আর্মীদা অর্জুন মেন বেত্তল তেঙ্ক (এম.কে.-১এ) খুৎশিন্নখ্রে
পুলৱামা এতেক্তা থৱায় থাখ্রবশিংদা ইকাই খুম্নবা উৎখ্রে
দিফেন্স সেক্তরদা ভারতপু আত্মানির্ভর ওইহন্নবা মীৎয়েং চংলি
প্রোজেক্তশিং অসি ইন্নোবেসন অমসুং লমদম অসি চাউখৎপগী খুদমশিংনি। প্রোজেক্তশিং অসিনা তামিল নাদু হেন্না চাউখৎহল্লগনি: পি.এম
দেবেন্দ্রকুলা ভেলালর কাংলুপ হৌজিক্তি মখোয়গী পুৱারীদা শাগোন্নরবা মমিংনা খঙনরগনি, মতম শাংনা ধাবি তৌদুনা লাকখিবা অদু থুংহনখ্রে
সরকার অসিনা স্রী লঙ্কাদা লৈরিবা তামিল ইচিল-ইনাওশিংগী য়াইফনবা অমসুং অনীংবশিং থুংহন্নবা হোৎনদুনা লাকখি: পি.এম.
তামিল নাদুগী কলচর য়োকখৎপা অমসুং ঙাকশেনবা থবক পাইখৎপা অসি ঐখোয়গী লাইবক ফবনি। তামিল নাদুগী কলচর অসি মালেমদা মমিং চৎলি: পি.এম

ৱনক্কম চেন্নই!

ৱনক্কম তমিল নাদু!

তমিল নাদুগী রাজ্যপাল শ্রী বনৱারীলাল পুরোহিৎজী, তমিল নাদুগী মুখ্য মন্ত্রী শ্রী পলানিস্বামীজী, উপ-মুখ্য মন্ত্রী শ্রী পনীরসেলবমজী, তমিল নাদু এসেম্বলীগী স্পীকর শ্রী ধনপালজী, ইন্দস্ত্রী মন্ত্রী শ্রী সম্পৎজী, দিগ্নিতরীশিং ইকাইখুম্নজরবী অমদি ইকাইখুম্নজরিবশিং,

ঐহাক্কী নুংশিরবা মরূপশা,

ঐহাক্না ঙসি চেন্নইদা লাকপা ফংজবা অসিদা নুংঙাইবা ফাওজৈ। ঙসি ঐহাকপু তরাম্না ওকপীরিবা অসিগীদমক্তা সহর অসিগী মীশিংবু থাগৎচরি। সহর অসি থৌনা অমদি থৱায় য়াওবগী মওংনা পীক থল্লি। সহর অসি লৌশিং অমদি শেমগৎ-শাগৎপা হৈবগী সহরনি। ঙসি চেন্নই অসিদগী ঐখোয়না মরুওইবা ইনফ্রাস্ত্রকচরগী প্রোজেক্তশিং হৌদোক্লি। মসিগী প্রোজেক্তশিং অসি ইনোবেসন অমদি ইরমগী ওইনা চাউখৎপশিংগী খুদম্নি। মসিগী প্রোজেক্তশিং অসিনা মখা তানা তমিল নাদু অসি চাউখৎহনগনি।

মরূপশা,

মসিগী থৌরম অসি অখন্নবনি মরমদি ঐখোয়না কিলোমিতর চাতরুক্কা কুন্থ্রাতরুক শাংবা গ্রান্দ এনিকৎ কেনেল সিস্তেম অসি শেমদোক্নবা উরেপ-উয়ুং তম্লি। মসিনা শাফু অসি য়াম্না চাউগনি। মসিনা লম এক্কর লাখ ২.২৭গী ঈথৈ-লৌখোং ফগৎহনগনি। থাঞ্জাবুর অমসুং পুদুকোত্তাই জীলাদা অখন্নবা মওংদা ফগৎলগনি। ঐহাক্না তমিল নাদুগী লৌমীশিংবু রেকোর্দ ওইনা চানবা চেং-হৱাই পুথোকপগী অমদি ঈশিং ফংফমশিং নিংথিনা শিজিন্নবগীদমক্তা থাগৎপা ফোংদোকচরি। চহি লিশিং কয়াগী ওইনা গ্রান্দ এনিকৎ অমসুং মহাক্কী কেনেল সিস্তেমশিং অসি তমিল নাদুগী মরাং কাইনা ফৌ হৌরিবা মফমশিংগী লাইফ-লাইন ওইরি। গ্রান্দ এনিকৎ অসি ঐখোয়গী চাউথোক্নিংঙাই ওইরবা পুৱারীগী অহিংবা খুদম্নি। মসিনা ঐখোয়গী লৈবাক অসিগী “আত্মনির্ভরতা ভারত”কী পান্দমশিং অদুগী ইনোৎ হাপ্নবনি। ফাওরবা তমিলগী কবি এৱৱৈয়ারগী ৱাহৈশিংদা

ৱরপ্পু উয়রা নীর উয়রুম

নীর উয়রা নেল উয়রুম

নেল উয়রা কুড়ী উয়রুম

কুড়ী উয়রা কোল উয়রুম

কোল উয়রা কোণ উয়রৱান

ঈশিংগী ইমায় অসি হেনগৎলকপা মতমদা লৌউ-শিংউবগী চাং হেনগৎলকই, মীশিং খুঞ্জাউ-লৈচাউরকই অমদি রাজ্য অসি খুঞ্জাউ-লৈচাওরকই। ঙম্লিবমখৈ ঐখোয়না ঈশিং য়োকশিন্নবা তৌগদবনি। মসি লৈবাক অসিখক্তগী ওইবা ইসু নত্তে। মসি মালেম অসিগী োইবা হিরম্নি। ঈশিং ঈরিক অমনা মহৈ-মরোং হেনগৎহনবা। মসিনা তুংদা লাক্কদৌরিবা মীরোলশিংগী ওইনসু মতেং ওইগনি।

মরূপশা,

অহানবা তাঙ্কক্তা কিলোমিতর মাপল শাংবা চেন্নই মেত্রো রেল অসি শঙ্গাবা অসিদা মীপুম খুদিংনা নুংঙাইবা পোক্লি। মসিনা ৱাশরমেনপেৎতগী ৱিমকো নগরফাওবা চৎকনি। মসিগী প্রোজেক্ত অসি মালেমগী ওইবা লায়চৎ অসি লৈদুনসু লেপ্নখিবা মতমদা লোইশিনখ্রে। সিভিল কন্সত্রক্সনগী থবকশিং অসিসু ভারতকী কন্ত্রেক্তরশিংনা লোইশিনখ্রে। মফমদুগী থাক্তা রোল্লিং স্তোকশিং লৈখ্রে। মসি আত্মিনির্ভরতা ভারত অসি ফগৎহন্নবগী পরিংদনি। চেন্নই মেত্রো অসিসু থুনা চাউখৎলক্লি। হন্দক্কী চহিগী বজেৎতা লুপা করোর হুম্ফু হুমদোইদগী হেন্না কিলোমিতর চামগা তরামাপল শাংবা প্রোজেক্ত অসিগী তাঙ্ক অনিগী ওইনা খাক্তুনা থমখ্রে। মসি সহর অমা হেক্তগী অমুক্তা পাংথোকপা খ্বাইদগী চাউবা প্রোজেক্তশিংগী মনুংদা অমনি। মসিগী পান্দম অসি সহরগী চত্থোক-চৎশিন্না মফম অসিগী সিতিজেনশিংগী ‘ইজ ওফ লিভিং’ ফগৎহনবনি।

মরূপশা,

কন্নেক্তিবিতী ফগৎহনবনা চত্থোক-চৎশিন নুংঙাইহনগনি। চেন্নইগী সমুদ্র তোর্বান ইন্নোর-সনা মচুগী ক্বাদ্রিলেতরেল ওইবা অত্তিপত্তু অসি মী য়াম্না চিনবা লম্বিনি। চেন্নই হিথাংফম অমসুং কমারারার হিথাংফমগী মরক্তা পোৎ-চৈ হোন্দোক-হোনজিন অসি শোইদনা য়াংশিলহনবগী মথৌ তাই। চেন্নই বিচ অমসুং এত্তিপত্তুগী মরক্তা লৈবা মরিশুবা লাইন অসিনা মসিগী মতাংসিদা মতেং ওইগনি। ৱিল্লাপুরম-থাঞ্জাবুর ইলেক্ত্রিফিকেসন তৌবগী প্রোজেক্ত অসিনা দেল্তাগী জীলাশিং অসিদা য়াম্না অচৌবা থৌজাল অমা ওইরগনি। কিলোমিতর কুন মাপন শাংবা অচৌবা পোৎশিং অসিনা চেং-হৱাই থুনা-য়াংনা পুবদা শোইদনা মতেং ওইরগনি।

মরূপশা,

ভারত্তা লৈরিবা মীওই অমত্তনা নুমিৎ অসি কাউঙম্লরোই। চহি অনিগী মমাংদা পুলৱামা এতেক্ত থোকখি। এতেক্ত অদুদা থৱায়না পোন্থা ওইখ্রবশিংগী মফমদা ঐখোয়না শ্রদ্ধাঞ্জলি কৎলি। ঐখোয়গী সেক্যুরিতী ফোর্সশিংগীদমক্তা ঐখোয়না চাউথোকচরি। মখোয়গী থৌনা ফবা মতৌ অদুনা মীরোল কয়াদা লেপ্তনা ইথীল পীরগনি।

মরূপশা,

মালেম অসিগী খ্বাইদগী অরিবা লোলদা ইরদুনা

তমিলগী মহাকবি সুব্রমানিয়া ভারথীনা হায়রম্মি:

আয়ুথম সেয়ৱোম নল্লা কাকীতম সেয়ৱোম

আলেকল ৱাইপ্পোম কলৱী সালাইকল ৱাইপ্পোম

নদেয়ুম পরপ্পু মুনর ৱন্দীকল সেয়ৱোম

গ্ন্যলম নদুনকা ৱরু কপ্পলকল সেয়ৱোম

হায়বদি:-

ঐখোয় খুৎলাই শাসি; ঐখোয় চে শাসি।

ঐখোয় ফেক্তরীশিং শাসি; ঐখোয় মহৈলোইশঙশিং শাসি।

ঐখোয় চৎপা য়াবা অমদি পাইবা য়াবা গাড়ীশিং শাসি,

মালেমপুম্বা নিকপা ঙম্বা জহাজশিং শাসি।

মীৎয়েং অসি পুক্নিং থৌগৎলি। দিফেন্স সেক্তর অসিদা মীপাল তাংদবা ঙম্বা অমা ওইহন্নবা ভারতনা কন্না হোৎনরি। দিফেন্সকী কোরিদোর অনি তমিল নাদুদা লৈরি। কোরিদোর অসিনা হান্ননা লুপা করোর লিশিং নিপানগা চামদগী হেনবগী ইনভেস্ত তৌনবগী ৱাফমশিং ফংখ্রে। ঙসি ঐখোয়গী ঙমখৈশিং অসি ঙাক-শেন্নবা লান্মী অমমুক লৈবাক অসিদা কত্থোকপদা চাউথোকপা পোকচৈ। ঐখোয়গী ইরমদা দিজাইন তৌজবা অমদি শাজবা “মেন বেত্তল তেঙ্ক অর্জুন মার্ক ১এ. অসি খুৎশিন্নবদা ঐহাক্না চাউথোকপা পোকচৈ। মসিদা ইরমদমগী ওইবা বোম-তোপঙাক্তা শিজিন্নৈ। তমিল নাদু হান্ননা অসি ভারতকী ওতোমোবাইল শাবদা মাংজিল থারি।

হৌজিক তমিল নাদু অসি ঐহাক্না তেঙ্ক শাবগী হব ওইনরকপগী মওং ওইনা উরি। তমিল নাদুদা শাবা তেঙ্ক অসি ঐখোয়গী লৈবাক অসি শোই-ঙামহন্দনবা নোংপোক থংবা ঙমখৈদা শিজিন্নগনি। মসিগী শোকেসশিং অসিনা ভারতকী অপুনবা স্পিরিৎ-ভারতকী একতা দর্শন্নি। ঐখোয়না ঐখোয়গী আর্ম ফোর্সেস অসি মালেম অসিগী খ্বাইদগী অনৌবা মওংগী ওইবা আর্ম ফোর্সেস ওইনবা লেপ্তনা হোৎনগনি। মসিগী মতম অসিদা দিফেন্স সেক্তর অসিদা অঙম্বা থাদুনা ভারত অসি আত্মনির্ভর ওইনবা হোৎনগনি। ঐখোয়গী আর্ম ফোর্সেস অসি ভারতকী থৌনা লৈবগী মওং অদু তাকই। মখোয়না মতম খংহনখ্রে অমদি মখোয় অসিনা অমুক্কা হন্না ইমা লৈবাক অসি মপুং ওইনা ঙাকপা ঙম্মি হায়বা উৎখ্রে। মতম অমদি অমু্ক্কা হন্না ভারতনা শান্তিদা থাজবা থম্মি হায়বা উৎখ্রে। তৌইগুম্বসুং ভারতনা ঐখোয়গী মীখা পোন্দবা অসিবু শোইদনা ঙাক্কনি। ধীর ভী হে, ৱীর ভী হে, সৈন্য ভী হে অদুগা ঐখোয়গী আর্ম ফোর্সেসশিং অসিগী ধৈর্য শক্তি অসি শিংথানিংঙাইনি।

মরূপশা,

আই.আই.তি. মদ্রাজগী দিসকোভরী কেম্পস অসি মালেমগী ওইবা থাক্কী রিসর্চ সেন্তরশিং শানবা স্ক্বার মিতর লাখ ২গী ইনফ্রাস্ত্রকচর লৈরগনি। য়াম্না থুনা আই.আই.তি.গী দিসকোভরী কেম্পস অসি শোইদনা মাংজিল থাবা দিসকোভরী কেম্পস ওইরগনি হায়বা ঐহাক্না থাজৈ। মসিনা ভারত পুম্বদগী খ্বাইদগী হৈথোই-শিংথোইরবা মহৈরোয়শিংগী পুক্নিং চিংশিল্লক্কনি।

মরূপশা,

অকক্নবা ৱাফম অমদি-মালম অসিনা ভারত্তা য়াম্না খোইদানা অমদি পোজিতিব ওইনা য়েংলি। মসি ভারতকী চহি তরাদি ওইরগনি। মসি ভারতকী মীওই করোর ১৩০গী হোৎনবা কনবা অমদি হুমাংননি। ভারত সরকারনা থৌনা হাপ্নবা অমদি ইনোবেসন অসিবু শৌগৎনবা তৌবা য়াবামখৈ তৌগনি হায়বগী অচেৎপা ৱাফম থম্লি। হন্দক্কী চহিগী বজেৎ অসি অমুক্কা হন্না সরকার অসিনা অনৌবা য়াওলদা শেমদোক্নগী ৱাশক অদুগী শোকেস অসি অমুক্কা হন্না উৎখ্রে। হন্দক্কী চহিগী বজেৎ অসি ভারতকী সমুদ্র মপানগী মফমশিং শেমগৎনবদা অখন্ননা মরুওইনা লৌখ্রে হায়বসিদা অদোম ময়াম পুম্নমক শোইদনা হরাউনগনি।

ভারতনা ঙামী খুন্নাইগীদমক্তা চাউথোকচৈ। মখোয়শিং অসি উইন কনবা অমদি থৌজাল হৈবগী খুদম্নি। বজেৎতা মখোয়গীদমক্তা এক্সত্রা ক্রেদিৎ মেকানিজমশিং শোইদনা ফংহন্নবা থৌরাংশিং লৈরি। ঙা ফাবগা মরি লৈনবা ইনফ্রাস্ত্রকচরশিং অপগ্রেদ তৌখ্রে। চেন্নই য়াওনা সেন্তর মঙাদা অনৌবা ঙা ফাবগী হার্বরশিং লৈরগনি। ঈশেশিং থাবগী মতাংদা থবক চংশিল্লি।মসিনা সমুদ্র তোর্ব্বানগী খুন্নাইশিং য়াম্না ফগৎহনগনি। ঈশংশিং থাবগী ওইনা মল্তী-পর্পজ ঈশংগী পার্ক অমা তমিল নাদুদা লৈরগনি।

মরূপশা,

ভারতনা ফিজিকেল অমদি সোসিএল ইনফ্রাস্ত্রকচর অসি য়াম্না য়াংনা ফগৎহল্লক্লি।ভারত্তা মালেম অসিগী খ্বাইদগী চাউবা ইনফ্রা দ্রাইবশিং লৈ। ইকুই-কুইদনা খুঙ্গং পুম্বদা ইন্তর্নেৎনা শমজিন্নহন্নবগী খোংজং হৌদোকখ্রে। মসিদা নত্তনা ভারত্তা মালেম অসিগী খ্বাইদগী চাউবা হেল্থকেয়র প্রোগ্রাম লৈ। ভারতনা এজুকেসন সেক্তর অসিদা বোক্স য়াওদনা অমদি তেক্নোলোজীনা তম্নবদা মরুওইনা লৌখ্রে। মসিগী দিভেলপমেন্ত অসিনা নহাশিংদা মশিং থিঙমদবা খুদোংতাবা কয়া লৈহল্লক্কনি।

মরূপশা,

তমিল নাদুগী নাৎ অসি ঙাক্তুনা থম্বগী মায়কৈরোমদা তৌরিবা থবক অমদি পাংথোকপা অসি ঐখোয়গী ইকাইখুম্নজনিংঙাইনি। তমিল নাদুগী নাৎ অসি মালেমদা মমিং চৎলি। ঙসি ঐহাক্না তমিল নাদুগী দেবেন্দ্রকুলা ৱেল্ললর খুন্নাইগী ইচিন-ইনাওশিংদা নিংথিরবা পাওজেল অমা পীজরি। কেন্দ্র সরকারনা দেবেন্দ্রকুলা ৱেললর ওইনা খংননবগী তান্দুনা লাকপা অদুগী অয়াবা পীখ্রে। হৌজিক্তি মখোয় মখোয়গী ইপা-ইপুগী মিংদা খংনরগনি অমদি সংবিধানগী তরুক্তগী তরেৎফাওবা য়াওরিবা মিংদা ওইররোই। দ্রাফ তৌরবা গেজেৎ অসিনা মসিগী মিং অসি দেবেন্দ্রকুলা ৱেললর ওইনা মিং শেমদোক্নবগী অয়াবা পীখ্রে। মসি মথংগী সেসন অসি হৌদ্রিঙৈগী মমাংদা সংবিধানগী মাংদা থমগনি। ঐহাক্না মরুওইনা তমিল নাদু সরকারবু মসিগী দিমান্দ অসি মরিক চুম্না নৈনবিবগীদমক্তা থাগৎচরি। মতম কুইনদগী দিমান্দ অসিদা মখোয়না শৌগৎত্তুনা লাক্লি।

মরূপশা,

২০১৫দা দিল্লীগী দেবেন্দ্রারশিংদা তৌখিবা মীফম অদু ঐহাক কৈদৌনুংদা কাউবা ঙম্লরোই।

মখোয়গী অৱাবা মতৌ অদু উবা ফংখি।

লোইলম লৈঙাক্না মখোয়গী চাউথোকচবা অমদি পুকচেল চাউবা পুম্নমক পুদুনা চৎখ্রে। চহি তরা-তরাদগী করিগুম্বা অমত্তা তৌবা ঙম্লকখিদে। মখোয়না ঐঙোন্দা হায়খি- মখোয়না হায়জখি-সরকারদা হায়জখি অদুবু করিগুম্বা অহোংবা অমত্তা লৈখিদে। ঐহাক্না মখোয়গী মমিং দেবেন্দ্র রাইম অদু ঐহাক ইশামক্কী মিংগা কোন্ননা হায়খি। ঐহাক মখোয়গী অনিংবশিং অদু খংই। মসিগী ৱারেপ অসি মিং হোংবা অমদগী হেল্লি। মসি অয়ুম্বা ৱায়েল, নিং-খা তম্বা অমদি খুদোংচাবগীনি। দেবেন্দ্র কুলা খুন্নাইদগী ঐখোয়না তমজনিংঙাই কয়া অমা লৈ। মখোয়না খেৎনবা কয়া অমত্তা ওইবগী মওংদা, মরূপ-মপাং ওইবগী মওংদা অমদি ইচিল-ইনাও ওইবগী মওংদা পাংথোকমিন্নৈ। মসি সিভিলাইজেসনগী ওইবা খোংজংনি। মসিনা মখোয় মশানা মসাবু থাজজবগী অমদি মশানা চাউথোকচবা-আত্মগৌরবপু উৎলি।

মরূপশা,

ঐখোয়গী সরকার অসিনা শ্রী লঙ্কাদা লৈরিবা তমিল ইচিল-ইনাওসশিংগী য়াইফনবা অমদি পুক্নিং থৌগৎনবতা খন্দুনা লাক্বৃলি। জফনাদা চৎখিবা ভারতকী পি.এম. ওইজবা ফংজবা অসিগীদমক্তা ইকাই খুম্নবা ফাওজৈ। শেমগৎ-শাগৎপগী থবকশিংদগী শ্রী লঙ্কাগী তমিল খুন্নাইগীদমক্তা শোইদনা ঐখোয়না য়াইফনবা তৌগনি। তমিলসশিংগীদমক্তা ঐখোয়গী সরকারনা পীরিবা রিসোর্সশিং অসি হৌখিবদা পীখিবা রিসোর্সশিং অদুদগী য়াম্না হেল্লি। প্রোজেক্তশিং অসিদা য়াওরিবশিংদিঃ শ্রী লঙ্কাদা মফম হোংক্রবা তমিলসিংগী ওইনা য়ুম লিশিং য়াঙ্খৈ। উ-পাম্বৈ থানবগী মফমশিংগী ওইনা য়ুম লিশিং মরী। অতোপ্পা হকশেলগী মায়কৈদা তমিল খু্ন্নাইশিংনা পাক্তক্ননা শিজিন্নবা ফ্রী এম্বুলেন্স অমা ঐখোয়না শেল থাদখ্রে। দিক্কোয়াদা হোসপিতাল অমদা শাখ্রে। কন্নেক্তিবিতী ফগৎহন্নবা ঝফনাদগী মন্নারফাওবগী রেলৱে নেৎৱর্ক অসি অমুক হন্না শাখ্রে। চেন্নইদগী জফনাফাওবগী ফ্লাইৎশিং লৈহনখ্রে। য়াম্না থুনা হাংদোক্লগদবা জফনা কলচরেল সেন্তর অমা ভারতনা শারে হায়বসি ফোংদকচবদা নুংঙাইজৈ। তমিলগী হকশিং অসিগী খুদোংচাদবশিং অসিগীদমক্তা শ্রী লঙ্কাগী লুচিংবশিংগা লোয়ননা লেপ্তনা হোৎরক্লি। মখোয়গী পুন্সি অদু চপ মান্নবা মওংদা, অতচুম্বা ৱায়েল, শান্তি অমদি পুকচেল চাউনা হিংহন্নবা মতম পুম্নমক্তা অচেৎপা ৱাফম থম্লি।

মরূপশা,

ঙামীশিংনা মায়োক্নরিবা খুদোংচাদবশিং অসি মতম কুইনদগী লৈরক্লবনি। ঐহাক খুদোংচাদবগী পুৱারীদা অমুক চৎলুবা পামদে। অদুবু ঐহাক্কী সরকারনা মখোয়গী হক্কী ওইবা অপাম্বশিং অদু ঙাক-শেনগনি হায়সি শোইদ্রবনি হায়বসি খংহন্নিংই। ঙামীশিং অসি শ্রী লঙ্কাদা হেক ফাখিবগা য়াম্না থুনা থাদোকহনন্নবা তৌগনি। ঐখোয়গী মতমসিদা ঙামী লিশিং অমগা চাতরুক হেন্না থাদোকহনখ্রে। হৌজিক-হৌজিক শ্রী লঙ্কাগী কস্তদীদা ঙামী অমত্তা লৈত্রে। মসিগুম্না হী চহুমগা কুন্থ্রা থাদকখ্রে অমদি অতৈ হীশিংসু হলহনখিনবা থবক চত্থরি।

মরূপশা,

মীওইবগী ওইবা ৱাফম অমনা পুক্নিং থৌগত্তুনা ভারতনা ঙসি মালেমগী ওইবা কোবিদ-১৯গী মায়োক্তা থেনরিবা লান্থেং অসি কন্না লান্থেংনবা ঙম্লি। ঐখোয়না ঐখোয়গী লৈবাক অসি মালেম অসি অফবা মফমদা থম্বা ঙম্নবা ঙম্লিবমখৈ হোৎনগদবনি। মসিনি ঐখোয়গী সংবিধান্না ঐখোয়দা পাংথোকহন্নিংলিবা। ঐহাক্না অমুক্কা হন্না তমিল নাদুগী মীওইশিংবু মসিগী শেমগৎ-শাগৎপগী থবকশিং অসি ঙসি হৌদোকপগীদমক্তা অমুক হন্না নুংঙাইবা ফোংদোকচরি।

থাগৎচরি!

য়াম্না থাগৎচরি।

ৱনক্কম!

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Union Cabinet approves amendment in FDI policy on space sector, upto 100% in making components for satellites

Media Coverage

Union Cabinet approves amendment in FDI policy on space sector, upto 100% in making components for satellites
NM on the go

Nm on the go

Always be the first to hear from the PM. Get the App Now!
...
Cabinet approves Proposal for Implementation of Umbrella Scheme on “Safety of Women”
February 21, 2024

The Union Cabinet chaired by Prime Minister Shri Narendra Modi approved the proposal of Ministry of Home Affairs of continuation of implementation of Umbrella Scheme on ‘Safety of Women’ at a total cost of Rs.1179.72 crore during the period from 2021-22 to 2025-26.

Out of the total project outlay of Rs.1179.72 crore, a total of Rs.885.49 crore will be provided by MHA from its own budget and Rs.294.23 crore will be funded from Nirbhaya Fund.

Safety of Women in a country is an outcome of several factors like stringent deterrence through strict laws, effective delivery of justice, redressal of complaints in a timely manner and easily accessible institutional support structures to the victims. Stringent deterrence in matters related to offences against women was provided through amendments in the Indian Penal Code, Criminal Procedure Code and the Indian Evidence Act.

In its efforts towards Women Safety, Government of India in collaboration with States and Union Territories has launched several projects. The objectives of these projects include strengthening mechanisms in States/Union Territories for ensuring timely intervention and investigation in case of crime against women and higher efficiency in investigation and crime prevention in such matters.

The Government of India has proposed to continue the following projects under the Umbrella Scheme for “Safety of Women”:

  1. 112 Emergency Response Support System (ERSS) 2.0;
  2. Upgradation of Central Forensic Sciences laboratories, including setting up of National Forensic Data Centre;
  3. Strengthening of DNA Analysis, Cyber Forensic capacities in State Forensic Science Laboratories (FSLs);
  4. Cyber Crime Prevention against Women and Children;
  5. Capacity building and training of investigators and prosecutors in handling sexual assault cases against women and children; and
  6. Women Help Desk & Anti-human Trafficking Units.