প্রধান মন্ত্রী শ্রী নরেন্দ্র মোদীনা মে 22দা রাজস্থানদা চৎকনি। মহাক্না বীকানেরদা চৎকনি অমসুং অয়ুক্কী পুং 11 রোম তাবদা মহাক্না দেশনোক্কী কর্নি মাতা লাইশঙদা দর্শন তৌগনি।
মখা তানা অয়ুক পুং 11:30 রোম তাবদা, প্রধান মন্ত্রীনা অমৃত ভারত স্তেসন স্কিমগী মখাদা নৌনা শেমগৎলবা দেশনোক স্তেসন শঙ্গাগনি অমসুং বীকানের-মুম্বাই এক্সপ্রেস ত্রেন লমথাগনি। মদুগী মতুংদা মহাক্না লুপা করোর 26,000 হেনবগী দিবেলপমেন্ত প্রোজেক্ত কয়া লৈবাক মীয়ামদা কত্থোক্কনি অমসুং উরেপ উয়ুং তমগনি অমসুং দেশনোক্তা মীয়ামগী থৌরম অমদা ৱা ঙাংগনি।
লৈবাক অসিদা রেলগী ইনফ্রাস্ত্রকচর লেপ্তনা ফগৎহন্নবা অমসুং হেনগৎহন্নবা মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা ভারতকী রাজ্য অমসুং য়ুনিয়ন তেরিতোরী 18গী জিলা 86দা লুপা করোর 1,100 হেনবগী শেনফম চংনা নৌহৌনা শেমগৎখিবা অমৃত স্তেসন 103 শঙ্গাগনি। অমৃত ভারত স্তেসন স্কিমগী মখাদা রিজনেল আর্কিতেকচর মশক তাক্নবা অমসুং পেসেঞ্জরগী খুদোংচাবশিং হেনগৎহন্নবা দিজাইন তৌদুনা স্তেসন 1,300 হেন্না মোদর্ন ফেসিলিতীশিংগা লোয়ননা নৌনা শেমগৎলি। দেশনোক রেলৱে স্তেসন অসি, কার্নি মাতা লাইশঙদা লাকপা তীর্থ চৎপা মীওইশিং অমসুং তুরিস্তশিংগী শেবা তৌরি। মসি লাইশঙগী আর্কিতেকচর অমসুং আর্ক অমসুং কলমগী থিমদগী ইথিল ফংলি। তেলঙ্গনাগী বেগমপেৎ রেলৱে স্তেসন অসি ককাতিয়া সমরাজ্যগী আর্কিতেকচরদগী ইথিল ফংখি। বিহারদা লৈবা থাৱে স্তেসন অসিদা মা থাৱেৱালি, শক্তি পীথ 52গী মনুংদা অমা ওইরিবা অমসুং মধুবানী পেন্তিংশিং উৎলিবা ম্যুরেল মখল কয়া অমসুং আর্ত ৱার্কশিং য়াওরি। গুজরাতকী দাকোর স্তেসন অসি রঞ্চোদ্রাই জি মহারাজনা ইথিল পীবনি। ভারত শিনবা থুংনা নৌনা শেমগৎলবা অমৃত স্তেসনশিং অসি চৎনবীগী হেরিতেজ, দিব্যাংজন য়াওনা পেসেঞ্জর-সেন্ত্রিক ফেসিলিতীশিং অমসুং ত্রেবেল এক্সপরিয়েন্স হেনগৎহন্নবা সস্তেনেবল ওইবা থৌওংশিংগা লোয়ননা মোদর্ন ইনফ্রাস্ত্রকচর পুনশিল্লি।
ইন্দিয়ন রেলৱেজনা রেলৱেজ ওপরেসনশিংবু হেন্না ইফিসিএন্ত অমসুং এনভাইরনমেন্ত ফ্রেন্দলী ওইহন্দুনা মাগী নেৎৱার্ক্কী 100% ইলেক্ত্রিফিকেসন তৌনবগী মায়কৈদা চংশিল্লি। মসিগী পরিং মখাদা প্রধান মন্ত্রীনা চুরু-সাদুলপুর রেল লাইন (কিলোমীতর 58) গী উরেপ উয়ুং তমগনি অমসুং সুরতগর-ফালোদি (কিলোমীতর 336); ফুলেরা-দেগানা (কিলোমীতর 109), উদাইপুর-হিম্মতনগর (কিলোমীতর 210), ফালোদি- জয়সালমর (কিলোমীতর 157) অমসুং সামদারী-বরমর (কিলোমীতর 129) রেল লাইন ইলেক্ত্রিফিকেসন তৌরিবা অসি লৈবাক মীয়ামদা কত্থোক্কনি।
রাজ্য অসিদা লম্বীগী ইনফ্রাস্ত্রকচরদা অচৌবা ইনোৎ অমা পীরদুনা, প্রধান মন্ত্রীনা ভেহিকল আন্দরপাস অহুম শাবা, নেস্নেল হায়ৱেশিং পাকথোক চাউথোকহনবা অমসুং মপাঙ্গল কনখৎহন্নবা উরেপ উয়ুং তমগনি। প্রধান মন্ত্রীনা রাজস্থানদা লম্বীগী প্রোজেক্ত তরেৎসু জাতিদা কত্থোক্কনি। লুপা করোর 4850 হেনবগী লম্বীগী প্রোজেক্তশিং অসিনা পোৎ-চৈ পুথোক পুশিন তৌবা অমসুং মীওইশিং চৎথোক চৎশিন তৌবদা হেন্না খুদোংচাহল্লগনি। হায়ৱেশিং অসি ইন্দো-পাকিস্তান বোর্দর ফাওবা শাংদোক্লি, মসিনা সেক্যুরিতী ফোর্সশিংগী এক্সেসিবিলিতী হেনগৎহল্লি অমসুং ভারতকী দিফেন্স ইনফ্রাস্ত্রকচর মপাঙ্গল কনখৎহল্লি।
পুম্নমক্কীদমক ইলেক্ত্রিসিতী অমসুং গ্রীন অমসুং ক্লিন ইনর্জীগী মঙলান মখা তানা হেনগৎহন্দুনা, প্রধান মন্ত্রীনা বীকানের অমসুং দিদ্ৱানা কুচমনগী নৱাদা সোলর প্রোজেক্তশিং, অমসুং পৱারগ্রীদ সিরোহী ত্রান্সমিসন লিমিতেদকী পার্ত বি অমসুং পৱারগ্রীদ মেৱর ত্রান্সমিসন লিমিতেদকী পার্ত ইগী পৱার ত্রান্সমিসন সিস্তেমশিং য়াওনা পাৱর প্রোজেক্তশিংগী উরেপ উয়ুং তমগনি। মহাক্না বীকানেরদা সোলর প্রোজেক্ত, পৱারগ্রীদ নিমুচ অমসুং বীকানের কমপ্লেক্সতগী পৱারগ্রীদ ইভাক্যুএসন তৌনবগী ত্রান্সমিসন সিস্তেম, ক্লিন ইনর্জী ফংহল্লগদবা অমসুং কার্বোন থাদোকপা হন্থহল্লগদবা ফতেহগর- II পাৱর স্তেসনদা ত্রান্সফোর্মেশন কেপাসিতী হেনগৎহনবা য়াওনা পাৱর প্রোজেক্তশিংসু শঙ্গাগনি।
প্রধান মন্ত্রীনা রাজস্থানগী ইনফ্রাস্ত্রকচর, কন্নেক্তিবিতী, পাৱর সপ্লাই, হেল্থ সর্ভিস অমসুং ঈশিং ফংহন্নবা রাজ্য সরকারগী মরুওইবা প্রোজেক্ত 25 উরেপ উয়ুং তমগনি, শঙ্গাগনি অমসুং কত্থোক্কনি। মসিগী মনুংদা লুপা করোর 3,240 হেনবগী অপুনবা কিলোমিতর 750 হেন্না শাংবা স্তেত হায়ৱে 12গী অপগ্রেদেসন অমসুং মেন্তেন তৌবগী প্রোজেক্তশিংগী উরেপ উয়ুং তম্বা অমসুং জাতিদা কত্থোকপগী থৌরমশিং য়াওরি; প্রোগ্রাম অসিগী মখাদা মখা তানা পাকথোক চাউথোকহনবদা অহেনবা কিলোমিতর 900গী অনৌবা হায়ৱেশিং য়াওরি। প্রধান মন্ত্রীনা বীকানের অমসুং উদয়পুরদা পাৱর প্রোজেক্তশিং শঙ্গাগনি। মহাক্না রাজসমন্দ, প্রতাপগর, ভিলৱারা, ধোলপুরদা নর্সিং কোলেজশিংসু শঙ্গাগনি, মসিনা রাজ্য অসিদা হকশেলগী ইনফ্রাস্ত্রকচর হেনগৎহনবদা মরুওইবা থৌদাং লৌগনি। মহাক্না লমদম অসিদা রুরেল ৱাতর সপ্লাই অমসুং ঝুনঝুনু জিলাদা ফ্লুরোসিস মিতিগেসন প্রোজেক্ত, AMRUT 2.0গী মখাদা পালী জিলাগী শহর 7দা অর্বান ৱাতর সপ্লাই স্কিমশিং শেমদোক-শাদোকপা য়াওনা ঈশিংগী ইনফ্রাস্ত্রকচরগী প্রোজেক্ত কয়াগী উরেপ উয়ুংসু তমগনি অমসুং লৈবাক মীয়ামদা কত্থোক্কনি।
