প্রধান মন্ত্রী শ্রী নরেন্দ্র মোদী ফেব্রুৱারি ১,২০২৬ দা পঞ্জাবতা চৎকনি। নুংথিল পুং ৩:৪৫ রোম তাবদা, প্রধান মন্ত্রী অদামপুর এয়রপোর্ততা চৎকনি অমসুং মফম অদুদা মহাক্না ‘শ্রী গুরু রবিদাস জি এয়রপোর্ত, অদামপুর’ হায়না নৌনা মমিং থোল্লবা এয়রপোর্তকী অনৌবা মমিং মাইখুম হাংদোক্কনি। মহাক্না পঞ্জাবকী লুধিনায়াদা হলৱারা এয়রপোর্ততা তর্মিনেল বিল্দিং শঙ্গাগনি
সান্ত গুরু রবিদাস জিগী ৬৪৯শুবা মপোক কুমওনগী শেংলবা থৌরমদা, অদামপুর এয়রপোর্ত অসি শেংলবা সাধু অমসুং খুন্নাইগী অওনবা পুরকখিবা মহাক্কী মমিংদা থোন্দুনা মান্নবা, মীওইবগী মীনুংশি অমসুং মীওইবা ইকায়খুম্নবা উৎনবা মহাক্কী পাউতাকশিংনা মখা তানা ভারত খুন্নাইদা ইথিল পীগনি।
পঞ্জাবতা মখা তানা এভিএসন ইনফ্রাষ্ট্রকচর চাউখৎনবা, হালৱারা এয়রপোর্ততা প্রধান মন্ত্রীনা শঙ্গাগদৌরিবা তর্মিনেল বিল্দিং অসিনা রাজ্য অসিগী অনৌবা থোঙ্গাল অমা হাংদোক্লগনি, লুধিয়ানা অমসুং মসিগী অকোয়বগী উদ্যোগ অমসুং লৌউশিংদা কান্নবা পীরগনি। লুধিয়ানা জিলাদা লৈরিবা হলৱারাদা ইন্দিয়ান এয়রফোর্সকী য়াম্না মরুওইবা মফম অমসু ওইরি।
মমাঙদা লুধিয়ানাগী এয়রোপোর্ত অসিদা য়াম্না পীকপা রনৱে অমা লৈরমখি, মসি অপীকপা এয়রক্রাফশিংগীনি। চৎথোক-চৎশিন ফগৎনবা অমসুং অচৌবা এয়রক্রাফশিং তাবা য়ানবা, এ৩২০ মখলগী এয়াক্রাফশিং ফাওবা শীজিন্নবা য়ারবা অশাংবা রনৱে অমা লৈরবা অনৌবা সিবিল ইনক্লেপ অমা হরৱারাদা শেমগৎলে।
তুংকোইনা চৎনবা য়াগদবা অমসুং মহৌশাগী অকোয়গী ফিবম শোকহন্দবা চাউখৎ-থৌরাংগী থবকশিং পায়খৎনবা প্রধান মন্ত্রীগী পান্দমগী শরুক অমা ওইনা, এল.ই.দি লাইতশিং, ইন্সুলেতেদ রুফিং, নোংগী ঈশিং লোকশিন্নবগী খুদোংচাবশিং, সিৱেজ অমসুং ঈশিং চুমথোক্নবা প্লান্তশিং অমসুং অমোৎপা ঈশিং অমুক হন্না শীজিন্নবা য়াওনা তর্মিনেল অসিদা মহৌশাগী ফিবম শোকহন্দবা অমসুং ইনর্জি য়াম্না চঙদবা খুদোংচাবা কয়া য়াওরে। আর্কিতেকচরেল দিজাইন্দা পঞ্জাবকী ইনাকখুল্লবা নাৎ অমসুং চৎনবীগী মমি তারে, পেসেঞ্জরশিংদা তোপ-তোপ্পা অমসুং লমদম অসিগী ওইবা ইথিল অমা পীরে।
