প্রধান মন্ত্রীগী প্রিন্সিপাল সেক্রেতরী দোক্তর পি.কে. মিশ্রানা ঙসি নই দিল্লীদা নেস্নেল দিজাস্তর মেনেজমেন্ত ওথোরিতী (এন.দি.এম.এ.)গী ১৫শুবা ফোর্মেসন দেদা তিনখিবা মীয়ামদা ৱা ঙাংখ্রে।
মহাক্কী ৱারোলদা দোক্তর মিশ্রানা এন.দি.এম.এ.গা লোয়ননা মহাক্কী হৌখ্রবা নুমীৎশিংবু নৌহৌনা নিংশিংখি, অমদি দিজাস্তর মেনেজমেন্তকী মায়কৈদা এন.দি.এম.এ.না হোৎনরিবশিং অমসুং লৌখৎলিবা অনৌবা খোংথাংশিংবু পাক শন্না শকখংবিবা অদুদা অপেনবা ফোংদোকখি।
দিসএবিলিতী–ইনক্লুসিব দিজাস্তর রিস্ক রিদক্সন্দা গাইদলাইনশিং চৎনহনবা অসিনা প্রধান মন্ত্রীগী সবকা সাথ, সবকা বিকাসকী মীৎয়েং অদু উৎলী হায়না দোক্তর পি.কে. মিশ্রানা ফোংদোকখি। রিক্স হন্থহনবা অসি মতম পুম্নমক্তা ফোংদোক্তুনা লৈরবা থৌওংনি হায়না মহাক্না ফোংদোকখি, অমদি এন.দি.এম.এ.বু মসিগী থৌওংশিং অমসুং ইন্তরভেন্সনশিং মখা তানা ফগৎহন্নবা লেপ্পা লৈতনা থবক তৌনবা তকশিনখি।
চহী অসিগী ফোর্মেসন দেগী থিম “ফায়র সেফতী”গী মতাংদা ঙাংলদুনা, মহাক্না হায়খি মদুদি হিরম অসি অমাজোন উমংদা পাক শন্না মৈ চাকখিবা অমসুং সুরত ফায়র ত্রেজদিগুম্বা থৌদোকশিংগা লোয়ননা হন্দক্তা মালেম পুম্বনা মীৎয়েং থমখি। অর্বান এরিয়াশিংদা ফায়র রিক্স মিতিগেসন প্লানিংগী দরকার ওইবা অদু মহাক্না য়াম্না কন্না ফোংদোকখি। তোঙান–তোঙানবা মখলগী মৈ – রেসিদেন্সিয়েল, কমর্সিয়েল, রুরেল, অর্বান, ফোরেস্ত ফায়র অমসুং ইন্দস্ত্রীয়েল ফায়র – পুম্নমক অসি তোঙান–তোঙানবা চেলেঞ্জশিংনি অমদি মখোয় অমমমগা মায়োক্নবদা অখন্নবা স্ত্রেতেজীশিং দরকার ওই হায়না মহাক্না হায়খি।
প্রধান মন্ত্রীগী প্রিন্সিপাল সেক্রেতরীনা শোপিং কমপ্লেক্সশিং, কমর্সিয়েল ইস্তাব্লিসমেন্তশিং অমসুং সরকারগী বিলদিংশিং অসিনচিংবা ক্রিতিকেল ইনফ্রাস্ত্রকচর পুম্নমক্তা চাং নাইনা ফায়র সেফতী ওদিৎ পাংথোক্নবা অকনবা ৱাফম থমখি।
মুম্বাই শহরনা ফায়র প্রিভেন্সন, মিতিগেসন অমসুং রেস্পোন্সকীদমক খ্বাইদগী নৌবা তেক্নোলোজী অমসুং খুৎশু–খুৎলায় শিজিন্নদুনা হোৎনরিবশিং অদু দোক্তর পি.কে. মিশ্রানা থাগৎপা ফোংদোকখি। মসিদা ফায়র ফাইতর ওপরেসনশিংগীদমক দ্রোনশিং, হেন্দ–হেল্দ লেজর ইনফ্রা–রেদ কেমেরাশিং অমসুং থর্মেল ইমেজিং কেমেরাশিংগা লোয়ননা রিমোৎ কন্ত্রোলনা মথৌ তৌহনবা রোবোতশিং য়াওরি। মুম্বাইগী মোদেল অসিগা মান্নহন্নবা মহাক্না অতোপ্পা শহরশিংদসু খংহনখি।
মৈ চাকপগী থৌদোকশিং লাকশিনবদা মতমগী মরুওইবা অদু ফোংদোক্লদুনা মহাক্না হায়খি মদুদি মুম্বাই, হাইদ্রবাদ অমসুং গুরগাওদা দিবেলপ তৌরিবা মোবাইল ফায়র স্তেসনশিং অসি রেস্পোন্স তৌবগী মতম হন্থহন্নবগী অনৌবা লম্বী অমনি। লোকেল এদমিনিস্ত্রেসনশিংনা ফায়র সর্বিসশিংগা পুন্না থবক তৌমিন্নগদবনি হায়না মহাক্না ফোংদোকখি।
নোংচুপকী লৈবাকশিংদা মখল অমা হেক্তগী দিজাস্তর অমসুং ইমরজেন্সীদা ফায়র সর্বিস অসি অহানবা রেস্পোন্স ওইনা মথৌ তৌই হায়না দোক্তর পি.কে. মিশ্রানা পুক্নিং চিংনশিনখি। ফায়র সেফতীবু মীপুম খুদিংমক্কী এজেন্দা ওইহন্নবা কমুনিতীগী থাক্তা পাক চাওবা এৱার্নেস কেম্পেনশিংগা লোয়ননা চাং নাইনা মোক দ্রিলশিং পাংথোকপগী দরকার ওইবদু মহাক্না ফোংদোকখি।
মহাক্না এন.দি.এম.এ.বু ২০১২দা রিলিজ তৌখিবা মসিগী ফায়র সর্বিসকী নেস্নেল গাইদলাইনশিং নৌনা য়েংশিন্নবা অমসুং অপদেত তৌনবা খংহনখি।
লোইশিল্লকপদা, ফায়র সেফতী অসি মীপুম খুদিংমক্কা মরী লৈনবা অমনি মরম অদুনা “পুম্নমক্কীদমক ফায়র সেফতী”গী মায়কৈদা ঐখোয়না হোৎনবা মথৌ তাই হায়না মহাক্না অমুক হন্না ফোংদোকখি।
থৌরম অদুদা শরুক য়াখিবশিংগী মনুংদা এন.দি.এম.এ., কেন্দ্র অমসুং রাজ্য সরকারশিংগী মকোকথোংবা ওফিসিয়েলশিং অমদি স্তেত দিজাস্তর মেনেজমেন্ত ওথোরিতীশিং অমসুং ফায়র সর্বিসশিংগী মীহুৎশিং য়াওখি।
