ನಮಸ್ಕಾರ,
ಭಾರತ ಸರ್ಕಾರವು ಶೀಘ್ರ ಅನುಷ್ಠಾನಕ್ಕಾಗಿ ಬಜೆಟ್ ಪ್ರಸ್ತುತಿಯ ನಂತರ ವಿವಿಧ ಕ್ಷೇತ್ರಗಳ ಜನರೊಂದಿಗೆ ವೆಬ್ನಾರ್ಗಳನ್ನು ನಡೆಸುವುದು ಎಂದು ನಿಮಗೆಲ್ಲರಿಗೂ ತಿಳಿದಿದೆ. ಖಾಸಗಿ ಕಂಪನಿಗಳನ್ನು ಹೇಗೆ ಪಾಲುದಾರರನ್ನಾಗಿ ಮಾಡುವುದು ಮತ್ತು ಬಜೆಟ್ ಅನುಷ್ಠಾನಕ್ಕೆ ಮಾರ್ಗಸೂಚಿಯನ್ನು ರೂಪಿಸುವುದು ಹೇಗೆ ಎನ್ನುವುದರ ಬಗ್ಗೆ ಚರ್ಚೆಗಳು ನಡೆಯುತ್ತಿವೆ. ರಕ್ಷಣಾ ಸಚಿವಾಲಯ ಆಯೋಜಿಸಿರುವ ವೆಬ್ನಾರ್ನಲ್ಲಿ ಭಾಗವಹಿಸುವ ಎಲ್ಲ ಪಾಲುದಾರರು ಮತ್ತು ಮಧ್ಯಸ್ಥಗಾರರನ್ನು ಭೇಟಿ ಮಾಡುವ ಅವಕಾಶ ಇಂದು ನನಗೆ ದೊರೆತಿರುವುದು ನನಗೆ ಸಂತೋಷವಾಗಿದೆ. ನಿಮ್ಮೆಲ್ಲರಿಗೂ ಅನೇಕ ಶುಭಾಶಯಗಳು.
ರಕ್ಷಣಾ ಕ್ಷೇತ್ರದಲ್ಲಿ ಭಾರತ ಹೇಗೆ ಸ್ವಾವಲಂಬಿಯಾಗಬಹುದು ಎಂಬ ದೃಷ್ಟಿಯಿಂದ ಇಂದಿನ ಮಾತುಕತೆಯು ಬಹಳ ಮುಖ್ಯ ಎಂದು ನಾನು ಭಾವಿಸುತ್ತೇನೆ. ಬಜೆಟ್ ನಂತರ ರಕ್ಷಣಾ ಕ್ಷೇತ್ರದಲ್ಲಿ ಹೊರಹೊಮ್ಮಿರುವ ಹೊಸ ಭವಿಷ್ಯದ ಬಗ್ಗೆ ಮಾಹಿತಿ ಮತ್ತು ವಿಚಾರವಿನಿಮಯ ಇರಬೇಕು ಮತ್ತು ಭವಿಷ್ಯದ ನಿರ್ದೇಶನ ಹೇಗಿರಬೇಕು ಎಂಬುದು ಬಹಳ ಅವಶ್ಯಕ. ನಮ್ಮ ಯೋಧರು ತರಬೇತಿ ಪಡೆದ ಸ್ಥಳಗಳಲ್ಲಿ ಬರೆಯುವುದನ್ನು ನಾವು ಹೆಚ್ಚಾಗಿ ನೋಡುತ್ತೇವೆ, ಶಾಂತಿಯ ಅವಧಿಯಲ್ಲಿ ಹರಿಸುವ ಬೆವರು ಯುದ್ಧದ ಸಮಯದಲ್ಲಿ ರಕ್ತ ಚೆಲ್ಲುವುದನ್ನು ತಡೆಯುತ್ತದೆ. ಅಂದರೆ, ಶಾಂತಿಯ ಮುನ್ಸೂಚನೆಯು ವೀರತ್ವ, ವೀರತ್ವದ ಪೂರ್ವಭಾವಿ ಸಾಮರ್ಥ್ಯ ಮತ್ತು ಸಾಮರ್ಥ್ಯದ ಮುನ್ಸೂಚನೆಯು ಆರಂಭಿಕ ಸಿದ್ಧತೆ ಮತ್ತು ಉಳಿದವುಗಳೆಲ್ಲವೂ ಅನುಸರಿಸುತ್ತವೆ. ಇದನ್ನು ನಮ್ಮ ದೇಶದಲ್ಲಿಯೂ ಹೇಳಲಾಗುತ್ತದೆ: '' ಸಹನಶೀಲತಾ, ದಯಾ ಹೈ, ಬಲ್ ಕಾ ದರ್ಪ್ ಚಮಕ್ತಾ ಜಗಮಗ್ ಹೈ' ಅಂದರೆ, "ಸಹಿಷ್ಣುತೆ, ಕ್ಷಮೆ ಮತ್ತು ಕರುಣೆಯನ್ನು ಪ್ರಪಂಚವು ಪೂಜಿಸುತ್ತದೆ. ಬಲ ಅದರ ಹಿಂದೆ ಹೊಳೆಯುತ್ತದೆ. " ಎಂದು.
ಸ್ನೇಹಿತರೇ,
ಶಸ್ತ್ರಾಸ್ತ್ರಗಳು ಮತ್ತು ಮಿಲಿಟರಿ ಉಪಕರಣಗಳನ್ನು ನಿರ್ಮಿಸುವ ಭಾರತಕ್ಕೆ ಶತಮಾನಗಳಷ್ಟು ಹಳೆಯ ಅನುಭವವಿದೆ. ಸ್ವಾತಂತ್ರ್ಯದ ಮೊದಲು ನಮ್ಮಲ್ಲಿ ನೂರಾರು ಆರ್ಡನೆನ್ಸ್ ಕಾರ್ಖಾನೆಗಳು ಇದ್ದವು. ಎರಡೂ ವಿಶ್ವ ಯುದ್ಧಗಳಲ್ಲಿ, ದೊಡ್ಡ ಪ್ರಮಾಣದಲ್ಲಿ ಶಸ್ತ್ರಾಸ್ತ್ರಗಳನ್ನು ಭಾರತದಿಂದ ರಫ್ತು ಮಾಡಲಾಯಿತು. ಆದರೆ, ಅನೇಕ ಕಾರಣಗಳಿಂದಾಗಿ, ಈ ವ್ಯವಸ್ಥೆಯು ಸ್ವಾತಂತ್ರ್ಯದ ನಂತರ ಇರಬೇಕಾದಷ್ಟು ಬಲಗೊಂಡಿಲ್ಲ. ಸಣ್ಣ ಶಸ್ತ್ರಾಸ್ತ್ರಗಳಿಗಾಗಿ ನಾವು ಇತರ ದೇಶಗಳನ್ನು ಹುಡುಕಬೇಕಾಗಿದೆ. ಇಂದು, ಭಾರತವು ವಿಶ್ವದ ಅತಿದೊಡ್ಡ ರಕ್ಷಣಾ ಆಮದುದಾರರಲ್ಲಿ ಒಂದಾಗಿದೆ ಮತ್ತು ಇದು ದೊಡ್ಡ ಹೆಮ್ಮೆಯ ವಿಷಯವಲ್ಲ. ಭಾರತದ ಜನರಿಗೆ ಪ್ರತಿಭೆ ಇಲ್ಲ ಎಂದು ಅಲ್ಲ. ಭಾರತದ ಜನರಿಗೆ ಸಾಮರ್ಥ್ಯವಿಲ್ಲ ಎಂದೂ ಅಲ್ಲ.
ನೋಡಿ, ಕೊರೊನಾ ಪ್ರಾರಂಭವಾದಾಗ ಭಾರತವು ವೆಂಟಿಲೇಟರ್ಗಳನ್ನು ತಯಾರಿಸುತ್ತಿರಲಿಲ್ಲ. ಇಂದು ಭಾರತ ಸಾವಿರಾರು ವೆಂಟಿಲೇಟರ್ಗಳನ್ನು ತಯಾರಿಸುತ್ತಿದೆ. ಮಂಗಳ ಗ್ರಹವನ್ನು ತಲುಪುವ ಸಾಮರ್ಥ್ಯ ಹೊಂದಿರುವ ಭಾರತವು ಆಧುನಿಕ ಶಸ್ತ್ರಾಸ್ತ್ರಗಳನ್ನು ಸಹ ಅಭಿವೃದ್ಧಿಪಡಿಸಬಹುದು. ಆದರೆ ಶಸ್ತ್ರಾಸ್ತ್ರಗಳನ್ನು ಆಮದು ಮಾಡಿಕೊಳ್ಳುವುದು ಸುಲಭ ಎಂದು ಪರಿಗಣಿಸಲಾಗಿತ್ತು. ಮತ್ತು ಮನುಷ್ಯನ ಸ್ವಭಾವವು ಅವನು ಸುಲಭವಾದ ಮತ್ತು ಸುಲಭವಾಗಿ ಕಂಡುಬರುವುದನ್ನು ಸ್ವೀಕರಿಸುತ್ತದೆ. ನಿಮ್ಮ ಮನೆಯಲ್ಲಿಯೂ ಸಹ ನೀವು ಹಲವಾರು ವಿದೇಶಿ ಉತ್ಪನ್ನಗಳನ್ನು ಬಳಸುತ್ತಿರುವಿರಿ. ರಕ್ಷಣೆಯ ವಿಷಯದಲ್ಲೂ ಅದೇ ಸಂಭವಿಸಿದೆ. ಆದರೆ ಈಗ ಇಂದಿನ ಭಾರತವು ಪರಿಸ್ಥಿತಿಯನ್ನು ಬದಲಾಯಿಸುವ ಕೆಲಸ ಮಾಡುತ್ತಿದೆ.
ಈಗ ಭಾರತ ತನ್ನ ಕ್ಷಮತೆ ಮತ್ತು ಸಾಮರ್ಥ್ಯಗಳನ್ನು ತೀವ್ರಗೊಳಿಸುವ ಕಾರ್ಯದಲ್ಲಿ ನಿರತವಾಗಿದೆ. ನಮ್ಮದೇ ಯುದ್ಧ ವಿಮಾನ ತೇಜಸ್ ಅನ್ನು ಕಡೆಗಣಿಸಲಾದ ಸಮಯವಿತ್ತು. ಆದರೆ ನಮ್ಮ ಸರ್ಕಾರವು ತೇಜಸ್ ಅನ್ನು ಅಭಿವೃದ್ಧಿಪಡಿಸುವಲ್ಲಿ ನಮ್ಮ ಎಂಜಿನಿಯರ್ಗಳು ಮತ್ತು ವಿಜ್ಞಾನಿಗಳ ಸಾಮರ್ಥ್ಯಗಳನ್ನು ಅವಲಂಬಿಸಿತ್ತು, ಮತ್ತು ಇಂದು ತೇಜಸ್ ಆಕಾಶದಲ್ಲಿ ಮನೋಹರವಾಗಿ ಹಾರುತ್ತಿದೆ. ಕೆಲವು ವಾರಗಳ ಹಿಂದೆ, ತೇಜಸ್ಗೆ 48,000 ಕೋಟಿ ರೂ.ಗಳ ಖರೀದಿ ಆದೇಶ ಸಿಕ್ಕಿತು. ಇದು ಈ ಕ್ಷೇತ್ರದಲ್ಲಿ ಹಲವು ಎಂಎಸ್ಎಂಇ ಕ್ಷೇತ್ರಗಳನ್ನು ಒಟ್ಟುಗೂಡಿಸಲು ಕಾರಣವಾಗುತ್ತದೆ ಮತ್ತು ವ್ಯಾಪಾರದ ಪ್ರಮಾಣವೂ ತುಂಬಾ ದೊಡ್ಡದಾಗಿದೆ. ನಮ್ಮ ಸೈನಿಕರು ಬುಲೆಟ್ ಪ್ರೂಫ್ ಜಾಕೆಟ್ಗಳಿಗಾಗಿ ಹೆಚ್ಚು ಸಮಯ ಕಾಯಬೇಕಾಗಿತ್ತು. ಇಂದು, ನಾವು ಭಾರತದಲ್ಲಿ ನಮಗಾಗಿ ಬುಲೆಟ್ ಪ್ರೂಫ್ ಜಾಕೆಟ್ಗಳನ್ನು ತಯಾರಿಸುತ್ತಿದ್ದೇವೆ, ಹಾಗೆಯೇ ಇತರ ದೇಶಗಳಿಗೆ ಸರಬರಾಜು ಮಾಡುವ ಸಾಮರ್ಥ್ಯವನ್ನು ಹೆಚ್ಚಿಸುತ್ತಿದ್ದೇವೆ.
ಸ್ನೇಹಿತರೇ,
ರಕ್ಷಣಾ ಮುಖ್ಯಸ್ಥರ ಹುದ್ದೆಯ ರಚನೆಯೊಂದಿಗೆ, ಖರೀದಿ ಪ್ರಕ್ರಿಯೆಗಳು, ಪ್ರಯೋಗ ಮತ್ತು ಪರೀಕ್ಷೆ, ಸಲಕರಣೆಗಳ ಕೊಳ್ಳುವಿಕೆ ಮತ್ತು ಸೇವೆಗಳ ಪ್ರಕ್ರಿಯೆಯಲ್ಲಿ ಏಕರೂಪತೆಯನ್ನು ತರುವುದು ಬಹಳ ಸುಲಭವಾಗಿದೆ ಮತ್ತು ಇದು ಎಲ್ಲಾ ವಿಭಾಗಗಳ ಸಹಯೋಗದೊಂದಿಗೆ ವೇಗವಾಗಿ ಪ್ರಗತಿಯಲ್ಲಿದೆ. ನಮ್ಮ ಎಲ್ಲಾ ರಕ್ಷಣಾ ಪಡೆಗಳು. ಈ ವರ್ಷದ ಬಜೆಟ್, ಸೈನ್ಯವನ್ನು ಆಧುನೀಕರಿಸುವ ಬದ್ಧತೆಯನ್ನು ಮತ್ತಷ್ಟು ಬಲಪಡಿಸಿದೆ. ಸುಮಾರು ಒಂದೂವರೆ ದಶಕದ ನಂತರ ರಕ್ಷಣಾ ಕ್ಷೇತ್ರದಲ್ಲಿ ಬಂಡವಾಳ ವಿನಿಯೋಗವನ್ನು ಶೇಕಡಾ 19 ರಷ್ಟು ಹೆಚ್ಚಿಸಲಾಗಿದೆ. ಸ್ವಾತಂತ್ರ್ಯದ ನಂತರ ಮೊದಲ ಬಾರಿಗೆ, ರಕ್ಷಣಾ ಕ್ಷೇತ್ರದಲ್ಲಿ ಖಾಸಗಿ ವಲಯದ ಭಾಗವಹಿಸುವಿಕೆಯನ್ನು ಹೆಚ್ಚಿಸಲು ಒತ್ತು ನೀಡಲಾಗುತ್ತಿದೆ. ಖಾಸಗಿ ವಲಯವನ್ನು ಮುಂದೆ ಕೊಂಡೊಯ್ಯಲು ಮತ್ತು ಅವರಿಗೆ ಕೆಲಸ ಮಾಡಲು ಸುಲಭವಾಗುವಂತೆ ವ್ಯಾಪಾರ ಮಾಡುವ ಅನುಕೂಲತೆಗೆ ಸರ್ಕಾರ ಒತ್ತು ನೀಡುತ್ತಿದೆ.
ಸ್ನೇಹಿತರೇ,
ಖಾಸಗಿ ವಲಯದ ಭಾಗವಹಿಸುವಿಕೆಗೆ ಸಂಬಂಧಿಸಿದಂತೆ ರಕ್ಷಣಾ ವಲಯದಲ್ಲಿನ ಕಾಳಜಿಯನ್ನು ನಾನು ಅರ್ಥಮಾಡಿಕೊಂಡಿದ್ದೇನೆ. ರಕ್ಷಣಾ ಕ್ಷೇತ್ರದಲ್ಲಿ ಸರ್ಕಾರದ ಹಸ್ತಕ್ಷೇಪವು ಆರ್ಥಿಕತೆಯ ಇತರ ಕ್ಷೇತ್ರಗಳಿಗಿಂತ ಅನೇಕ ಪಟ್ಟು ಹೆಚ್ಚಾಗಿದೆ. ಸರ್ಕಾರ ಮಾತ್ರವೇ ಖರೀದಿದಾರರಾಗಿರುವುದು, ಸರ್ಕಾರವೇ ಉತ್ಪಾದಕ ಮತ್ತು ಸರ್ಕಾರದ ಅನುಮತಿಯಿಲ್ಲದೆ ರಫ್ತು ಮಾಡುವುದು ಸಹ ಕಷ್ಟ. ಮತ್ತು ಇದು ತುಂಬಾ ಸ್ವಾಭಾವಿಕವಾಗಿದೆ, ಏಕೆಂದರೆ ಈ ವಲಯವು ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದೆ. ಆದರೆ, ಅದೇ ಸಮಯದಲ್ಲಿ, 21 ನೇ ಶತಮಾನದ ರಕ್ಷಣಾ ಉತ್ಪಾದನಾ ಪರಿಸರ ವ್ಯವಸ್ಥೆಯು ಖಾಸಗಿ ವಲಯದ ಸಹಭಾಗಿತ್ವವಿಲ್ಲದೆ ಬೆಳೆಯಲು ಸಾಧ್ಯವಿಲ್ಲ. ನಾನು ಅದನ್ನು ಚೆನ್ನಾಗಿ ಅರ್ಥಮಾಡಿಕೊಂಡಿದ್ದೇನೆ ಮತ್ತು ಈಗ ಸರ್ಕಾರದ ಎಲ್ಲಾ ವಿಭಾಗಗಳು ಸಹ ಒಪ್ಪುತ್ತವೆ. ಮತ್ತು, ಆದ್ದರಿಂದ, 2014 ರಿಂದ, ಪಾರದರ್ಶಕತೆ, ದೂರದೃಷ್ಟಿ ಮತ್ತು ವ್ಯಾಪಾರ ಮಾಡುವ ಅನುಕೂಲತೆಯೊಂದಿಗೆ, ನಾವು ಈ ವಲಯದಲ್ಲಿ ನಿರಂತರವಾಗಿ ಒಂದು ಹೆಜ್ಜೆ ಇಡುವುದರ ಮೂಲಕ ನಿರಂತರವಾಗಿ ಮುಂದುವರಿಯುತ್ತಿದ್ದೇವೆ ಎನ್ನುವುದನ್ನು ನೀವು ಗಮನಿಸಿರಬಹುದು. ಅಂತಹ ಹಲವಾರು ಕ್ರಮಗಳೊಂದಿಗೆ ನಾವು ಈ ವಲಯದಲ್ಲಿ ಡಿ-ಲೈಸೆನ್ಸಿಂಗ್, ಡಿ-ರೆಗ್ಯುಲೇಷನ್, ರಫ್ತು ಪ್ರಚಾರ, ವಿದೇಶಿ ಹೂಡಿಕೆ ಉದಾರೀಕರಣದಂತಹ, ಒಂದರ ನಂತರ ಒಂದರಂತೆ ಬಲವಾದ ಕ್ರಮಗಳನ್ನು ತೆಗೆದುಕೊಂಡಿದ್ದೇವೆ. ಮತ್ತು ಸಶಸ್ತ್ರ ಪಡೆಗಳ ನಾಯಕತ್ವದಿಂದ ಈ ಎಲ್ಲಾ ಪ್ರಯತ್ನಗಳಿಗೆ ನನಗೆ ಗರಿಷ್ಠ ಬೆಂಬಲ ಮತ್ತು ಸಹಾಯ ಸಿಕ್ಕಿದೆ ಎಂದು ನಾನು ಹೇಳುತ್ತೇನೆ. ಅವರು ಕೂಡ ಒಂದು ರೀತಿಯಲ್ಲಿ ಅದನ್ನು ಒತ್ತಿಹೇಳುತ್ತಾರೆ ಹಾಗೂ ಭವಿಷ್ಯದಲ್ಲಿ ಅದನ್ನು ಯಶಸ್ವಿಗೊಳಿಸುತ್ತಾರೆ.
ಸ್ನೇಹಿತರೇ,
ರಕ್ಷಣಾ ಪಡೆಯ ಸಮವಸ್ತ್ರವನ್ನು ಧರಿಸಿದ ವ್ಯಕ್ತಿಯು ಇದನ್ನು ಹೇಳಿದಾಗ ಅದು ಸಾಕಷ್ಟು ಶಕ್ತಿಯನ್ನು ನೀಡುತ್ತದೆ, ಏಕೆಂದರೆ ಅವನಿಗೆ ಯುದ್ಧವು ಜೀವನ ಅಥವಾ ಸಾವು ಆಗಿರುತ್ತದೆ. ಅವನು ತನ್ನ ಪ್ರಾಣವನ್ನು ಪಣಕ್ಕಿಟ್ಟು ದೇಶವನ್ನು ರಕ್ಷಿಸುತ್ತಾನೆ. ಅವರು ಆತ್ಮನಿರ್ಭರ ಭಾರತಕ್ಕಾಗಿ ಮುಂದೆ ಬಂದರೆ, ವಾತಾವರಣವು ಸಕಾರಾತ್ಮಕತೆ ಮತ್ತು ಉತ್ಸಾಹದಿಂದ ತುಂಬಿರುತ್ತದೆ ಎನ್ನುವುದನ್ನು ನೀವು ಚೆನ್ನಾಗಿ ಊಹಿಸಬಹುದು. ಭಾರತವು ರಕ್ಷಣೆಗೆ ಸಂಬಂಧಿಸಿದ 100 ಪ್ರಮುಖ ವಸ್ತುಗಳ ಪಟ್ಟಿಯನ್ನು ತಯಾರಿಸಿದೆ ಎಂದು ನಿಮಗೆ ತಿಳಿದಿದೆ, ಇದನ್ನು ನೆಗಟಿವ್ ಲಿಸ್ಟ್ ಎಂದು ಕರೆಯಲಾಗುತ್ತದೆ ಮತ್ತು ನಮ್ಮ ಸ್ಥಳೀಯ ಕೈಗಾರಿಕೆಗಳ ಸಹಾಯದಿಂದ ನಾವು ತಯಾರಿಸಬಹುದು. ನಮ್ಮ ಕೈಗಾರಿಕೆಗಳು ಈ ಅವಶ್ಯಕತೆಗಳನ್ನು ಪೂರೈಸಲು ಯೋಜಿಸಲು ಸಮಯವನ್ನು ನಿಗದಿಪಡಿಸಲಾಗಿದೆ.
ಇದನ್ನು ಆಡಳಿತದ ಭಾಷೆಯಲ್ಲಿ ನೆಗಟಿವ್ ಲಿಸ್ಟ್ , ನಕಾರಾತ್ಮಕ ಪಟ್ಟಿ ಎಂದು ಕರೆಯಲಾಗುತ್ತದೆ, ಆದರೆ ನಾನು ಅದನ್ನು ಬೇರೆ ರೀತಿಯಲ್ಲಿ ನೋಡುತ್ತೇನೆ. ನನ್ನ ಪ್ರಕಾರ, ಇದು ಸ್ವಾವಲಂಬನೆಯ ಭಾಷೆಯಲ್ಲಿ, ಪಾಸಿಟಿವ್ ಲಿಸ್ಟ್ ಸಕಾರಾತ್ಮಕ ಪಟ್ಟಿಯಾಗಿದೆ. ನಮ್ಮ ಸ್ವಂತ ಉತ್ಪಾದನಾ ಸಾಮರ್ಥ್ಯವು ಹೆಚ್ಚಾಗಲಿರುವ ಸಕಾರಾತ್ಮಕ ಪಟ್ಟಿ ಇದು. ಇದು ಭಾರತದಲ್ಲಿ ಉದ್ಯೋಗವನ್ನು ಸೃಷ್ಟಿಸುವ ಸಕಾರಾತ್ಮಕ ಪಟ್ಟಿ. ನಮ್ಮ ರಕ್ಷಣಾ ಅಗತ್ಯಗಳಿಗಾಗಿ ವಿದೇಶಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಹೊರಟಿರುವ ಸಕಾರಾತ್ಮಕ ಪಟ್ಟಿ ಇದು. ಭಾರತದಲ್ಲಿ ಸ್ಥಳೀಯ ಉತ್ಪನ್ನಗಳ ಮಾರಾಟವನ್ನು ಖಾತರಿಪಡಿಸುವ ಸಕಾರಾತ್ಮಕ ಪಟ್ಟಿ ಇದು. ಮತ್ತು ಭಾರತದ ಅಗತ್ಯತೆಗಳು, ನಮ್ಮ ಹವಾಮಾನ ಮತ್ತು ನಮ್ಮ ಜನರ ಸ್ವರೂಪಕ್ಕೆ ಅನುಗುಣವಾಗಿ ಈ ಉತ್ಪನ್ನಗಳ ನಿರಂತರ ಆವಿಷ್ಕಾರದ ಸಾಧ್ಯತೆಯಿದೆ.
ಅದು ನಮ್ಮ ಸೈನ್ಯವಾಗಲಿ, ನಮ್ಮ ಆರ್ಥಿಕ ಭವಿಷ್ಯವಾಗಲಿ, ಅದು ನಮಗೆ ಒಂದು ರೀತಿಯ ಸಕಾರಾತ್ಮಕ ಪಟ್ಟಿ. ಮತ್ತು ನಿಮಗಾಗಿ, ಇದು ಅತ್ಯಂತ ಸಕಾರಾತ್ಮಕ ಪಟ್ಟಿ, ಮತ್ತು ದೇಶ ಅಥವಾ ಸರ್ಕಾರಿ ಅಥವಾ ಖಾಸಗಿ ಕಂಪನಿಯು ಸಾಮರ್ಥ್ಯವನ್ನು ಹೊಂದಿರುವ ರಕ್ಷಣಾ ಕ್ಷೇತ್ರಕ್ಕೆ ಸಂಬಂಧಿಸಿದ ಯಾವುದೇ ಸರಕುಗಳನ್ನು ಆಮದು ಮಾಡಿಕೊಳ್ಳಲು ಅಂತಹ ಯಾವುದೇ ವಿಧಾನವಿಲ್ಲ ಎಂದು ಈ ಸಭೆಯಲ್ಲಿ ನಿಮ್ಮೆಲ್ಲರಿಗೂ ಭರವಸೆ ನೀಡುತ್ತೇನೆ. ವಿನ್ಯಾಸ ಮತ್ತು ತಯಾರಿಕೆ. ರಕ್ಷಣೆಯ ಬಂಡವಾಳ ಬಜೆಟ್ನಲ್ಲಿಯೂ ಸಹ ಒಂದು ಭಾಗವನ್ನು ದೇಶೀಯ ಸಂಗ್ರಹಕ್ಕಾಗಿ ಕಾಯ್ದಿರಿಸಲಾಗಿದೆ ಎಂದು ನೀವು ಗಮನಿಸಿರಬಹುದು. ಜಾಗತಿಕ ಮಟ್ಟದಲ್ಲಿ ಭಾರತೀಯ ಧ್ವಜವನ್ನು ಎತ್ತರಕ್ಕೆ ಹಾರಲು ಸಾಧ್ಯವಾಗುವಂತೆ ಉತ್ಪಾದನೆ ಮತ್ತು ವಿನ್ಯಾಸ ಮತ್ತು ಅಭಿವೃದ್ಧಿಯಲ್ಲಿ ಖಾಸಗಿ ವಲಯವು ಮುಂದೆ ಬರಬೇಕೆಂದು ನಾನು ಕೋರುತ್ತೇನೆ. ಈ ಅವಕಾಶವನ್ನು ಬಿಡಬೇಡಿ. ದೇಶದ ಖಾಸಗಿ ವಲಯವು ಸ್ಥಳೀಯ ವಿನ್ಯಾಸ ಮತ್ತು ಅಭಿವೃದ್ಧಿ ಕ್ಷೇತ್ರದಲ್ಲಿ ಡಿಆರ್ಡಿಒನ ಅನುಭವವನ್ನು ಬಳಸಿಕೊಳ್ಳಬೇಕು. ಡಿಆರ್ಡಿಒದಲ್ಲಿ ತ್ವರಿತ ಸುಧಾರಣೆಗಳನ್ನು ಕೈಗೊಳ್ಳಲಾಗುತ್ತಿದೆ ಆದ್ದರಿಂದ ನಿಯಮಾವಳಿಗಳು ಕಿರಿಕಿರಿಯುಂಟುಮಾಡುವುದಿಲ್ಲ. ಈಗ, ಯೋಜನೆಗಳ ಪ್ರಾರಂಭದಲ್ಲಿ ಖಾಸಗಿ ವಲಯವು ಭಾಗಿಯಾಗಲಿದೆ.
ಸ್ನೇಹಿತರೇ,
ಹಿಂದೆಂದೂ ಇಲ್ಲದಂತೆ, ವಿಶ್ವದ ಅನೇಕ ಸಣ್ಣ ದೇಶಗಳು ತಮ್ಮ ಸುರಕ್ಷತೆಗಾಗಿ ಇಂದು ತುಂಬಾ ತಲೆಕೆಡಿಸಿಕೊಂಡಿವೆ. ಆದರೆ ಬದಲಾಗುತ್ತಿರುವ ಜಾಗತಿಕ ಪರಿಸರದಲ್ಲಿನ ಹೊಸ ಸವಾಲುಗಳ ದೃಷ್ಟಿಯಿಂದ, ಅಂತಹ ಸಣ್ಣ ದೇಶಗಳು ಸಹ ತಮ್ಮ ಸುರಕ್ಷತೆಯ ಬಗ್ಗೆ ಚಿಂತಿಸಬೇಕಾಗಿದೆ; ಅವರಿಗೆ ಭದ್ರತೆಯೂ ಬಹಳ ಮುಖ್ಯವಾದ ವಿಷಯವಾಗುತ್ತಿದೆ. ನಮ್ಮ ಕಡಿಮೆ ವೆಚ್ಚದ ಉತ್ಪಾದನಾ ಸಾಮರ್ಥ್ಯದಿಂದಾಗಿ ಇಂತಹ ಬಡ ಮತ್ತು ಸಣ್ಣ ದೇಶಗಳು ತಮ್ಮ ಭದ್ರತಾ ಅಗತ್ಯಗಳಿಗಾಗಿ ಭಾರತದೆಡೆಗೆ ನೋಡುವುದು ಬಹಳ ಸಹಜ. ನಮಗೆ ಗುಣಮಟ್ಟದ ಉತ್ಪನ್ನಗಳ ಶಕ್ತಿ ಇದೆ, ಮತ್ತು ನಾವು ಮಾತ್ರ ಇಂತವುಗಳಲ್ಲಿ ಮುಂದುವರಿಯಬೇಕಾಗಿದೆ. ಈ ದೇಶಗಳಿಗೆ ಸಹಾಯ ಮಾಡುವಲ್ಲಿ ಭಾರತದ್ದೂ ದೊಡ್ಡ ಪಾತ್ರವಿದೆ ಮತ್ತು ಭಾರತದ ಅಭಿವೃದ್ಧಿ ಹೊಂದುತ್ತಿರುವ ರಕ್ಷಣಾ ಕ್ಷೇತ್ರಕ್ಕೆ ಒಂದು ದೊಡ್ಡ ಪಾತ್ರ ಮತ್ತು ದೊಡ್ಡ ಅವಕಾಶವಿದಾಗಿದೆ. ಇಂದು, ನಾವು 40 ಕ್ಕೂ ಹೆಚ್ಚು ದೇಶಗಳಿಗೆ ರಕ್ಷಣಾ ವಸ್ತುಗಳನ್ನು ರಫ್ತು ಮಾಡುತ್ತಿದ್ದೇವೆ. ಆಮದು ಅವಲಂಬಿತ ದೇಶವೆನ್ನಿಸಿಕೊಳ್ಳುವುದರ ಬದಲು ನಾವು ನಮ್ಮನ್ನು ವಿಶ್ವದ ಪ್ರಮುಖ ರಕ್ಷಣಾ ರಫ್ತುದಾರರೆಂದು ಗುರುತಿಸಿಕೊಳ್ಳಬೇಕು ಮತ್ತು ನೀವು ಜೊತೆಯಾಗುವ ಮೂಲಕ ಈ ಗುರುತನ್ನು ಬಲಪಡಿಸಬೇಕು.
ದೊಡ್ಡ ಕೈಗಾರಿಕೆಗಳಿಗೆ ಮತ್ತು ಸಣ್ಣ ಮತ್ತು ಮಧ್ಯಮ ಉತ್ಪಾದನಾ ಘಟಕಗಳಿಗೆ ಆರೋಗ್ಯಕರ ರಕ್ಷಣಾ ಉತ್ಪಾದನಾ ಪರಿಸರ ವ್ಯವಸ್ಥೆ ಬಹಳ ಮುಖ್ಯ ಎಂಬುದನ್ನು ನಾವು ನೆನಪಿನಲ್ಲಿಡಬೇಕು. ನಮ್ಮ ಸ್ಟಾರ್ಟ್ ಅಪ್ಗಳು ಬದಲಾಗುತ್ತಿರುವ ಸಮಯದೊಂದಿಗೆ ತ್ವರಿತ ಬದಲಾವಣೆಗಳನ್ನು ಮಾಡಲು ಅಗತ್ಯವಾದ ಆವಿಷ್ಕಾರಗಳನ್ನು ನಮಗೆ ನೀಡುತ್ತಿವೆ ಮತ್ತು ನಮ್ಮ ರಕ್ಷಣಾ ಸಿದ್ಧತೆಯಲ್ಲಿ ನಮ್ಮನ್ನು ಮುಂಚೂಣಿಯಲ್ಲಿರಿಸುತ್ತವೆ. ಎಂಎಸ್ಎಂಇಗಳು ಇಡೀ ಉತ್ಪಾದನಾ ಕ್ಷೇತ್ರಕ್ಕೆ ಬೆನ್ನೆಲುಬಾಗಿ ಕಾರ್ಯನಿರ್ವಹಿಸುತ್ತವೆ. ಇಂದು ನಡೆಯುತ್ತಿರುವ ಸುಧಾರಣೆಗಳು ಎಂಎಸ್ಎಂಇಗಳಿಗೆ ಹೆಚ್ಚಿನ ಸ್ವಾತಂತ್ರ್ಯವನ್ನು ನೀಡುತ್ತಿವೆ ಮತ್ತು ವಿಸ್ತರಿಸಲು ಪ್ರೋತ್ಸಾಹ ನೀಡುತ್ತಿವೆ.
ಈ ಎಂಎಸ್ಎಂಇಗಳು ಮಧ್ಯಮ ಮತ್ತು ದೊಡ್ಡ ಉತ್ಪಾದನಾ ಘಟಕಗಳಿಗೆ ಸಹಾಯ ಮಾಡುತ್ತವೆ, ಇದು ಇಡೀ ಪರಿಸರ ವ್ಯವಸ್ಥೆಗೆ ಶಕ್ತಿಯನ್ನು ಸೇರಿಸುತ್ತದೆ. ಈ ಹೊಸ ಆಲೋಚನೆ ಮತ್ತು ಹೊಸ ವಿಧಾನವು ನಮ್ಮ ದೇಶದ ಯುವಜನರಿಗೂ ಬಹಳ ಮುಖ್ಯವಾಗಿದೆ. ಐಡೆಕ್ಸ್ನಂತಹ ಪ್ಲಾಟ್ಫಾರ್ಮ್ಗಳು ನಮ್ಮ ಸ್ಟಾರ್ಟ್ ಅಪ್ ಕಂಪನಿಗಳು ಮತ್ತು ಯುವ ಉದ್ಯಮಿಗಳನ್ನು ಈ ದಿಕ್ಕಿನಲ್ಲಿ ಪ್ರೋತ್ಸಾಹಿಸುತ್ತಿವೆ. ಇಂದು ದೇಶದಲ್ಲಿ ನಿರ್ಮಿಸಲಾಗುತ್ತಿರುವ ರಕ್ಷಣಾ ಕಾರಿಡಾರ್ಗಳು ಸ್ಥಳೀಯ ಉದ್ಯಮಿಗಳು ಮತ್ತು ಸ್ಥಳೀಯ ಉತ್ಪಾದನೆಗೆ ಸಹಕಾರಿಯಾಗಲಿವೆ. ಅಂದರೆ, ಇಂದು, ನಮ್ಮ ರಕ್ಷಣಾ ಕ್ಷೇತ್ರದಲ್ಲಿ ಸ್ವಯಂಪೂರ್ಣತೆಯನ್ನು ಜವಾನ್ ಮತ್ತು ನೌಜವಾನ್ (ಯುವಕರು). ಈ ಎರಡು ರಂಗಗಳ ಸಬಲೀಕರಣವಾಗಿ ನೋಡಬೇಕಾಗಿದೆ
ಸ್ನೇಹಿತರೇ,
ದೇಶದ ಭದ್ರತೆ ಸಮುದ್ರ, ಭೂಮಿ ಮತ್ತು ಆಕಾಶಕ್ಕೆ ಮಾತ್ರ ಸಂಬಂಧಿಸಿದ್ದ ಕಾಲವಿತ್ತು. ಈಗ ಭದ್ರತೆಯ ವ್ಯಾಪ್ತಿಯು ಜೀವನದ ಪ್ರತಿಯೊಂದು ಕ್ಷೇತ್ರಕ್ಕೂ ವಿಸ್ತರಿಸಿದೆ. ಮತ್ತು ಇದಕ್ಕೆ ಪ್ರಮುಖ ಕಾರಣ ಭಯೋತ್ಪಾದನೆಯಂತಹ ತಂತ್ರಗಳು. ಅಂತೆಯೇ, ಸೈಬರ್ ದಾಳಿಯ ರೂಪದಲ್ಲಿ ಹೊಸ ರೂಪವನ್ನು ತಾಳಿದ್ದು ಅದು ಭದ್ರತೆಯ ಸಂಪೂರ್ಣ ಆಯಾಮವನ್ನು ಬದಲಾಯಿಸಿದೆ. ಭದ್ರತೆಗಾಗಿ ಗಣನೀಯ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ಆಮದು ಮಾಡಿಕೊಳ್ಳಬೇಕಾದ ಸಮಯವಿತ್ತು. ಈಗ ಪರಿಸ್ಥಿತಿ ಹೇಗಿದೆ ಎಂದರೆ ಸಣ್ಣ ಕೋಣೆಯಲ್ಲಿ ಸಣ್ಣ ಕಂಪ್ಯೂಟರ್ ಕೂಡ ದೇಶದ ಭದ್ರತೆಯ ಒಂದು ಅಂಶವಾಗಿದೆ, ಮತ್ತು ಆದ್ದರಿಂದ, ನಾವು 21 ನೇ ಶತಮಾನದ ತಂತ್ರಜ್ಞಾನ ಮತ್ತು ಸಾಂಪ್ರದಾಯಿಕ ರಕ್ಷಣಾ ವಸ್ತುಗಳೊಂದಿಗೆ ತಂತ್ರಜ್ಞಾನ ಚಾಲಿತ ಅವಶ್ಯಕತೆಗಳನ್ನು ಗಮನದಲ್ಲಿಟ್ಟುಕೊಂಡು ಭವಿಷ್ಯದ ದೃಷ್ಟಿಯೊಂದಿಗೆ ಕೆಲಸ ಮಾಡಬೇಕಾಗಿದೆ. ಮತ್ತು ಹೂಡಿಕೆ ಈಗ ಮಾಡಬೇಕಾಗಿದೆ.
ಆದ್ದರಿಂದ, ನಮ್ಮ ಉನ್ನತ ಶಿಕ್ಷಣ ಸಂಸ್ಥೆಗಳು, ಸಂಶೋಧನಾ ಸಂಸ್ಥೆಗಳು, ವಿಶ್ವವಿದ್ಯಾಲಯಗಳು ಮತ್ತು ನಮ್ಮ ಶೈಕ್ಷಣಿಕ ಜಗತ್ತಿನಲ್ಲಿ ರಕ್ಷಣಾ ಸಂಬಂಧಿತ ಕೋರ್ಸ್ಗಳು, ರಕ್ಷಣಾ ಕೌಶಲ್ಯ ಕೋರ್ಸ್ಗಳು, ಕೌಶಲ್ಯ ಅಭಿವೃದ್ಧಿ ಮತ್ತು ಮಾನವ ಸಂಪನ್ಮೂಲ ಅಭಿವೃದ್ಧಿಗೆ ನಾವು ಗಮನ ಹರಿಸಬೇಕಾಗಿರುವುದು ಇಂದು ಸಹ ಮುಖ್ಯವಾಗಿದೆ. ಸಂಶೋಧನೆ ಮತ್ತು ನಾವೀನ್ಯತೆಗಳ ಬಗ್ಗೆಯೂ ಕಾಳಜಿ ವಹಿಸಬೇಕಾಗುತ್ತದೆ. ಈ ಕೋರ್ಸ್ಗಳನ್ನು ಭಾರತದ ಅಗತ್ಯಕ್ಕೆ ಅನುಗುಣವಾಗಿ ವಿನ್ಯಾಸಗೊಳಿಸಬೇಕು ಎನ್ನುವುದು ಈಗಿನ ಅಗತ್ಯವಾಗಿದೆ. ಸಾಂಪ್ರದಾಯಿಕ ರಕ್ಷಣೆಯಲ್ಲಿ ಸಮವಸ್ತ್ರಧಾರಿ ಸೈನಿಕರು ಇರುವುಂತೆಯೇ, ನಾವು ಶೈಕ್ಷಣಿಕ ಜಗತ್ತಿನಲ್ಲಿರುವವರು, ಸಂಶೋಧಕರು ಮತ್ತು ಭದ್ರತಾ ತಜ್ಞರನ್ನು ಹುಡುಕಬೇಕಾಗಿದೆ. ಈ ಅಗತ್ಯವನ್ನು ಗಮನದಲ್ಲಿಟ್ಟುಕೊಂಡು ನಾವು ಕ್ರಮಗಳನ್ನು ತೆಗೆದುಕೊಳ್ಳಬೇಕಾಗಿದೆ. ಈ ದಿಕ್ಕಿನಲ್ಲಿಯೂ ನೀವು ಮುಂದುವರಿಯುತ್ತೀರಿ ಎಂದು ನಾನು ಭಾವಿಸುತ್ತೇನೆ.
ಸ್ನೇಹಿತರೇ,
ಇಂದಿನ ಚರ್ಚೆಯ ಆಧಾರದ ಮೇಲೆ ಸಮಯಕ್ಕೆ ಅನುಗುಣವಾಗಿ ಕ್ರಿಯಾ ಯೋಜನೆ ಮತ್ತು ಪರಿಪೂರ್ಣ ಮಾರ್ಗಸೂಚಿಯನ್ನು ಸಿದ್ಧಪಡಿಸುವಂತೆ ಮತ್ತು ಅದನ್ನು ಸರ್ಕಾರ ಮತ್ತು ಖಾಸಗಿ ವಲಯದ ಭಾಗವಹಿಸುವಿಕೆಯೊಂದಿಗೆ ಕಾರ್ಯಗತಗೊಳಿಸಲು ನಾನು ರಕ್ಷಣಾ ಸಚಿವಾಲಯ ಮತ್ತು ನಿಮ್ಮೆಲ್ಲರನ್ನೂ ವಿನಂತಿಸುತ್ತೇನೆ. ಈ ಚರ್ಚೆ ಮತ್ತು ನಿಮ್ಮ ಸಲಹೆಗಳು ದೇಶವನ್ನು ರಕ್ಷಣಾ ಕ್ಷೇತ್ರದಲ್ಲಿ ಹೊಸ ಎತ್ತರಕ್ಕೆ ಕೊಂಡೊಯ್ಯಲಿ ಎಂಬ ಹಾರೈಕೆಯೊಂದಿಗೆ, ಇಂದಿನ ವೆಬಿನಾರ್ಗಾಗಿ, ನಿಮ್ಮ ಸರ್ವೋಚ್ಚ ವಿಚಾರಗಳಿಗಾಗಿ ಮತ್ತು ಭದ್ರತಾ ಕ್ಷೇತ್ರದಲ್ಲಿ ದೇಶವನ್ನು ಸ್ವಾವಲಂಬಿಗಳನ್ನಾಗಿ ಮಾಡುವ ನಿಮ್ಮ ಸಂಕಲ್ಪಕ್ಕಾಗಿ ನಾನು ನಿಮಗೆ ಶುಭ ಹಾರೈಸುತ್ತೇನೆ.
ಅನಂತ ಧನ್ಯವಾದಗಳು !
