প্রধান মন্ত্রী শ্রী নরেন্দ্র মোদীনা ইন্দিয়া গেৎতা নেতাজি সুভাশ চন্দ্র বোসকী হোলোগ্রাম স্তেচু অমা মাইখুম হাংদোকখি৷ নেতাজিগী স্তেচুগী থবক অসি মপুং ফানা লোইশিনদ্রিবা ফাওবা হোলোগ্রাম অসি লৈখিগনি৷ নেতাজি সুভাশ চন্দ্র বোসকী ১২৫শুবা মপোক-কুমওন অসিবু মার্ক তৌবা ওইনা হায়রিবা মফম অসিমক্তদা স্তেচু অসি মাইখুম হাংদোক্কনি৷

ইনবেস্তিচর সেরেমোনী অসিদা প্রধান মন্ত্রীনা ২০১৯, ২০২০, ২০২১ অমদি ২০২২ চহিগী সুভাস চন্দ্র বোস অপদা প্রবনধান পুরস্কারশিংসু য়েন্থোকখি৷ দিজাস্তর মেনেজমেন্তগী ফিল্দদা ভারত্তা লৈরিবা ইন্দিবিজ্যুলশিং অমদি ওর্গনাইজেসনশিং পীখিবা সর্ভিস অমদি মমল নাইদ্রবা কন্ত্রিব্যুসন অদু মশক খঙদোক্নবা অমদি ইকাই খুম্ননবা এৱার্দ অসি কেন্দ্র সরকারনা শেমখিবনি৷

প্রধান মন্ত্রীনা ভারত ইমাগী থৌনা ফরবা মচা, নেতাজি সুভাশ চন্দ্র বোসকী ১২৫রক শুবা মপোক-কুমওনদা ইকাই খুম্নবা উৎখ্রে৷ তিল্লিবা মীয়াম অদুদা ৱা ঙাংলদুনা, ভারতকী লৈহাউ অসিদা অহানবা মনিং মখা তম্বা সরকার শেমগৎখিবা অমদি শক্তি লৈবা ভারত অমা শেমগৎনবগী ঐখোয়দা থৌনা শক্তি হাপখিবা নেতাজিগী অচৌবা স্তেচু অসি ইন্দিয়া গেতকী মনাক্তা দিজিতেল ফোর্মদা ইন্সতোল তৌরি হায়না মহাক্না ফোংদোকখি৷ অথুবা মতমদা মসিগী হোলোগ্রাম স্তেচু অসি গ্রেনাইত স্তেচু অমনা মহুৎ শিল্লগনি৷ নিং-খা তম্নবগী থৌনা লৈরবা অথৌবদা ইকাই খুম্নবা উৎপা ওইনা স্তেচু অসি লৈবাক অসিনা কৎলিবনি অমদি মসিনা নেস্নেল দ্যুতীগী থৌদাং অসি ঐখোয়গী ইন্সতিত্যুসনশিং অমদি মীরোনশিংদা লেপ্প-লৈতনা নিংশিংহন্দুনা লৈহল্লগনি হায়না মহাক্না ফোংদোকখি৷

লৈবাক অসিদা দিজাস্তর মেনেজমেন্তগী ইতিহাসিক ওইরবা ইবোলুসন অদু প্রধান মন্ত্রীনা ত্রেস তৌখি৷ চহি কয়া অমা দিজাস্তর মেনেজমেন্তগী মথৌ ওইনা এগ্রীকল্চর দিপার্তমেন্তগা চৎমিন্নরমখি হায়না মহাক্না ফোংদোকখি৷ মসিগী মরম অদুদি ইশিং-ইচাউশিং, নোং কন্না চুবা, লেন তাবনা থোকহনখিবা ফিভমশিং অসি থেংননবা হোৎনবা হায়বসিনা লৌউ-শিংউ মন্ত্রালয়গী ওইখিবা অসিননি৷ অদুবু ২০০১গী গুজরাতকী য়ুহা হাবা অদুনা দিজাস্তর মেনেজমেন্তগী ৱাহন্থোক অসি হোংদোকখি হায়না প্রধান মন্ত্রীনা ফোংদোকখি৷ দিপার্তমেন্তশিং অমদি মন্ত্রালয় পুম্নমক ঐখোয়না রিলিফ অমদি রেস্ক্যু ৱার্কতা দিপ্লোই তৌখ্রে৷ মতম অদুগী এক্সপরিয়েন্স অদুদগী তমদুনা, গুজরাত স্তেত দিজাস্তর মেনেজমেন্ত এক্ত অসি ২০০৩দা চৎনখিবনি৷ দিজাস্তর থেংননবা অসিগুম্বা এক্ত অমা চৎনখিবা রাজ্য অসি লৈবাক অসিনা গুজরাতনা অহানবা ওইখি৷ মতুং তারকপদা, কেন্দ্র সরকারনা গুজরাতকী লোশিং অসিদগী মতৌ তমদুনা, অসিগুম্লবা দিজাস্তর মেনেজমেন্ত এক্ত অমা লৈবাক অসিগীদমক ২০০৫দা চৎনখি”, হায়না মহাক্না মখাতাখি৷

রিলিফ, রেসক্যু অমদি রিহেবিলিতেসন তৌবগা লোইননা রিফোর্মদা অখন্ননা মীৎয়েং চংলি হায়না প্রধান মন্ত্রীনা ফোংদোকখি৷ লৈবাক শিনবা থুংবদা ঐখোয়না এন.দি.আর.এফ. মপাঙ্গল লৈহনখ্রে, মোদর্নাইস তৌখ্রে অমদি চাওথোকহনখ্রে৷ স্পেস তেক্নোলোজীদগী হৌরগা প্লানিং অমদি মেনেজমেন্ত ফাওবদা, খ্বাইদগী ফবা শিজিন্নবা য়াবা প্রেক্তিসশিং শিজিন্নখ্রে হায়না মহাক্না ফোংদোকখি৷ এন.দি.এম.এ.গী 'অপদা মিত্র'গুম্বা স্কিমশিং অসিগা লোইননা নহাশিংনা চংশিল্লক্লি হায়না প্রধান মন্ত্রীনা ফোংদোকখি৷ কলামিতী থোক্লকপা মতমদা, মীয়াম্না ভিক্তমশিং ওইদুনা খক লৈথোক্তে, মখোয়না ভোলুন্তিয়রশিং ওইবিদুনা দিজাস্তর অদুবু লান্থেংনৈ হায়না মহাক্না ফোংদোকখি৷ মসিনা হায়নিংলিবা অদুদি দিজাস্তর মেনেজমেন্ত হায়বসি সরকারগী মথৌ অমা খক্তা ওইদ্রে, মসি  'সবকা প্রয়াস'কী মোদেল অমা ওইখ্রে হায়না মহাক্না ফোংদোকখি৷

দিজাস্তরশিং অসি থেংনবা ঙম্নবগী কেপাসিতী অসি ফগৎহন্নবা ইন্সতিত্যুসনশিং অসি হেন্না মপাঙ্গল লৈহনবা দরকার ওই হায়না প্রধান মন্ত্রীনা ফোংদোকখি৷ দিজাস্তরশিং থোক্লকপা মতমদা অনৌবা চেকশিন-থৌরাং লৌখৎপগীদমক ওরিশা, ৱেস্ত বেঙ্গল, গোৱা, মহারাস্ত্র, গুজরাতকী সাইক্লোনশিং অদু পল্লদুনা হায়রিবা দিজাস্তরশিং অসিনা মমাংগী মতৌগুম্না কা-হেন্না অমাং অতা থোকহনখিবা অদুগুম্না থোকহনবা থেংনখিদে হায়না মহাক্না খুদমশিং ওইনা পনখি৷ লৈবাক অসিদা এন্দ তু এন্দ সাইক্লোন সিস্তেম অমা, হেন্না ফবা আর্লী ৱার্নিং সিস্তেম অমদি দিজাস্তর রিস্ক এনালাইসিসকী তুল অমসুং দিজাস্তর রিস্ক মেনেজমেন্ত লৈ হায়না মহাক্না ফোংদোকখি৷

দিজাস্তর মেনেজমেন্তদা ঙসিগী লৈঙাক সাসনগী স্ফেয়র খুদিংমক্তা ৱাখল খনবগী হোলমার্ক অমা ওইরিবা হোলিস্তিক এপ্রোচ অদু প্রধান মন্ত্রীনা শন্দোক্না তাকখি৷ ঙসিগী দিজাস্তর মেনেজমেন্ত অসি সিবিল ইঞ্জিনিয়রিং অমদি আর্কিতেকচর কোর্সশিংগী শরুকনি অমদি হৌজিক্তি দাম সেফতী লো অমা লৈরে৷ মতৌ অসিগুম্না, দিজাস্তর রিসাইলেন্সতা নৌনা অচৌবা ইনফ্রাস্ত্রকচর প্রোজেক্তশিং অসি শাখ্রে৷ য়ুহা তোইনা হাবা মফমশিংদা পি.এম. অৱাস য়োজনা য়ুমশিংগী দিজাস্তরগী ওইবা চেকশিন-থৌরাং, চর ধর মহা পরিয়োজনা, উত্তর প্রদেশকী এক্সপ্রেসৱে অসি অনৌবা ভারতকী মংলান অমদি ৱাখলগী খুদমশিংনি হায়না মহাক্না ফোংদোকখি৷

গ্লোবেল লেবেলদা দিজাস্তর মেনেজমেন্তগী স্ফেয়রদা ভারতকী লিদরশিপ অদু প্রধান মন্ত্রীনা পনখি৷ সি.দি.আর.আই.- কোলিয়েসন ফোর দিজাস্তর রিসাইলেন্ত ইনফ্রাস্ত্রকচরদা, ভারতনা মালেম অসিনা অচৌবা অশা অমদি গিফত অমা পীখ্রে অমদি য়ুনাইতেদ কিংদমগা লোইননা লৈবাক ৩৫না মাংজৌননা কোলিয়েসন অসিগী শরুক ওইরি৷ আর্মীশিংগী মরক্তা জোইন্ত মিলিতরী এক্সর্সাইসশিং পাংথোকপা হায়বসি মালেম অসিগী তোঙান তোঙানবা লৈবাকশিংগী মনুংদা কম্মন ওই হায়না প্রধান মন্ত্রীনা ফোংদোকখি৷ অদুবু ইহান হানবা ওইনা ভারতনা দিজাস্তর মেনেজমেন্তগীদমক জোইন্ত দ্রিলগী চৎনবি হৌদোকখ্রে৷

"নিং-খা তম্বা ভারতকী মংলানদা কৈদৌনুংদা থাজবা মাংবা তৌবিনু, ভারতপু নিংহনবা ঙম্বা শক্তি অমতা মালেম অসিদা লৈতে" হায়না নেতাজিনা ফোংদোক্লম্বা অদু প্রধান মন্ত্রীনা পনখি৷ ঙসি, নিং-খা ভারতকী মংলানশিং অসি মাংফাওননবা পান্দম অমা ঐখোয়দা লৈরে হায়না প্রধান মন্ত্রীনা ফোংদোকখি৷ নিং-খা তম্বগী চহি চাম্মা শুদ্রিঙৈগী মাংওইননা অনৌবা ভারত অমা শেমগৎপগী পান্দম অদু ঐখোয়দা লৈরি হায়না প্রধান মন্ত্রীনা ফোংদোকখি৷

ভারতনা মহাক্কী আইদেন্তিতী অমদি ইন্সপিরেসনশিং অমুক হন্না হল্লকহনগদৌরিবা অসিনা অজাদি কা অমিৃত মহোতসবকী অচৌবা পাউখুম ওইরি হায়না প্রধান মন্ত্রীনা ফোংদোকখি৷ লৈবাক অসিনা মনিং-মখা তম্লবা মতুংদা, লৈবাক অসিগী কল্চর অমদি ত্রেদিসনশিংগা লোইননা অফাওবা মীওই কয়াগী কন্ত্রিব্যুসন অদুসু কাওথোকখিবা অসিদা প্রধান মন্ত্রীনা নুংঙাইতবা ফোংদোকখি৷

নিংতম ইহৌ অসিদা ভারত মচা লাখ কয়াগী ‘তপস্যা’ য়াওরি অদুবু মখোয়গী পুৱারী অসি ঙমখৈ লান্দনা থম্নবা হোৎনখি হায়না প্রধান মন্ত্রীনা ফোংদোকখি৷ অদুবু ঙসিদি, লৈবাক অসিনা নিং-খা তম্লবা চহি খুজিং কয়াগী মতুং অসিদা, লৈবাক অসিনা অশোইবশিং অদু থৌনা লৈনা চুমথোরক্লি৷বাবাসাহেব অম্বেদকরগা মরী লৈননা পঞ্চ তীর্থ শাবা, সর্দার পতেলগী থৌদাংবু মশক খঙদোক্ননবা স্তেচু ওফ য়ুনিতী শাবা, ভগবান বির্সা মুন্দাবু ইকাই খুম্নবা উপা ওইনা জনজাতিয়া গৌরব দিৱস পাংথোকপা, ত্রাইবেল কম্ম্যুনিতীবু ইকাই খুম্নবা উৎপা ওইনা ত্রাইবেল ম্যুজিয়মশিং শেম্বা, নেতাজি অমদি আই.এন.এ.বু ইকাই খুম্নবা উৎপা ওইনা অন্দামন্সকী অনামন্স অমদি সনকাল্প মারক্তা মচু অহুমগী ফিরালবু নিংতম্বা চহি ৭৫দা শুরকপদা পাইহন্দুনা নেতাজিগী মমিং লৌদুনা অন্দামন্সকী ইথৎ অমবু মমিং থোনবা হায়বসিনা হৌখিবা মতমদা তৌখিবা অশোইবশিং অদু চুমথোরকপগী মাইকৈদা পুরক্লিবা মরু ওইবা খোংথাংশিংগী মনুংদা খরনি৷ হৌখিবা চহিদা পরাক্রম দিৱসতা প্রধান মন্ত্রীনা নেতিজীগী কোলকতাদা লৈরিবা এঞ্চেস্ত্রেল রিসাইদেন্স অসিদা চৎখিবা মতমদা ফাওখিবা ইহুল অদু মহাক্না নিংশিংখি৷ অজাদ হিন্দ সরকারনা চহি ৭৫ মপুং ফারকপা মতম ২০১৮গী ওক্তোবর ২১গী নুমিৎ অসি মহাক্না কাওবা ঙম্লরোই হায়না প্রধান মন্ত্রীনা ফোংদোকখি৷ “রেদ ফোর্ততা পাংথোকখিবা অখন্নবা থৌরম অমদা, ঐনা অজাদ হিন্দ পোজকী তুপি অদু উপতুনা মচু অহুমগী ফিরাল ঐনা চিংখৎখি৷ মদুগী মীকুপ অদু অদুক্কী মতিক ফজৈ অমদি কাওবা ঙম্লরোই”, হায়না মহাক্না ফোংদোকখি৷

নেতাজিনা করিগুম্বা থবক অমা তৌগে হায়না খনখ্রবদি, শক্তি অমতনা মহাকপু থিংবা ঙম্লোই হায়না প্রধান মন্ত্রীনা ফোংদোকখি৷ নেতাজি সুভাশকী 'তৌবা ঙমগনি, তৌগনি' হায়বা স্পিরিত অসিদগী ঐখোয়না থৌনা লৌদুনা মাংলোমদা চংশিনগদবনি৷

 

 

 

 

 

 

 

 

 

 

 

 

 

 

Click here to read full text speech

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Industry hails Budget 2024-25 as a game-changer for economic growth and reforms

Media Coverage

Industry hails Budget 2024-25 as a game-changer for economic growth and reforms
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 23 জুলাই, 2024
July 23, 2024

Budget 2024-25 sets the tone for an all-inclusive, high growth era under Modi 3.0