Share
 
Comments

শক্নাইরবা প্রধান মন্ত্রী প্রয়ুত চান-ও-চা,

শক্নাইরবশিং,

ইন্দিয়া-অসিয়ান মীফমদা অদোমগা অমুক হন্না উনবদা ঐ অপেনবা পোকই। খ্বাইদগী ফজবা অমসুং অফবা মওংদা শীন-লাংবগীদমক ঐনা থাইলেন্দ থাগৎলি। অসিয়ান অসি চেয়র ওইগদৌরিবা ভিয়েতনাম অমসুং মথং অসিগী ইস্ত এসিয়া মীফমশিংগীদমক ঐনা ভিয়েতনাম য়াইফ-পাউজেল পীজরি।

শক্নাইরবশিং,

ভারত অমসুং অসিয়ানগী মরক্ত লৈরিবা ইন্দো-পেসিফিক্কী মতেং পীনবা অসি ঐনা তরাম্না ওক্লি। ঐখোয়গী ইন্দো-পেসিফিক পান্দমদা ভারতকী এক্ত ইস্ত পোলিসি অসি মরুওইবা শরুক অমা ওইরি। অপুনবা অমসুং শেন-থুমগী ফিবম ফরবা অসিয়ান অসি ভারতকী অপাম্বনি। কংফাল, সমুদ্র অমসুং নোংথক্কী অমসুং দিজিতেল লিঙ্কগী খুৎথাংদা ঐখোয়গী মরি ফগৎহন্নবা ঐখোয়না থবক পায়খৎলি। দোল্লর বিল্লিয়ন ১গী ক্রেদিৎ অসি লম্বী-থোং অমসুং দিজিতেলগী লমদা শম্নবা ফগৎহনবদা কান্নগনি। ঐখোয়গী অপাম্বদি লাইরিক তম্নবা, রিছাস তৌনবা, ললোন-ইতিক অমসুং তুরিজমগীদমক মীয়াম চৎথোক-চৎশিন তৌবা হেনগৎহনবনি।

মসিগী পান্দমশিং অসি ফংনবা অসিয়ানগা মতেং পীনবা হেনগৎহন্নবা ভারতনা থৌরাং তৌরি। মমাং চহিগী কম্মেমোরেতিপ সমিৎ অমসুং শিঙ্গাপুরগী ইনফোরমেল সমিৎতা লৌখিবা ৱারেপশিংনা ঐখোয় নকশিন্নহল্লে। লৌউ-শিংউ, সাইন্স, রিছাস, আই সি তি অমসুং ইঞ্জিনিয়ারিংগী লমদা মতেং পীনবা হেনগৎহন্নবা ঐখোয় থৌরাং তৌরি। হন্দক অসিয়ান-ইন্দিয়া এফ তি এ রিভিয়ু তৌখিবা অদু ঐনা তরাম্না ওক্লি। মসিনা ঐখোয়গী ইকোনোমিশিং মপাঙ্গল কনহনবদা নত্তনা ঐখোয়গী ললোন-ইতিক্কী থবক থোংমান্নহনগনি। সমুদ্র ঙাক-শেনবা, ব্লু ইকোনোমি অমসুং মীওইবগী অৱাবদা মতেং পীনবগী থবক হেনগৎহন্নবা ঐখোয়না থৌরাং তৌরি। শক্নাইরবশিংগী ৱারোল কয়া তারবা মতুংদা, ঐনা ৱাফম খরদা কুপ্না হায়বা পাম্মি। ঐনা অমুক হন্না থাইলেন্দ অমসুং ময়াম পুম্নমক ঐগী থম্মোয়দগী থাগৎচরি।

দিসক্লেমর : পি এমগী ৱারোল হিন্দিদা পীখি। মসি ৱারোল অদু চাউরাক্না হন্দোকপনি।

 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Over 28,300 artisans and 1.49 lakh weavers registered on the GeM portal

Media Coverage

Over 28,300 artisans and 1.49 lakh weavers registered on the GeM portal
...

Nm on the go

Always be the first to hear from the PM. Get the App Now!
...
কিংদম ওফ সৌদি অরাবিয়াগী ফোরেন এফিয়র্সকী মন্ত্রী হিজ হায়নেস প্রিন্স ফায়সাল ফারহান অল সৌদকা প্রধান মন্ত্রী শ্রী নরেন্দ্র মোদীগা উনখ্রে
September 20, 2021
Share
 
Comments

প্রধান মন্ত্রী, শ্রী নরেন্দ্র মোদীনা ঙসি কিংদম ওফ সৌদি অরাবিয়াগী ফোরেন এফিয়র্সকী মন্ত্রী হিজ হায়নেস প্রিন্স ফায়সাল ফারহান অল সৌদকা উনখ্রে।

মীফম অসিনা লৈবক অনিগী মরক্তা শাগৎখিবা স্ত্রাতেজিক পার্তনরশিপ কাউন্সিলগী ঙাক্লৌ মখাদা লৌখৎখিবা য়াওনা হৌজিক চৎথরিবা নাকন অনিগী ওইবা মখল কয়াগী চংশিল্লিবা খোঙথাংশিং য়েংশিনখি। প্রধান মন্ত্রীনা সৌদি অরাবিয়াদগী মরুওইবা সেক্তরশিং হায়বদি ইনর্জী, আই.তি. অমসুং দিফেন্স মেনুফেকচরিং য়াওনা য়াম্না চাউনা ইনভেস্তমেন্ত তৌহল্লকপা পাম্বা ফোংদোকখি।

মীফম অসিনা অফগানিস্তানগী ফিভমশিং য়াওনা রিজনেলগী ওইবা চাউখৎ-থৌরাংশিংদা মিৎয়েংশিং থম্ননবা অয়াবসু পীনখি।

প্রধান মন্ত্রীনা সৌদি অরাবিয়াগী কিংদম্বু কোবিদ-১৯ লায়চৎ মনুংদা মফম অদুদা লৈরিবা ভারত মচাশিংগী য়াইফনবা য়েংশিনবিবগীদমক মহাক্না অখন্ননা থাগৎপা ফোংদোকখি।

প্রধান মন্ত্রীনা সৌদি অরাবিয়াগী হিস মেজেস্তী দ কিঙ অমসুং হিজ হায়নেস ক্রাউন প্রিন্সবু হরাও তয়াম্বা ফোংদোকপগী পাউজেলসু পীখি।