প্রধান মন্ত্রি শ্রী নরেন্দ্র মোদী ২০২৬কি জুন ২০দা ওরিশাদা চৎকদৌরি, ভারতকি রাস্ত্রপতি শ্রীমতি দ্রৌপদি মুর্মু খোঙচৎ অসিদা প্রধান মন্ত্রিগা লোয়ননা চৎমীন্নগনি, মসিনা রাজ্য অসিগীদমক্তা য়াম্না অতাংবা অমসুং মরুওইবা থৌরম অমা ওইরগনি।
চাওরাক্না পূং ১১:১৫দা রাস্ত্রপতি অমসুং প্রধান মন্ত্রিনা ময়ুরভঞ্জ জিলাগী পহাদপুর খুঙ্গংদা চৎকনি। রাস্ত্রপতি অমসুং প্রধান মন্ত্রিনা শেংলবা উকোল শন্থালি জহেরা অমসুং হো জাহেরা, স্কীল সেন্তর অমসুং পহাদপুর স্কুলদা থৌনিজগনি। খোঙচৎ অসিনা ত্রাইবেল অমসুং খুঙ্গংগী লমদমশিংদা মহৈ-মশিংগী খুদোংচাবশিং, স্কীল দিবলপমেন্ত অমসুং সোসিও-ইকোনোমিক এম্পাৱরমেন্ত হেন্না মপাঙ্গল কনখৎহন্নবা হৌজিক চত্থরিবা হোৎনরিবশিং অদু ফোঙদোক্কনি।
চাওরাক্না নুংথিল পূং ১দা রাস্ত্রপতি অমসুং প্রধান মন্ত্রিনা ময়ুরভঞ্জ জিলাগী রাইরঙ্গপুরদা থৌরম অমদা শরুক য়াগনি, মসিদা ওরিশা সরকারগী চহি অনি মপূঙ ফাবগী থৌরম পাঙথোক্কনি। থৌরম অসিগী থিমদি “বিকাস রা ধারা, ওরিশা শারা” হায়বনি। থৌরম অসিগী মনুংদা লুপা করোর ৪৭,৬০০ হেনবগী মমল ওইবা তোঙান তোঙানবা চাওখৎ-থৌরাংগী প্রোজেক্তশিংগী শঙ্গাগনি অমদি উরেপ-উয়ুং তমগনি। থৌরম অসিদা প্রধান মন্ত্রিনা মীফম অদুদা ৱা ঙাংগনি।
থৌরম অসিগী মনুংদা ইনর্জি, ইন্দস্ত্রিয়েল ইনফ্রাস্ত্রকচর, লম্বি কনেক্তিবিতি, থক্নবা ইশিং, হকশেল, এজুকেসন, তুরিজম অমসুং ইরিগেসন য়াওনা মরুওইবা শেক্তরশিংগী প্রোজেক্তশিং শঙ্গাগনি অমদি উরেপ-উয়ুং তমগনি। প্রোজেক্তশিং অসিনা ইনফ্রাস্ত্রকচর মপাঙ্গল কনখৎহনগনি, কনেক্তিবিতি ফগৎহনগনি, ইনর্জি সেক্যুরিতি হেঙ্গৎহনগনি অমসুং ওরিশা শিনবা থুংনা থবক ফংবগী খুদোংচাবশিং পিগনি হায়না থাজরি। প্রধান মন্ত্রিনা ইনক্লুশিব অমসুং হোলিস্তিক দিবলপমেন্তকি মীৎয়েং অদু উৎলদুনা হায়রিবা খোঙথাংশিং অসিনা ত্রাইবেল অমসুং খুঙ্গংগী মফমশিং চাউখৎপদা হেন্না খোঙজেল য়াংশিনহল্লগনি অমসুং দিবেলপমেন্তকি কান্নবা রাজ্য অসিগী কাচিন খুদিং য়ৌহনগনি।
উরেপ-উয়ুং তমগদৌরিবা অচৌবা প্রোজেক্তশিংগী মনুংদা মেগাৱাৎ ৬০০কী অপ্পর ইন্দ্রবতি পম্প স্তোরেজ প্রোজেক্ত অমসুং মেগাৱাৎ ৬০০কী য়ুনিৎ অনিগী আই.বি. থর্মেল পাৱর স্তেসন প্রোজেক্তকী স্তেজ- II এক্সপান্সন প্রোজেক্তনি। প্রোজেক্তশিং অসিনা ইনর্জি সেক্যুরিতি হেঙ্গৎহল্লগনি অমসুং ওরিশাদা ইকোনোমিক গ্রোথতা মতেং পাংলগনি। ঝারসুগুদা জিলাগী লখনপুরদা ভারত কোয়ল গ্যাসিফিকেসন এন্দ কেমিকেল্স লিমিতেদ (বি.সি.জি.সি.এল.) প্রোজেক্তকি উরেপ-উয়ুংসু তম্লগনি। মসিনা দোমেস্তিক কোয়লাগী রিশোরশশিং হেন্না শেঙনাা শিজিন্নবা হেনগৎহনগনি, মপান্দগী পুশিল্লকপদা মখা পোনবা হন্থহনগনি অমসুং লমদম অসিদা অনৌবা ইন্দস্ত্রি অমসুং থবক পিবগী খুদোংচাবশিং শেমগৎকনি।
য়ুমথোঙ খুদিংদা য়ুম্ফম ওইবা অতোপ্পা প্রোজেক্তশিংগী মনুংদা ভুবনেস্বরদা তি.পি.দি নুৱাপারাদগী ঘাতিপাদা ফাওবা এন.ঐচ.-৩৫৩, কুসুমদিহি মেগালিফ ইরিগেসন প্রোজেক্ত, ইগনৌ রিজনেল সেন্তর অমসুং রাইরঙ্গপুরদা লৈবা ইন্দোর বেদমিন্তন কমপ্লেক্সনচিংবা য়াওরি।
ওরিশাগী তোঙান তোঙানবা জিলাশিংদা অতল বস স্তেনদা ২৪ অমসুং ওতোমেতেদ তেস্তিং স্তেসন অনিগা লোয়ননা বৌধদা লৈবা ফমুং ৩০০ লৈবা দিস্ত্রিক্ত হেদক্বাতর হোসপিতাল বিল্দিং অসি শঙ্গাগনি। হায়রিবা প্রোজেক্তশিং অসিনা রাজ্য অসিদা হেল্থকেয়র অমসুং পব্লিক ত্রান্শপোরতকি ইনফ্রাস্ত্রকচর মপাঙ্গল কনখৎহনগনি হায়না থাজরি। শঙ্গাগদৌরিবা অতোপ্পা মরুওইবা প্রোজেক্তশিংগী মনুংদা এন.ঐচ.-৫৭তা নয়াগর তাওন বাইপাস, কুসুমী শ্মার্ত ইরিগেসন প্রোজেক্তকি অন্দরগ্রাওন্দ পায়পলাইন কম্পোনেন্ত, জখাপুরা-জাজপুর কেওনঝার রোদ-বৈতরনি রোদ মল্তি-ত্রেকিং প্রোজেক্ত, হিন্দোল রোদ-মেরামন্দলি মল্তি-ত্রেকিং প্রোজেক্ত, স্পোর্তস কমপ্লেক্স অমসুং রাইরঙ্গপুরদা লৈবা ত্রাইবেল রিসর্চ সেন্তরনচিংবা য়াওরি।
