Share
 
Comments

শ্রী নরেন্দ্র মোদী ভারতকী প্রধান মন্ত্রী ওইনা ২০১৯গী মে ৩০দা ৱাশক লৌদুনা মহাক্কী অনিশুবা তার্মগী ওফিস পায়বা হৌখি। নীং তম্বা ফংলবা মতুংদা পোকখিবা হৌজিক ফাওবগী অহানবা প্রধান মন্ত্রী শ্রী মোদী মমাংদসু ২০১৪দগী ২০১৯ ফাওবা ভারতকী প্রধান মন্ত্রী ওইনা থৌ পুখ্রে। মহাক্না ২০০১গী ওক্তোবরদগী ২০১৪গী মে ফাওবা থবক পায়দুনা খ্বাইদগী মতম শাংনা থবক তৌবা গুজরাতকী মুখ্য মন্ত্রী ওইবগী ইকাই খুম্নবা অদুসু ফংখি।

২০১৪ অমসুং ২০১৯গী লোক সভাগী মীখলদা, শ্রী মোদীনা ভারতীয় জনতা পার্তীবু লুচিংদুনা অনিমক্তা এবসোলুৎ মেজোরিতী ফংদুনা রেকোর্দ ওইনা মায় পাকখি। মমাংদা অসিগুম্না রাজনিতী দল অমনা এবসোলুৎ মেজোরিতী ফংখিবা অসি ১৯৮৪গী মীখলদা ওইখি।

‘সবকা সাথ, সবকা বিকাস, সবকা বিশ্বাস’ ফিদম্নীংঙাই ওইরবা ৱাফম অসিনা পুক্নিং থৌগৎলদুনা শ্রী মোদীনা অহোংবা অমা পুরকপগী মায়কৈদা চংশিল্লি মদুনা ইনক্লুসিব, দিবেলপমেন্ত-ওরিয়েন্তেদ অমসুং শেঞ্জা-থুমজা লৈতবা শাসন্দা পুক্নিং থৌগৎলি। প্রধান মন্ত্রীনা অনত্যোদয়াগী পান্দম অদু থবক ওইনা পাংথোক্নবা নত্ত্রগা স্কিমশিং অমসুং সর্বিসশিংবু কাচিন কোয়া শিনবা থুংনা য়ৌহন্নবগীদমক খোংজেল য়াংনা অমসুং পাক শন্না থবক তৌরি।

প্রধান মন্ত্রী নরেন্দ্র মোদীগী লুচিং মখাদা ভারতনা রেকোর্দ ওইবা খোংথাংদা লায়রবা মুথৎলি হায়বা মালেমগী মকোকথোংবা এজেন্সীশিংনা খঙলে। মসি কেন্দ্র সরকারনা লৌখৎলকপা লায়রবশিংগী য়াইফনবা ৱারেপশিংগী পরিং অমনি।

ঙসিদি ভারত মালেমগী খ্বাইদগী চাউবা হেল্থকেয়র প্রোগ্রাম, অয়ুশ্মান ভারতকী য়ুম ওইরে। ভারত মচা কোতি ৫০ হেন্না কোন্সিন্দুনা অয়ুশ্মান ভারতনা লায়রবশিং অমসুং নিও-মিদল ক্লাসতা খ্বাইদগী মগুন লৈবা অমসুং অহোংবা হেল্থকেয়র ফংহল্লি।

মালেমদা খ্বাইদগী মশক নাইবা হেল্থ জর্নেলশিংগী মরক্তা অমনি হায়না লৌনরিবা লেনসেৎনা অয়ুশ্মান ভারতপু থাগৎলি, স্কিম অসিনা ভারত্তা হকশেলগী লমগী মতাংদা চাউনা পেন্নদবা অদু মপুং ফাহল্লে হায়না ফোংদোক্লি।

লায়রবশিংগীদমক ফাইনান্সিয়েল এক্সক্লুজন অসি ফত্তবা অমনি হায়বা খঙলদুনা প্রধান মন্ত্রীনা প্রধান মন্ত্রী জন ধন য়োজনা হৌদোকখি, মদুনা ভারত মচা খুদিংমকপু বেঙ্ক একাউন্ত হাংদোক্নবা পান্দম থম্লি। হৌজিক ফাওবা জন ধন একাউন্ত কোতি ৩৫ হেন্না হাংদোকখ্রে। মসিগী একাউন্তশিং অসিনা বেঙ্ককা শম্নদবশিংবু বেঙ্ককা শম্নহনবতা নত্তনা শক্তি শিন্নবগী অতোপ্পা লম্বী অমগী থোংসু হাংদোক্লে।

জন ধনদগী খোংকাপ অমা মথক্তা কাখৎতুনা, শ্রী মোদীনা খুন্নাই অসিগী খ্বাইদগী শোত্থরবা কাংলুপতা ইন্সুরেন্স পীদুনা অমদি পেন্সন্না কোনশিন্দুনা জন সুরক্ষাদা অকনবা ৱাফম থম্লি। জে.এ.এম. ত্রিনিতী (জন ধন – আধার – মোবাইল)না মরক্তা লৈবা মীওই লৌথোকপা ঙমহল্লে অমদি তেক্নোলোজী শিজিন্নদুনা ত্রান্সপিরেন্সী অমসুং খোংজেল হেঙ্গৎহল্লে।

অহানবা ওইনা প্রধান মন্ত্রী শ্রম য়োগী মান ধন য়োজনাগী মখাদা অনওর্গনাইজ সেক্তরগা মরী লৈনবা মীওই কোতি ৪২ হেন্না হৌজিক পেন্সন্না কোনশিল্লে। ২০১৯গী মীখলগী ফল লাওথোক্লবা মতুং অহানবা মন্ত্রীমন্দলগী মীফম মনুংদা ত্রেদরশিংগীদমক চপ মান্নবা পেন্সন স্কিম অমসু লাওথোকখি।

২০১৬তা হৌদোকখিবা প্রধান মন্ত্রী উজ্জ্বলা য়োজনানা লায়রবশিংদা লেম্না চাকথোং গ্যাসকী কনেক্সন ফংহল্লি। মসিনা নুপীশিংনা অয়াম্বা ওইবা বেনেফিসরী কোতি ৭ হেনবদা মৈখু চেন্দবা চাকখুম ফংহনবদা চাউরবা থৌদাং লৌরি।

নীং তম্লবা মতুং শাংখ্রবা চহী ৭০ অসি মৈ ফংদনা লৈরম্বা খুঙ্গং ১৮,০০০ মৈ ফংহনখ্রে।

ভারত মচা অমত্তা ময়ুম মকৈ লৈজদবা ওইহল্লোই হায়না শ্রী মোদীনা থাজবা থম্লি অমসুং পান্দম অসি ফংহন্নবা ২০১৪ অমসুং ২০১৯গী মরক্তা য়ুম কোতি ১.২৫ হেন্না শাখ্রে। ২০২২ ফাওবদা প্রধান মন্ত্রীগী ‘হাউজিং ফোর ওল’গী পান্দম অদু মপুং ফাহন্নবা য়ুম শাবগী খোংথাং য়াম্না থুনা পায়খৎলি।

লৌউ-শিংউবা অসি শ্রী নরেন্দ্র মোদীগা য়াম্না নক্নবা সেক্তর অমনি। ২০১৯গী ইন্তরিম বজেৎ মনুংদা সরকার অসিনা প্রধান মন্ত্রী কিসান সম্মান নীধি কৌবা লৌমীশিংগীদমক অনৌবা শেলগী তেংবাং অমা লাওথোকখ্রে। চাউরাক্না চয়োল অহুমগী মনুংদা, ২০১৯গী ফেব্রুৱারী ২৪দা, স্কিম অসি হৌদোকখি অমদি মতম অদুদগী চাং নাইনা ইন্সতোলমেন্ত পীরি। প্রধান মন্ত্রী মোদীগী অনিশুবা তার্মগী অহানবা মন্ত্রীমন্দলগী মীফম মনুংদা, প্রধান মন্ত্রী কিসান অসি মমাংদা একর ৫গী অকক্নবা থমলম্বা অদু লৌথোক্তুনা লৌমী পুম্নমক্তা ফংহন্নবা ৱারেপ লৌখি। মসিগা লোয়ননা ভারত সরকারনা লৌমীশিংগী য়াইফনবগীদমক চহীগী ওইনা চাউরাক্না লুপা কোতি ৮৭,০০০ কত্থোক্লি।

শ্রী মোদীনা সোইল হেল্থ কার্দস, হেন্না ফবা কৈথেলশিংগীদমক ই-নাম অমসুং ইথৈ-লৌখোংদা নৌহৌনা মিৎয়েং থম্বদগী হৌরগা লৌউ-শিংউবগীদমক অনৌবা খোংথাংশিংদসু মিৎয়েং থম্লি। ২০১৯গী মে ৩০দা, ৱাতর রিসোর্সকা মরী লৈনবা হিরম পুম্নমক য়েংশিন্নবা অনৌবা জল শক্তি মন্ত্রালয় অমা শেমগৎতুনা অচৌবা ৱাশক অমা ঙাকখ্রে।

২০১৪গী ওক্তোবর ২, মহাত্মা গান্ধীগী মপোক কুমওন্দা, প্রধান মন্ত্রীনা জাতি পুম্বদা লু-নানবগী অচৌবা খোংজং অমা ওইরিবা ‘স্বচ্ছ ভারত মিসন’ হৌদোকখি। খোংজং অসিগী স্কেল অমসুং ইম্পেক্ত অসি পুৱারী ওইরে। ঙসিদি, সেনিতেসন কোভরেজ অসি ২০১৪দা চাদা ৩৮ ওইরম্বা অদু চাদা ৯৯ ওইরে। রাজ্য অমসুং য়ুনিয়ন তেরিতোরী কয়া অমা ওপন দেফিকেসন ফ্রী (ও.দি.এফ.) লাওথোকখ্রে। তরু তনানবা গঙ্গা অমগীদমক মতিকচাবা খোংথাংশিং লৌখৎলে।

ৱার্ল্দ হেল্থ ওর্গনাইজেসন্না স্বচ্ছ ভারত মিসনবু থাগৎখ্রে অমদি মসিনা মীওই লাখ অহুমগী পুন্সি কনবা ঙম্লগনি হায়না ফোংদোকখ্রে।

ত্রান্সপোর্তেসন অসি ত্রান্সফোর্মেসনগী মাইকৈদা মরুওইবা খোংথাং অমনি হায়না প্রধান মন্ত্রী শ্রী মোদীনা থাজবা থম্লি। মদুনা মরম ওইদুনা ভারত সরকারনা অহেনবা হাইৱেশিং, রেলৱেশিং, আই-ৱেশিং অমসুং ৱাতরৱেশিংগী ওইবা মথংগী চারোল-শুরোলগী ইনফ্রাস্ত্রকচর শেমগৎনবা থবক তৌরি। উরান স্কিম্না এভিয়েসন সেক্তরবু মীয়াম্না পাম্নবা ওইহল্লে অমদি কনেক্তিবিতীদা ইনোৎ পীরে।

প্রধান মন্ত্রী মোদীনা ‘মেক ইন ইন্দিয়া’ ইনিসিয়েতিব হৌদোক্তুনা ভারতপু ইন্তর্নেস্নেল মেনুফেকচরিং পাৱরহাউস অমদা ওন্থোক্লে। হোৎনরিবা অসিগী মহৈ ওইনা চাউনা অওনবা পুরক্লে। ২০১৪দা মোবাইল মেনুফেকচরিং য়ুনিৎ ২ লৈরম্বদগী ২০১৯দা ১২২দা হেঙ্গৎলে। ‘ইজ ওফ দুয়িং বিজিনেস’তা ভারত খুমাং চাউশিল্লে, ২০১৪দা মসিগী থাক ১৪২ লৈরম্বা অদু ২০১৯দা ৭৭দা হেঙ্গৎহল্লে। ভারত সরকারনা মসিগী পুৱারী ওইরবা ২০১৭তা পাংথোকখিবা পর্লিয়ামেন্তকী মীফম মনুংদা জি.এস.তি. চৎনহনখ্রে, মদুনা ‘ৱান নেসন, ৱান তেক্স’কী মংলান অদু মংফাওনহল্লে।

মহাক্না ওফিস পায়রিঙৈ মনুংদা, ভারতকী ইনাক খুল্লবা পুৱারী অমসুং কলচরদা অখন্নবা পুক্নিং চংলি। ভারত সরদার পতেলগী মফমদা কত্থোক্লবা অমা ওইরিবা মালেমগী খ্বাইদগী চাউবা মীতম স্তেচু ওফ য়ুনিতীগী য়ুম ওইরি। মীতম অসি অখন্নবা চাউরবা খোংজং অমগী খুত্থাংদা শাখিবনি মসিদা ভারতকী রাজ্য অমসুং য়ুনিয়ন তেরিতোরী পুম্নমক্কী লৌমীশিংগী খুৎশু-খুৎলাই অমসুং লৈপাক লৈহাও শিজিন্নখি, মদুনা ‘এক ভারত, শ্রেস্থ ভারত’কী ৱাখল্লোন অদু উৎলি।

প্রধান মন্ত্রী মোদীনা মহৌশাগী ফিভমদা শোকহল্লিবশিংদা য়াম্না কন্না য়ানীংদবা ফোংদোক্লি। গুজরাতকী মুখ্য মন্ত্রী ওইনা শ্রী মোদীনা ক্লাইমেৎ চেঞ্জদা ইনোভেতিব সোলুসন শেমগৎনবা তোঙানবা ক্লাইমেৎ চেঞ্জ দিপার্তমেন্ত অমা শেমখি। মসিগী ৱাখল্লোন অসি ২০১৫দা পেরিসতা পাংথোকখিবা কোপ২১ সম্মিত্তা উবা ফংখি, মফম অদুদা শ্রী মোদীনা অৱাংবা থাক্কী খন্ন-নৈনবদা মরুওইবা থৌদাং অমা লৌখি।

ক্লাইমেৎ চেঞ্জগী মথক্তা খোংথাং অমা থাংজিল্লদুনা, প্রধান মন্ত্রী মোদীনা ক্লাইমেৎ চেঞ্জগী মতাংদা ঙাংখি। হেন্না ফবা গ্রহ অমগীদমক সোলর ইনর্জী শিজিন্ননবা হোৎনরিবা অমা ওইরিবা, ইন্তর্নেস্নেল সোলর এলাইন্স হৌদোক্নবগীদমক ২০১৮দা লৈবাক কয়াগী লুচিংবশিং অমসুং জাতি কয়াগী সরকারশিংনা ভারত্তা লাকখি।

মহৌশাগী ফিভম ঙাক্তুনা থম্নবগী মাইকৈদা মহাক্না হোৎনরিবশিং অদু শকখঙলদুনা, প্রধান মন্ত্রী মোদীবু য়ুনাইতেদ নেসন্সকী ‘চেম্পিয়ন ওফ দি আর্থ এৱার্দ’কা লোইননা ইকাই খুম্নখি।

ক্লাইমেৎ চেঞ্জনা ঐখোয়গী গ্রহদা ওইহনলক্লিবা নেচরেল দিজাস্তরগী অশেংবা অসি মপুং ফানা খঙলদুনা শ্রী মোদীনা দিজাস্তর মেনেজমেন্তা অনৌবা খোংথাং অমা পাইখৎলি, তেক্নোলোজীগী শক্তি হেঙ্গৎহল্লি অমসুং হ্যুমেন রিসোর্সশিংগী মপাঙ্গল হেঙ্গৎহল্লি। মুখ্য মন্ত্রী অমা ওইনা ২০০১গী জনুৱারী ২৬তা থোকখিবা য়ুহা হাবনা ফিভম শোকহনল্লবা গুজরাতপু মহাক্না ত্রান্সফোর্ম তৌখি।

এদমিনিস্ত্রেতিব রিফোর্মশিংগী খুত্থাংদা, শ্রী মোদীনা মতম পুম্নমক্তা নাগরিকশিংগী জস্তিস্তা অহানবা মিৎয়েং থম্লি। গুজরাত্তা মহাক্না মীয়ামগী ইশুশিং রিজোল্ব তৌবা ঙমহন্নবা ইভিনীং কোর্ত হৌদোকপদা মকোক চিংখি। কেন্দ্রদা মহাক্না চাউখৎপা থিন্থহল্লিবা অদুগুম্লবা পন্দুনা লৈরিবা প্রোজেক্তশিং খুমাং চাউশিলহন্নবা প্রগতি (প্রো-এক্তিব গোবর্নান্স এন্দ তাইমলি ইম্প্লিমেন্তেসন) হৌদোকখি।

শ্রী মোদীগী ফোরেন পোলিসী ইনিসিয়েতিবশিংনা মালেমগী খ্বাইদগী চাউবা দেমোক্রেসীগী অচুম্বা পোতেন্সিয়েল অমসুং থৌদাং অদু খঙহল্লে। মহাক্না মহাক্কী অহানবা ওফিস পায়বগী থৌরম অদু সার্ক লৈবাকশিংগী লুচিংবা পুম্নমক্না সরুক য়াদুনা পাংথোকখি অমদি অনিশুবা ওইনা ওফিস পায়বা হৌবা মতমদা বিম্সতেক লুচিংবশিংবু বার্তন তৌখি। য়ুনাইতেদ নেসন্সকী জেনরেল এসেমব্লিদা পীখিবা মহাক্কী ৱারোল অদু মালেম পুম্বনা থাগৎনখি। শ্রী মোদী লৈবাক অনিগী খোংচৎতা শাংলবা চহী ১৭কী মতুংদা নেপালদা, চহী ২৮গী মতুংদা ওস্ত্রেলিয়াদা, চহী ৩১গী মতুংদা ফিজিদা অমসুং চহী ৩৪গী মতুংদা য়ু.এ.ই অমদি সিয়াচেলদা চৎপা ভারতকী অহানবা প্রধান মন্ত্রী ওইখি। ফম পায়বা হৌবদগী, শ্রী মোদীনা য়ু.এন., ব্রিক্স, সার্ক অমসুং জি-২০ মীফমশিং শরুক য়ারি।

প্রধান মন্ত্রী মোদীবু সাউদা অরবকী খ্বাইদগী ৱাংবা সিভিলিয়ান মনা সাশ ওফ কিং অব্দুলাজিজ য়াওনা তোঙান তোঙানবা মনাশিং পীদুনা ইকাই খুম্নখ্রে। শ্রী মোদীবু রুসিয়া (দি ওর্দর ওফ দি হোলী এপোস্তল এন্দ্রিয়ু দি ফাস্ত), পেলেস্তাইন (গ্রান্দ কোলর ওফ দি স্তেত ওফ পেলেস্তাইন), আফগানিস্তান (অমির অমানুল্লা খান এৱার্দ), য়ু.এ.ই. (জায়েদ মেদল) অমসুং মালদীব (রুল ওফ নিশান ইজুদ্দীন)কী খ্বাইদগী ৱাংবা মনাশিং পীদুনা ইকাই খুম্নখ্রে। ২০১৮দা প্রধান মন্ত্রীনা শান্তি অমসুং চাউখৎ থৌরাংদা মহাক্কী থৌদাং অদুগীদমক লেমজনীংঙাই ওইরবা সিওল পিচ্ছ প্রাইজ ফংখি।

নরেন্দ্র মোদীনা নুমিৎ অমবু ‘ইন্তর্নেস্নেল দে ওফ য়োগ’ ওইহন্নবা থমখিবা ৱাফম অদু য়ু.এন.দা শুমহৎনীংঙাই ওইনা লৌশিনখি। অহানবা ওইনা, য়ু.এন.দা মালেম পুম্বদগী অপুনবা লৈবাক ১৭৭না অমত্তা ওইনা থোক্লকখি অমদি জুন ২১বু ‘ইন্তর্নেস্নেল দে ওফ য়োগ’ লাওথোক্নবা রিজোলুসন পাস তৌখি।

শ্রী মোদী ১৯৫০গী সেপ্তেম্বর ১৭তা গুজরাত্তা লৈবা শহর মচা অমদা পোকখি। মহাক্কী ইমুং মনুং অসি খুন্নাইগী শোত্থরবা সেক্সনগী মরক্তা অমা ওইরিবা ‘অদর বেকৱার্দ ক্লাসকী’ মনুং চল্লি। মহাক লায়রবা অদুবু নুংশি চান্ননা লৈবা ইমুং অমদা লুপা অমা ফাওবা মাংহন্দনা চাউরকখি। পুন্সিগী হৌরকপদা অৱাবা কয়া মায়োক্নরকপনা থবক কন্না শুবগী মগুন অদু তম্বীবতা নত্তনা মীচম প্রজাগী মায়োক্নরিবা অৱাবশিং অদুসু খঙখি। মসিনা মহাক মশামক য়াম্না নহা ওইরিঙৈ মতমদগী মীয়ামগী অমসুং লৈবাক্কী থবক তৌনীংবগী অপাম্বা ফাওহনখি। মহাক্কী হৌরকপা চহীশিংদা, মহাক্না রাস্ত্রীয় স্বয়মসেবক সঙ্ঘ (আর.এস.এস.)কা লোয়ননা থবক তৌখি, তুংদা জাতি অমসুং রাজ্যগী থাক্তা লৈরিবা সংস্থান ভারতীয় জনতা পার্তীগা লোইননা থবক তৌদুনা রাজনিতীদা মহাক মশামক কত্থোকখি। শ্রী মোদীনা গুজরাত য়ুনিবর্সিতীদগী পোলিতিকেল সাইন্সতা এম.এ. লোইশিনখি।

নরেন্দ্র মোদী অসি মীয়ামগী লুচিংবা অমনি, মখোয়গী প্রোব্লেমশিং সোল্ব তৌনবা কত্থোক্লবা অমসুং মখোয়গী য়াইফনবা হোৎনরিবা। মীয়ামগী মরক্তা তোৎন তিন্নদুনা লৈবা, মখোয়গী অৱা-নুংঙাইবদা শরুক য়ামিন্নবদগী হেন্না অপেনবা মফম অমা লৈতে। মহাকপু ভারতকী খ্বাইদগী তেক্নো-সোভী লুচিংবা অমা ওইনা খঙনৈ, মীয়ামগী মফমদা য়ৌনবা ৱেব শিজিন্নবা অমসুং মখোয়গী পুন্সিদা অহোংবা পুরকপা। মহাক ফেসবুক, ত্বিতর, ইন্সতাগ্রাম, সাউন্দ ক্লাউদ, লিঙ্কেদিন, ৱিবো অমসুং অতোপ্পা ফোরমশিং য়াওনা সোসিয়েল মীদিয়া প্লেৎফোর্মদা য়াম্না এক্তিব ওই।

রাজনিতীগী ৱাংমদা, নরেন্দ্র মোদীনা ইবা পামজৈ। মহাক্না শৈরেং য়াওনা লাইরিক কয়া ইখ্রে। মহাক্না মহাক্কী নুমিৎ য়োগগা লোইননা হৌই, মদুনা মহাক্কী পুক্নিং অমসুং হকচাংবু মপাঙ্গল কনখৎহল্লি অমদি অচেৎপা খোংথাংগী রুতিনদা ইং তপ্না থবক তৌবগী শক্তি অদু পীরি।

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Forex reserves rise $3.07 billion to lifetime high of $608.08 billion

Media Coverage

Forex reserves rise $3.07 billion to lifetime high of $608.08 billion
...

Nm on the go

Always be the first to hear from the PM. Get the App Now!
...
মোদী সরকারগী চহি ৭না ভারতপু করম্না হোংহনবগেঃ অখিলেশ মিশ্রা
May 31, 2021
Share
 
Comments

প্রধান মন্ত্রী, নরেন্দ্র মোদীগী অনিশুবা সরকারনা ওফিস্তা লৈরকপা চহি ২ ফাবতা ঙাইরি। মহাক্না, অপুনবগী ওইনা, প্রধান মন্ত্রী ওফিস্তা লৈরক্লিবা অসি চহি ৭ ফারক্লে। মসিদি মথৌ নীংথিনা তৌদবা সরকারগী মকোক থোংবশিংগী মায়-পাকপা নত্ত্রগা অশোইবশিংন খংবা য়াবগী শাংলবা মতম অমনি। অদুনা, ঐখোয়না পি.এম. মোদীগী লৈঙাক্কী মতম অসিবু মতৌ করম্না য়েংশিনসিগে?


শোইদনা পাংথোকপা য়াবা লম্বী অমদি, চাং ওনবা য়াবা মহাক্কী মায় পাকপশিংগী খুত্থাংদনি। খুদম অমা ওইনা, ফ্লেগশিপ স্কিম কয়াগী মশিং অসি য়াম্না তোপ-তোপ্পা অমনি। বেঙ্ককা মরী লৈনদবা মীওইশিংবু জন ধন য়োজনাগী খুত্থাংদা বেঙ্ক শিজিন্নহনবা – বেঙ্ক একাউন্ত করোর ৪২ হাংহনবা – অমসুং ভারতকী য়ুম খুদিংবু শেল-থুমগী পথাপকী মনুং চলহনখিবা। শেলগী তেংবাং ফংদবা মীওইশিংদা মুদ্রা য়োজনাগী খুত্থাংদা শেল থাদবা – লোন করোর ২৯গী অয়াবা পীদুনা লুপা করোর লাখ ১৫ থাদোক্তুনা ওন্তর্প্রিনরশিংগী ইহৌ অমা হৌহনখিবা। য়ু.পি.আই.গী খুত্থাংদা দিজিতাইজ তৌরমদবশিংবু দিজিতাইজ তৌথোকপা – ইং ২০২০দা রিএল-তাইম ত্রাঞ্জেক্সন বিলিয়ন ২৫ য়ৌখিবা অমসুং ভারতপু মালেমগী খ্বাইদগী চাউবা দিজিতেল পেমেন্ত ইকোসীস্তেম ওহনখিবা।

অদুবু, মসিগী মশক থোক্লবা মশিং কয়া অসিগী মথক্তা, মোদী নত্ত্রগা মহাক্কী মায় পাকপগী চাং ওন্নবা লম্বী অমসু লৈ- ঐখোয়গী লৈবাক্কী লিচত্তা অহোংবা লাকপা। মসিগী অহোংবশিংগী মরক্তগী অহোংবা খরা অদুদি করিনো?

অহানবমক্তদা, মোদীনা কেন্দ্র সরকারনা শেন্মিৎলোনগী পোলিসী শেম্বগী থৌওং খঙবগী মওংবু নিংথিজনা শেমদোকখ্রে। মোদীগী মমাংদদি, মখোয়না মেক্রোইকোনোমিক্স অমসুং মসিগা লোয়নবা কান্নবশিংদা মপুং ওইনা মিৎয়েং চঙলম্মি অদুগা মাইক্রোইকোনোমিক্সপুনা থৌৱা শাদনা নত্ত্রগা রাজ্য সরকারশিংদা শিন্নথোক্লম্মি। মরম অসিনা, নিং-তম্বা ফংলবা চহি ৬৬কী মতুংদা ফাওবা (মোদীনা ইং ২০১৪দগী সরকার পায়খিবা), লৈবাক অসিনা মসিগী খুঙ্গং খুদিংদা, য়ুম্থোং খুদিংদি লায়রদনা, মৈ ফংহনবদা নত্ত্রগা খুঙ্গং খুদিংদা সেনিতেসন নীংথিজনা তৌহনবা নত্ত্রগা মীয়াম খুদংদা হেল্থকেয়র ফংহনবদা অৱাবা থেংনরম্মি ।

মোদীনা মসিগী খল-মান্নদবা অসিবু চুম্থোক্লে। মরম অসিদগী, অনৌবা ফার্মগী আইন কয়াগা লোয়ননা এগ্রিকলচর সেক্তরগী অনৌবা লম্বী অমা শেম্নবা নত্ত্রগা প্রাইভেতাইজেন তৌনবা পোলিসী ফ্রেমৱর্ক অমা শেম্বদা খ্বাইদগী মরু ওইবা পীবগুম্না য়ুম্থোং খুদিংদা থক্নবা তোতিগী ঈশিং ফংহন্নবসু কন্না হোৎনরি। মোদীগী হোৎনজমন্দগী, মহাক্না লমশিং অসিদা মশক থোক্না মায়-পাকপা ঙম্লি।

অনিশুবদা, কেন্দ্র সরকারদগী “খ্বাইদগী অনিশুবা অফবা” ফংবগী মীয়ামগী ৱাখল্লোন্সু মহাক্না মতম পুম্বগী ওইনা হোংদোক্লে। লৈবাক অসিগী মীয়াম্না তুং-ইনবা অমসুং অতৈগী মনিংদা খক্তা লৈদুনা পেন্থোকপা অদু তৌররোই। মালেম্না, করিগুম্বা, চহি অমগী মনুংদা, কোবিদ-১৯গা লান্থেংনবা ঙম্বা ভেক্সিন পুথোকপা ঙম্লবদি, ঐখোয়গী য়ুমদা শাজবা ভেক্সিন খক্তা নত্তনা মালেমগী মনুংদা, মসিবু খ্বাইদগী য়াঙনা মীয়ামদা পীবা ঙমদুনা, ভারতনা লমজেল অসিদা মাং থাগনি হায়না ঐখোয়না থাজবা থম্লি।

অহুমশুবদা, ঐখোয়না মপাঙ্গল লৈবা য়েক্নবা থেংনবদা তুং হনবগী, মমাংগী চহি ৭০দগী লৈরক্লিবা লিচৎ অসিবু মোদীনা হোংদোক্লে। সাউথ চাইনা সীদা চলায়রিবা ৱান বেল্ৎ ৱান রোদকী থবক অসিদগী অপাম্বতা তৌদুনা লাক্লিবা চাইনাবু দোক্লাম অমসুং পাঙ্গোং পাত্তগী হন্দোকহনখি। অইং-অশা হোংবগী মতাংদা ৱাতাইনবদগী ফ্রী ত্রেদ এগ্রিমেন্ত ফাওবা অমসুং চাউরবা মলতিনেস্নেল কোর্পোরেসনশিংনা মালেমগী ফনবা ৱাখল খনবা শানবা নম্ফুদা হোৎনরিবা অসিদগী ভারতকী অপাম্ববু থৈদোকপা ফাওবদা, ইং ২০২১গী ভারত অসি মখোয়না হান্না খঙলম্বা ইং ২০১৪গী মমাংগী ভারত অদু নত্ত্রে হায়বা মীয়াম খুদিংনা খঙনরে।

মরিশুবদা, ঐখোয়গী ফোরেন পোলিসিদা লাক্লিবা খ্বাইদগী মশক-থোকপা অহোংবা। মসিনা মোরেল সাইন্স লেকচরগী মতাংদতা ওইরম্বা অদু নত্ত্রে, মসিদি হৌজিক লৈবাক্কী কান্নবা ফংনবা থবক খক্তনা ইথিল পীবা থৌওং অমা ওইরে। মিদিয়াগী মিৎয়েং চঙনবগীদমক্তা উৎপা থৌওংদগী কায়নরবা তসেংবা রাজনিতী হায়বা অসিনা হৌজিক্তি ঐখোয়গী খুৎলায়গী শরুক অমা ওইরবনি।

মঙাশুবদা, লন্নাইগী ইন্তর্প্রাইস অমসুং আইনগী কাংলোন ইন্দুনা শেন্দোং তানববু ইকায় খুম্নবা অসি তৌনদবা থবক অমনি খন্নদ্রে। মোদীনা ওন্তোপ্রিনরশিংবু পার্লিয়ামেন্ততা লৈবাক শেম্বা মীওইনি হায়না কৌরদুনা মখোয়গীদমক্তা লেপ্লিবা অসিবু হৌজিক্তি পোলিসী অমনি হায়না ৱাহন্থোক পীনরে অমসুং মসিনা, মতম খরগী মতুংদা, মহাক্কী খ্বাইদগী মশক থোকপা শেন্মিৎলোন্দা পীবা তেংবাং ওইরক্কনি।

তরুকশুবদা, নুপীশিংবু মপাঙ্গল হাপ্পা অমসুং খুন্নাইগী শিংনবা কয়াদগী মখোয়বু নিং-তমহনবগী মতাংদা তৌরিবা থবকশিং অসিনা, মতমগী মতুং ইন্না, মোদীনা খুন্নাইদা তেংবাংবগী খ্বাইদগী মশক থোকপা হীরম অমা ওইরক্কনি। ভারতকী মরু ওইবা কেন্দ্রগী মন্ত্রালয়শিংবু লৈঙাকপদগী হৌদুনা আর্ম্দ ফোর্সশিংদা মতম পুম্বগী থবক তৌহনবা অমসুং অপিকপা অমসুং মাইক্রো ইন্তর্প্রাইস করোর কয়াবু কোর্পোরেৎ বোর্দরুমশিংদা থম্বা অমসুং য়াম্না ফজদবা খুদক্কী  তলাক অহুমদগী নিং-তমহনবদগী হৌদুনা পারি-পুরিগী লমশিংদা মশাগী অশেংবা হক ফংহনবা, অসিগুম্বা লোত্তুনা লৈরম্বা শিংনবা কয়াবু মহাক্না লোইশিনখি।

তরেৎশুবা অমসুং খ্বাইদগী মশক থোকপা অমসুং মোদীজীনা মতম কুইনদগী তেংবাংলকপা হায়রগদি, ঐখোয়গী নীংথিরবা চাউখৎলকপগী হেরিতেজপু হৌজিক মতমগী ইথিলগা পুন্সিনবা অসিনি। লৈবাক অসিনা এ.এস.এ.তি. মিসন্না মায় পাকপা অমদি গগনয়ান থাবা ঙাইবদা হরাওবা ফোংদোক্লিবা অসিগুম্না রাম মন্দির শারিবা অসিদসু চপ-মান্নবা হরাওবা ফোংদোক্নরি।

পি.এম. মোদীনা লুচিংবা সরকার অসিনা দিকেদ অমদা অপুনবা মেজোরিতীগা লোয়ননা মায়-পাকপা সরকার অমখক্তা ওইরি। লৈবাক অসিনা কোবিদ-১৯গী অনিশুবা ৱেভ অসিগা লান্থেংনরিবা অসিদা মোদী সরকারনা মখোয়গী চহি ৭ ফারকপগী থৌরম পাংথোকপগী খ্বাইদগী মতিক চাবা থৌওংদি মশাবু লৈবাক অসিগী মীয়ামগী তেংবাংদা অমুক্কা হন্না চঙজবনি। মসিনা লৈবাক্কী হৌজিক্কী অপাম্বা অসিগী মতুং ইনগনি অমসুং সরকার অসিগীদমক্তা ভোৎ পীবিখিবা মীয়ামদা ইকায় খুম্নবগী খ্বাইদগী চুনবা থৌওংসু ওইগনি। অদুনা, সরকারগী থৌদাংবু লৈঙাকপদগী মীয়ামগী তেংবাংদা মতম পুম্বগী ওইনা হোংদোকপা অসিবু মোদীগী খ্বাইদগী চাউবা মায়-পাকপা ওইরোদবরনে?