প্রধানমন্ত্রী শ্রী নরেন্দ্র মোদীনা লাক্কদৌরিবা নুমীৎ নিনী অসিদা রাজ্য অনি: গুজরাত অমসুং তামিল নাদু; অমসুং য়ুনিয়ন তেরিতোরি অনি: দামন & দ্যু অমসুং পুদুচেরী চৎকনি ।
থাংজা নুমীৎতা প্রধানমন্ত্রী দামন্দা থুংলুগনি । মহাক্না মখল মখা য়াম্লবা দিব্লপমেন্ত প্রোজেক্তশিং হৌদোক্কনি, অমসুং মখল মখা য়াম্লবা ওফিসিয়েল স্কিমশিংদা কান্নবা ফংলবা মীওইশিংদা সর্তিফিকেৎশিং য়েন্থোক্কনি । মীয়ামগী মীফম অমদশু মহাক্না ৱা ঙাংগনি ।
মদুগী তুংদা প্রধানমন্ত্রী তামিল নাদু চৎকনি । চেনাইদা পাংথোক্কদবা রাজ্য সরকারগী ৱেলফেয়ার স্কিম অমা ওইরিবা অম্মা তু হ্বিলর স্কিম হৌদোকপগী থৌরমদা শরুক য়াগনি ।
নোংমাইজিং নুমীৎতা প্রধানমন্ত্রী পুদুচেরি চৎকনি । ওরোবিন্দো আশ্রমদা মহাক্না শ্রী ওরোবিন্দোগী মফমদা লৈ কৎতুনা ইকায় খুম্নগনি, অমসুং শ্রী ওরোবিন্দো ইন্তরনেস্নেল সেন্তর ওফ এজুকেসনগী মহৈরোইশিংগা উন্নদুনা ৱারি শান্নগনি । শ্রী নরেন্দ্র মোদীনা ওরোভিলেদশু চৎকনি । মফমদুদা মহাক্না ওরোভিলেগী গোল্দন জুব্লি থৌরমদা নিংশিংনিঙাই ওইরবা পোস্তেজ স্তাম্প অমা রিলিজ তৌগনি । থৌরম অদুদা মহাক্না ৱা ঙাংগনি ।
পুদুচেরিদা মীয়ামগী মীফম অমদশু প্রধানমন্ত্রীনা ৱা ঙাংগনি ।
নোংমাইজিং নুমীৎকী নুমীদাংৱাইরম প্রধানমন্ত্রীনা গুজরাতকী সুরত্তা “রন ফোর ন্যু ইন্দিয়া মরাথোন” লমথাগনি ।
