“ঐখোয়গী চৎনবীশিং অমসুং অধ্যাতিক্কী ৱাখল্লোলশিং শিথরকপা মতমদা, ‘বেদদা অমুক হন্নবা’ শ্বামী দয়ানন্দনা ঐখোয়দা তাকপীখি”
“মহর্ষি দয়ানন্দ বেদগী সাধু অমা ওইবতা নত্তনা লৈবাক সাধু অমশু ওইখি”
“ভারতকী মরমদা শ্বামীজিগী থাজবা, ঐখোয়না থাজবা অদু অমৃত কালদা ঐখোয় ইশা ইরোমদোম থাজবদা ওন্থোক্কনি”
“পুকচেল শেংবা থবকশিং অমসুং অনৌবা থৌশিলশিংগী খুৎথাংদা, লৈবাক অসিনা মসিগী নুপীশিং চাউখৎহল্লি”

ঙসি প্রধান মন্ত্রী শ্রী নরেন্দ্র মোদীনা ভিদিও মেসেজ অমগী খুৎথাংদা, গুজরাতকী মোর্বিদা লৈবা শ্বামী দয়ানন্দগী পোক্নফম তনকারাদা পাংথোকপা মন্ত্রীনা মহর্ষি দয়ানন্দ সরশ্বতীগী ২০০শুবা মপোক কুমওন থৌরমদা ৱা ঙাংখ্রে।

মহাক্কী ৱারোলদা প্রধান মন্ত্রীনা হায়খি শ্বামীনা পাংথোক্লম্বা থবকশিং ইকায়খুম্নবা উৎনবা অমসুং মহাক্কী পাউতাকশিং মীয়ামদা য়ৌহন্নবা আর্য সমাজনা শীন্দুনা থৌরম অসি পাংথোকপদা অপেনবা ফাওই। হৌখিবা চহিদা পাংথোকখিবা থৌরম অসি হৌদোকপদা মহাক শরুক য়াখি। অসিগুম্বা মতিক-মগুন লৈরবা মীওইশিংনা পাংথোক্লম্বা থবকশিং অসি অখন্নবনি, মখোয়গা মরী লৈনবা থৌরমশিং মখোয়গীদমক অখন্ননা পাংথোকপা হায়বসি তঙাইফদে।

ঐখোয়গী অনৌবা মীরোলনা মহর্ষি দয়ানন্দগী পুন্সিগী মরমদা খঙবদা থৌরম অসি অফবা কান্নবা পাম্বৈ অমা ওইগনি। অসিগুম্বা শক্নাইরবা মীওইশিংনা পাংথোক্লম্বা থবকশিং অমসুং তাকপীরম্বা কয়া মথং-মথং খঙহনহৌবা হায়বসি য়াম্না মরুওই।

প্রধান মন্ত্রীনা হায়খি মহর্ষি দয়ানন্দ গুজরাত্তা পোকখি অমসুং হরিয়ানাদা থবক তৌখি। মহাক্কী পুন্সিদা মহর্ষি দয়ানন্দনা অচৌবা ইথিল পীখি। মহাক্কী পাউতাকশিংনা ঐগী ৱাখল্লোন শেমখি অমসুং ঐগী পুন্সিগী খোঙচত্তা মহাক্কী পাউতাকশিং থাদোক্নবা য়াদ্রবা শরুক অমা ওইরি। মহর্ষি দয়ানন্দ শ্বামী জিগী মপোক নুমিৎ লাকপদা ভারত অমসুং মপান লৈবাকশিংদা লৈরিবা ভক্তা মিল্লিয়ন কয়াগীদা য়াইফ-পাউজেল পীজরি।

মহর্ষি দয়ানন্দগী পাউতাকশিংনা অওনবা কয়া পুরকখিবগী মতাংদা, প্রধান মন্ত্রীনা হায়খি তুংলমচৎকী লম্বী হোংহনবা থৌদোক কয়া পুৱারিদা থোকখি। ভারত অসি অপং-থাজবা কয়াদগী মিকপ থোকহনবদা শ্বামীজিনা অচৌবা থৌদাং লৌখি অমসুং বেদগী লৌশিংগী কান্নবা অমুক হন্না মশক তাক্নবা হোৎনবগী ইহৌ অমা মাংজিল থাখি। ঐখোয়গী চৎনবীশিং অমসুং অধ্যাতিক্কী ৱাখল্লোলশিং শিথরকপা মতমদা, ‘বেদদা অমুক হন্নবা’ শ্বামী দয়ানন্দনা ঐখোয়দা তাকপীখি।

বেদশিংদা পন্দিৎশিংগী মশাগী ওইবা ৱাখল্লোল ফোঙদোকপা অমসুং মরম চানা ৱাহন্থোকশিং পীনবা থবক কয়া শ্বামীজিনা পাংথোকখি। শ্বামীজিনা অকিবা য়াওদনা খুন্নাইগী চৎন-কাংলোনশিং নৈনখি অমসুং ভারতকী ৱাঙুলোনগী অচুম্বা মশকশিং হাক্না মরিকচুম্না ফোঙদোকপদা খুন্নাই মনুংদা মশানা মশাবু থাজবা হেনগৎলকখি। অপুনবগী শক্তম হেনগৎহনবা অমসুং ভারতকী অরিবা হেরিতেচকী চাউথোকচবা ৱাখল অমা ফাওহনবদা শ্বামী দয়ানন্দগী পাউতাকশিংনা মরুওইবা থৌদাং অমা লৌখি।

প্রধান মন্ত্রীনা হায়খি ঐখোয়গী খুন্নাইগী ফত্তবা থবকশিং অসিনা মরম ওইদুনা বৃতিস সরকারনা ঐখোয় অতোনবা ওইনা উবনি। খুন্নাইগী অহোংবশিং পুরক্নবা বৃতিসকী লৈঙাক অসি মরম চাই হায়না মীওই খরনা ফোঙদোক্লি। হায়রিবা লৌতুনবশিং অসিদা শ্বামী দয়ানন্দগী ৱাখল্লোন্না অচৌবা ইথিল অমা পীখি। লালা রাজপাত রাই, রাম প্রসাদ বিসমিলি অমসুং শ্বামী শ্রাধানন্দগুম্বা য়াওল্লোইশিং থোরকখি, আর্যা সমাজনা ইথিল পীখি। মরম অদুনা মহর্ষি দয়ানন্দ বেদগী সাধু অমা ওইবতা নত্তনা লৈবাক সাধু অমশু ওইখি।

প্রধান মন্ত্রীনা হায়খি অমৃত কাল হৌরকপা চহিদা ২০০শুবা কুমওন পাংথোক্লি। শ্বামী দয়ানন্দগী পান্দমদি লৈবাক অসিগী অফবা তুংলমচৎ অমা শেমগৎপনি। ভারতকী মরমদা শ্বামীজিগী থাজবা, ঐখোয়না থাজবা অদু অমৃত কালদা ঐখোয় ইশা ইরোমদোম থাজবদা ওন্থোক্কনি।  শ্বামী দয়ানন্দ উকিল অমনি অমসুং অনৌবা যুগকী লমজিংবা অমনি। মালেম শীনবা থুংনা আর্যা সমাজগী ইন্সতিতুসনশিং লিংখৎলিবা অসিগী মতাংদা প্রধান মন্ত্রীনা হায়খি স্কুল, কলেজ অমসুং য়ুনিভর্সিতি ২,৫০০ হেনবা অমসুং গুরুকুল ৪০০ হেনবনা মহৈরোয়শিং তাকপীরি। আর্যা সমাজ অসি অনৌবা যুগ অমসুং লমজিংবগী মতিক চারবা খুদম অমনি। ২১শুবা চহিচা অসিদা লৈবাক অসি শেমগৎনবা থবকশিংদা মীয়াম শরুক য়াগদবনি। দি.এ.ভি ইন্সতিতুসনশিং অসি শ্বামীজি নিংশিংবা অমনি।

প্রধান মন্ত্রীনা হায়খি শ্বামীজিগী পান্দমশিং থবক ওইনা পাংথোক্নবা নেসনেল ইজুকেসন পোলিসনা থবক পায়খৎলি। আর্যা সমাজগী মহৈলোয়শঙশিং অমসুং মহৈরোয়শিংনা ভোকেল ফোর লোকেল, অত্মানির্ভর ভারত, মিসন লাইফ, ঈশিং য়োকশিনবা, শ্বাছ ভারত, শান্নবদা মতেংগদবনি। অহানবা ওইনা ভোত্তর ওইরবশিংনা মখোয়গী থৌদাংশিং খঙগদবনি।

প্রধান মন্ত্রীনা হায়খি আর্যা সমাজ লিংখৎখিবগী চহি ১৫০শুবা থৌরম পাংথোক্কদৌরিবা অসিদা অপুনবা ওইনা চাউখৎনবা অমসুং নিংশিংনবা মীওই খুদিংমক্না খুদোংচাবা অমা লৌগদবনি।

নেচরেল ফার্মিংগী মতাংদা প্রধান মন্ত্রীনা হায়খি শ্বামীজিগী পোক্নফম লমদমদগী হৌরগা, ওর্গনিক ফার্মিংগী পাউজেল অসি লৈবাক অসিগী মফম খুদিংমক্তা য়ৌবা ওইরসনু।

প্রধান মন্ত্রীনা হায়খি শ্বামীজিনা নুপীশিংগী হক পীনবা কন্নবা হোৎনখি। হন্দক সরকার অসিনা নারী শক্তি বন্দন অধিনিয়ম পাস তৌরে। পুকচেল শেংবা থবকশিং অমসুং অনৌবা থৌশিলশিংগী খুৎথাংদা, লৈবাক অসিনা মসিগী নুপীশিং চাউখৎহল্লে। হায়রিবা খুন্নাইগী থবকশিংনা মীওইশিং শম্নহনবা অসি মহর্ষি দয়ানন্দগী মফমদা পীবা অশেংবা ইকায়খুম্নবা অমনি।

লোইশিল্লকপদা, প্রধান মন্ত্রীনা হায়খি দি.এ.ভি নেতৱার্ককী নহারোলশিং নৌনা শেম্লবা নহারোলশিংগী লুপ মাই-ভারত শরুক য়াগদবনি। শ্বামী দয়ানন্দ সশ্বরতীগী ভক্তশিংনা দি.এ.ভি ইজুকেসনেল নেতৱার্ককী মহৈরোয়শিং মাই ভারত শরুক য়ানবা পুক্নিং থৌগৎকদবনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India among the few vibrant democracies across world, says White House

Media Coverage

India among the few vibrant democracies across world, says White House
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 18 মে, 2024
May 18, 2024

India’s Holistic Growth under the leadership of PM Modi