Share
 
Comments
প্রধান মন্ত্রীনা মনিপুরদা লুপা করোর ৪৮০০ হেনবা প্রোজেক্ত ২২ হৌদোক্লগনি অমসুং উরেপ-উয়ুং তম্লগনি
লৈবাক শিনবা থুংনা কনেক্তিবিতী ফগৎহন্নবা পি.এম.গী ভিজন অদুগী মনুং চন্না লুপা করোর ১৭০০ হেন্না চংগদবা নেস্নেল হাইৱেগী উরেপ-উয়ুং তম্লগনি;
লুপা করোর ১১০ হেন্না চংনা শাবা মোবাইল তাৱর ২৩৫০ হেন্না মীয়ামদা কত্থোক্লগনি; মোবাইল কনেক্তিবিতীদা চাউনা অহোংবা অমা পুরক্লনি
হেল্থ সেক্তরদা য়াম্না চাউবা অহোংবা অমা পুরক্লিনি; ‘খ্বাইদগী নৌবা কেন্সর হোসপিতাল’গী উরেপ-উয়ুং তম্লগনি; ফমুং ২০০ লৈবা অনৌবা কোবিদ হোসপিতাল শঙ্গারগনি
থবক্কী খুদোংচাবশিং হেনগৎহন্নবা মনিপুরগী খ্বাইদগী চাউবা পি.পি.পি. ইনিসিয়েতিবকী, ‘সেন্তর ফোর ইনভেন্সন, ইন্নোভেশন, ইনক্যুবেশন এন্দ ত্রেনিং’গী উরেপ-উয়ুং তম্লগনি;
‘মনিপুর ইন্সতিত্যুত ওফ পার্ফোর্মিং আর্তস’কী উরেপ-উয়ুং তম্লগনি; মসিগী ৱাখল্লোন অসি অহানবা ওইনা ১৯৯০দা পুথোরকখিবনি অদুবু চহি কয়া থবক ওইনা পাংথোকপদি ঙমখিদে
মাইনোরিতী কম্যুনিতীশিংদা কাননবা পীনবা, পি.এম.গী মন্ত্রা ‘সবকাসাথ - সবকা বিকাস- সবকা বিশ্বাস’কী মনুং চন্না প্রধান মন্ত্রী জন বিকাস কার্য়ক্রমগী মখাদা লুপা করোর ১৩০গী প্রোজেক্তকী উরেপ-উয়ুং তম্লগনি;
হিরম খুদিংমক্তা নোর্থ ইস্তকী চাউখৎহন্নবগীদমক্তা ওইবা পি.এম.গী ভিজন অদুগী মমনুং চন্না, সেক্তর কয়া অমা খুদম ওইনা থক্নবা ঈশিংগী সপ্লাই, অর্বান দিবেলপমেন্ত, হাউজিং, হেন্দলুমস অমসুং স্কিল দিবেলপমেন্তসু কাননরগনি;
লৈবাক শিনবা থুংনা এয়রপোর্ত খুদিংমক্তা মতম অসিগী অনৌবা ফেসিলিতীশিং ফংহন্নবা পি.এম.না পাইখৎলক্লিবা থবকশিং অদুগী মনুং চন্না, ত্রিপুরাদা মহারাজা বির বিক্রম এয়রপোর্তকী অনৌবা ইন্তিগ্রেতেদ তর্মিনেল বিল্দিং শঙ্গারগনি।
পি.এম.না মুখ্যমন্ত্রী ত্রিপুরা গ্রাম সম্রিদ্ধি য়ৌজনা অমসুং ত্রিপুরাদা বিদ্যজ্যোতি স্কুলশিংগী প্রোজেক্ত মিশন ১০০ হৌদক্লগনি

প্রধান মন্ত্রী, শ্রী নরেন্দ্র মোদীনা ২০২২গী জনুৱারী ৪দা মনিপুর অমসুং ত্রিপুরা চৎকনি। চাউরাক্না অয়ুক্কী পুং ১১ তাবা মতমদা, প্রধান মন্ত্রীনা ইমফালদা লুপা করোর ৪৮০০গী মথক্তা ওইবা চাউখৎ-থৌরাংগী ওইবা প্রোজেক্ত ২২গী উরেপ-উয়ুং তম্লগনি। মসিগী মতুংদা চাউরাক্না নুংথিলগী পুং ২ তাবা মতমদা আগরতলাদা মহাক্না মহারাজা বির বিক্রম এয়রপোর্ততা অনৌবা ইন্তিগ্রেতেদ তর্মিনেল বিলদিং শঙ্গারগনি অমসুং চাউখৎ-থৌরাংগী ওইবা অনৌবা খোংথাং অনি অমসুং হৌদোক্লগনি।

মনিপুরদা প্রধান মন্ত্রী

মনিপুরদা, প্রধান মন্ত্রীনা চাউরাক্না লুপা করোর ১৮৫০গী প্রোজেক্ত ১৩ হৌদোক্লগনি অমসুং চাউরাক্না লুপা করোর ২৯৫০গী ওইবা প্রোজেক্ত ৯ উরেপ-উয়ুং তম্লগনি। প্রোজেক্তশিং অসি তোঙান-তোঙানবা সেক্তরশিংগা মরি লৈনৈ খুদম ওইনা রোদ ইনফ্রস্তরকচর, দ্রিংকিং ৱাতর সপ্লাই, হেল্থ, অর্বান দিবেলপমেন্ত, হাউজিং, ইনফোর্মেশন তেক্নোলোজী, স্কিল দিবেলপমেন্ত, আর্ত  অমসুং কলচর।

লৈবাক শিনবা থুংনা কনেক্তিবিতী ফগৎহন্নবা প্রোজেক্তশিং অদুগী মনুং চন্না, প্রধান মন্ত্রীনা লুপা করোর ১৭০০ হেন্না চংনা শাগদবা নেস্নেল হাইৱে প্রোজেক্ত মঙা শানবগী উরেপ-উয়ুং তম্লগনি। পুন্না কি.মি. ১১০ শাংবা হাইৱেশিং অসি শাবনা রিজন অসিদা রোদ কেনক্তিবিতী ফগৎহন্নবগী মরু ওইবা খোংথাং অমনি। সিলচর অমসুং ইমফালগী মরক্তা চই চুপ্পা অপনবা অধিংবা লৈতনা কনেক্তিবিতী ফগৎহনগদবা অমসুং ত্রাফিক চিনবা হন্থহনবা অতোপ্পা য়াম্না মরু ওইবা ইনফ্রস্তরকচরদুদি লুপা করোর ৭৫ হেন্না চংদুনা এন.ঐচ.-৩৭দা বারাক তুরেল মথক্তা শাবা য়োৎখি থোং। য়োৎকী থোং অসি থৌরম অদুদা প্রধান মন্ত্রীনা শঙ্গারগনি।

প্রধান মন্ত্রীনা, মনিপুরগী মীয়ামদা চাউরাক্না লুপা করোর ১১০০ চংনা শাবা মোবাইল তাৱর ২,৩৮৭ কত্থোক্লগনি। মসিনা রাজ্য অসিদা মোবাইল কনেক্তিবিতী ফগৎহনবদা য়াম্না মরু ওইবা খোংথাং অমা ওইগনি।

প্রধান মন্ত্রীনা বুমথোং খুদিংদা অফবা থক্নবা ঈশিং ফংহন্নবা হোৎনরিবা থবক অদু রাজ্য অসিদা দ্রিংকিং ৱাতর সপ্লাই প্রোজেক্ত হৌদক্তুনা হেন্না ফগৎহল্লনি। প্রধান মন্ত্রীনা হৌদোক্কদবা প্রোজেক্তশিং অদুগী মনুংদা য়াওবা প্রোজেক্তশিং অদুদি লুপা করোর ২৮০গী ‘ৱাতর ত্রান্সমিসন সীস্তেম ওফ থৌবাল মল্তি পর্পোস প্রোজেক্ত’, মসিনা ইমফাল সিতীদা থক্নবা ঈশিং পীগনি; তামেংলোং জিলাদা মী তাবা মফম ১০দা লৈরিবা মীশিং অদুগী অফবা থক্নবা ঈশিং পীনবা লুপা করোর ৬৫ চংনা শাগদবা তামেংলোং হেদক্বার্তরশিংগীদমক্তা ৱাতর কঞ্জার্ভেশন্না ৱাতর সপ্লাই স্কীম প্রোজেক্ত;  ‘ওগমেন্তেশন ওফ সেনাপতি দিস্ত্রিক্ত হেদক্বার্তর ৱাতর সপ্লাই স্কীম’ হায়রিবা অসি মফম অদুগী মীয়ামদা ঈশিং ফংহন্নবা লুপা করোর ৫১ চংনা শাগদবা প্রোজেক্তনি। 

রাজ্য অসিদা হেল্থ সেক্তরদা ফগৎহন্নবা, প্রধান মন্ত্রীনা পি.পি.পি.দা য়ুমফম ওইদুনা চাউরাক্না লুপা করোর ১৬০ চংনা   ইমফালদা শাগদবা ‘স্তেত ওফ দি আর্ত কেন্সর হোসপিতাল’গী উরেপ-উয়ুং তম্লগনি। মসিগী কেন্সর হোসপিতাল অসিনা লৈবাক অসিগী মীয়ামদা শেল তিংবা হন্থহন্দুনা য়াম্না কানবা পীগনি, মরমদি মসিনা কেন্সরগা মরি লৈনবা দাইগ্নোস্তিকশিং অমসুং ত্রীতমেন্ত সার্বিসশিংগীদমক্তা মপাল লমদা চৎলগা তৌবা হন্থহনগনি। মখাতানা রাজ্য অসিদা কোবিদকা মরি লৈনবা ইনফ্রসস্তরকচর ফগৎহন্নবা, প্রধান মন্ত্রীনা কিয়ামগৈদা ফমুং ২০০ লৈবা কোবিদ হোসপিতালসু শঙ্গারগনি, আয়রিবা হোসপিতাল অসি দি.আর.দি.ও.গা খুৎশম্নদুনা চাউরাক্না লুপা করোর ৩৭ চংনা শাখিবনি।

ভারতকী সহরশিংদা নৌনা শেমগৎপা অমসুং অওনবা অমা পুরক্নবগীদমক্তা প্রধান মন্ত্রীনা লেপ্পা লৈতনা হোৎনরিবশিং অদু মাইপাক্না থবক ওইনা ওন্থোকপা ঙম্লে হায়বসি ‘ইমফাল স্মার্ত সিতী মিশন’গী মখাদা লৈরিবা প্রোজেক্ত কয়া অসিনা লোইশিল্লকপা মতমদা ওইথোক্কদৌরিবনি। প্রধান মন্ত্রীনা মিশন অসিগী প্রোজেক্ত অহুম লুপা করোর ১৭০ হেন্না চংনা শাগৎকদবা, ইন্তিগ্রেতেদ কমান্দ এন্দ কন্ত্রোল সেন্তর (আই.সি.সি.সি.) য়াওনা ‘দিবেলপমেন্ত ওফ ৱেস্তর্ন রিভরফ্রন্ত ওন ইমফাল রিভর (ফেস I)’ অমসুং ‘দিবেলপমেন্ত ওফ মাল রোদ এত থাঙ্গাল বজার (ফেস I)’ হৌদোক্লগনি। ইন্তিগ্রেতেদ কমান্দ এন্দ কন্ত্রোল সেন্তর (আই.সি.সি.সি.) অসিনা সিতী অসিদা ত্রাফিক মেনেজমেন্ত, সোলিদ ৱেস্ত মেনেজমেন্ত অমসুং সিতী সর্ভিলেন্স য়াওনা তেক্নোলোজীদা য়ুমফম ওইবা সার্বিস কয়া অমা ফংহনগনি। মিশন অসিগী মখাদা লৈবা অতোপ্পা দিবেলপমেন্ত প্রোজেক্তশিংনা তুরিজম অমসুং লোকেল ইকোনোমী চাউখৎহনগনি অমসুং থবক্কী খুদোংচাবা কয়া অমা পীগনি।

প্রধান মন্ত্রীনা চাউরাক্না লুপা করোর ২০০ চংনা রাজ্য অসিদা শাগদবা ‘সেন্তর ফোর ইনভেন্সন, ইন্নোভেশন, ইনক্যুবেশন এন্দ ত্রেনিং (সি.আই.আই.আই.তি.)’গী উরেপ-উয়ুং তম্লগনি। মসিগী প্রোজেক্ত অসিরাজ্য অসিদা খ্বাইদগী চাউবা পি.পি.পি. ইনিসিয়েতিবনি অমসুং মসিনা রাজ্য অসিদা থবক তৌবগী খুদোংচাবা পীবদা নত্তনা ইনফোর্মেশন তেক্নোলোজী সেক্তরদা চাউখৎহল্লগনি। 

প্রধান মন্ত্রীনা হরিয়ানাগী গুরগাওনদা মনিপুর ইন্সতিত্যুত ওফ পার্ফোর্মিং আর্তস শানবগীদমক্তা উরেপ-উয়ুং তম্লগনি। হরিয়ানা মনিপুরগী কলচরেল ইন্সতিত্যুত শানবগী অসিগুম্বা ৱাখল্লোন অসি অহানবা ওইনা ১৯৯০দা হৌদোরকখিবনি অদুবু চহি কয়া অমা মসিবু থবক ওইনা ওন্থোকপদি ঙমখিদে। ইন্সতিত্যুত অসি লুপা করোর ২৪০ এন্না চংনা শারগনি অমসুং মসিনা রাজ্য অসিগী ফজরবা আর্ত অমসুং কলচরবু প্রোমোত তৌরগনি। মখাতানা রাজ্য অসিগি ফজরবা এরিতেজবু য়োকখৎলদুনা, প্রধান মন্ত্রিনা ইমফালদা নৌনা ফজানা শেমগৎ-শাগৎলবা গোবিন্দাজি তেমপল শঙ্গারগনি। মহাক্না ইন্দিয়াগী ইন্দিপেন্দেন্স মুবমেন্ততা ইন্দিয়ন নেস্নেল আর্মী (আই.এন.এ.)না লৌখিবা মরু ওইবা থৌদাং অদু উৎখদৌরিবা আই.এন.এ. কমপ্লেক্সসু শঙ্গারগনি।

 ‘সবকা সাথ-সবকা বিকাস-সবকা বিস্বাস’কী মন্ত্রা অসিগী মনুং চন্না, প্রধান মন্ত্রীনা প্রধান মন্ত্রী জন বিকাস কার্য়ক্রমগী মখাদা  লুপা করোর ১৩০ হেন্না চংবা প্রোজেক্ত ৭২গী উরেপ-ঊয়ুং তম্লগনি। মসিগী প্রোজেক্তশিং অসিনা মাইনোরিতী কম্যুনিতীশিংগী ওলিস্তিক দিবেলপমেন্তকীদমক্তা হেল্থ অমসুং এজুকেশন সেক্তরশিংদা ইনফ্রস্ত্রকচরগী ওইবা সপোর্ত পীরগনি।

রাজ্য অসিদা হেন্দলুমগী ইন্দস্ত্রী চাউখৎহন্নবা প্রধান মন্ত্রীনা লুপা করোর ৩৬গী প্রোজেক্ত অনি শঙ্গারগনি মিং ওইনা পল্লবদা ইমফাল ইস্ত দিস্ত্রিক্তকী নোংপোক কাকচিংদা ‘মেগা হেন্দলুম ক্লস্তর’, হায়রিবা অসিনা ইমফাল ইস্ত দিস্ত্রিক্তকী ফি শাবা মী চাউরাক্না ১৭,০০০দা কাননবা পীরগনি অমসুং মোইরাংদা ‘ক্রাফ এন্দ হেন্দলুম ভিলেজ’, মসিনা ফি শাবা ইমুংশিংদা কাননবা পীরগনি, মসিনা মোইরাং অমসুং থংনবদা লৈরিবা লোকতাক পাতগী তুরিজম চাউখৎহল্লগনি অমসুং লমদম অসিগী মীয়ামদা থবক ফংহল্লগনি।

প্রধান মন্ত্রীনা চা্রাক্না লুপা করোর ৩৯০০ চংনা ন্যু চেকোনদা শাগদবা গোবর্নমেন্ত রেসিদেন্সিয়েল ক্বার্তরশিং শানবগীদমক্তা উরেপ-উয়ুং তম্লগনি। মসি মোদর্ন এমেনিতীশিং য়াওরবা ইন্তিগ্রেতেদ হাউজিং কোলোনী আমা ওইগনি। মহাক্না ইমফাল ইস্ততা ইবুধৌ মার্জিংদা রোপৱে প্রোজেক্তসু উরেপ-উয়ুং তম্লগনি। 

প্রধান মন্ত্রীনা শঙ্গাগদবা অতোপ্পা প্রোজেক্তশিং অদুগী মনুংদা এনহান্সিং স্কিল দিবেলপমেন্ত ইনফ্রাস্ত্রকচর (ই.এস.দি.আই.)গী মখাদা কাংপোকপিদা অনৌবা ইন্দসত্রিয়েল ত্রেনিং ইন্সতিত্যুত (আই.তি.আই.) অমসুং দাইরেক্তোরেত ওফ ইনফোর্মেশন এনদ পব্লিক রেলেশন্সকী অনৌবা ওফিস বিলদিংসু য়াওরি।

ত্রিপুরাদা প্রধান মন্ত্রী

প্রধান মন্ত্রীনা রাজ্য অসিদা চৎপা মতমদা, মহারাজা বির বিক্রম (এম.বি.বি.)এয়রপোর্তকী অনৌবা ইন্তিগ্রেতেদ তর্মিনেল বিল্দিং শঙ্গারগনি অমসু মরু ওইবা ইনিসিয়েতিবশিং: মুখ্যমন্ত্রী ত্রিপুরা গ্রাম সম্রিদ্ধি য়োজনা অমসুং বিদ্যাজ্যোতি স্কুলশিংগী প্রোজেক্ত মিসন ১০০ হৌদোক্লগনি।

মহারাজা বির বিক্রম (এম.বি.বি.) এয়রপোর্তকী অনৌবা ইন্তিগ্রেতেদ তর্মিনেল বিল্দিং অসি, লুপা করোর ৪৫০ মুক চংনা শাবনি, ৩০,০০০ স্ক্ব্যার মিতরদা শন্দোক্তুনা শাবা খ্বাইদগী অনৌবা বিল্দিং অসিদা মোদর্ন ফেসিলিতী কয়া অমসুং খ্বাইদগী অনৌবা মখলগী আই.তি. নেতৱার্ক ইন্তিগ্রেতেদ সীস্তেমসু য়াওরি। অনৌবা বোল্দিং অসিগী দিবেলপমেন্ত অসি প্রধান মন্ত্রীগী লৈবাক অসিদা লৈরিবা এয়রপোর্তশিংবু মোদর্ন ফেসিলিতী পীনবা হোৎনবগী ৱাখললোন অদুগী শক্তম অমনি।

বিদ্যাজ্যোতি স্কুলশিংগী প্রোজেক্ত মিসন ১০০ অসি হৌজিক হৌজিক লৈরিবা হাই / হায়র সেকেন্দরী স্কুলশিংবু খ্বাইদগী নৌবা ফেসিলিতীশিং অমসুং ক্বালিতী এজুকেসন লৈবা বিদ্যাজ্যোতি স্কুলশিংদা ওন্থোক্তুনা রাজ্য অসিগী এজুকেসনগী ক্বালিতী ফগৎহনবগী মায়কৈদা খোংথাং অমনি। প্রোজেক্ত অসিদা নরসরীদগী ক্লাস ১২ ফাওবগী  মহৈরোই চাউরাক্না লাখ ১.২ রোম মনুং চনগনি অমসুং লাক্লিবা চহি অহুম অসিদা চাউরাক্না লুপা করোর ৫০০ রোম চংগনি।

মুখ্যমন্ত্রী ত্রিপুরা গ্রাম সম্রিদ্ধি য়োজনানা খুঙ্গংগী থাক্তা কোর দিবেলপমেন্ত সেক্তরশিংদা সার্বিস দেলিবরীগীদমক বেঞ্চমার্ক স্তেন্দার্দ অদু ফংনবা হোৎনবনি ৱাখল্লোন অমনি। য়োজনা অসিগী মরু ওইবা হিরমশিংদি য়ুম-য়ুমদা ঈশিংগী তেপ কনেক্সন পীবা, য়ুমদা এলেকত্রিক কনেক্সন পীবা, নোংজু-নুংশা পুম্নমক চানবা লম্বি শাবা, য়ুমথোং খুদিংগী তোইলেত শাবা, অঙাং খুদিংমক্কীদমক মথৌ তাবা ইম্যুনাইজেশন পীবা, নুপীশিংনা সেল্ফ হেল্প গ্রুপতা শরুক য়াবনা চিংবা অতৈ-অতোপ্পা থৌরম কয়া য়াওরি।  স্কীম অসিনা তোঙান-তোঙানবা সেক্তরশিংদা সার্বিস দেলিভরীগী বেঞ্চমার্ক ফংবা ঙম্নবা খুঙ্গংগী মীওইশিংদা মতেং পাংগনি অমসুং তোঙান তোঙানবা সেক্তরশিংদা সার্বিস দিলিভরীগী বেঞ্চমার্ক ফংনবগীদমক খুঙ্গংগী মীওইশিংগী মরক্তা গ্রাসরুত লেভেলদা পুকচেল শেংনা কম্পিতিসন তৌবগী ৱাখল অমসু পোকহনবা ঙমগনি হায়বগী থাজবসু থম্লি।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
PM Modi’s Digital India vision an accelerator of progress: Google CEO Pichai

Media Coverage

PM Modi’s Digital India vision an accelerator of progress: Google CEO Pichai
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 4 দিসেম্বর, 2022
December 04, 2022
Share
 
Comments

New India Wishes its Naval Personnel on Navy Day

Stories of Good Governance Delivered by The Modi Govt.