প্রধান মন্ত্রী নুমিৎ নীনিগী ওফিসিয়েল ওইবা খোংচৎতা ২০২০গী জনুৱারী ১১ অমসুং ১২দা কোলকতা চৎকনি

প্রধান মন্ত্রী শ্রী নরেন্দ্র মোদী নুমিৎ নীনিগী ওফিসিয়েল ওইবা খোংচৎতা ২০২০গী জনুৱারী ১১ অমসুং ১২দা কোলকতা চৎকনি।

হেরিতেজ বিলদিংশিং জাতিদা কত্থোকপা

জনুৱারীগী ১১দা, প্রধান মন্ত্রীনা কোলকতাদা লৈরিবা নৌনা পোলিস তৌরবা হেরিতেজ বিলদিং মরি জাতিদা কত্থোক্লগনি।
মখোয়শিং অদুদি ওল্দ করেন্সী বিলদিং, বেলভেদের হাউস, মেতকালফ হাউস অমসুং ভিক্তোরিয়া মেমোরিয়েল হোলনি। কলচরগী য়ুনিয়ন মিনিস্ত্রীনা আইকোনিক গেলরী ৪ অসি নৌনা শেমজিন-শাজিনখি অমসুং লীরবা গেলরীশিংবু ক্যুরেত তৌদুনা অনৌবা একজিবিসনগা লোয়ননা মখোয়বু নৌনা পোলিস তৌখি।

প্রধান মন্ত্রী শ্রী নরেন্দ্র মোদীগী মীৎয়েং মখাদা কলচরগী মিনিস্ত্রীনা লৈবাক অসিদা লৈরিবা তোঙান তোঙানবা মেত্রো শহরশিংদা লৈরিবা আইকোনিক বিলদিংশিংদা কলচরেল স্পেসশিং দিবেলপ তৌরি। কোলকতা শহরদগী হৌরগা প্রোজেক্ত অসি দিল্লী, মুম্বাই, অহমেদবাদ অমসুং বরানসিদা পায়খৎলি।

কোলকতা পোর্ত ত্রস্ত (কে.ও.পি.তি.)গী সেসকুইসেন্তিনরী সেলেব্রেসন

২০২০গী জনুৱারী ১১ অমসুং ১২দা প্রধান মন্ত্রীনা কোলকতা পোর্ত ত্রস্তকী গ্রান্দ সেসকুইসেন্তিনরী সেলেব্রেসন্দসু শরুক য়াগনি।

শ্রী নরেন্দ্র মোদীনা কোলকতা পোর্ত ত্রস্তকী থবক্তগী পোত্থারবা অমসুং হৌজিক মথৌ তৌরিবা এমপ্লোইশিংগী পেন্সন ফন্দগী দিফিসিৎ অদু কোকহন্নবগীদমক ফাইনেল ইন্সতোলমেন্তকী মায়কৈদা লুপা কোতি ৫০১গী চেক অমা খুৎশিন্নগনি।
নিংশিংনিঙাই ওইরবা থৌরম অমদা প্রধান মন্ত্রীনা কোলকতা পোর্ত ত্রস্তকী খ্বাইদগী অহল ওইরবা পেন্সিনর অনী শ্রী নগিনা ভগৎ অমসুং শ্রী নরেশ চন্দ্র চকরবর্তী (মথংশিংনা চহী ১০৫ অমসুং ১০০)বুসু ইকায় খুম্নগনি।

থৌরম অদুগী মনুংদা প্রধান মন্ত্রীনা পোর্ত এন্থেমসু হৌদোক্কনি।

শ্রী মোদীনা অশেংবা হিথাংফম পলগী মফমদা চহী ১৫০গী নিংশিংনিঙাই ওইরবা ইন্সতোলেসনগী প্লেক অমসু মায়খুম হাংদোক্কনি।

প্রধান মন্ত্রীনা নেতাজি সুভাস দ্রাই দোক্তা কোচিন কোলকতা শিপ রিপিয়ার য়ুনিৎকী শিপ রিপিয়ার ফেসিলিতী অপগ্রেদ তৌবসু হৌদোক্কনি।

শ্রী নরেন্দ্র মোদীনা কোলকতা পোর্ত ত্রস্তকী কোলকতা দোক সিস্তেমগী রেলৱে ইনফ্রাস্ত্রকচর অপগ্রেদ তৌবা অদু কত্থোক্লদুনা ফুল রেক হেন্দলিং ফেসিলিতী শঙ্গাগনি।

প্রধান মন্ত্রীনা কোলকতা পোর্ত ত্রস্তকী হল্দিয়া দোক কম্পেক্সতা বর্থ নম্বর ৩গী মেকানাইজেসনসু হৌদোক্কনি।

প্রধান মন্ত্রীনা কৌশল বিকাস কেন্দ্র অমসুং অখিল ভারতিয়া বনৱাসি কল্যান আশ্রমদা এফিলেৎ তৌবা পুর্বাঞ্চল কল্যান আশ্রম, গোসাবা, সুন্দরবনগা লোয়ননা কোলকতা পোর্ত ত্রস্তনা পায়খৎপা প্রোজেক্ত অমা ওইরিবা সুন্দরবনগী ত্রাইবেল নুপীমচা ২০০গীদমক প্রিতিলতা ছত্রী অৱাসসু শঙ্গাগনি।