু্ক্কী মতিক য়াম্না হেনগৎহন্নবা হোৎনরি। প্রাইভেৎ সেক্তর অসি খুমাং চাউশিলহন্নবগীদমক্তা মখোয়গীদমক্তা থবক তৌবা অসি হেন্না লায়নবগীদমক্তা সরকারনা মখোয়গী ইজ ওফ দুইং বিজিনেসতা মথৌ হাপ্পি। মরূপশা,
ঐহাক্না দিফেন্স সেক্তরগী মনুং চনবা প্রাইভেৎ সেক্তরগী অৱাবসু খংই। শেন্মিৎলোনগী অতোপ্পা সেক্তরশিংগা য়েংনবদা দিফেন্স সেক্তরদা সরকারনা মতেং পাংলিবা অসি শরুক কয়া অমা হেল্লি। সরকার অসিদি অমত্তা ওইবা লৈনবনি, সরকার অসি মেনুফেকচরসু ওইজবনি, অমসুং সরকারগী অয়াবা য়াওদনা এক্সপোর্ত তৌবসু লুই। অদুগা মসি ওইফমসু থোকপনি মরমদি মসি সেক্তর নেস্নেল সেক্যুরিতীগা শম্নরিবনি। অদুগা মসিগা লোয়ন-লোয়ননা প্রাইভেৎ সেক্তরগী মতেং য়াওদনা ২১শুবা চহি চাগী মেনুফেকচরিং ইকোসিস্তেম অসি ওইবা ঙম্লোই হায়বসিসু ঐহাক নিংথিনা খংই অমসুং হৌজিক সরকারগী শরুক খুদিংমক্নসু খংনরি। অদুগা মরম অসিনা অদোম্না উবিরম্লগনি মদুদি ২১শুবা চহি অসিদা ২০১৪দগী হৌনা ত্রান্সপরেন্সী, প্রেদিক্তিবিলিতী অমসুং ইজ ওফ দুইং বিজিনেসকা লোয়ননা মসিগী সেক্তর অসিদা মথং-মথং থবক পায়খত্তুনা খুমাং চাউশিন্নবা কন্না ঐখোয়না হোৎনরি। দি-লাইসেন্সিং, দি-রিগুলেসন, এক্সপোর্ত প্রমোসন, ফোরেন ইনভেস্তমেন্ত লিবরেলাইজেসনগুম্বা পাম্বৈ কয়ামরুমগা লোয়ননা ঐখোয়না মসিগী সেক্তর অসিদা অফবা থবক পায়খৎখি। অমসুং ঐহাক্না মসিমসু হায়জগে মদুদি মসিগী হোৎনরিবশিং অসিদা খ্বাইদগী য়াম্না মতেং ফংলিবা অসি য়ুনিফোর্ম ফোর্সশিংগী লিদরশিপ্তগী ফংলি। মসিসু মসিগী ৱাফম অসিবু থৌনা হাপ্পগী, ৱাফম অসিবু খুমাং চাউশিলহনবগী মওং অমনি।
মরূপশা,
দিফেন্স ফোর্সকী য়ুনিফোর্ম শেৎপা মীওই অমনা ৱাফম অসি হায়বা মতমদা মহাক্কী থৌনা অসি য়াম্না হেনগৎলি মরমদি য়ুনিফোর্ম শেত্তুনা লেপ্লিবা অদুগী ওইনদি মহাক্কী শিবা-চংবগী লানফম ওইরিবনি। মহাক্না মহাক্কী থৱায় খুবাক্তা হাপ্তুনা লৈবাক অসি ঙাক্লি। মহাক্না আত্মনির্ভর ভারতকীদমক্তা মমাংলোমদা চংশিল্লকপা অসিদা কয়াদা অফবা অমসুং থৱায় য়াওবগী মওং ওইরমগদগে হায়বসি অদোম্না খন্দুনা য়েংবীয়ু। অদোম্না মসিমসু খংবিরমগনি মদুদি ভারতনা দিফেন্সকা মরি লৈনবা অসিগুম্বা মরুওইবা দিফেন্স আইতেম ১০০গী লিস্ত শেমখি, মসিদা ঐখোয়গী ইরম অসিগী ইন্দস্ত্রীগী মতেংনা শাবা য়াবশিং নেগতিব লিস্ত হায়না কৌই। মসিগী ওইনা ঐখোয়গী ইন্দস্ত্রীনা মসিগী মথৌ তাবশিং অসি ফংহনবা ঙম্নবগী পাঙ্গল অদু ফংবা ঙম্নবগীদমক্তা প্লান তৌবা ঙম্নবগীদমক্তা তাইমলাইন অসি থমখিবনি।
সরকারগী লোন্দা মসি নেগেতিব লিস্তনি অদুবু মালেম পুম্বগী ওইনা নেগেতিব লিস্তকী মিংদা খংনরিবা অসি ঐহাক্না মসি খরা তোঙানবা মওংদা য়েংজৈ। ঐহাক্কী মীৎয়েংদদি আত্মনির্ভরতাগী লোন্দা মসি পোজিতিব লিস্তনি। মসিগী মতেংনা ঐখোয়গী মেনুফেকচরিং কেপাসিতী অসি হেনগৎকদৌরিবা অসি পোজিতিব লিস্তনি। ভারত্তা থবক লৈহল্লক্কদৌরিবা অসি মসিগী পোজিতিব লিস্ত অসিনি। দিফেন্সকী ওইবা মথৌ তাবশিংগীদমক্তা ঐখোয়না মীরৈবাক্কী মখা পোনবা অসি হন্থহনগদৌরিবা অসি মসিগী পোজিতিব লিস্ত অসিনি। মসিগী মরম্না ভারত্তা শাজবা প্রদক্তশিং অসি ভারত্তা অদুম্মক শিৎকনি হায়বগী গরেন্তী লৈরিবা মসিগী পোজিতিব লিস্তনি। অদুগা মসি ভারতকী মথৌ তাবগী মতুং ইন্না, ঐখোয়গী ক্লাইমেৎকী মতুং ইন্না ঐখোয়গী মীশিংগী মওং-মতৌগী মতুং ইন্না লেপ্তনা ইনোবেসন তৌরক্নবগী ওইথোকপা লৈবা অসি মসিগী মনুংদা অদুম্মক য়াওজরবনি।
ঐখোয়গী আর্মী ওইরো নত্রগা ঐখোয়গী শেন্মিৎলোনগী তুংদা ওইরক্কদবা মওং অদু ওইরো মসি ঐখোয়গী ওইনদি পোজিতিব লিস্তকী মখল অমনি। অদুগা অদোমগী ওইনদি খ্বাইদগী য়াম্না পোজিতিব ওইবা লিস্ত অমনি অমসুং ঐহাক্না ঙসি মসিগী মীফম অসিদা অদোম খুদিংমক্তা মসিগী থাজবা অসি থমজরি মদুদি দিফেন্স সেক্তরগা মরি লৈনবা পোৎশিং দিজাইন তৌনবগী, শানবগী মতিক-ময়াই অসি লৈবাক অসিদা লৈ, করিগুম্বা সরকারগী নত্রগা প্রাইভেৎ কম্পনীদা লৈরিবা, মসি মপান্দগী পুশিল্লক্নবগী এপ্রোচ অদু থম্লোই। অদোম্না উবিরম্লগনি, দিফেন্সকী কেপিতেল বজেৎ অসিদসু দোমেস্তিক প্রোক্যুর্মেন্তকী ওইবা শরুক রিজর্ব তৌদুনা থমখ্রে, মসি ঐখোয়গী অনৌবা খোংথাংনি। ঐহাক্না প্রাইভেৎ সেক্তরদা হায়জগদবদি মেনুফেকচরিংগা লোয়ন-লোয়ননা দিজাইন অমসুং দিভেলপমেন্ত তৌবদসু খুমাং চাউসিলহনবিয়ু হায়বসিনি, ভারতকী ফীরাল অসি মালেম পুম্বদা পাইহন্নবগী খুদোংচাবা লৈরিবসি লেম্না মাংহনবিগনু। ইরমগী ওইবা দিজাইন অমসুং দিভেলপমেন্তকী লমদা দি.আর.দি.ও.গী এক্সপরিএন্স অসিসু লৈবাক অসিগী প্রাইভেৎ সেক্তরনা লৌগদবনি। মসিদা চৎন-পথাপশিংনা অপনবা পীদনবা মসিগীদমক্তা দি.আর.দি.ও.দা য়াম্না য়াংনা অনৌবা মওংদা শেমদোক্লি। হৌজিক হৌদোক্লিবা প্রোজেক্তশিং অসিগী অহৌবা অসিমক্তদা প্রাইভেৎ সেক্তর অসি য়াওহনগনি।
মরূপশা,
মালেম অসিগী পীক্লবা লৈবাক কয়া অমা হান্ননা অমুক্তা লৈবাক ঙাক্নবগীদমক্তা অসুক য়াম্না ৱারমখিদে। অদুবু হোংলক্লিবা মালেম অসিগী মওং অসিনা অনৌবা শিংনবা কয়া অমা থোরকপা মরম্না হৌজিক পীক্ল-পীক্লবা লৈবাকশিংনফাওবা মশাগী লৈবাক ঙাক্নবগীদমক্তা খনবা তারি, লৈবাক ঙাকপা অসি মখোয়গী ওইনসু য়াম্না মরুওইবা অমা ওইরক্লে। অসিগুম্বা লাইরবা অমদি অপিকপা লৈবাকশিংনা মশাগী লৈবাক অদ ঙাক-শেনবগী মথৌ তাবশিংগীদমক্তা মশা মথন্তা ওইজরকপগী মওংদা অদুম্মক ভারতকী মায়কৈরোমদা য়েংলক্কনি মরমদি ঐখোয়দা লো কোস্ত মেনুফেকচরিংগী মঙম অদু লৈ। ঐখোয় অফবা প্রোজেক্তকী মঙম লৈ, মসিদা খুমাং চাওশিলহনবগী মথৌ তাবখক্তানি। লৈবাকশিং অসিগী মতেং পাংবদসু ভারতকী চাউরবা থৌদাং লৈ, ভারত অসিগী ফগৎলক্লিবা দিফেন্স সেক্তরগী য়াম্না চাউবা থৌদাংসু লৈ, য়াম্না চাউবা খুদোংচাবসু লৈ। ঙসি ঐখোয়না লৈবাক ৪০দগী হেনবদা দিফেন্সকী পোৎ এক্সপোর্ত তৌরি। ইম্পোর্তকী মপান তাংলম্বা লৈবাক হায়না খংনরম্বা অদুদগী থোরক্তুনা ঐখোয় অসি की মালেম অসিগী মাংজিন থারিবা দিফেন্স এক্সপোর্তরগী শক্তম ওইরে অমদি অদোমগা লোয়ননা চৎমিন্নবনা মসিগী শক্তম অসি হেন্না ফগৎহনগদবনি।
ঐখোয়না মসিমসু চেকশিনগদবনি মদুদি অফলা দিফেন্স মেনুফেকচরিংগী ইকোসিস্তেমগীদমক্তা অচৌবা ইন্দস্ত্রীশিংগা লোয়ননা স্মোল এন্দ মেদিয়ম মেনুফেকচরিং য়ুনিৎশিংগী মথৌসু য়াম্না তাই। ঐখোয়গী স্তার্ত অপশিং অসি হোংলক্লিবা মতম অসিগা লোয়ননা থুনা হোংদোক্নবগীদমক্তা ইনোবেসন্দা থাদরিবা ঐখোয়গী দিফেন্সকী থৌরাংশিং অসিদা ঐখোয়না মমাং থানা থম্লি। এম.এস.এম.ই.শিং অসি মেনুফেকচরিং সেক্তরগীদমক্তা য়াম্না মরুওইবা থবক তৌরি। ঙসি তৌরিবা রিফোর্মশিং,অসিদগী এম.এস.এম.ই.শিংদা হেন্না কোমহল্লে, মখোয় অসি শন্দোকপদা পুক্নিং থৌগৎলি। মসিগী এম.এস.এম.ই.শিং অসি ময়াই ওইবা অমসুং অচৌবা মেনুফেকচরিংয়ুনিৎশিংবু মতেং পাংই, মসিনা ইকোসিস্তেম অসিদা ফায়রপাৱর হাপকৎলি। মসিগী অনৌবা ৱাখল্লোন অমসুং অনৌবা এপ্রোচ অসি ঐখোয়গী লৈবাক্কী নহাশিংগী ওইনা য়াম্না মরুওইবা অমসুনি। আইদেক্সকুম্বা প্লেৎফোর্ম অসি ঐখোয়গী স্তার্ত অপ কম্পনীশিং অমসুং নহা ওইরিবা ওন্তর্প্রিন্যুরশিং অসি মসিগী মায়কৈরোম অসিদা পুক্নিং থৌগৎলি। লৈবাক অসিদা ঙসি দিফেন্স কোরিদোর অসিদা শারি, মদুসু ইরমগী ওন্ত্রর্প্রিন্যুরশিংনা, লোকেল মেনুপেকচরিংদা মতেং পাংলগনি। হায়বদি ঙসি ঐখোয়গী দিফেন্স সেক্তরদা আত্মনির্ভরতা অসিনা ঐখোয়দা ‘জৱানসু অমসুং নৌজৱানসু’, হীরম অনিমক্কী ওইনা থৌনা হাপ্পগী মওংদা য়েংগদবনি।
মরূপশা,
লৈবাক অসি ঙাক-শেন্নবা ঈশিং-কংফাল অমসুং মালং ঙাক-শেনবগা মরি লৈনখিবা মতম অমসু লৈখি। হৌজিক ঙাক-শেনবগী ওইবদা, পুন্সিগী হীরম খুদিংমক্কা মরি লৈনরে। অদুগা মসিগী অচৌবা মরমদি তেরোরিজমগুম্বা লাক্নবসিনি। মতৌ অসিগুম্না অসিগুম্বা ফ্রন্তশিং হাংদোক্তুনা ঙাক-শেনবগী দাইমেন্সন অসি মপুং ওইনা হোংদোক্লে। ঙাক-শেন্নবগীদমক্তা চাউর-চাউরবা খুৎলাইশিং পুশিল্লকখিবা মতমসু য়াওখি। হৌজিক পীক্লবা কেমেরা অমদা, পীক্লবা কম্প্যুতর অমদগীসু লৈবাক অসি ঙাক-শেন্নবগী লম অমা শেন্নবা য়াবগী ফীভমদা লৈরে। অদুগা মরম অসিনা ঐখোয়না হান্নদগী তৌনরকপা দিফেন্স আইতেমগা লোয়ননা ২১শুবা চহি চাগী তেক্নোলোজী অমসুং মদুগী তেক্নোলোজী দ্রাইভনগী মথৌ তাবশিং অদু য়েংলদুনা ঐখোয়না ফ্যুচরিস্তিক ভিজনগা লোয়ননা থবক তৌবা তাবনি। অদুগা ইনভেস্তমেন্তসু হৌজিক তৌবা তাবনি।
মরম অসিনা ঙসি মসিমসু মথৌ তারি মদুদি ঐখোয়গী হায়র এজুকেসনগী ইন্সতিত্যুৎশিং অসিদা, রিসর্চ ইন্সতিত্যুৎশিং অসিদা, য়ুনিভর্সিতীদা, ঐকোয়গী একাদমিক ৱর্ল্দদা দিফেন্সকা মরি লৈনবা, দিফেন্স স্কিলগা মরি লৈনবা কোর্সশিংদসু স্কিল দিবেলপমেন্ত, হ্যুমেন রিসোর্স দিবেলপমেন্তকী মতাংদসু মীৎয়েং থমগদবনি। রিসর্চ অমসুং ইনোবেসন্দসু মীৎয়েং থমগদবনি।কোর্সশিং অসিদা ভারতকী মথৌ তাবগী মতুং ইন্না জিজাইন তৌবা হায়বসি মতম অসিগী ওইনা মথৌ তাবনি। মরম অসিনা হান্নদগী হৌনা তৌনরকপা দিফেন্সকীদমক্তা য়ুনিফোর্ম শেৎপা আর্মী লৈবা অদুগুম্না ঐকোয়না একাদমিক ৱর্ল্দগী ওইবা মীওই, রিসর্চ তৌরিবা মীওই, ঙাক-শেনবগী এক্সপর্ত ওইনসু য়েংবা তাবনি, ঐখোয়না মসিগী মথৌ তাবা অসিবু খংলগসু থবক অসি পায়খৎকদবনি। ঐহাক্না থাজৈ মদুদি হৌজিক অদোম্না মসিগী মায়কৈ অসিদা খুমাং চাউশিনবিয়ু।
মরূপশা,
ঐহাক্না দিফেন্স মন্ত্রালয় অমসুং অদোম খুদিংমক্তা মসিমদি হায়জগনি মদুদি ঙসিগী ৱা খন্নবা অসিদা য়ুম্ফম ওইরগা তাইম-বাউন্দ এক্সন প্লান অমসুং পর্ফেক্ত রোদমেপ অমা শেম্নবা অমসুং মদু সরকার অমসুং প্রাইভেৎ অনিমক্না পার্ত্নরশিপ ওইনদুনা ইম্প্লিমেন্ত তৌনবা হায়জরি। অদোমগী ৱা খন্নবা, অদোমগী সজেসন অসিনা লৈবাক অসিবু দিফেন্স সেক্তরদা অনৌবা মায় পাকপশিং ফংহনসি হায়জবা অসিগা লোয়ননা ঐহাক্না ঙসিগী ৱেবিনার অসিগীদমক্তা অদোমগী অথোইবা ৱাখল্লোনশিংগীদমক্তা অমসুং লৈবাক অসি ঙাক-শেন্নবগী সেক্তরদা আত্মনির্ভর ওইহন্নবগী ৱাশক অসিগীদমক্তা য়াইফ-পাউজেল পীজরি।
হন্না-হন্না থাগৎচরি।
