পি.এম.না কচ্ছ অমসুং সৌরাস্ত্রা রিজনগী ভাইব্রেন্ত গুজরাত রিজনেল কনফরেন্স হৌদোক্কনি
ভাইব্রেন্ত গুজরাত রিজেনেল কনফরেন্সনা নোংচুপ থংবা গুজরাত্তা ইনভেস্তমেন্ত অমসুং ইন্দস্ত্রিএল গ্রোথকী অনৌবা শাহৌ অমা পুরক্কনি
সেরামিক্স, ইঞ্জিনীয়রিং, পোর্তস অমসুং লোজিস্তিক্স, গ্রীন ইনর্জী তুরিজম য়াওনা মরু ওইবা সেক্তরশিংদা কনফরেন্স অসিনা মীৎয়েং থমগনি
ভাইব্রেন্ত গুজরাতকী মাইপাক্লবা মোদেলনা য়ৌশিনবা অমসুং কান্নবা অসি হেন্না পাকথোক চাউথোকহন্নবা গুজরাত শিনবা থুংবদা ভাইব্রেন্ত গুজরাত রিজনেল কনফরেন্স মরি পাংথোকখ্রে
রিজনেল কনফরেন্সশিং অসিনা রিজন-স্পেসিফিক ইন্দস্ত্রিএল দিবেলপমেন্ত থৌগৎনবা, তোঙান-তোঙানবা সেক্তরশিংদা ইনভেস্তমেন্তশিং লাকহন্নবা অমসুং গ্লোবেল এঙ্গেজমেন্ত হেনগৎহন্নবা পান্দম থম্মি

প্রধান মন্ত্রী ২০২৬গী জনুৱারী ১১দা রাজকোৎ চৎকনি অমসুং কচ্ছ অমসুং সৌরাস্ত্রা লমদমগীদমক ভাইব্রেন্ত গুজরাত রিজনেল কনফরেন্সতা শরুক য়াগনি। নুংথিল পুং ১:৩০ রোম তাবদা মহাক্না কনফরেন্সতা ত্রেদ শো হৌদোক্কনি। মতুংদা, নুংথিল পুং ২ রোম তাবদা, প্রধান মন্ত্রীনা রাজকোৎকী মারৱারী য়ুনিভর্সিতীদা কচ্ছ অমসুং সৌরাস্ত্রা লমদমগীদমক ভাইব্রান্ত গুজরাত রিজনেল কনফরেন্স হৌদোক্কনি। থৌরম অসিদা মহাক্না মীয়ামদা ৱা ঙাংগনি। থৌরম অদুগী মনুংদা, প্রধান মন্ত্রীনা গুজরাত ইন্দস্ত্রীয়েল দিবেলপমেন্ত কোরপোরেসন লিমিতেদ (জি.আই.দি.সি.) গী গ্রীনফিল্দ স্মার্ত ইস্তেৎ ১৪ শেমগৎপগী ৱাফমসু লাউথোক্কনি অমসুং রাজকোৎতা জি.আই.দি.সি.গী মেদিকেল দিভাইস পার্কসু শঙ্গাগনি।

ভাইব্রেন্ত গুজরাত রিজনেল কনফরেন্স অসি ২০২৬গী জনুৱারী ১১-১২ ফাওবদা পাংথোক্কনি। মসিদা কচ্ছ অমসুং সৌরাস্ত্রাগী জিলা ১২না শরুক য়াগনি। হায়রিবা লমদমশিং অসি খক্তদা অখন্ননা কৎথোকপগা লোয়ননা কনফরেন্স অসিনা নোংচুপ গুজরাত্তা ইনভেস্তমেন্ত অমসুং ইন্দস্ত্রিএল গ্রোথকীদমক অনৌবা শাহৌ অমা পীনবা পান্দম থম্লি। কনফরেন্স অসিগী ফোকস সেক্তরশিংদা সেরামিক্স, ইঞ্জিনীয়রিং, পোর্তস অমসুং লোজিস্তিক্স, ফিসরিজ, পেত্রোকেমিকেলস, এগ্রো অমসুং ফুদ প্রোসেসিং, মিনরেল্স, গ্রীন ইনর্জী ইকোসিস্তেম, স্কিল দিবেলপমেন্ত, স্তার্তঅপশিং, এম.এস.এম.ই.শিং, তুরিজম অমসুং কলচর য়াওরি। জপান, খা কোরিয়া, রাৱান্দা অমসুং য়ুক্রেন অসি কনফরেন্স অসিগী পার্তনর লৈবাকশিং ওইগনি।

ভাইব্রেন্ত গুজরাতকী মায় পাক্লবা মোদেল অসি হেন্না পাকথোক চাউথোকহন্নবগীদমক, রাজ্য অসিদা ভাইব্রেন্ত গুজরাত রিজনেল কনফরেন্স মরি পাংথোক্লি। অৱাং গুজরাতকী লমদমগী অহানবা রিজনেল কনফরেন্স অসি ২০২৫গী ওক্তোবর ৯ অমসুং ১০দা মেহসানাদা পাংথোকখি। হৌজিক পাংথোক্লিবা ইদিসন অসি কচ্ছ অমসুং সৌরাস্ত্রা লমদমগী ওইনা পাংথোক্লি। মথংদা সুরত অমসুং ভদোদারাদা সাউথ গুজরাত (এপ্রিল ৯-১০, ২০২৬) অমসুং সেন্ত্রেল গুজরাত (জুন ১০-১১, ২০২৬) লমদমশিংগী রিজনেল কনফরেন্সশিং পাংথোক্কনি।

প্রধান মন্ত্রীগী ভিক্সিৎ ভারত @ ২০৪৭গী মঙলান অদুগী পরিং মখাদা অমসুং ভাইব্রেন্ত গুজরাত গ্লোবেল সম্মিৎকী মাইপাকপা অমসুং লিগেসীদা য়ুম্ফম ওইদুনা, লমদম অসিগী ওইবা ইন্দস্ত্রীগী চাউখৎপা, তোঙান তোঙানবা সেক্তরশিংদা শেল থাদবা পুক্নিং চিংশিনবা অমসুং মালেমগী ওইবা থৌদাং হেনগৎহন্নবা রিজনেল কনফরেন্সশিং অসিনা পান্দম থম্লি। ভাইব্রেন্ত গুজরাত প্লেতফোর্ম অসি লমদমশিংদা হেন্না নকশিন্নহন্দুনা, খোঙথাং অসিনা দিসেন্ত্রেলাইজ দিবলপমেন্ত, ইজ ওফ দুইং বিজিনেস, ইন্নোবেসন-দ্রিভন গ্রোথ অমসুং সস্তেনেবল এমপ্লোইমেন্তগী খুদোংচাবশিং শেমগৎপদা প্রধান মন্ত্রীনা মরুওইবা পীরিবা অদু উৎলি।

রিজনেল কনফরেন্সশিং অসি রিজনেল এচিবমেন্তশিং উৎনবা অমসুং অনৌবা খোঙথাংশিং লাউথোক্নবগী প্লেৎফোর্ম অমা ওইবতা নত্তনা রিজনেল ইকোনোমীশিং মপাঙ্গল কনখৎহন্দুনা, ইন্নোবেসন প্রমোৎ তৌদুনা অমসুং রাজ্য অসিগী শরুক খুদিংমক্তা স্ত্রেতেজিক ইনভেস্তমেন্তশিং লাইথোকহন্দুনা গুজরাতকী গ্রোথ স্তোরী পুন্না শেমগৎনবগী খুৎলাই অমসু ওইগনি। রিজনেল কনফরেন্সশিংগী এচিবমেন্তশিং অসি ২০২৭গী জনুৱারীদা পাংথোক্কদৌরিবা ভাইব্রান্ত গুজরাত গ্লোবেল সম্মিৎকী মথংগী ইদিসনদা উৎকনি।

 

Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
India's IT industry to hit $315 billion in FY26 as AI revenues reach $10-12 billion: Nasscom

Media Coverage

India's IT industry to hit $315 billion in FY26 as AI revenues reach $10-12 billion: Nasscom
NM on the go

Nm on the go

Always be the first to hear from the PM. Get the App Now!
...
Prime Minister Condoles the Passing of Thiru R. Nallakannu
February 25, 2026

The Prime Minister has expressed his condolences over the passing of Thiru R. Nallakannu, highlighting his grassroots connect and his tireless efforts to give a voice to the underprivileged.

The Prime Minister noted that Thiru R. Nallakannu was widely respected by people from every section of society and his simplicity was noteworthy. The Prime Minister shared that his thoughts are with the family and admirers during this time.

The Prime Minister shared on X;

"Thiru R. Nallakannu will be remembered for his grassroots connect and efforts to give voice to the underprivileged, workers and farmers. He was widely respected by people from every section of society. Equally noteworthy was his simplicity. My thoughts are with his family and admirers."