প্রধান মন্ত্রী, শ্রী নরেন্দ্র মোদীনা ঙসি এম্স বিলাস্পুরদা চৎখ্রে।
প্রধান মন্ত্রীনা ঙসি হোস্পপিতাল বিলদিংগী সি.-ব্লোক্তা য়ৌরকখি। মদুদগী মহাক্না এম্স বিলাস্পুর কেম্পসকী ৩দি. মোদেল য়েংখি অমসুং ইন্সতিত্যুসন শঙ্গাবগী রিব্বন ককপগী থৌরম মখা তাখি। প্রধান মন্ত্রীনা হোস্পিতাল অসিগী সি.তি. স্কেন সেন্তর অমসুং ইমর্জেন্সী অমসুং ত্রাউমা সেন্তরদা চৎখি।
লৈবাক শিনবা থুংবগী হেল্থ সর্ভিসশিং মপাঙ্গল হেন্না লৈহন্নবা প্রধান মন্ত্রীনা য়েংলিবা মিৎয়েং অমসুং খোঙফম চেৎলিববু ঙসি লৈবাক মীয়ামদা এম্স বিলাস্পুর খুৎশিন্নবা অমুক্কা হন্না মমি তারি। হোস্পিতাল অসিগী উরেপ উয়ুংসু প্রধান মন্ত্রীনা ওক্তোবর ২০১৭তা তমখিবনি অমসুং সেন্ত্রেল সেক্তর স্কিম, প্রধান মন্ত্রী স্বস্থ্য সুরক্ষা য়োজনাগী মখাদা শাবনি।
লুপা করোর ১৪৭০ চঙনা শারিবা এম্স বিলাস্পুর অসি স্তেত-ওফ-দি-আর্ত হোস্পিতাল অমনি অমসুং মসিদা স্পিসিএলিতী অমসুং সুপর স্পিসিএলিতী দিপার্তমেন্ত মথং শিৎনা ১৮ অমসুং ১৭, মোদ্যুলার ওপরেসন থিএতর ১৮ অমসুং ফমুং ৭৫০গা লোয়ননা আই.সি.য়ু. ফমুং ৬৪ লৈগনি। একর ২৪৭ হেনবগী লমদা শন্দোক্লিবা হোস্পিতাল অসিদা পুং ২৪গী ইমর্জেন্সী অমসুং দাইলাইসীসকী খুদোংচাবা, অলত্রাসোনোগ্রাফী, সি.তি. স্কেন, এম.আর.আই.নচিংবা মতমগা চুনবা দাইগ্নোস্তিক মছিনগা লোয়ননা অমিত ফার্মাসী অমসুং জন ঔশধী কেন্দ্র, ফমুং ৩০গী আয়ুশ ব্লোকসু লৈগনি। হোস্পিতাল অসিনা হিমাচল প্রদেশকী ত্রাইবেল তাবা অমসুং য়ৌশিনবদা লুবা মফমশিংগীদমক্তা হকশেলগী সেবাশিং ফংহন্নবা সেন্তর ফোর দিজিতেল হেল্থ অমসু শেমখ্রে। মসিদা নত্তনা, কাজা, সালুনি অমসুং কিলোংগুম্বা মনুং হঞ্জিনবা অমদি য়ৌবদা ৱাবা ত্রাইবেল তাবা অমসুং হিমালয়গী লমদমগুম্বদা হেল্থ কয়াগী খুত্থাংদা হোস্পিতাল অসিনা স্পিসিএল হেল্থ সর্ভিস কয়াসু ফংহনগনি। হোস্পিতাল অসিনা এম.বি.বি.এস. কোর্সতা মহৈরোই ১০০ অমসুং নর্সিং কোর্স্তা মহৈরোই ৬০বু চহি খুদিংগী লৌগনি।
প্রধান মন্ত্রীবু ঙসি হিমাচল প্রদেশকী মুখ্য মন্ত্রী, শ্রী জয় রাম থাকুর, রাজ্যপাল, শ্রী রাজেন্দ্র বিশ্বানাথ অর্লেকার, কেন্দ্রগী মন্ত্রী, শ্রী অনুরাগ থাকুর অমসুং এম.পি. অমসুং বি.জে.পি.গী নেস্নেল প্রসিদেন্ত ওইরিবা শ্রী জগৎ প্রকাশ নদ্দানা লোয়নখি।
