প্রধান মন্ত্রী শ্রী নরেন্দ্র মোদীনা ওগস্ত 10দা কর্নাতকাদা চৎকনি। মহাক্না অয়ুক পুং 11 রোম তাবদা বেঙ্গালুরুগী KSR রেলৱে স্তেসনদা ভন্দে ভারত এক্সপ্রেস ত্রেন অহুম লমথাগনি। মদুগী মতুংদা মহাক্না বেঙ্গলোর মেত্রোগী য়েল্লো লাইন লমথাগনি অমসুং RV রোদ (রাগীগুদ্দা) দগী ইলেক্ত্রোনিক সিতী মেত্রো স্তেসন ফাওবা মেত্রোদা চৎকনি।
নুমিৎ য়ুংবা মতুং পুং 1 রোম তাবদা, প্রধান মন্ত্রীনা বেঙ্গালুরুদা অর্বান কন্নেক্তিবিতী প্রোজেক্তশিং শঙ্গাগনি অমসুং উরেপ উয়ুংসু তমগনি। মহাক্না মীয়ামগী থৌরম অমদা ৱা ঙাংগনি।
প্রধান মন্ত্রীনা বেঙ্গলোর মেত্রো ফেস-2 প্রোজেক্তকী RV রোদ (রাগীগুদ্দা) দগী বোমসান্দ্রা ফাওবগী লম্বীগী অশাংবা 19 km হেনবা অমসুং স্তেসন 16 লৈবা লুপা করোর 7,160 রোম চংনা শাবা য়েল্লো লাইন শঙ্গাগনি। মসিগী য়েল্লো লাইন অসি হাংদোকপা মতমদা, বেঙ্গালুরুদা ওপরেস্নেল মেত্রো নেৎৱার্ক অসি 96 km হেন্না হেনগৎতুনা লমদম অসিদা লৈরিবা মীশিং য়াম্লবা মীওইশিংদা মতেং পাংগনি।
প্রধান মন্ত্রীনা লুপা করোর 15,610 হেনবগী বেঙ্গলোর মেত্রো ফেস-3গী প্রোজেক্তকী উরেপ উয়ুংসু তমগনি। প্রোজেক্ত অসিগী অপুনবা লম্বীগী অশাংবা অসি 44km হেনগনি অমসুং মসিদা ইলিভেৎ স্তেসন 31 লৈগনি। ইনফ্রাস্ত্রকচর প্রোজেক্ত অসিনা শহর অসিগী রেসিদেন্সিএল, ইন্দস্ত্রীএল, কম্মর্সিএল অমসুং এজুকেসনেল এরিয়াশিংদা খুদোংচাবা ফংহন্দুনা ত্রান্সপোর্তকী হেনগৎলক্লিবা মথৌ তাবশিং কোকহল্লগনি।
প্রধান মন্ত্রীনা বেঙ্গালুরুদগী ভন্দে ভারত এক্সপ্রেস ত্রেন অহুম লমথাগনি। মসিদা বেঙ্গালুরুদগী বেলাগাভি, অমৃতসরদগী শ্রী মাতা বৈষ্ণো দেবী কত্রা অমসুং নাগপুর (অজনি) দগী পুনে ফাওবগী ত্রেনশিং য়াওরি। হায় স্পীদ ত্রেনশিং অসিনা রিজনেল কন্নেক্তিবিতী য়াম্না হেনগৎহল্লগনি, চৎথোক-চৎশিনগী মতম হন্থহল্লগনি অমসুং পেসেঞ্জরশিংদা মালেমগী থাক্কী চৎথোক-চৎশিনগী এক্সপরিয়েন্স অমা ফংহল্লগনি।
