প্রধান মন্ত্রী শ্রী নরেন্দ্র মোদীনা নবেম্বর ২৫ দা উত্তরপ্রদেশকী অয়োধ্যাদা লৈবা লৈবাক অসিগী সোসিও-কলচরেল অমসুং স্পিরিচুএল লেন্দস্কেপ অমা ওইরিবা শ্রী রাম জন্মভুমি মন্দিরদা অচৌবা থৌরম অমগীদমক খোংশানগনি।
অয়ুক পুং ১০ রোম তারকপদা প্রধান মন্ত্রীনা মহাঋশি বশিস্তা, মহাঋশি বিস্বামিত্র, মহাঋশি অগসত্যা, মহাঋশি বাল্মিকি, দেবী অহিল্যা, নিসাদরাজ গুহা অমসুং মাতা শাবরিগা মরী লৈনবা লাইশঙশিং লৈরিবা সপ্তমন্দিরদা খোংশানগনি। মসিগী মতুংদা শেশবতার মন্দিরদা চৎকনি।
অয়ুক পুং ১১ তারকপদা, প্রধান মন্ত্রীনা মাতা অন্নপুর্ন মন্দিরদা খোঙশানগনি। মসিগী মতুংদা মহাক্না রাম দর্বার গর্ব গ্যাহদা দর্শন অমসুং পুজা পাঙথোক্কনি। মসিগী মতুংদা রাম লাল্লা গর্ব গ্যাহদা দর্শন তৌগনি।
নুমিৎ য়ুংবা পুং ১২ তারকপদা প্রধান মন্ত্রীনা অয়োধ্যাগী শ্রী রাম জন্মভুমি মন্দিরগী শেংলবা শিখারদা লাইশঙ অসিনা শাবা লোইরদুনা লৈবাক অসিগী অপুনবা মশক অমসুং নাৎকী কুমহৈ অমগী অনৌবা পন্দুপ অমা হৌরে হায়বা তাক্লদুনা সেফ্রোন মচুগী ফিরাল পাইহনগনি। প্রধান মন্ত্রীনা পুৱারীদা লৈহৌরগদবা থৌরম অসিদা তিল্লিবা মীয়ামদা ৱা ঙাংগনি।
থৌরম অসি ম্ররগশির্শগী থাদা শুক্ল পক্ষগী শেংলবা পঞ্চমিগা শ্রী রাম অমসুং ইমা সিতাগা অমত্তা ওইমিন্নখিবা বিবাহ পঞ্চমিগী অভিজিত মুহুরতকা তামিন্নরি। নুমিৎ অসি মাপনশুবা গুরু ওইখিবা ১৭শুবা চহি চাদা পুং ৪৮ তৎপা লৈতনা অয়োধ্যাদা হিরী কুনখিবা গুরু তেগ বহাদুরজিনা থৱাই থাখিবা নুমিৎসু তারি, মসিনা নুমিৎ অসিগী লাইগী ওইবা মগুন অমা চেনবগী মশক হেন্না ফজথোকহল্লি।
রাইত এঙ্গল ওইনা ত্রাইএঙ্গুলর ওইবা ফিরাল অসি ফিত তরা ৱাংই অমসুং ফিত কুনমঙা শাংই, মসিদা ভগবত শ্রী রামগী মতীক মগুন অমসুং রাম রাজ্যগী অৱাংবা ৱাখল্লোন হক্লদুনা কোবিদার উপালগা লোইননা লংনা ঙাল্লিবা নুমিৎ অমসুং ওম হায়না থাদুনা য়াওরি। সেফ্রোন মচুগী শেংলবা ফিরাল অসিনা অচুম্বা, অপুনবা, অমসুং নাৎকী মশক লেপ্পা লৈতনা রাম রাজ্যগী ৱাখল্লোননা য়োম্লবগী পাউজেল পীরি।
ফিরাল অসি ত্রেদিসনেল নোর্থ ইন্দিয়ন নাগরা আর্কিতেকচরেল স্তাইলদা পর্কোতা মিতর ৮০০না কোইশিন্দুনা লাইশঙগী অকোইবদা সর্কম্বুলেতরী এনক্লোজর লৈবা, খা ভারতকী আর্কিতেকচরেলগী চৎনবীদা দিজাইন তৌবা লাইশঙ অসিগী আর্কিতেকচরগী মশক উৎলিবা শিখরগী মথক্তা পাইহনগনি।
লাইশঙ অসিগী মপান থংবা ফক্লাংশিংদা বাল্মিকি রমায়নদা য়ুম্ফম ওইবা খুৎ চঙনা হক্লবা ভগবান শ্রী রামগী পুন্সিগী ৱারী ৮৭ য়াওরি, অমসুং ফক্লাংগী অকোইবদা শেঞ্জেংনা হৈবা ভারতকী নাতকী মশক ৭৯ য়াওরি। শুপ্না হায়রিবা মশকশিং অসিনা অয়েংবশিংদা ভগবান শ্রী রামগী পুন্সি অমসুং ভারতকী নাতকী মশক অর্থ লৈনা অমসুং মমুৎ তানা খঙহল্লি।
