প্রধান মন্ত্রী শ্রী নরেন্দ্র মোদীনা নবেম্বর ৫দা উত্তরাখন্দগী, কেদর্নাথতা চৎকনি।
প্রধান মন্ত্রীনা কেদর্নাথ মন্দিরদা লাই খুরুমগনি। মতুংদা মহাক্না শ্রী অদি শঙ্করচার্য়্য সমাধি শঙ্গাগনি অমসুং শ্রী অদি শঙ্করচার্য়্যগী মুর্তী মায়খুম হাংদোক্কনি। সমাধি অসি ২০১৩দা ঈশিং-ইচাওনা মরম ওইদুনা মাং তাকহল্লুরবা মতুংদা অমুক হন্না শেমগৎখিবনি। শেমজিনবগী থবক অসি প্রোজেক্ত অসিগী চংশিল্লিবা থবকশিং লেপ্পা লৈতনা য়েংশিল্লিবা প্রধান মন্ত্রীগী লমজিং লমতাক্কী মখাদা পাংথোকপনি।
প্রধান মন্ত্রীনা সরস্বাতী আস্থাপত্তা চৎথরিবা থবকশিং য়েংশিনগনি।
প্রধান মন্ত্রীনা পব্লিক রেল্লী অমদসু ৱা ঙাংগনি। মহাক্না সরস্বাতী রেতেনিং ৱাল অমসুং ঘাত, আস্থাপতকী মন্দাকিনি রিতেনিং ৱাল, তির্থ পুরোহিত হাউজেজ অমসুং মন্দাকিনি তুরেলদা লৈবা গারুদ চাত্তি থোং য়াওনা লোইশিনখ্রবা থবকশিংগী মরুওইবা ইনফ্রাস্ত্রকচর প্রোজেক্তশিং শঙ্গাগনি। প্রোজেক্তশিং অসি লুপা কোতি ১৩০ চংনা শাখিবনি। মহাক্না সঙ্গম ঘাতকী অমুক শেমগৎলিবা, ফার্স এদ অমসুং তুরিস্ত ফেসিলিতেসন সেন্তর, এদমিন ওফিস অমসুং হোস্পিতাল, গেস্ত হাউস অনি, পুলিস স্তেসন, কমান্দ অমসুং কন্ত্রোল সেন্তর, মন্দাকিনি আস্থাপত ক্যু মেনেজমেন্ত অমসুং সরস্বতী সিবিক এমেনিতী বিল্দিং য়াওনা লুপা কোতি ১৮০ চংবা প্রোজেক্ত কয়া অমগী উরেপ উয়ুং তমগনি।
