“ঐখোয়গী চৎনবীশিং অমসুং অধ্যাতিক্কী ৱাখল্লোলশিং শিথরকপা মতমদা, ‘বেদদা অমুক হন্নবা’ শ্বামী দয়ানন্দনা ঐখোয়দা তাকপীখি”
“মহর্ষি দয়ানন্দ বেদগী সাধু অমা ওইবতা নত্তনা লৈবাক সাধু অমশু ওইখি”
“ভারতকী মরমদা শ্বামীজিগী থাজবা, ঐখোয়না থাজবা অদু অমৃত কালদা ঐখোয় ইশা ইরোমদোম থাজবদা ওন্থোক্কনি”
“পুকচেল শেংবা থবকশিং অমসুং অনৌবা থৌশিলশিংগী খুৎথাংদা, লৈবাক অসিনা মসিগী নুপীশিং চাউখৎহল্লি”

খুরুমজরি!

থৌরম অসিদা শরুক য়ারিবা ইকাই খুম্নরবা সন্তশিং, গুজরাতকী আচার্য় দেবব্রতজী, কাউন্সিল ওফ মিনিস্তর্সকী পুরুশোত্তম রুপালাজী, আর্য়সমাজকী তোঙান-তোঙানবা ওর্গনাইজেসনশিংগা মরী লৈনবা ওফিসিএলশিং, অতোপ্পা দিগনিতরীশিং অমসুং নুপী অমদি নুপাশিং!

লৈবাক অসিনা স্বামী দয়ানন্দ সরস্বতীজীগী 200শুবা মপোক কুমোন পাঙথোক্লি। ঐহাক ইশামক স্বামীজীগী পোক্নফম তনকারাদা চৎনীংবনি অদুবু মদু ওইথোক্ত্রে। ঐগী পুক্নিং ৱাখলদা নখোয়গী নরক্তা লৈরি। আর্য় সমাজনা স্বামীজীনা শরুক তমখিবশিং অদু নীংশিংনবা কুহ্মৈ অসি পাঙথোকপগীদমক ঐহাক্না নুংঙাইবা পোকই। মমাং চহি ঐহাক্না কুহ্মৈ অসি হৌদোকপদা শরুক য়াবগী খুদোংচাবা ফংজখি। অখন্ননা শরুক তমখিবা অথোইবা মীশক অমগা মরী লৈনবা কুহ্মৈ অসি লাকশিনবা শিনবদা পাঙথোকপা হায়বা অসি মহৌশানি। ঐহাক্না থাজৈ মদুদি থৌরম অসিনা ঐখোয়গী অনৌবা মীরোলবু মহাঋশি দয়ানন্দগী পুন্সিগী মরমদা খঙহন্নবা অফবা পাম্বৈ অমা ওইরগনি।

মরুপশিং,

ঐহাক্না স্বামীজীগী পক্নফম গুজরাত্তা পোকখিবা ঐগী লাইবক ফবনি। মহাক্কী থবক মফমনি হরিয়ানানি, মতম শাংনা ঐহাক্না হরিয়ানাগী পুন্সিগী মরমদা খঙনবগী খুদোংচাবসু ফংখি অমসুং মফম অদুদসু থবক তৌজখি। মরম অসিনা মহাক্না ঐগী পুন্সিদা অখন্নবা ইথিল পীবা অসি মহৌশানি, মহাক্কী মশাগী ওইবা মগুন অমা লৈজৈ। ঙসিগী থৌরম অসিদা ঐহাক্না মহাঋশি দয়নন্দগী খুয়া খাদা খুরুমজরি অমসুং মঙোন্দা ইকাই খুম্নবা উৎচরি। ঐহাক্না লৈবাক অসিদা লৈরিবা অমদি মালেম শিনবা থুংবদা লৈরিবা মহাকপু তুং ইল্লিবা মীওইশিংবু মহাক্কী মপোক কুমওন্না লাকপদা নুংঙাইবা ফোঙদোকচরি।

মরুপশিং,

পুৱারীদা নুমিৎ খরা, মীকুপ খরা লৈ মদুনা তুংলমচৎকী মাইকৈদা অওনবা পুরকই। দয়ানন্দজীনা 200গী মমাংদা পোকখিবা অসি অমুক্তা থোকখিদ্রিবা মীকুপ অমা ওইখি। তানফম অসি ভারতকী মীয়াম্না মীখা পোনবগী য়োৎলিং থাংদুনা মশাগী কন্সিয়সনেস ফংখিবা মতম অদুনি। স্বামী দয়নন্দজীনা লৈবাক অসিদা ঐখোয়গী স্তেরিওতাইপশিং অমসুং সুপরস্তিসনশিংনা করম্না লৈবাক অসি শোত্থহনখি তাকখি। স্তেরিওতাইপ অসিনা ঐখোয়গী সাইন্তিফিক থিঙ্কিং শোন্থহনখি। মসিগী খুন্নাইগী ফত্তবশিং অসিনা ঐখোয়গী অপুনবদা শীংনখি। খুন্নাইগী শরুক অমনা মতম চুপ্পদা ভারতকী কলচর অমসুং স্পিরিচুএলিতীদী তপ্না-তপ্না লাপথোরককি। মতম অদুদা স্বামী দয়নন্দনা ‘বেদশিংদা হন্নবা’ অপীল তৌখি। মহাক্না বেদশিংদা কম্মেন্তরীশিং ইখি অমসুং লোজিকেল এক্সপ্লেনেসনশিং পীখি। মহাক্না ফোঙনা স্তেরিওতাইপশিংবু শীংনখি অমসুং ভারতকী ফিলিসোফীগী তশেংবা মতৌ অদু খঙহনখি। মসিগী দল ওইনা খুন্নাইদা থাজবা অমুক হল্লকপা হৌখি। মীয়াম্না বেদিক রিলিজন খঙনবা হৌরকখি অমসুং মসিগী হৌরকফমগা কন্নেক্ত তৌবা হৌখি।

মরুপশিং,

ব্রিতিশ সরকারনা ঐখোয়গী খুন্নাইগী ফত্তবশিং অসি খুৎলাই ওইনা শীজিন্নদুনা ঐখোয়বু ইকাইবা পীনবা হোৎনখি। খুন্নাইগী অহোংবশিং পল্লদুনা মীওই খরনা ব্রিতিশ লৈঙাক অসি চুম্মি তাকখি। অদুগুম্বা মতম অদুদা স্বামী দয়নন্দজী লাক্তুনা লৌতুনরিবশিংদা চাউনা শাফু পীখি। লালা লাজপৎ রাই, রাম প্রসাদ বিস্মিল, স্বামী শ্রদ্ধানন্দ, য়াওল্লোই কয়া শেমখি, মখোয়না আর্য় সমাজতা ইনোৎ হাপখি। মরম অসিনা দয়নন্দজী অসি বেদিক সন্ত অমা ওইবা খক্তা নত্তনা নেস্নেল কন্সিয়সনেসকী ঋশি অমসু ওইরি।

মরুপশিং,

স্বামী দয়নন্দজীগী 200 শুবা মপোক কমওনগী তানফম অসি ভারতনা মাগী অমৃত কাল চংবা মতমদা তাররে। স্বামীজী অসি ভারতকী অফবা তুংলমচৎ অমগীদমক মঙলান মঙজরম্বা সন্ত অমা ওইরমখি। স্বামীজীনা ভারত্তা থমখি, থাজবা অসি ঐখোয়না আত্ম-বিশ্বাসতা ওন্থোক্কদবনি। স্বামী দয়নন্দনা মোদর্নিতীগীদমক এদভোকেৎ তৌরমখি। মখোয়দগী ইথিল লৌদুনা ঐখোয় পুম্নমক্তা অমৃত কাল অসিদা ভারতপু মোদর্নিতীগী মাইকৈদা পুরসি, ঐখোয়ন লৈবাক অসিবু চাউখৎপা ভারত অমা ওইহল্লসি। ঙসি আর্য় সমাজকী লৈবাক অসিদা অমদি মালেমদা স্কুল, কোলেজ অমসুং য়ুনিভর্সিতী লিশিং অনি মখাই হেন্না লৈ। নখোয় পুম্নমক্না গুরুকুল 400 হেন্নবদা মহৈরোয়শিং মহৈ তম্বীরি অমসুং ত্রেনিং তৌরি। ঐহাক্না আর্য় সমাজতা 21শুবা চহিচাগী দিকেদ অসিদা অনৌবা শক্তিগা লোয়ননা লৈবাক শেমগৎপগী কেম্পেনশিংদা থৌদাং লৌনবা হায়জনীংই। ইন্সিতিত্যুত অসি মহাঋশি দয়নন্দ সরস্বতীজীগী নীংশিং মমি অমনি, ইথিল অমনি, কন্সিয়সনেসকী লমদম অমনি। করিগুম্বা ঐখোয়না মহাকপু লেপ্পা লৈতনা শক্তি পীরদবদি মসি মহাঋশি দয়নন্দজীদা পীবা ঐখোয়গী অথোইবা ইকাই খুম্নবা ওইগনি।

ভারতকী করেক্তরগা মরী লৈনবা এজুকেসন সিস্তেম ঙসি চাউনা মথৌ তারি। আর্য় সমাজ স্কুলশিংনা মাগী অচৌবা সেন্তরশিং ওইরি। লৈবাক অসিনা নেস্নেল এজুকেসন পোলিসীগী খুত্থাংদা মসি লেপ্পা লৈতনা পাকথোক চাউথোকহল্লি। খোঙথাংশিং অসিগা লোয়ননা খুন্নাইগা কন্নেক্ত তৌবা হায়বা অসি ঐখোয়গী থৌদাংনি। ঙসি ভোকেল ফোর লোকেল, আত্মনির্ভর ভারত কেম্পেন, এনভাইর্নমেন্তগা মরী লৈনবা লৈবাক্কী খোঙথাং, ঈশিং য়োকশিনবা, স্বচ্ছ ভারত অভিয়ান অসিনচিংবা খোঙথাংশিং ওইরবসু, ঙসিগী মোদর্ন লাইফস্তাইলদা মহৌশাদা জস্তিস ফংহন্নবা মিসন অমা ওইরিবা LiFE, মিল্লেৎস-শ্রীঅন্ন প্রমোৎ তৌবা, স্পোর্তসতা শরুক য়াবা হেনগৎলকপা, আর্য় সমাজকী এজুকেস্নেল ইনস্তিত্যুসনশিং অমসুং মফম অসিদা তম্মিবা  মহৈরোয়শিং, অপুনবা অসিদা অচৌবা শক্তি লৈ অমসুং অচৌবা থৌদাং অমা লৌবা য়াই।

নখোয়গী ইন্সতিত্যুসনশিংদা লৈরিবা মহৈরোয়শিং অসিদা মশিং য়াম্না নহারোলশিংদা চহি 18 হেল্লবা ঙাক্তনি। ভোতর লিস্ত নখোয়গী নমিং চনশিনবা অসি নখোয়গী থৌদাংনি অমসুং নখোয়না ভোৎ থাদবগী মরু ওইবা অদুসু খঙগদবনি। আর্য় সমাজ লিংখৎখিবা 150শুবা চহি অসিসু চহি অসিদা ওইরি। ঐহাক্না অসিগুম্বা অচৌবা থৌরম অসি ঐখোয়গী খোঙথাংশিং অমসুং ঐখোয়গী মাইপাকপশিংগা লোয়ননা তশেংনা নীংশীংনীংঙাই ওইবা থৌরম অমা ওইহনগদবনি।

মরুপশিং,

মহৌশাগী লৌউ-পথাপ অসি মহৈরোয় পুম্নমক্না খঙবা মরু ওইবা হীরম অমসুনি। ঐখোয়গী আচার্য় দেবব্রেতজীনা মাইকৈ অসিদা য়াম্না কন্না হোৎনরি। মহাঋশি দয়নান্দগী পোক্নফমদগী মহৌশাগী লৌউ-পথাপকী মরমদা পাউজেক শন্দোকপা তাবা ফংবা অসিদগী হেনবা করিবু লৈগনি?

মরুপশিং,

মহাঋশি দয়নন্দনা নুপীগী হকশিং অমসুং মখোয়না শরুক য়াবগী মতাংদা মহাক্কী মতমদা য়াম্না হায়রমখি। অনৌবা পোলিসীশিং অমসুং পুকচেল শেংবা খোঙথাংশিংগী খুত্থাংদা লৈবাক অসিনা মাগী মমোমশিং মাংদা পুখৎনবা হোৎনরি। থা খরগী মমাংদা লৈবাক অসিনা লোক সভা অমসুং রাজ্যগী বিধান সভাশিংদা নুপীশিংগী রিজর্বেসন থম্নবা নারী শক্তি বন্দন অধিনিয়ম পাস তৌখি। খোঙথাংশিং অসিগা লোয়ননা লৈবাক্কী মীয়ামবু কন্নেক্ত তৌবা অসি ঙসি মহাঋশিদা পীবা তশেংবা ইকাই খুম্নবনি।

অমসুং মরুপশিং,

সোসিএল ৱার্কশিং অসিগীদমক নখোয়দা ভারত সরকারগী নৌনা শেম্বা য়ুব সংস্থানগী শক্তিসু লৈরে। অচৌবা অমসুং নহা ওইরিবা লৈবাক্কী ওর্গনাইজেসন  অসিগী মমিং – মাই য়ং ইন্দিয়া – মাইভারত কৌই। ঐহাক্না দয়নন্দ সরস্বতীজীবু তুং ইল্লিবা পুম্নমক্তা, DAV এজুকেস্নেল নেৎৱার্ক্কী মহৈরোয় পুম্নমক্তা মাই ভারত য়াওনবা পুক্নিং থৌগৎচরি। ঐহাক্না অমুক হন্না মহাঋশি দয়নন্দগী 200 শুবা মপোক কুমওনগীদমক নুংঙাইবা ফোঙদোকচরি। অমুক হন্না ঐহাক্না মহাঋশি দয়নন্দজী অমসুং সন্ত পুম্নমক্তা ইকাই খুম্নবা উৎচরি।

হন্না-হন্না থাগৎচরি!

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Unveiling India’s market magnetism: Why international brands flock to expand amidst rising opportunities

Media Coverage

Unveiling India’s market magnetism: Why international brands flock to expand amidst rising opportunities
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 16 জুন, 2024
June 16, 2024

PM Modi becomes synonymous with Viksit Bharat at home and abroad