মখা অসি প্রধান মন্ত্রী নরেন্দ্র মোদীনা জি-২০ সমিৎ শরুক য়ানবা থাদোক্ত্রিঙৈ মমাংদা পীখিবা ৱারোলনি।
“অর্জেন্তিনানা য়ুম্বু ওইবা ১৩সুবা জি-২০ শরুক য়ানবা ঐ ২০১৮গী নবেম্বর ২৯দগী দিশেম্বর ১ ফাওবা বুনোস আইরিসতা চৎকনি।
জি-২০না মালেমগী খ্বাইগী চাউবা ইকনোমি ২০গী মরক্তা মতেং পীনবা হেনগৎহন্নবা হোৎনরি। মসি লিংখৎলকপা চহি ১০গী মনুং অসিদা, জি-২০না তুংকোইনা চৎনগদবা চাউখৎ-থৌরাংগী থবকশিং য়োকখৎলি।মসিগী পান্দম অসি চাউখৎলক্লিবা লৈবাকশিং অমসুং ভারতকুম্বা ফগৎলক্লিবা ভারতকুম্বা মালেমদা য়াংনা চাউখৎলক্লিবা লৈবাক অসিগী ওইনা য়াম্না কান্নবা অমনি।
মীফম অসিগী পান্দম “অফবা অমসুং তুংকোইনা চৎনগদবা চাউখৎ-থৌরাংগী থবকশিংগীদমক ৱাখল তামিন্নবা” অসিনা মালেমগী ওইনা শেন-থুমগী ফিবম ফগৎহনবদা ভারতনা লৌরিবা থৌদাং অসি মশক খঙলি।
লুপ অসি লৈরকপদগী হৌখিবা চহি ১০ অসিদা জি-২০না পাংথোকখিবা থবকশিং অতোপ্পা জি-২০গী লুচিংবশিংগা উনদুনা অমুক হন্না খন্নগনি হায়না ঐনা থাজবা থম্লি অমসুং লাক্কদৌরিবা চহিশিংদা মায়োক্নগদৌরিবা খুদোংচাদবশিং থেংননবা উপায়শিং খন্নগনি। ঐখোয়না মালেমগী ইকনোমি,ললোন-ইতিক, মালেমগী তেক্স মওং, থবক শুবগী মওং, নু্পীদা শক্তি পীবা, ইনফ্রাস্ত্রকচর অমসুং তুংকোইনা চৎনগদবা চাউখৎ-থৌরাংগী থবকশিংগী মতাংদা কুপ্না ৱা খন্নগনি।
মালেমগী শেন-থুম চাউখৎহনবদা মতেং ওইরম্বা নৌনা ফগৎলকপা ইকনোমিশিং হৌজি মমাংদা অমুক্তা ওইখিদ্রিবা মওংদা ইকনোমিক অমসুং শেন-থূমগী খুদোংচাদবা কয়া মায়োক্নরি। মালেমগী ওইনা অফবা ওইনবা অমসুং হৌজিক থেংনরিবা তশেং-তশেংবা মশকশিং অসি মশক খঙদুনা মালেমগী লৈবাকশিংনা অওনবা পুরকপগী তঙাইফদবশিং অদু ঐনা পুথোকতুনা খন্নগনি।শেন-থুমগা মরি লৈনবা অরানবা থবকশিং তৌরম্লগা মীচেন ওইখিবশিংগী মথকতা থবক লৌখৎনবা অমসুং তেরোরিজমদা শেন-থাদবা লাকশিন্নবা মালেমগী ওইনা মতেং পীনবা হেনগৎহনবগী তঙাইফদবশিং অদু খন্নগনি।
মমাংদা পাংথোকখিবগুম, সমিৎ অসিগী নাকলদা লুচিংবা কয়াগা উনদুনা লৈবাক অনিনা পাম্নবা ৱাফমশিংদা ৱা খন্নবগী খুদোংচাবা লৈগনি হায়না ঐনা থাজবা থম্লি”।
