প্রধান মন্ত্রী শ্রী নরেন্দ্র মোদীনা ঙসি য়ুনাইতেদ অরাব ইমিরেৎসতা ঙসি ওফিসিএল ওইবা খোংচৎ অমদা খোঙশানখ্রে। মহাকপু হিস হায়নেস শৈখ মোহম্মদ বিন জয়েদ অল নহয়ান, য়ু এ ইগী রাস্ত্রপতিনা এয়রপোর্ততা ওকখি অমসুং হরাও তয়াম্বা থৌরম অমগা লোইননা তরাম্না ওকখি।
লুচিংবা অনিনা হীরম কয়াদা তাংকক কয়া থোক্না কুপ্না খন্নখি, খন্ন নৈনবা অসিগী মনুংদা প্রধান মন্ত্রীনা য়ু এ ইদা চত্থখিবা লান্দা অদুবু ভারতনা অকনবা মওংদা নিন্দা তৌখি অমসুং য়ু এ ইগী মীয়াম অমসুং লুচিংগা লোইননা লেপ্লি হায়খি। প্রধান মন্ত্রীনা অশোই অঙাম য়াওদনা চৎথোক চৎশিন তৌনবা অমসুং স্ত্রেত ওব হোর্মুজদা অপনবা য়াওদনা চৎপা য়ানবগী অপাম্বা ময়েক শেংনা ফোংদোকখি। মসি লমদমশিংগী মরক্তা শান্তি পুরক্নবা অমসুং ইনর্জি অমসুং ফুদ সেক্যুরিতী লৈহন্নবা হোৎনবদা অচৌবা মরুওইবা হীরম অমা ওইরি।
লুচিংবশিংনা লৈবাক অনিগী লৈনরিবা মরীবু হন্না য়েংবগা লোইননা ইনর্জি, ইনভেস্তমেন্ত, দিফেন্স, সেক্যুরিতী, ফিন্তেক, ইনফ্রাস্ত্রকচর, এজুকেসন, কলচর অমসুং মীয়ামগী মরীলশিং য়াওনা তোঙান-তোঙানবা-তোঙানবা হীরমশিংদা লৈনরিবা কম্প্রিহেন্সিব স্ত্রেতেজিক পার্তনরশিপপু হেন্না চেৎশিলহন্নবা হোৎনবদা তরাম্না ওকখি।
মখোয়না ভারত-য়ু এ ই কমপ্রিহেন্সিব একনোমিক পার্তনরশিপ এগ্রীমেন্ত (সি ই পি এ)না মায় পাকপগী মায়কৈদা লাকপবুসু খঙমিন্নখি। মসিনা লৈবাক অনিগী মরীবু অৱাংবা থাক অমদা পুরক্লি।
লুচিংবা অনিনা য়ু এ ই না ভারতকী ইনর্জি সেক্যুরিতীদা ক্রুদ ওইল, এল এন জি অমসুং এল পি জি সপ্লাই য়াওনা মরুওইবা মপাং অমা ওইবগী থৌদাং হনবা লৈতনা লৌবগা লোইননা লৈনরিবা লৈবাক অনিগী মরী অসিবুসু তরাম্না ওকখি। লুচিংবশিংনা মপুং ওইনা ইনর্জিদা মপাং ওইমিন্ননবা অনৌবা থৌরাং শেমগৎমিন্নবদসু য়ানখি। হীরম অসিগী মতাংদা মখোয়না ইন্দিয়ন স্ত্রেতেজিক পেত্রোলিয়ম রিজর্ব লিমিতেদ অমসুং অবু ধাবি নেসনেল ওইল কম্পেনীগী মরক্তা স্ত্রেতেজিক কোলাবোরেসন এগ্রীমেন্ত অমা পীনদুনা ভারতকী স্ত্রেতেজিক পেত্রোলিয়ম রিজর্বপু বেরেল মিলিয়ন ৩০দা য়ৌনবা হোৎনরিবা অসিদা য়ু এ ই না শরুক য়াবা হেনগৎনবা অমসুং ভারত্তা মফম চানা গ্যাস রিজর্ব থম্নবা পুন্না হোৎনমিন্ননবা য়ানখি। মখোয়না ইন্দিয়ন ওইল লিমিতেদ (আই ও সি এল) কম্পেনী অমসুং অব ধাবি নেসনেল ওইল কম্পেনী (এ দি এন ও সি) অনিগী মরক্তা মতম শাংনা এল পি জি সপ্লাই পীননবগী য়ান ৱারোলবুসু তরাম্না ওকখি।
লুচিংবা অনিনা ভারত্তা য়ু এ ই এন্তাইতীশিংনা য়ু এস দি বিলিয়ন ৫ গী ইনভেস্তমেন্ত অমা লাউথোকখিববুসু তরাম্না ওকখি। মসিদা ইমিরেৎস এন বি দিনা আর বি এল বেঙ্ক ওব ইন্দিয়াদা য়ু এস দোলর বিলিয়ন ৩, অবু ধাবি ইনভেস্তমেন্ত ওথোরিতী (এ দি আই এ)না নেসনেল ইনফ্রাস্ত্রকচর অমসুং ইনভেস্তমেন্ত ফন্দ ওব ইন্দিয়া (এন আই আই এফ)তা য়ু এস দোলর বিলিয়ন ১, অমসুং ইন্তর্নেসনেল হোল্দিং কম্পেনীনা ভারতকী সম্মান কেপিতেলদা য়ু এস বিলিয়ন ১ গী ইনভেস্তমেন্ত য়াওরি। হায়রিবা ইনভেস্তমেন্তশিং অসিনা য়ু এ ই না ভারতকী চাউখৎপগী ৱারীদা মতম শাংনা লৈবাক অনিগী মরীবু কনখৎহনবগা লোইননা ইনভেস্তমেন্তকী মপাং অমা ওইমিন্ননবগী থৌরাংদা লেপ্পা লৈতনা হোৎনরি হায়বসি তাক্লি।
লুচিংবা অনিনা লেপ্পা লৈতনা অমসুং মপাঙ্গল কন্না চঙশিল্লিবা ঙাকশেলগী মপাং অসিবু কম্প্রিহেন্সিব স্ত্রেতেজিক পার্তনরশিপকী মরুওইবা য়ুম্বীনি হায়না য়ানখি। মখোয়না লৈবাক অনিগী মরক্তা খোঙচৎ অসিগী মনুংদা ফ্রেমৱার্ক ফোর দি স্ত্রেতেজিক দিফেন্স পার্তনরশিপ খুৎয়েক পীনখিবদা তরাম্না ওকখি। মসিগী মখাদা, নাকল অনিনা দিফেন্স ইন্দস্ত্রিএল কোলাবোরেসন অমসুং ইন্নোভেসন অমসুং এদভান্স তেক্নোলোজী, ত্রেনিং, এক্সর্সাইস, মেরিতাইম সেক্যুরিতী, সাইবর দিফেন্স, সেক্যুর কম্ম্যুনিকেসন অমসুং ইনফোর্মেসন একচেঞ্জদা মতেং পীননবা য়ানখি।
লুচিংবা অনিনা মখাদা পীরিবা চে-চাংশিং অসি খোঙচৎ অসিগী মনুংদা ৱারোইশিন পুরক্তুনা লৈবাক অনিগী তেংবাং মখা তানা মপাঙ্গল কলহন্নবা হোৎনখি।
- কোচিন শিপয়ার্দ লিমিতেদ অমসুং দ্রাইদোক ৱার্ল্দ, দুবাইগী মরক্তা ভারত সরকারনা হৌদোকখিবা মেরিতাইম দিবেলপমেন্ত ফন্দ স্কিমগী মখাদা ওফশোর ফেব্রিকেসন য়াওনা শিপ রিপেয়র ক্লস্তর অমা ভদিনারদা শেমগৎনবগী এম ও য়ু।
- জহাজ শেম্বগী স্কিল দিবেলপমেন্তকীদমক কোচিন শিপয়ার্দ লিমিতেদ অমসুং দ্রাইদোক ৱার্ল্দ, দুবাই অমসুং সেন্তর ওব এক্সিলেন্স ইন মেরিতাইম অমসুং শিপবিল্লদিং (CEMS) কী ত্রাইপার্তাইত এম ও য়ু। হায়রিবা অসিনা স্কিল লৈরবা মেরিতাইম ৱার্কফোর্স অমা শেমগৎপা, ত্রেন তৌবা অমসুং থবক পীবগী ফ্রেমৱার্ক অমা শেমগৎকনি অমসুং ভারতপু স্কিল লৈরবা শিপবিল্দিং অমসুং শিপ রিপেয়র প্রোফেসনেলগী হব অমা ওইনা শেমগৎপগী শক্তি হেনগৎহল্লগনি।
- এক্সফ্লোপ সুপর কম্প্যুত ক্লস্তর ৮ সি দি এ সি, ইন্দিয়া অমসুং জি-৪২ য়ু এ ইগী মরক্তা তরম শিত শেমগৎপা।
- লুচিংবা অনিনা মাইত্রি (মাস্তর এপ্লিকেসন ফোর ইন্তর্নেসনেল ত্রেদ এন্দ রিগুলেতরী ইন্তর্ফেস ইন্তর্ফেস) শীজিন্নদুনা ভর্চুএল ত্রেদ কোরিদোর মথৌ তৌহন্নবা হোৎনবদা তরাম্না ওকখি। হায়রিবা দিজিতেল ফ্রেমৱার্ক অসিনা কস্তম অমসুং পোর্ত ওথোরিতীশিং নাকল অনিমক্তা শম্নহনবগা লোইননা কার্গো চত্থোক চৎশিন হেনা স্ত্রিম্লাইন তৌগনি অমসুং ত্রেদ ফ্লো হেন্না ফগৎহনগনি।
প্রধান মন্ত্রীনা প্রেজিদেন্ত হিস হায়নেস শৈখ মোহম্মদ বিন জয়েদ অল নাহয়ানবু তরাম্না ওকপীবগীদমক থাগৎপা ফোংদোকপগা লোইননা ভারত্তসু অথুবদা লেঙবীরক্নবগীদমক পাউজেল পীরমখি।
