ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (୧୮.୪.୨୦୨୨) ଦିନ ଗାନ୍ଧିନଗରଠାରେ ବିଭିନ୍ନ ବିଦ୍ୟାଳୟ ନିୟନ୍ତ୍ରଣ କେନ୍ଦ୍ର ବିଦ୍ୟା ସମୀକ୍ଷା କେନ୍ଦ୍ର ପରିଦର୍ଶନ କରିଥିଲେ । ଅନୁଷ୍ଠାନର ବିଭିନ୍ନ କାର୍ଯ୍ୟକଳାପ, ଭିଡିଓ ୱାଲ, ବିଭିନ୍ନ ବିଭାଗର ପରୀକ୍ଷାମୂଳକ ପ୍ରଦର୍ଶନ କରି ପ୍ରଧାନମନ୍ତ୍ରୀଙ୍କୁ ଦେଖା ଯାଇଥିଲା । ପ୍ରଧାନମନ୍ତ୍ରୀଙ୍କୁ ଏକ ଦୃଶ୍ୟଶ୍ରାବ୍ୟ ପରୀକ୍ଷାମୂଳକ ପ୍ରଦର୍ଶନ ଜରିଆରେ ମଧ୍ୟ ବିଭିନ୍ନ ବିଷୟ ଅବଗତ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଗୁଜରାଟ ମୁଖ୍ୟମନ୍ତ୍ରୀ ଶ୍ରୀ ଭୂପେନ୍ଦ୍ର ଭାଇ ପଟେଲ ମଧ୍ୟ ଏଥିରେ ଉପସ୍ଥିତ ଥିଲେ ।
ପ୍ରଧାନମନ୍ତ୍ରୀ ଏହାର ପ୍ରମୁଖ ଅଂଶୀଦାରଙ୍କ ସହ ମଧ୍ୟ ବାର୍ତ୍ତା ବିନିମୟ କରିଥିଲେ । ପ୍ରଥମେ ସେ ଅମ୍ବାଜୀର ପ୍ରଧାନଶିକ୍ଷକ ଶ୍ରୀମତୀ ରାଜଶ୍ରୀ ପଟେଲଙ୍କ ସହ କଥାବାର୍ତ୍ତା ହୋଇଥିଲେ । ନୂତନ ବୈଷୟିକ ଜ୍ଞାନ ପ୍ରତି ଶିକ୍ଷକମାନଙ୍କ ରୁଚି ସମ୍ପର୍କରେ ଶ୍ରୀ ମୋଦୀ ଜାଣିବାକୁ ଚାହିଁଥିଲେ । ପ୍ରଧାନମନ୍ତ୍ରୀ ମଧ୍ୟ ଛାତ୍ରଛାତ୍ରୀମାନଙ୍କୁ ଦୀକ୍ଷା ପୋର୍ଟାଲ ବ୍ୟବହାର ସମ୍ପର୍କରେ ଜାଣିବାକୁ କହିଥିଲେ । ପ୍ରଧାନମନ୍ତ୍ରୀ ପିଲାମାନଙ୍କୁ ଦିଆଯାଉଥିବା ପାଠ ବୋଝ ଅଧିକ ହୋଇଛି ନା ପରିସ୍ଥିତି ହାଲୁକା ହୋଇଛି ତାହା ଜାଣିବାକୁ ମଧ୍ୟ ଚାହିଁଥିଲେ ।
ସେ ମଧ୍ୟ ମଜାରେ ପିଲାମାନଙ୍କ ସହ କଥାବାର୍ତ୍ତା ବେଳେ ଆଜିକାଲି ଠକିବା କଷ୍ଟକର ବୋଲି କହିଥିଲେ । ସେ ମଧ୍ୟ ଜଣେ ସପ୍ତମଶ୍ରେଣୀ ବିଦ୍ୟାର୍ଥୀଙ୍କ ସହ କଥାବାର୍ତ୍ତା ହୋଇଥିଲେ । ପ୍ରଧାନମନ୍ତ୍ରୀ ପିଲାମାନଙ୍କୁ ଭଲ ଖାଇବା ଓ ଖେଳିବା ପାଇଁ କହିଥିଲେ । ପ୍ରଧାନମନ୍ତ୍ରୀ ପିଲା ଓ ଗ୍ରୁପ ସହ ଖୁବ୍ ଅଣଆନୁଷ୍ଠାନିକ ଢଙ୍ଗରେ କଥା ହୋଇଥିଲେ । ନୂତନ ପ୍ରଯୁକ୍ତି ବିଦ୍ୟା ଯୋଗୁଁ ଆସିଥିବା ପରିବର୍ତ୍ତନ ସମ୍ପର୍କରେ ସେହି ଜିଲ୍ଲାର ସିଆରସି ସଂଯୋଜକ ମଧ୍ୟ ସୂଚନା ଦେଇଥିଲେ । ପ୍ରଧାନମନ୍ତ୍ରୀ ମଧ୍ୟ ନୂତନ ପଦ୍ଧତି ସମ୍ପର୍କରେ ଗଭୀର ଅନୁଶୀଳନ କରିବା ସହ ପୌଷ୍ଟିକତା ତଦାରଖ ସମ୍ପର୍କରେ ଜାଣିବାକୁ ଚାହିଁଥିଲେ । ସେ ମଧ୍ୟ ସନ୍ତୁଳିତ ଆହାର ଉପରେ ପିଲାମାନଙ୍କୁ ସମ୍ବେଦନଶୀଳ କରିବା ତଥା ଅଂଶୀଦାରମାନେ ଯତ୍ନବାନ ହେବାକୁ ପରାମର୍ଶ ଦେଇଥିଲେ ।
ଶ୍ରୀ ମୋଦୀ ତାଙ୍କର ଏକ ବ୍ୟକ୍ତିଗତ ଅଭିଜ୍ଞତା ସମ୍ପର୍କରେ ବର୍ଣ୍ଣନା କରି କହିଥିଲେ ଯେ ସେ ଅନେକବର୍ଷ ତଳେ କାନାଡାର ଏକ ବିଜ୍ଞାନ ସଂଗ୍ରହାଳୟ ପରିଦର୍ଶନ ବେଳେ ଆହାର ଟୁଙ୍ଗୀରେ ତାଙ୍କୁ ଖାଦ୍ୟ ତାଲିକା ପୂରଣ କରିବାକୁ ପଡିଥିଲା । ତାଙ୍କ ନିରାମିଷ ଆହାର ଚାର୍ଟ ଦେଖି ମେସିନ ‘ତୁମେ ଜଣେ ପକ୍ଷୀ କି’ ବୋଲି ପ୍ରଶ୍ନ କରିଥିଲା ।
ପ୍ରଧାନମନ୍ତ୍ରୀ କହିଥିଲେ ଯେ ସବୁବେଳେ ମନେ ରଖିବାକୁ ହେବ ଯେ ବୈଷୟିକ ଜ୍ଞାନ ଅନେକ ଦିଗ ଉନ୍ମୋଚନ କଲେ ମଧ୍ୟ ଆଭାସୀ ବିଶ୍ୱ ପାଇଁ ବାସ୍ତବିକ ପୃଥିବୀକୁ କେବେ ବି ଭୂଲିଯିବା ଅନୁଚିତ ।
କଚ୍ଛରୁ ପ୍ରାଥମିକ ବିଦ୍ୟାଳୟ ଏସଏମସି କମିଟିର ରାଠୋର କଳ୍ପନାଙ୍କୁ ପ୍ରଧାନମନ୍ତ୍ରୀ ପ୍ରାଥମିକ ଶିକ୍ଷକ ଓ ଶିକ୍ଷୟିତ୍ରୀଙ୍କ ସୁବିଧା ସମ୍ପର୍କରେ ପ୍ରଶ୍ନ କରିଥିଲେ । ନୂତନ ପଦ୍ଧତି ଯୋଗୁଁ ଅଙ୍ଗୀକାର ବଦ୍ଧତାରେ ଉନ୍ନତି ଘଟୁଛି । ଅଷ୍ଟମଶ୍ରେଣୀ ଛାତ୍ରୀ ପୂଜାଙ୍କୁ ପ୍ରଶ୍ନ କଲାବେଳେ ପ୍ରଧାନମନ୍ତ୍ରୀ ମେହେଶାନରେ ଆଗରୁ ସ୍ଥାନୀୟ କଚ୍ଛ୍ ଉପଭାଷାରେ କିପରି ଶିକ୍ଷାଦାନ କରିପାରୁ ନ ଥିଲେ ତା’ର ସ୍ମରଣ କରିଥିଲେ । ପରିସ୍ଥିତିରେ ଯଥେଷ୍ଟ ଉନ୍ନତି ଘଟିଛି ବୋଲି ପ୍ରଧାନମନ୍ତ୍ରୀଙ୍କୁ କୁହା ଯାଇଥିଲା ।
ଦୁର୍ବଳ ବିଦ୍ୟାର୍ଥୀମାନଙ୍କ ପାଇଁ କ’ଣ ସାହାଯ୍ୟ ପ୍ରଦାନ କରାଯାଉଛି ବୋଲି ପ୍ରଧାନମନ୍ତ୍ରୀ ହାଲୁକା ଢଙ୍ଗରେ ପଚାରିଥିଲେ । ପ୍ରଧାନ ଶିକ୍ଷକ କହିଥିଲେ ଯେ ଶିକ୍ଷକମାନେ ଜି ଶାଳା, ଦୀକ୍ଷା ଆପ୍ ଇତ୍ୟାଦି ପ୍ରୟୋଗ କରିଥିଲେ ଓ ଏପରିକି କରୋନା କାଳରେ ଯାଯାବର ଶ୍ରେଣୀର ପିଲାମାନଙ୍କୁ ମଧ୍ୟ ଶିକ୍ଷା ପ୍ରଦାନ କରାଯାଇଥିଲା। ଅନେକ ବିଦ୍ୟାର୍ଥୀଙ୍କ ନିକଟରେ ନୂତନ ପଦ୍ଧତି ଅନୁସାରେ ଉପକରଣ ଅଛି ବୋଲି ପ୍ରଧାନମନ୍ତ୍ରୀଙ୍କୁ ଅବଗତ କରାଯାଇଥିଲା । ଶାରୀରିକ ଦକ୍ଷତା ପ୍ରତି କମ୍ ଗୁରୁତ୍ୱ ଆରୋପ କରାଯାଉଥିବାରୁ ପ୍ରଧାନମନ୍ତ୍ରୀ ଉଦ୍ବେଗ ପ୍ରକାଶ କରିଥିଲେ । କ୍ରୀଡା ଆଉ ପାଠ୍ୟକ୍ରମ ବର୍ହିଭୂତ ନ ରହି ପାଠ୍ୟକ୍ରମ ମଧ୍ୟରେ ସାମିଲ ହୋଇଛି ବୋଲି ସେ କହିଥିଲେ ।
ତାପି ଜିଲ୍ଲାର ଦର୍ଶନା ବେଜ ନିଜ ଅଭିଜ୍ଞତାରୁ ନୂତନ ପଦ୍ଧତିରେ ବିଭିନ୍ନ କ୍ଷେତ୍ରରେ ପରିବର୍ତ୍ତନ ପରିମାପକରେ କିପରି ଉନ୍ନତି ଘଟିଛି ସେ ସମ୍ପର୍କରେ ବିଶଦ ବର୍ଣ୍ଣନା କରିଥିଲେ । କାମ ବୋଝ ମଧ୍ୟ ହ୍ରାସ ପାଇଛି ବୋଲି ସେ କହିଥିଲେ । ଛାତ୍ରଛାତ୍ରୀଗଣ ଦୀକ୍ଷା ଓ ପୋର୍ଟାଲରେ ନିଜକୁ ପଞ୍ଜୀକୃତ କରିଛନ୍ତି ବୋଲି ସେ କହିଥିଲେ । ଦଶମ ଶ୍ରେଣୀ ଛାତ୍ରୀ ତନ୍ନୀ କହିଥିଲେ ଯେ ସେ ଡାକ୍ତର ହେବାକୁ ଚାହାଁନ୍ତି । ଆଗରୁ ବିଜ୍ଞାନ ବିଷୟ ତଥ୍ୟ ଦୂରଦୂରାନ୍ତରେ ମିଳି ନ ଥିଲା, ମାତ୍ର ବ୍ୟାପକ ଅଭିଯାନ ଯୋଗୁଁ ପରିସ୍ଥିତିରେ ପରିବର୍ତ୍ତନ ଆସିଛି ବୋଲି ପ୍ରଧାନମନ୍ତ୍ରୀ କହିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ ଗୁଜରାଟ ପ୍ରଥମେ ନୂତନ ପଦ୍ଧତି ଆପଣାଇବା ପରେ ସମଗ୍ର ଦେଶ ତାହାକୁ ଗ୍ରହଣ କରିଥାଏ । ଅନ୍ୟ ରାଜ୍ୟମାନେ ଏ ଦିଗରେ ଆଗ୍ରହ ପ୍ରକାଶ କରିଥିବାରୁ ସେ ଖୁସି ପ୍ରକଟ କରିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ଅତ୍ୟଧିକ ବିଚ୍ଛିନ୍ନତା ରହିବା ଅନାବଶ୍ୟକ । ସଂଯୋଜକମାନେ ସମନ୍ୱୟ ଭାବ ରଖିବା ଦରକାର । ହ୍ୱାଟସପ୍ ଭିତିକ ପ୍ରତିକାର ପଦ୍ଧତି ଓ ରିଡ୍ ଆଲଙ୍ଗ ଉପରେ ଶ୍ରୀ ମୋଦୀଙ୍କୁ ଅବଗତ କରାଯାଇଥିଲା । ପ୍ରଧାନମନ୍ତ୍ରୀ ନୂତନ ପଦ୍ଧିତିରେ ଏକ ସୁସ୍ଥ ପ୍ରତିଯୋଗିତାମୂଳକ ବାତାବରଣ ବଜାୟ ରଖିବାକୁ କହିଥିଲେ ।
ଛାତ୍ରଛାତ୍ରୀଙ୍କ ସାମଗ୍ରୀକ ସୁବିଧାକୁ ଦୃଷ୍ଟିରେ ରଖି କେନ୍ଦ୍ର ବାର୍ଷିକ ୫୦୦କୋଟି ଡାଟା ବିଶେଷଣ କରି ତାକୁ କ୍ରୁତିମ ମେଧା ଓ ତଥ୍ୟ ବିଶ୍ଲେଷଣ ପଦ୍ଧତି ଜରିଆରେ କରିଥାଏ । କେନ୍ଦ୍ର ଅନଲାଇନ ଉପସ୍ଥାନ ଶିକ୍ଷକ ଓ ବିଦ୍ୟାର୍ଥୀମାନଙ୍କର ନେଇଥାଏ ଓ କେନ୍ଦ୍ରୀୟ ସମେଟିକ୍ ଓ ସମୟଭିତ୍ତିକ ଆକଳନ ପରୀକ୍ଷା ଦ୍ୱାରା କରିଥାଏ । ବିଦ୍ୟା ସମୀକ୍ଷା କେନ୍ଦ୍ରକୁ ବିଶ୍ୱ ବ୍ୟାଙ୍କ ମଧ୍ୟ ଏକକ ବୈଶ୍ୱିକ ଉନ୍ନତ ଆଖ୍ୟା ଦେଇଛି ଓ ଏହାକୁ ଅନ୍ୟ ଦେଶଗୁଡିକ ମଧ୍ୟ ଅନୁସରଣ କରିବାକୁ ଆରମ୍ଭ କରିଛନ୍ତି ।
