প্রধান মন্ত্রী শ্রী নরেন্দ্র মোদী দিসেম্বর ২০ দা ৱেস্ত বেঙ্গলদা চৎকদৌরি। অয়ুক পুং ১১:১৫ রোম তাবদা, প্রধান মন্ত্রীনা ৱেস্ত বেঙ্গলগী নাদিয়া দিস্ত্রিক্তকী রানাঘাত্তা নেস্নেল হায়ৱে প্রোজেক্তশিং উরেপ উয়ুং তমনি অমদি শঙ্গাগনি। মহাক্না থৌরমদুদা তিল্লিবা মীয়ামগী মফমদসু ৱা ঙাংগনি।
প্রধান মন্ত্রীনা লুপা করোর ৩,২০০ রোমগী ওইগদবা নেস্নেল হায়ৱে প্রোজেক্ত অনি শঙ্গাগনি অমদি উরেপ উয়ুং তমগনি।
প্রধান মন্ত্রীনা ৱেস্ত বেঙ্গলগী নাদিয়া দিস্ত্রিক্তা NH-34 গী কিলোমিতর ৬৬.৭ শাংবা বরাজাগুলী – কৃষ্ণনগর সেক্সন লেন মরিদা ওনখৎপগী প্রোজেক্ত শঙ্গাগনি। মহাক্না নোর্থ ২৪ পার্গনাস দিস্ত্রিক্ততা NH-34 গী কিলোমিতর ১৭.৬ শাংবা বরাসত-বরাজাগুলী সেক্সন লেন মরিদা ওনখৎনবা প্রোজেক্তসু উরেপ উয়ুং তমগনি।
প্রোজেক্তশিং অসিনা কোলকতা অমদি সিলিগুরীগী মরক্তা মরুওইবা লম্বী অমা ওইগনি। মখোয়না খোঙচৎকীম তম চাউরাক্না পুং ২ রোম হন্থহন্দুনা ত্রাফিক্তা অপনবা থোকহন্দনবা গারী চত্থোক চৎশিন তৌবদা থুজিলহনগনি অমদি অপনবা লৈহল্লোই, গারী চলাইবগী শেঞ্জং হন্থহনগনি অমদি কোলকতা অমদি ৱেস্ত বেঙ্গলগী অতৈ য়ুমলোন্নবা দিস্ত্রিক্তশিং লোয়ননা য়ুমলোন্নবা লৈবাকশিংগগী মরক্তা লম্বী থোংগী ফীভম ফগৎহনগনি। প্রোজেক্তশিং অসিনা লমদম অসিদা শেন্মিৎলোন চাওখৎহনগনি অমদি তুরিজম চাওখৎহনবদা ইনোৎ হাপকনি।
