Share
 
Comments
পি.এম.না লুপা করোর ৩৬৫০গী ওইগদবা প্রোজেক্তশিং শঙ্গাগদৌরি অমদি উরেপ উয়ুং তমগদৌরি
পি.এম.না উরেপ উয়ুং তমখিবা এইমস বিলাসপুর পি.এম.না শঙ্গাগদৌরি
পি.এম.না লুপা করোর ১৬৯০ হেনবগী নেস্নেল হায়ৱে লেন মরিদা ওনখৎপগী প্রোজেক্ত উরেপ উয়ুং তমগদৌরি
প্রোজেক্ত অসিনা লমদম অসিদা ইন্দস্ত্রিএল দিভেলপমেন্ত অমসুং তুরিজমদা ইনোৎ হাপকনি
পি.এম.না নলাগরদা মেদিকেল দিভাইস পার্ককী উরেপ উয়ুং তমগদৌরি অমদি বন্দ্লাদা গভর্নমেন্ত হাইদ্রো ইঞ্জিনিয়রিং কলেজ শঙ্গাগদৌরি
পি.এম.না কুল্লু দসেরা কুম্হৈদা শরুক য়াগদৌরি

প্রধান মন্ত্রী শ্ররী নরেন্দ্র মোদীনা ওক্তোবর ৫, ২০২২দা হিমাচল প্রদেশতা চত্তুনা লুপা করোর ৩৬৫০গী ওইগদবা প্রোজেক্তশিং শঙ্গাগদৌরি অমদি উরেপ উয়ুং তমগদৌরি‍। অয়ুক পুং ১১:৩০রোম তারকপা মতমদা প্রধান মন্ত্রীনা এইমস বিলাসপুর শঙ্গাগনি‍। মদুগী মতুংদা, মহাক্না নুংথিল পুং ১২:৪৫রোম তারকপদা বিলাসপুরগী লুহনু গ্রাউন্দদা য়ৌদুনা তোঙান তোঙানবা চাউখৎ থৌরাংগী প্রোজেক্তশিং শঙ্গাগনি অমদি উরেপ উয়ুং তমগনি, লোয়ননা মীয়ামগী মীফম অমদসু ৱা ঙাঙগনি‍। প্রধান মন্ত্রীনা নুংথিল পুং ৩:১৫রোম তারকপা মতমদা কুল্লুদা লৈবা ধলপুর গ্রাউন্দদা থুংদুনা কুল্লু দসেরা কুম্হৈ পাঙথোকপদসু শরুক য়াগনি‍।

 

এইমস বিলাসপুর

লৈবাক শিনবা থুংনা হকশেলগী সর্ভিসশিংগী মপাঙ্গল কনখৎহন্নবা প্রধান মন্ত্রীগী ফিরেপ এইমস বিলাসপুর শঙ্গাবসিদা অমুক হন্না উবা ফংলি‍। প্রধান মন্ত্রীনা এক্তোবর ২০১৭দা উরেপ উয়ুং তমখিবা লায়েংশঙ অসি সেন্ত্রেল সেক্তর স্কীম প্রধান মন্ত্রী স্বাস্থ্য সুরক্সা য়,জনাগী মখাদা শাবনি‍।

লুপা করোর ১৪৭০ হেন্না চঙনা শাগৎখিবা এইমস বিলাসপুর অসি স্পিসিএল্তী দিপার্তমেন্ত ১৮ অমসুং সুপর স্পিসিএল্তী দিপার্তমেন্ত ১৭, মোদুলর ওপরেসন থিএতর ১৮, আই.সি.য়ু ফমুং ৬৪গা লোয়ননা ফমুং ৭৫০ লৈবা স্তেত-ওফ-দি-আর্ত হোস্পিতাল অমনি‍। লম একর ২৪৭ পাক চাউনা কোল্লিবা লায়েংশঙ অসিদা পুং ২৪ চুপ্না মথৌ তৌগদবা ইমর্জেন্সী অমসুং দাইলাইসিস ফেসিলিতীশিং, অল্ত্রাসোনোগ্রাফী, সি.তি. স্কেন, এম.আর.আই.নচিংবা মতমগা চুনরবা দাইগ্নোস্তিক মেচিনশিং, অমৃৎ ফার্মাসী অমসুং জন ঔসধী কেন্দ্র অমদি ফুং ৩০ লৈবা অয়ুস ব্লোকশিং লৈ‍। লায়েংশঙ অসিদা হিমাচল প্রদেশকী ত্রাইবেলশিং অমসুং মনুং হঞ্জিনবা ত্রাইবেলগী মফমশিংদা হকশেলগী সর্ভিস পীননবা সেন্তর ফোর দিজিতেল হেল্থ অমসু লিংখৎলে‍। মসিগী মথক্তা কাজা, সলুন অমসুং কীলোংনচিংবা মনুং হঞ্জিনবা ত্রাইবলেগী মফমশিং অমসুং অৱাংবা হিমালয়গী মফমশিংদা হেল্থ কেম্পকী খুত্থাঙদা স্পিসিএলিস্ত হেল্থ সর্ভিসশিং লায়েংশঙ অসিনা পীগদৌরি‍। লায়েংশঙ অসিনা চহি খুদিংগী এম.বি.বি.এস. কোর্সকী মহৈরোয় ১০০ অমদি নর্সিং কোর্সকী মহৈরোয় ৬০ লৌগনি‍।

 

চাউখৎ থৌরাংগী প্রোজেক্তশিং

প্রধান মন্ত্রীনা লুপা করোর ১৬৯০ হেনগদবা এন.ঐচ. ১০৫কী পিঞ্জোরদগী নলাগর ফাওবগী শরুক্কী নেস্নেল হায়ৱে লেন মরিদা ওনখৎপগী কিলোমিতর ৩১ শাংবা প্রোজেক্ত অমগী উরেপ উয়ুং তমগনি‍। প্রোজেক্ত অসি পায়খৎকদৌরিবা লম্বী অসি অম্বালা, চান্দিগর, পঞ্জকুলা অমসুং সোলন/সিম্লাগী ত্রাফিকশিংনা বিলাসপুর, মন্দী অমসুং মনালিদা চৎপগী মরুওইবা ফাওনফম পরিং অমনি‍। লেন মরিগী নেস্নেল হায়ৱে অসিগী কিলোমিতর ১৮লোমগী শরুক্না হিমাচল প্রদেশতা লৈ অদুগা লেমহৌরিবা শরুক অসিনা হরিয়ানাগী মনুং চল্লি‍। হায়ৱে অসিনা হিমাচল প্রদেশকী ইন্দস্ত্রিএল হব ওইরিবা নলাগর-বদ্দিদা হেন্না ফবা ত্রান্সপোর্ত ফেসিলিতী ফংহনগনি, অমদি লমদম অসিদা ইন্দস্ত্রি হেন্না চাওখৎহনবদা ইনোৎসু হাপকনি‍। মসিনা স্তেত অসিগী তুরিজমগী লমদসু ইনোৎ হাপ্লগনি‍।

প্রধান মন্ত্রীনা লুপা করোর ৩৫০রোম চঙনা নলাগরদা শাগদবা মেদিকেল দিভাইস পার্ক্কী উরেপ উয়ুং তমগনি‍। মেদিকেল দিভাইস পার্ক অসিদা ইন্দস্ত্রীশিং লিংখৎনবগী লুপা করোর ৮০০ হেনবগী এম.ও.য়ু.শিং হান্ননা খুৎয়েক পীনখ্রে‍। প্রোজেক্ত অসিনা লমদম অসিদা থবক পীবগী চাং মশক থোক্না হেনগৎহল্লগনি‍।

প্রধান মন্ত্রীনা বন্দ্লাদা গভর্নমেন্ত হাইদ্রো ইঞ্জিনিয়রিং কলেজসু শঙ্গাগনি‍। লুপাক রোর ১৪০রোম চঙনা লিংখৎখিবা কলেজ অসিনা হিমাচল প্রদেশনা মাঙজিল থাবা স্তেতশিংগী মরক্তা অমসু ওইরিবা হাইদ্রো পৱার প্রোজেক্তকী মরমদা নীংথিনা ত্রেন তৌরবা মেনপৱারশিং পুথোক্কনি‍। মসিনা নহাশিংগী স্কিল হেনগৎহনবদা মতেং পাংদুনা হাইদ্রো পৱার সেক্তরদা থবক হেন্না পীবগী খুদোংচাবা পীগনি‍।

 

কুল্লু দসেরা

ইন্তরমেস্নেল কুল্লু দসেরা কুমহৈ কুল্লুগী ধলপুর গ্রাউন্দদা ওক্তোবর ৫দগী ১১, ২০২২ ফাওবা পাঙথোক্কনি‍। কুমহৈ অসি তম্পাক্কী লম অদুগী লাই ৩০০ হেনবা পুনশিন্দুনা পাঙথোক্কদবা তোপ তোপ্পা মখলগী কুমহৈ অমনি‍। কুমহৈ অসিগী অহানবা নুমিত্তা, নীংথিনা লৈতেংলবা দোলাইদা লাইশিং অসি পুরক্তুনা লাই মকোক ভগবান রখুনাথ জীগী লাইশঙদা কারক্কনি অমদি মফমদুদগী ধলপুর গ্রাউন্দদা চৎখিগনি‍। প্রধান মন্ত্রীনা অসিগুম্লবা শেংলবা রথ য়াত্রা অমদি পুৱারী ওইরবা কুল্লু দসেরা কুমহৈ পাঙথোকফমদা লাইশিং তিনবগী নীংথিরবা শক্তমশিং মীৎয়েঙ তাগনি‍। কুল্লু দসেরা কুমহৈ পাঙথোকপদা লৈবাকসিগী প্রধান মন্ত্রীনা শরুক য়াবা হন্দক্কী অসিনা অহানবা ওইগনি‍।

 

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
ASI sites lit up as India assumes G20 presidency

Media Coverage

ASI sites lit up as India assumes G20 presidency
...

Nm on the go

Always be the first to hear from the PM. Get the App Now!
...
Exclusive pictures of PM Modi's roadshow in Ahmedabad
December 02, 2022
Share
 
Comments

Prime Minister Narendra Modi held a massive roadshow in Ahmedabad on December 1, 2022. After campaigning for the state elections in Kalol, Chhota Udepur and Himmatnagar, PM Modi arrived to a roaring welcome in Ahmedabad.

 

 

 

 

 

 


People from all walks of life joined the kilometres long roadshow. Their enthusiasm reflected that the BJP would certainly make a comxeback in Gujarat.

 

 

 

 

 

 

 


The atmosphere was thrilling as sea of supporters at the roadshow chanted 'Modi-Modi' slogans greeting the Prime Minister. The mood on the ground clearly indicated that people favoured BJP's development-oriented policies.