Share
 
Comments
শুপ্নগী কনক্রিৎ স্ত্রকচরতা নত্তনা ইনফ্রাস্ত্রকচরদা মশাগী মগুন য়াওজবা হায়বা অসি ঙসি ঐখোয়গী পান্দম ওইরি: পি.এম.
ভারতকী ২১শুবা চহিচাগী মথৌ তাবশিং অসি ২০শুবা চহিচাগী মওংশিং অদুনা থুংহনবা ঙম্লোই: পি.এম.
সাইন্স সিতীদা অঙাংশিংগী ক্রিএতিবিতী থৌগৎনবা রিক্রিএস্নেল এক্তিবিতীশিং য়াওরি: পি.এম.
ঐখোয়না রেলৱেজ অসি শুপ্নগী সর্ভিস অমা ওইহনবতা নত্তনা এসেৎ অমা ওইনসু শেমগৎখি : পি.এম.
তায়র ২ অমসুং তায়র ৩গী শহরশিংদা লৈবা রেলৱেজ স্তেসন খুদিংমক মতমগা চুন্নরবা খুদোংচাবশিং ফংহল্লি : পি.এম.

খুরুমজরি,

মন্ত্রী মন্দলগী ঐগী খোঙলোয় অমদি গান্ধীনগরগী এম.পি. শ্রীমান অমিত সাহ জী, রেল মন্ত্রী অস্বিনী বৈষ্ণব জী, গুজরাতকী মুখ্যমন্ত্রী বিজয় রুপানী জী, উপ মুখ্যমন্ত্রী নিতিন ভাই, কেন্দ্রগী রেল রাজ্যমন্ত্রী শ্রীমতী দর্শনা জর্দোশ জী, গুজরাত লৈঙাক্কী মন্ত্রীশিং, পার্লিয়ামেন্ততা ঐগী খোঙলোয় অমদি গুজরাত প্রদেশ ভারতিয় জনতা পার্তীগী চেয়রমেন শ্রীমান সি.আর. পাতিল জী, অতৈ এম.পি.শিং, এম.এল.এ. ময়াম অমদি ঐগী নুংশিজরবা ইচিন ইনাউশিং, ময়াম পুম্নমকপু খুরুমজরি‍।

ঙসিগী নুমিৎ অসি ২১শুবা চহিচাগী ভারতকী নীংজবশিং, ভারতকী মহাশিংগী ৱাখল্লোন অমদি ইহুলগী চাউরবা খুদম অমনি‍। সাইন্স অমসুং তেক্নোলোজীগী ওইরবসু, হেন্না ফবা ময়োল্লমগী লেন্দস্কেপ ওইরবসু নৎত্রগা লম্বী থোংগী মতমগা চুনবা মচাক-মথুমশিং ওইরবসু অনৌবা ভারতকী অনৌবা মশক্তা ঙসি পন্দুপ অমা হাপচিল্লে‍। ঐনা মফমসিদা দিল্লীদগী প্রোজেক্ত কয়া অমা মীয়ামদা কত্থোকপগী থৌরম পাঙথোকখ্রে, অদুবু মীৎমক্না উনিংবগী লাংতক্নবদুদি ৱাহৈনা ফোঙদোক্নিংঙাই লৈরোই‍। ঐনা তাঞ্জা হেক ফংবগা ইশামক লাক্তুনা য়েংলগনি‍।

ইচিন ইনাউশিং,

ঙসি লৈবাকসিগী পান্দমসি শুপ্নতগী কনক্রিত স্ত্রকচর খিনবখক নত্তে, তশেংবদি ঙসি লৈবাকসিদা মশাগী ওইবা তোপ তোপ্পা মশক মওং লৈজবা ইনফ্রা হৌদোক্লিবনি‍। হেন্না ফবা পব্লিক স্পেস ঐখোয়গী তঙায়ফদবা ওইরে হায়বসি মমাঙদদি করিসু খন্নরমদে‍। মমাঙথক্কী অর্বান প্লান্নিংদা মসিবু মওং অমদা লকজরী ওইনা হাপ্লম্মি‍। অদোম্নসু খঙবিরমগনি রিএল এস্তেত অমসুং হাউজিং কম্পনীশিংনসু মখোয়গী মীৎয়েঙ করম তৌবগে – পার্ক ফেন্সিং য়ুম নৎত্রগা সোসাইতীগী মরুওইবা পব্লিক স্পেস শেম্বনা ওইবরা হায়বা খঙলমগনি‍। মসিগী মরমদি ঐখোয়গী ময়োল্লমশিংগী য়াম্লবা মীয়াম অমদি মতিং লৈবা পব্লিক স্পেস অমদি মতিং লৈবা পব্লিক লাইফ ফংদনা লেল্লিবনি‍। হৌজিক্তি অর্বান দেবেলপমেন্তকী অরিবা ৱাখল্লোন থাদোক্লম্লগা লৈবাকসিনা অনৌবা মতমগা চুনবা লম্বীদা চঙশিল্লক্লি‍।

মরূপশিং,

অহমদবাত্তা সাবরমতীগী ফীভম কমদৌরম্মি, মদুবু কনানা কাউবা ঙমগনি? ঙসিদি মফমসিদা ঈশিং ঈচেলগা লোয়ননা রিভরফ্রন্ত, পার্ক, ওপন জিম, সী প্লেনৱেনচিংবা খুদোংচাবশিং ফংলে‍। মওং অমদি মসিগী ইকোসিস্তেম পুম্বা হোংখ্রে‍। অওনবা অসি কানকরিয়াদা পায়খৎখি‍। অরিবা অহমদবাতকী পাৎ অমা মীয়াম তিনবা মফম অমা ওইরক্কনি হায়বসি কনানসু খন্নরুবা নত্তে‍।

মরূপশিং,

অঙাংশিংগী পুক্নিং-ৱাখল মওং চুম্না চাউখৎলক্নবগীদমক নুংঙাইহনবগা লোয়ননা মহৈ-মশিং তম্নবগী ক্রিএতিবিতী য়াওবা স্পেস ফংহনবা মথৌ তাই‍। সাইন্স সিতী অসি রিক্রিএসন অমসুং ক্রিএতিবিতী অনিমক পুনশিল্লবা প্রোজেক্ত অমনি‍। মসিদা অঙাংশিংদা ক্রিএতিবিতী হেনগৎহনগদবা রি-ক্রিএসনেল ওইবা থৌওংশিং য়াওরি‍। মসিদা শান্ন-খোৎনবগী, ঙাইহাক নুংঙাইথোকপগী অমদি অঙাংশিংদা অনৌবা খরা তম্বিনবগী ফম্পাকশিংসু য়াওরি‍। অঙাংশিংনা মমা মপাদা য়াম্না তোয়না রোবোত অমসুং শাগী শান্নপোৎশিং লৈবিয়ু হায়বা ঐখোয়না উরি‍। অঙাং খরনা দাইনসোর লৈবিয়ু অদুগা খরনা কৈ য়োকসি হায়না নিংঙাই তৌবসু য়াওরি‍। অদুবু মমা-মপানদি মসি ময়ামসি কদাইদগী লৈরুগনি‍? অঙাংশিংদা হায়রিবশিং অসি সাইন্সি সিতীদা ফংহল্লি‍। অনৌবা নেচর পার্ক শেমগৎলিবসি অখন্ননা ঐগী অঙাং ওইরিবা মরূপশিংনা শোয়দনা পামগনি‍। মসিদসু নত্তনা সাইন্স সিতীদা লৈরিবা এক্বাতিক গেলরীনা হেন্নদুম মখোয়দা নুংঙাইহনগনি‍। মসি লৈবাকসিগীতা নত্তনা এসিয়াগী ওইনা খ্বাইদগী মকোক থোংবা এক্বারিয়মশিংগী মরক্তা অমা ওইরবনি‍। মফম অমখক্তদা মালেম পুম্নবদা লৈরিবা সমুদ্রগী থৱায় পানবশিং মফমসিদা উবা ফংগদৌরিবনি‍।

রোবোতিক গেলরীদা রোবোতশিংগা ৱারী ৱাতায় শানবনা পুক্নিং চিংশিন্নিংঙাই ওইবতা নত্তনা মসিনা ঐখোয়গী নহা মীরোলবু রোবোতিক্সকী লমদা থবক তৌনিংহন্নবগী অপাম্বসু পোকহনগদৌরিবনি‍, নৌরিবা পুক্নিংদা খঙনিংহনগদৌরিবনি‍। হিদাক-লাংথক, লৌউ-শিংউ, তরং, ঙাকশেল অসিনচিংবা তোঙান তোঙানবা লমশিংদা রোবোতনা কমদৌনা কান্নবগে হায়বদু মফমসিদা ঐখোয়গী নহাশিংনা চাউরাকপা অমা খঙবা ঙমগনি‍। অদুগা রোবো কেফেদা রোবোতিক সেফনা থোং-থাকপা অদুগা রোবোত ৱেতরশিংনা পুথোরকপা চীঞ্জাকশিং চা-থকপগী নুংঙাইবদুদি মফমদুদা চৎলুবা মীশিংনা হন্না হন্না চৎনিংবনা লাঙতক্নহনগদৌরিবনি‍। ঙরাং ঐনা সোসিএল মিদিয়াদা মসিগী ফোতোশিং থাগৎপদা অসিগুম্বা ফীভমদি মপান লৈবাকশিংদতা উবা ফংই হায়না ফোঙদোক্নরকপা পয়াসু য়াওখি‍। মীয়াম্না ফোতো অসি ভারতকীনি, গুজরাতকীনি হায়বা থাজনদে‍। ঙসি থৌরমসিদা ঐনা হায়জনিংবদি সাইন্স সিতী অসিদা অঙাং ময়াম চৎপিয়ু, মহৈরোয় ময়াম চৎপিয়ু, স্কুলগী তুর চাং নাইনা শিনবিয়ু, সাইন্স সিতী অসি অঙাংশিংনা থন্না নোক খেদুনা লৈবা মতম চুপ্পদা লৈবনা মসিগী মমিং চৎপা হেনগদৌরিবনি‍।

মরূপশিং,

গুজরাত অমসুং গুজরাতকী মীয়ামগী চাউথোকচনিংঙাই ওইরবা থবক কয়া ঙসি হৌদোক্লিবা অসি ঐগীদমক্তদি য়াম্না নুংঙাইবা মীৎকুপ্নি‍। ঙসি অহমদবাদ ময়োল্লমগা লোয়ননা গুজরাতকী রেল কন্নেক্তিবিতীসু মতমগা চুনবা অমদি হেন্না মপাঙ্গল কনবা ওইরে‍। গান্ধীনগর অমসুং ৱদনগর স্তেসন অপগ্রেদ তৌবা ওইরবসু, মেহসানা-ৱরেথা লাইন হেন্না পাকথোকহন্দুনা মৈ ফংহনবা ওইরবসু, সুরেন্দ্রনগর-পীপাবাব সেক্সনবু মৈ ফংহনবা ওইরবসু, গান্ধীনগর কেপিতেল-ৱরেথা মেমুগী সর্ভিস হৌদোকপা ওইরবসু, নৎত্রগা গান্ধীনগর কেপিতেল-বরানসী সুপরফাস্ত এক্সপ্রেস হৌদোকপা ওইরবসু, খুদোংচাবা ময়াম অসিগীদমক গুজরাতকী মীয়ামগী মফমদা হরাউবা ফোঙদোকচরি‍। গান্ধীনগরদগী বনারস ফাওবগী ত্রেন অসি সোমনাথকী পোক্নফমগা বিশ্বানাথকী পোক্নফমগা শমজিন্নবগী অচৌবা থৌওং অমসু ওইরিবনি‍।

ইচিন ইনাউশিং,

২১শুবা চহিচাগী ভারতকী মথৌ তাবশিং ২০শুবা চহিচাগী মওং মতৌ ইন্দুনা ফংহনবা ঙম্লোই‍। মরম অসিনা রেলৱেদা অনৌবা মওং মতৌগী অওনবা পুরকপা মথৌ তাই‍। ঐখোয়না রেলৱেবু সর্ভিস অমগী মওংখক্তা নত্তনা এসেত অমা ওইনা শেমগৎনবা থবক হৌদোকখি‍। ঙসিদি মসিগী মহৈ ফংলে, ঙসিগী ভারতকী রেলৱেগী মশক-মওং হোংলক্লে‍। ঙসিদি ভারতকী রেলদা খুদোংচাবসু হেনগৎলে, লূ-নানবা হেল্লে, শাফবা হেল্লে অমদি য়াঙবসু হেল্লে‍। মচাক-মথুম মতমগা চুননা শেমগৎপা ওইরবসু নৎত্রগা মতমগা চুনবা ত্রেন ওইরবসু অসিগুম্বা মওংগী থবক কয়া ত্রেনগী খোঙজেল হেনগৎহন্নবা পায়খৎলি‍। তুংদা দেদিকেতেদ ফ্রৈত কোরিদোর মথৌ তৌবা হৌরকপা মতমদা ত্রেনশিংগী খোঙজেল হেন্না য়াঙখৎলক্লগনি‍। তেজস অমসুং বন্দে ভারতনচিংবা মতমগা চুনবা ত্রেনশিংনা ঐখোয়গী তালিশিংদা চেনবা হৌরক্লবনি‍। ঙসিদি হায়রিবা ত্রেনশিং অসিনা খোঙচৎলোয়শিংবু অনৌবা অমদি তোপ তোপ্পা মহাউ অমা পীরি‍। বিস্তাদোম কোচশিংগী ভিদিওশিংসু অদোম্না সোসিএল মিদিয়াদা শোয়দনা উবিরম্লগনি‍।

স্তেচু ওফ য়ুনিতী য়েংলুরবশিংনা মদুগী কান্নবসু ফংবিরম্লগনি‍। হায়রিবা কোচ অসিনা নুংঙাইবা অমদি ইথিল পুবা খোঙচৎপু অনৌবা থাক অমদা পুখৎলি‍। ত্রেনদা চৎলিবশিংনা ঐখোয়গী ত্রেন, ঐখোয়গী প্লেতফোর্ম অমদি ঐখোয়গী ত্রেক হান্নদগী লূ-নানবা হেল্লে হায়না পুক্নিংদা শোয়দনা ফাওবিরমগনি‍। ফীভমসি য়ৌরকপদা কোচশিংদা হাপখিবা বাইও-তোইলেত লাখ ২ হেনবদুগী চাউরবা থৌদাং য়াওরি‍।

মতৌ অসুম্না, ঙসিদি লৈবাক পুম্বদা লৈরিবা মরুওইবা রেলৱে স্তেসনশিংসু মতমগা চুননা শেমগৎলি‍। তিয়র ২ অমসুং তিয়র ৩ ময়োল্লমশিংগী রেলৱে স্তেসনশিংদসু ৱাই-ফাইগী কান্নবা ফংহনবা হৌরে‍। শাফবগী মীৎয়েঙদা য়েংলগসুব্রোদ গেজতা মী পান্নদবা রেলৱে ক্রোসিং অমত্তা লৈহনদ্রে‍। অকিবা ফংলবা খুদোংথিবা থৌদোকশিং অমসুং মওং মরিল নাইদবগী ৱাকৎ ময়াম অমা মিদিয়াদা য়াওরম্বা ভারত রেলৱে ঙসিদি অফ-নুংঙাইগী পাউ কয়া পুদুনা লাক্লি‍। ঙসিদি ভারত রেলৱে মালেমগী মতমগা চুনবা অমদি অচৌবা প্রোজেক্তশিংগী মরক্তা মফম কনবা ঙম্লে‍। ঙসি ভারতকী রেলদা লৈরম্বা মীৎয়েঙ অমসুং ৱাখল্লোন অনিমক হোংখ্রে‍। ঙসিদি প্রোজেক্ত অসিমকসু ভারতকী রেলগী অনৌবা শক্লোন অসিগী মতৌ অমনি হায়না ঐনা চাউথোকচবগা লোয়ননা হায়রি‍।

মরূপশিং,

রেলৱেনা লৈবাক্কী কাচিন কোয়া শিনবা থুংনা য়ৌবা হায়বসি ঐগী অপামবনি, মসিগীদমক্তা রেলৱেগী হোরাইজন্তেল এক্সপান্সন মথৌ তাই‍। মসিগা লোয়ননা রেলৱেদা কেপাসিতী বিল্দিং, রিসোর্স বিল্দিং, অনৌবা তেক্নোলোজী অমসুং হেন্না ফবা সর্ভিসশিংগীদমক ভর্তিকেল এক্সপান্সনসু চপ মান্ননা মথৌ তাই‍। হেন্না ফবা ত্রেক, মতমগা চুনবা রেলৱে স্তেসন, রেল ত্রেক্কী মথক্তা মশক নাইরবা হোতেলনচিংবা লৈরবা গান্ধীনগর রেলৱে স্তেসনগী ফীভম অসি ভারত রেলৱেগী মশক থোকপা অহোংবা অমগী অহৌবনি‍। রেলদা চৎপা মীচম মীয়ামসু এয়র্পোর্তকুম্না খুদোংচাবা ফংগদবা, নুপী অমসুং অপীকপা অঙাংশিংগী মরুওইনা মথৌ তাবশিং য়েংলগা মখোয়গীদমক্তা খুদোংচাবা নীংথিনা ফংহনগদবা মতমগা চুনবা অমদি খুদোংচাবা কয়া য়াওবা স্তেসন ঙসি লৈবাকসিনা, গান্ধীনগরনা ফংলে‍।

মরূপশিং,

গান্ধীনগরগী অনৌবা রেলৱে স্তেসন লৈবাক্কী মচাক-মথুমগী মতাঙদা লৈরিবা মীৎয়েংগী অওনববু মাঙদা থম্লগা শেমগৎখিবনি‍। মতম শাংনা ভারত্তা মচাক-মথুমগী মতাঙদা কাঙলুপ নাইবা মওং লৈরম্মি‍। অদুগা ঐনা ময়ামগী মফমদা হায়জনিংবদি, গুজরাতকী মীয়ামদি নীংথিনা খঙলিবদুনি, ঐনা গুজরাতকী থৌগল তৌনবগী তাঞ্জা ফংখিবা মতমদা ঐখোয়না চাংয়েং অমা তৌখি‍। ঐখোয়গী বস স্তেসনশিং মতমগা চুনবা ওইহন্নবা থবক পায়খৎখি‍। পব্লিক-প্রাইভেত পার্ত্নরসিপ মোদেলদা থবক তৌখি‍। মমাঙদা লৈরম্বা বস স্তেসনশিংগী ফীভম য়েংলগা ঙসিদি ভারতকী বস স্তেসনশিং মতমগা চুনবা ওল্লে‍। এয়রপোর্ততা ফংবা খুদোংচাবশিং বস স্তেসনদা ফংবা হৌরক্লে‍।

অদুগা ঐনা দিল্লীদা য়ৌরবা মতমদা ঐগী ওফিসরশিং, রেলৱেগী থৌ পুবশিং গুজরাতকী বস স্তেসনশিং য়েংননবা থাখি‍‍। অদুগা ঐনা মখোয়গী ঐখোয়গী রেলৱে স্তেসনশিং মতৌ অসুম্না শেমগৎফম থোকই হায়বা ৱাফম থমখি‍। লম শীজিন্নবদা মওং চুম্না শীজিন্ননবা ৱাফম ওইরবসু, রেলৱে স্তেসনশিংদা অচৌবা শেন্মিৎলোনগী থৌওং ওইরবসু, রেলৱেবু ত্রেন থাদোক থাজিনগী মফমখক নত্তনা শেন্মিৎলোনগী থৌওংগী হৌরকফম অমা ওইহনবা য়াই হায়বা ৱাফম থমখি‍। এয়রপোর্ততা চাউখৎপা পুরকপগুম, গুজরাতকী বস স্তেসনশিংদা চাউখৎপা পুরকপগুম, ঐখোয়না রেলৱে স্তেসনশিংসু পব্লিক-প্রাইভেত পার্ত্নরসিপ মোদেলগী মখাদা চাউখৎ মায়কৈদা পুরক্নবা থবক পায়খৎখি‍। ঙসিদি গান্ধীনগরনা মদুগী অহানবা খোঙথাঙ ওইরে‍। মীয়ামদা খুদোংচাবা ফংহনবগী মহুত্তা মীওই খরগী, ইনাক খুনবা মীওই খরখক্কী ওইনা শেমগৎপদি কান্নদবা ৱাফম্নি‍। খুন্নাইগী মীওই কাঙলুপ খুদিংমক্তা অসিগুম্বা খুদোংচাবশিং অসি ফংহনবা মথৌ তাই‍।

মরূপশিং,

গান্ধীনগরগী মতমগা চুনবা রেলৱে স্তেসন অসি রেলৱেগী মচাক মথুমশিং মপুং ফানা শীজিন্নদুনা মফমসিবু শেন্মিৎলোনগী মকোন অমা ওইনা শেমগৎপসু য়াই হায়বা ৱাফমগী অচৌবা খুদম অমসু ওইরে‍। মতমগা চুনবা তেক্নোলোজী শীজিন্নদুনা ত্রেক্কী মথক্তা রেল চেনবদি উরগা মদুগী ইথিলদি ফাওহনদবা হোতেল অমা শারিবসিনি‍। মফমদি অকক্নবনি অদুবু মদুগী শীজিন্নফম শরুক অনি হেনগৎহনবনি‍। খুদোংচাবসু ফজনা ফংলে অদুগা লমকোয়বশিংগী অমদি লল্লোন-ইতিক্কীসু অফবা মফম ওইরে‍। রেল চেল্লিবা মফমদুদগী হেন্না ফবা মফম কদাইদা লৈরমগনি‍।

রেলৱে স্তেসন অসিদগী মহাত্মা মন্দিরগী মশক উরে, দান্দি কুতীর উরে, মদুসু মপুং ফানা উরিবনি‍। দান্দি কুতীর ম্যুজিয়মদা লাকপা মীয়াম নৎত্রগা ভাইব্রেন্ত গুজরাত সম্মিত্তা লাকপা মীয়াম্না মফমসিবু উবা মতমদা মফমসি তুরিস্ত স্পোত অমা ওইগদৌরিবনি‍। ঙসি মহাত্মা মন্দিরগী মনাক্তা রেলৱেবু নৌনা শেমগৎলিবা অসিনা মরম ওইরগা মহাত্ম মন্দিরগী মমিংসু শরুক কয়া হেন্না চৎহল্লগনি‍। হৌজিক্তি মীয়াম্না কন্ফরেন্স মচা মসু তৌবদসু হোতেল অসি শীজিন্নরগনি, মহাত্ম মন্দিরসু শীজিন্নরগনি‍। হায়বদি চহি চুপ্পা মখল মথেল কয়াগী থৌরমশিং পাঙথোক্নবগী খুদোংচাবা মফমসিদা ফংলগনি‍। অদুগা এয়রপোর্তসু মফমসিদগী মিনত ২০ খক্তগী অরাপ্পদা লৈবনি, মসিনা মরম ওইরগা লৈবাক কয়াগী মীয়াম্না মফমসিদা কয়া য়াম্না লাক্কদগে হায়বদু অদোম খনবিয়ু‍।

ইচিন ইনাউশিং,

লৈবাকসিদা লৈরিবা চাউরবা রেলৱে নেতৱর্ক, য়াম্লবা মচাক মথুমশিং অসিদা মতৌ অসুম্না শেমগৎপা য়াবগী ওইথোকপা কয়া য়াম্না ফুমদুনা লৈরমগদগে হায়বা অদোমসু খনবিয়ু‍। মরূপশিং, ভারতকুম্পা অচৌবা লৈবাক অমদা রেলৱেগী থৌদাং য়াম্না চাউই‍। রেলৱেনা চাউখৎপগী অমদি খুদোংচাবা কয়াগী তুংনফম ওইরি‍। হৌখিবা চহি খরসিদা কন্না হোৎনবদগী অৱাং-নোংপোক স্তেতশিংগী কোনুংশিংদা অহানবা ওইনা রেল য়ৌবা ঙম্লে, অদুগা য়াম্না থুনা শ্রীনগরসু কন্যাকুমারীগা রেলনা শম্নহল্লগনি‍। ঙসিদি ৱদনগরসু অসুম্না পাকথোক চাউথোকপা অসিগী শরুক ওইরে‍। ঐগীদমক্তদি ৱদনগর স্তেসনগা নীংশিংবগী পন্দুপ কয়া লোয়নদুনা লৈ‍। অনৌবা স্তেসন অসি তশেংনমক য়েংবদা পুক্নিং হুবা ওইরে‍। অনৌবা ব্রোদগেজ লাইন অসি শেমবদগী ৱদনগর-মোতেরা-পাতন হেরিতেজ সর্কিত হৌজিক্তি হেন্না ফবা রেল সর্ভিসনা শম্নহল্লে‍। মসিগা অহমদবাদ-জয়পুর-দিল্লী মেন লাইনগা হকথেংননা শম্নরে‍। লাইন অসি মথৌ তৌবা হৌরকপদগী মসিনা লমদম অসিদা খুদোংচাবা পীবগা লোয়ন-লোয়ননা থবক পীমা অমদি মশান মশাবু থবক পীজবগী অনৌবা তাঞ্জা কয়া অমসু ফংহল্লে‍।

মরূপশিং,

মহসানা-বরেথা লাইই অসিনা ধরোহরদগী শম্নহল্লিবসিনা সুরেন্দ্রনগর-পীপাবাব লাইনদা মৈ ফংহনবনা ঐখোয়বু ভারত রেলৱেগী তুংগী পুন্সিগা শম্নহল্লি‍। মসি ভারত রেলৱেগী পুৱারীদা মতম য়াম্না চঙদনা লোইশিনখিবা প্রোজেক্তশিংগী মরক্তা অমনি‍। রেল লাইন অসি মরুওইবা পোর্ত কন্নেক্তিবিতীগী লম্বী পরিং অমা ওইবগা লোয়ন-লোয়ননা নোংচুপ থংবা দেদিকেতেদ ফ্রৈত কোরিদোরগী ফীদর লম্বী পরিং অমসু ওইরিবনি‍। রেল লম্বী অসিনা পীপাবাব বন্দরগাহদগী লৈবাক্কী অৱাংথংবা শরুকশিংগীদমক দবল স্তেক কন্তেনর য়াওবা পোৎ পুথোক পুশিনগী গারীশিং অপনবা লৈতনা চত্থোক চৎশিন য়াহল্লগনি‍।

মরুপশিং,

খোঙচৎ অমা ওইরবসু নৎত্রগা পোৎ-চৈ পুথোক পুশিনগী ওইরবসু মতম চঙদনা, শেল চঙদনা অমদি হেন্না ফবা খুদোংচাবশিং ফংহনবা হায়বসি ২১শুবা চহিচাগী ভারতকী মরুওইবা ৱাফম্নি‍। মরম অসিনা ঙসি লৈবাকসিনা মল্তিমোদেল কন্নেক্তিবিতীগী মায়কৈদা খোঙ থাংজিল্লি‍। মসিগীদমক মচা খায়বা রোদমেপ অমগীদমক থবক পায়খৎলি‍। ত্রান্সপোর্তকী তোঙান-তোঙানবা থৌওংশিংসু পুনশিন্নদুনা লাস্ত মাইল কন্নেক্তিবিতীনা মরোমদোম লেপচবা ভারতকী থৌরাংবু হেন্না খোঙজেল হাপকনি হায়না ঐনা থাজৈ‍।

মরূপশিং,

অনৌবা ভারতকী চাউখৎপগী গারী অসি লীক্লম অনিদা থোং মান্ননা চৎমিন্নরবা মতমদতা মাঙদা চৎখৎপা ঙমগনি‍। লীক্লম অমনা মতমগা চুনবা মচাক মথুম্নি অদুগা অতোপ্পা লীক্লমদুনা লায়রবা, লৌমী অমদি ময়ায় ওইবা থাক্কী মীওইশিংগী য়াইফ থৌরাং পায়খৎপনি‍। মরম অসিনা ঙসিদি ভারত্তা মথংগী মীরোলগী মচাক মথুমশিং শেমগৎ-শাগৎপদা থবক কয়া অমা পায়খৎলি, অদুগা নাকল অমরোমদনা মসিগী কান্নবা লায়রবশিংদা, লৌমীশিংদা অমদি ময়াই ওইবা থাক্কী মীওইশিংদা ফংহন্নবা থৌরাং য়াৎলি‍।

ইচিন ইনাউশিং,

গুজরাত অমসুং লৈবাক্কী চাউখৎ থৌরাংগী থবক ময়ামসিগী মরক্তা কোরোনাগুম্বা লাইচৎ অসিদসু পুক্নিং চঙবা তাই‍। হৌখিবা চহি অমা মখায়সিদা চহি ১০০সিগী ওইনা খ্বাইদগী চাউবা লাইচৎ অমনা ঐখোয় পুম্নমক্কী পুন্সিদা চৈথেং পীররি‍। কোরোনা লাইচৎনা মশিং য়াম্লবা মরূপ মপাং কয়া মনুং মতম চাদনা ঐখোয়গী ইরক্তগী শেত্তুনা পুখ্রে‍। অদুবু লৈবাক অমা ওইনা ঐখোয় লিংজেল মান্ননা মসিবু মায়োক্নরি‍। গুজরাতনসু কন্না হোৎনদুনা লায়না অসি পাক শন্না শন্দোরকপআ থিংলি‍।

হৌজিক ঐখোয়গী লীচৎ শাজৎনা, তেস্তিং, ত্রেকিং অমসুং ত্রীতমেন্ত অমদি তিকা থাদোকপগী লাইৱানা কোরোনা শন্দোরকপগী অকিববু নমথবা তাই‍। মরম অসিনা য়াম্না চেকশিন্না মীৎ শিংনা লৈবা মথৌ তাই‍।  মসিগা লোয়ননা ভেক্সিনেসনগী খোঙজেল লেপ্পা নাইদনা য়াঙ্খৎহনবসু মরুওই‍। গুজরাতনা ভেক্সিন দোজ করোর ৩ য়ৌগদৌরে হায়বসিদা ঐ নুংঙাই‍। কেন্দ্র লৈঙাক্না ভেক্সিন ফংহনবগী মতাঙদা মমাঙদা হায়খিবা ৱাফমশিংনা গুজরাতকী ভেক্সিনেসন সেন্তরশিংগী মওং মতৌ শেমদোক শেনজিন তৌবদা মতেং ওইখি‍। ময়াম পুন্না হোৎনমিন্নবনা ভেক্সিন কাপথোকপগা মরী লৈননা থম্লিবা পান্দম ঐখোয় পুন্না ফংবা ঙমগনি হায়বা ৱাখল্লোনসিগা লোয়ননা ঐনা অমুক্কা হন্না অনৌবা প্রোজেক্তশিং অসিগীদমক ময়াম পুম্নমক্কী মফমদা হন্না হন্না নুংঙাইবা ফোঙদোকচরি‍।

থাগৎচরি‍।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Whom did PM Modi call on his birthday? Know why the person on the call said,

Media Coverage

Whom did PM Modi call on his birthday? Know why the person on the call said, "You still haven't changed"
...

Nm on the go

Always be the first to hear from the PM. Get the App Now!
...
PM calls citizens to take part in mementos auction
September 19, 2021
Share
 
Comments

The Prime Minister, Shri Narendra Modi has called citizens to take part in the auction of gifts and mementos. He said that the proceeds would go to the Namami Gange initiative.

In a tweet, the Prime Minister said;

"Over time, I have received several gifts and mementos which are being auctioned. This includes the special mementos given by our Olympics heroes. Do take part in the auction. The proceeds would go to the Namami Gange initiative."