প্রধান মন্ত্রী নরেন্দ্র মোদীনা দিসেম্বর 17তা রাজস্থানদা চৎকনি। প্রধান মন্ত্রীনা রাজস্থানগী জাইপুরদা ‘এক-ভর্শ-পরিনাম উৎকার্শ’: রাজস্থানগী রাজ্য সরকারনা চহি 01 মপুং ফাবগী থৌরমদা শরুক য়াগনি মসিদা মহাক্না লুপা করোর 46,300 হেনবগী ইনর্জী, লম্বী-থোং, রেলৱেজ অমসুং ৱাতরগা মরী লৈনবা প্রোজেক্ত 24 শঙ্গাগনি অমসুং উরেপ-উয়ুং তমগনি।
কেন্দ্র সরকারগী প্রোজেক্ত 7 অমসুং রাজ্য সরকারগী প্রোজেক্ত 2 য়াওনা লুপা করোর 11,000 হেনবগী প্রোজেক্ত 9 প্রধান মন্ত্রীনা শঙ্গাগনি। কেন্দ্র সরকারগী প্রোজেক্ত 9 অমসুং রাজ্য সরকারগী প্রোজেক্ত 6 য়াওনা লুপা করোর 35,300 হেনবগী প্রোজেক্ত 15গী উরেপ উয়ুংসু তমগনি।
থৌরম অদুদা শঙ্গাগদবা প্রোজেক্তশিং অদুদি নভনেরা বারেজ, স্মার্ত ইলেক্ত্রিসিতী ত্রান্সমিসন নেৎৱার্ক অমসুং এসেৎ মেনেজমেন্ত সিস্তেম প্রোজেক্তশিং, ভিল্দী-সমদারি-লুনি-জোধপুর-মেরতা রোদ-দেগানা-রতনগর সেক্সনগী রেলৱে ইলেক্ত্রিফিকেসন অমসুং দিল্লী-ভদোদরা গ্রীন ফিল্দ এলাইনমেন্ত (NH-148N) গী পেকেজ 12 (মেজ তুরেলগী মথক্তা SH-37Aগী জংশন ফাওবা মরু ওইবা থোং) প্রোজেক্তশিং অসিনি। প্রোজেক্তশিং অসিনা মীয়ামদা লায়না চৎথোক-চৎশিন তৌবদা মতেং পাংগনি অমসুং প্রধান মন্ত্রীগী গ্রীন ইনর্জীগী ভিজনগী মতুং ইন্না রাজ্য অসিগী ইনর্জীগী মথৌ তাবশিং মপুং ফাহনগনি।
প্রধান মন্ত্রীনা লুপা করোর 9,400 হেন্না চংগদবা রামগর বারেজ অমসুং মহলপুর বারেজ শাবগী থবকশিং অমসুং চম্বল তুরেলগী এক্বেদক্তকী খুত্থাংদা নবনেরা বারেজতগী বিসালপুর দাম অমসুং ইসরদা দামদা ঈশিং ত্রান্সফর তৌনবা সিস্তেম শানবগী থবক্কী উরেপ উয়ুং তমগনি।
প্রধান মন্ত্রীনা সরকারগী ওফিস বিল্দিংদা রুফতোপ সোলর প্লান্তশিং ইন্সতোল তৌনবা, পুগল (বিকানর) দা মেগাৱাৎ 2000গী সোলর পার্ক অমা অমসুং মেগাৱাৎ 1000গী সোলর পার্ক্কী ফেজ অনি শেমগৎনবা অমসুং সাইপৌ (ধোলপুর) দগী ভারতপুর-দীগ-কুমহের-নগর-কমন অমসুং পাহারি অমসুং চম্বল-ধোলপুর-ভারতপুর রেত্রোফোতিং ৱার্ক ফাওবদা থক্নবা ঈশিং ত্রান্সমিসন লাইন শঙ্গাবগীদমক উরেপ উয়ুংসু তমগনি। লুনি-সমদারী-ভিল্দী দবল লাইন, অজমের-চন্দেরিয়া দবল লাইন অমসুং জয়পুর-সাৱাই মাধোপুর দবল লাইন রেলৱে প্রোজেক্তকা মরী লৈনবা থবকশিং অমসুং অতোপ্পা ইনর্জী ত্রান্সমিসনগা মরী লৈনবা প্রোজেক্তশিংগীদমক উরেপ উয়ুং তমগনি।
