প্রধান মন্ত্রী শ্রী নরেন্দ্র মোদীনা জপানগী প্রধান মন্ত্রী ঐচ.ই. মিস্তর শিগেরু ইশিবাগা লোয়ননা ঙসি মিয়াগী প্রিফেকচরগী সেন্দাইদা চৎখ্রে। সেন্দাইদা লুচিংবা অনিনা সেমিকন্দক্তর সেক্তরদা মকোক থোংবা জপানগী কম্পনী অমা ওইরিবা তোকিও ইলেক্ত্রোন মিয়াগী লিমিতেদ (TEL মিয়াগী) দা চৎখি। গ্লোবেল সেমিকন্দক্তর ভেল্যু চেনদা TELগী থৌদাং, মাগী এদভান্স মেন্যুফেকচরিং কেপাবিলিতীশিং অমসুং ভারতকা লোয়ননা হৌজিক চত্থরিবা অমসুং থৌরাং তৌরিবা কোলাবোরেসনশিংগী মতাংদা প্রধান মন্ত্রীদা পাউদমখি। ফেক্টরীদা চৎপদা অসিনা লৈবাক অনিগী মরক্তা সেমিকন্দক্তর সপ্লাই চেন, ফেব্রিকেসন অমসুং তেস্তিংগী লমদা তেংবাং পীননবা লৈরিবা খুদোংচাবশিংগী মতাংদা লুচিংবশিংদা প্রেক্তুকেল অন্দরস্তেন্দিং অমা পীখি।
সেন্দাইদা চৎখিবা খোঙচৎ অসিনা ভারতকী হেনগৎলক্লিবা সেমিকন্দক্তর মেন্যুফেকচরিং ইকোসিস্তেম অমসুং এদভান্স সেমিকন্দক্তর ইক্বিপমেন্ত অমসুং তেক্নোলোজীদা জপানগী মপাঙ্গলগী মরক্তা লৈরিবা মরী অদু উৎখি। জপান-ইন্দিয়া সেমিকন্দক্তর সপ্লাই চেন পার্তনরশিপকী মতাংদা মেমোরেন্দম ওফ কোওপরেসন অমসুং ইন্দিয়া-জপান ইন্দস্ত্রীএল কম্পিতিতিবনেস পার্তনরশিপ অমসুং ইকনোমিক সেক্যুরিতী দাইলোগকী মখাদা হৌজিক চত্থরিবা পার্তনরশিপকী মখাদা সেক্তর অসিদা মতেং পীনবা হেনগৎহন্নবা নাকল অনিমক্না মখোয়গী অচেৎপা ফিরেপ অদু অমুক হন্না ফোংদোকখি।
প্রধান মন্ত্রী মোদী অমসুং প্রধান মন্ত্রী ইশিবাগী অপুনবা খোঙচৎ অসিনা ভারত অমসুং জপানগী মরক্তা মপাঙ্গল কনবা, রেসিলিয়েন্ত অমসুং থাজবা য়াবা সেমিকন্দক্তর সপ্লাই চেন শেমগৎনবা অপুনবা মীৎয়েং অদুসু ময়েক শেংহল্লি। প্রধান মন্ত্রী মোদীনা প্রধান মন্ত্রী ইশিবাবু মহাক্কী খোঙচৎ অসিদা শরুক য়াবগীদমক থাগৎপা ফোংদোকখি অমসুং স্ত্রেতেজিক দোমেন অসিদা জপানগা লোয়ননা নক্না থবক তৌমিন্ননবা ভারতনা শেম-শারি হায়না অমুক হন্না থাজবা পীখি।
প্রধান মন্ত্রী ইশিবানা সেন্দাইদা প্রধান মন্ত্রী মোদীদা ইকায় খুম্নবা উৎপা ওইনা নুমিদাংগী চাকলেন অমা শিনখি। থৌরম অদুদা মিয়াগী প্রিফেকচরগী গভর্নর অমসুং অতোপ্পা মশক নাইবা মীওইশিংসু শরুক য়াখি।
PM Ishiba and I visited the Tokyo Electron Factory. We went to the Training Room, Production Innovation Lab and interacted with top officials of the company. The semiconductor sector is a key area for India-Japan cooperation.
— Narendra Modi (@narendramodi) August 30, 2025
In the last few years, India has made many strides in… pic.twitter.com/6Fmv0s7gUo
石破首相と東京エレクトロンの工場を訪問しました。研修室や生産イノベーションラボを視察し、同社の幹部とも意見交換を行いました。半導体は印日協力の重要な分野です。… pic.twitter.com/fzphNh9dJq
— Narendra Modi (@narendramodi) August 30, 2025
