৩৫শুবা অসিয়ান সমিৎ, ১৪শুবা ইস্ত এসিয়া সমিৎ অমসুং ১৬শুবা ইন্দিয়া-অসিয়ান সমিৎকী নাকলদা প্রধান মন্ত্রী শ্রী নরেন্দ্র মোদী থাইলেন্দগী প্রধান মন্ত্রী জেনরেল (রিতায়ার্দ) প্রয়ুত চান-ও-চা ২০১৯গী নবেম্বর ৩দা উনখ্রে।
উনবা অদুদা লুচিংবা অনিনা নাকল অনিগী মরী ফগৎলক্লিবা অসি অমুক হন্না য়েংশিনখি অমসুং য়াম্না তোইনা অৱাংবা থাক্কী মীফমশিং পাংথোক্তুনা অফবা মরী অমা শেমগৎলিবা অদু খঙজিনখি। দিফেন্স অমসুং সেক্যুরিতীগী লমদা মতেং পীনবা হেনগৎলিবা অসি খঙজিন্দুনা, নাকল অনিনা দিফেন্স ইন্দস্ত্রী সেক্তরদা মতেং পীননবা খুদোংচাবশিং থিদোকপা হায়না য়ানখি। মমাং চহিদা নাকল অনিগী ললোন-ইতিক্কী থবক চাদা ২০ হেনগৎপদা তরাম্না ওক্লদুনা, ললোন-ইতিক অমসুং ইনভেস্তমেন্তগী থবক হেনগৎহন্নবা পাম্বৈশিং পুথোক্নবা ললোন-ইতিক্কী ওফিসিয়েলশিংদা থবক শীন্ননবা লুচিংবশিংনা ৱারেপ লৌখি।
লম্বী-থোং অমসুং দিজিতেলগী হিরমশিং য়াওনা লৈবাক অনিগী মরক্ত চৎথোক-চৎশিন ফগৎহন্নবা পাম্বৈশিং প্রধান মন্ত্রীশিংনা খন্নখি। লৈবাক অনিগী মরক্ত নোংথক্তা শম্নবা হেনগৎলকপা, বেঙ্কোক অমসুং গুৱাহাতীগী মরক্ত দাইরেক্ত ফ্লাইত অমা হৌবা অমসুং থাইলেন্দগী রানোং হিথাংফম অমসুং ভারতকী কোলকাতা, চেন্নৈ অমসুং বিশাকাপতনমগী হিথাংফমশিংগী মরক্তা মতেং পীননবা য়ানচেশিং অরোইবা ওইনা লেপথোকপদা লুচিংবা অনিনা তরাম্না ওকখি।
নাকল অনিনা পাম্নবা লমদম অসিগী অমসুং মালেমগী ৱাফমশিং লুচিংবশিংনা খন্নখি। অসিয়ানগা মরী লৈনবা মীফমশিং শরুক য়ানবা চেবাউ পীরকপদগীদমক প্রধান মন্ত্রী মোদীনা থাইলেন্দগী প্রধান মন্ত্রী থাগৎখি অমসুং অসিয়ানদা মহাক্না চেয়রমেন ওইবগীদমক মহাক থাগৎখি। ইন্দিয়া-অসিয়ানদা কন্ত্রী কোওর্দিনেতর ওইনা থাইলেন্দনা মতেং পাংখিবা অদু মহাক্না থাগৎখি।
ঈশিংগী শরুক্ত য়ুম্লোন্নবা ওইরিবা ভারত অমসুং থাইলেন্দ পুৱারী অমসুং কলচরগী মরী কয়া লৈনরি। মতম অসিদা ভারতকী এক্ত ইস্ত পোলিসী অসি থাইলেন্দগী লুক ৱেস্ত পোলিসীনা মতেং পাংদুনা মরী অসি হেন্না চেৎশিলহল্লে।
การประชุมหารือกับพลเอก ประยุทธ์ จันทร์โอชาประสบผลสำเร็จอย่างดียิ่ง โดยเราได้พูดคุยเกี่ยวกับแนวทางในการขยายความร่วมมือระหว่างอินเดียและไทย ผมยังได้กล่าวขอบคุณท่านสำหรับการต้อนรับอันดีเยี่ยมของประชาชนและรัฐบาลไทย pic.twitter.com/EZEhaBIn1W
— Narendra Modi (@narendramodi) November 3, 2019
Had an excellent meeting with Prime Minister Prayut Chan-o-cha. We talked about ways to expand cooperation between India and Thailand. I also thanked him for the wonderful hospitality of the people as well as Government of Thailand. pic.twitter.com/79pMhf8MV1
— Narendra Modi (@narendramodi) November 3, 2019
