প্রধান মন্ত্রী, শ্রী নরেন্দ্র মোদীনা ঙসি গান্ধীনগরদা স্কুলশিংগী কম্মান্দ অমসুং কন্ত্রোল সেন্তর অমা ওইরিবা বিদ্যা সমীক্ষা কেন্দ্রদা চৎখ্রে। প্রধান মন্ত্রীদা মোনিতর তৌবগী থৌওংশিং, ভিদিও ৱালশিং উৎখি অমসুং কেন্দ্রগী তোঙান-তোঙানবা হীরমশিংগী মতাংদা লাইব দেমোনস্ত্রেসন উৎখি। প্রধান মন্ত্রীদা ওদিও বিজ্যুএল প্রজেন্তেসন অমনা শম্লপ্পা ৱারোল পাউদমখি। থৌরম অসিদা শরুক য়াখিবা মীওই কয়াগী মরক্তা গুজরাতকী মুখ্য মন্ত্রী, শ্রী ভুপেন্দ্রভাই পতেলসু য়াওখি।
প্রধান মন্ত্রীনা স্তেকহোল্দরশিংগা লোয়ননা ৱারী-ৱাতাই শাখি। অম্বাজীদগী হেদ তীচর, কুমারি রাজশ্রী পতেল অসি অহানবা ওইনা ৱারী শাখিবা মীওই ওইখি। প্রধান মন্ত্রীনা অনৌবা তেক্নোলোজীশিংদা ওজাশিংনা থৱায় য়াওবগী মতাংদা হংখি। প্রধান মন্ত্রীনা দীক্ষা পোর্তেল শীজিন্নবগী মতাংদা মহৈরোয়শিংদসু হংখি। প্রধান মন্ত্রীনা কমপ্লাইন্সকী থাক অসি হেনগৎহল্লবরা নত্ত্রগা মসি হেন্না লাইথোক্লবরা হায়না হংখি। মহাক্না নোক্লদুনা মসিনা নমথাক তৌবা লুহল্লে হায়নসু ফোঙদোকখি। মহাক্না ক্লাস ৭ কাবা মহৈরোয় অমগা ৱারী শাখি। প্রধান মন্ত্রীনা মহৈরোয়শিংদা শান্নৌ অমসুং নীংথিনা চাউ হায়খি। প্রধান মন্ত্রীনা কাংলুপ অদুগা লোয়ননা য়াম্না নুংঙাইনা অমসুং ইচম-চম্না ৱারী শাখি। হায়রিবা জিলা অসিদগী সি.আর.সি. কোওর্দিনেতরনা অনৌবা তেক্নোলোজীনা পুরকপা অহোংবা অসিগী মতাংদসু পাউদমখি। মহাক্না কোওর্দিনেতরনা তৌবা মোনিতরিং অমসুং ভেরিফিকেসনগী থৌওং অসি প্রধান মন্ত্রীদা উৎখি। প্রধান মন্ত্রীনা ন্যুত্রিসন মোনিতরিংগী সিস্তেম শীজিন্নবা মতাংদা হংলদুনা অনৌবা সিস্তেম অসিগী ওইথোকপা য়াবশিং অদু কুপথখি হংখি, মহাক্না মসি ওজাশিংগীদমক চৎনবা য়াবরা অমসুং বেলেন্স দাইৎকীদমক মহৈরোয়শিং অমসুং অতোপ্পা স্তেকহোল্দরশিংদা ৱাখল তাহন্নবা করি তৌবা য়াই হায়না হংখি।
শ্রী মোদীনা চহি কয়াগী মমাংদা মহাক্না সাইন্স ম্যুজিয়ম অমদা চৎখিবা অমসুং কিওক্স অমদা মহাক্কী দাইৎকী চার্ত অমা মেনশিনখিবগী কনাদাদা চৎখিবা খোঙচৎ অদুদা মহাক্না থেংনরকখিবা অৱাং-নুংঙাই অদু পাউদমখি। মহাক্কী বেজিতরিয়ন দাইৎ অদুদা মেছিন অদুনা অসুম্না হায়রকখি “অদোম উচেক অমরা!!”
প্রধান মন্ত্রীনা মখা চত্থরদুনা হায়খি ঐখোয়না ৱাখলদা নীংশিংগদবা ৱাফমদি তেক্নোলোজী অসি এক্সেসিবল ওইরবসু মসিনা মমাংদা খঙলমদবা অনৌবা হীরম কয়া পুথোকপা ঙমহল্লি অদুবু প্রধান মন্ত্রীনা ভর্চুএল ৱর্ল্দগীদমক তশেংবা মালেম অসি নাথৈবদু চুমদে হায়না চেকশিনৱা থমখি।
কচ্ছতগী প্রাইমরি স্কুলগী সি.এম.সি. কম্মিতীদগী রাথোর কলপনাদা প্রধান মন্ত্রীনা প্রাইমরী ওজাশিংগী ওইনা কান্নবা ফংলিবা অদুগী মতাংদা হংখি। মহাক্না অনৌবা সিস্তেম অসিনা কমপ্লাইন্স হেনগৎহল্লে হায়না খুমখি। ক্লাস ৮ কাবা মহৈরোয়, পুজাগা ৱারী শাবদা প্রধান মন্ত্রীনা মেহসানাদগী ওজাশিংনা মফম অদুগী কচ্ছকী লোলদা লাইরিক তাকপা ঙমখিদবগী অরিবা সমস্যা অমা নীংশিংখি। প্রধান মন্ত্রীদা ফীভম অদু হৌজিক্তি ফগৎলে হায়না পাউদমখি। প্রধান মন্ত্রীনা নোক্লদুনা অশোনবা মহৈরোয়শিংদা পীবা তেংবাংগী মতাংদা হংখি। স্কুলগী হেদ তীচরনা ওজাশিংনা কোরোনাগী মনুংদা জি শালা, দিক্ষা এপ অসিনচিংবা করম্না শীজিন্নখি অমসুং কোইচৎ-চৎতুনা হিংবা ফুরুপশিংদা ফাওবা করম্না এজুকেসন ফংহনখি হায়না পাউদমখি। প্রধান মন্ত্রীদা অনৌবা সিস্তেম অসিগীদমক মথৌ তাবা দিভাইসশিং মহৈরোয় কয়াদা লৈরে হায়নসু পাউদমখি। প্রধান মন্ত্রী ফিজিকেল এক্তিবিতীশিংদা হন্থরকপা অসিগী মতাংদা নুংনাংবা ফোঙদোকখি। মহাক্না হৌজিক স্পোর্তস অসি এক্সত্রা-করিকুলর ওইদ্রে অদুপ করিকুলমগী শরুক অমা ওইরে হায়না ফোঙদোকখি।
অনৌবা সিস্তেম অসিনা মরম ওইদুনা পেরামিতর কয়ামরুম করম্না ফগৎলকখিবগে হায়বগী মতাংদা পাউদমখি। মহাক্না মহৈরোয় অয়াম্বনা দীক্ষা পোর্তেলদা রেজিস্তর তৌখি হায়না ফোঙদোকখি। ক্লাস ১০গী মহৈরোয় অমনা ওইরিবা তনভিনা মহাক দোক্তর ওইবা পাম্মি হায়না ফোঙদোকখি। প্রধান মন্ত্রীনা মঙোন্দা মমাংদা সাইন্স সবজেক্তশিং অসি মনুং হঞ্জিনবা মফমশিংদা লৈরমদে অদুবু কন্না কেম্পেন চত্থবদগী ফীভম হোংলকখি অমসুং হৌজিক্তি কান্নবশিং অদু উবা ফংলে হায়না ফোঙদোকখি।
গুজরাতনা মতম পুম্বদা অনৌবা পাম্বৈশিং শিজিন্নৈ অমসুং মতুংদা লৈবাক পুম্বনা মদু শিজিন্নৈ হায়না প্রধান মন্ত্রীনা ফোঙদোকখি। মহাক্না অতোপ্পা রাজ্যশিংনা মসিগী মতাংদা অপাম্বশিং ফোঙদোরকপা অদুগী মতাংদা পনখি। প্রধান মন্ত্রীনা দিসকন্নেক কয়ামরুম থোকহল্লোইদবনি হায়না অপাম্বা ফোঙদোকখি। মহাক্না প্রোজেক্ত অসিগী কোর্দিনেতরশিংনা হ্যুমেন ইলিমেন্তশিং হিংদুনা লৈহনগদবনি হায়না অপাম্বা ফোঙদোকখি। মহাক্না ‘রীদ অবাউৎ’ ৱাৎসএপতা য়ুম্ফম ওইবা রেমিদীগী ওইবা পাম্বৈশিংগী মতাংদা ফোঙদোকখি। অনৌবা সিস্তেম অসিদা য়ুম্ফম ওইদুনা অফবা কম্পিতিসন পাংথোক্নবা এতমোস্ফিয়র অমা ঙাক্না থম্নবা প্রধান মন্ত্রীনা ফোঙদোকখি।
কেন্দ্র অসিনা চহি খুদিংগী দেতা করোর ৫০০গী মথক্তা খোমগৎলি অমসুং মহৈরোয়শিংগী অপুনবা লর্নিং আউৎকমশিং হেনগৎহন্নবা অচৌবা দেতা এনালাইতিক্স, আর্তিফিসিএল ইন্তিলিজেন্স অমসুং মেচিন লর্নিং শিজিন্নদুনা মখোয়বু কান্নগদবা মওংদা শিজিন্নৈ। কেন্দ্র অসিনা ওজাশিং অমসুং মহৈরোয়শিংগী নুংতিগী ওনলাইন এতেন্দেন্স য়েংশিনবদা, মহৈরোয়শিংগী লর্নিং আউৎকমগী সেন্ত্রেলাইজ সম্মেতিব অমসুং পেরিওদিক এসেসমেন্তশিংনচিংবা য়েংশিনবদা মতেং পাংই। বিদ্য সমীক্ষা কেন্দ অসি ৱর্ল্দ বেঙ্কনা মালেমগী খ্বাইদগী ফবা প্রেক্তিস অমা ওইরক্কনি হায়না পানরি অমসুং অতোপ্পা লৈবাকশিংনা চৎতুনা মসিগী মতাংদা তমশিন্নবা পাউজেল পীখ্রে।
