প্রধান মন্ত্রী শ্রী নরেন্দ্র মোদীনা ওক্তোবর 30-31দা গুজরাত্তা চৎকনি। ওক্তোবর 30দা প্রধান মন্ত্রীনা কেভাদিয়াগী এক্তা নগরদা চৎকনি অমসুং নুংথিল পুং 5:15 রোম তাবদা মফম অদুদা ই-বসশিং লমথাগনি। নুমিদাং পুং 6:30 রোম তাবদা মহাক্না এক্তা নগরদা লুপা করোর 1,140 হেনবগী ইনফ্রাস্ত্রকচর অমসুং দিবেলপমেন্ত প্রোজেক্ত কয়া শঙ্গাগনি অমসুং উরেপ উয়ুং তমগনি।
ওক্তোবর 31গী অয়ুক পুং 8 রোম তাবদা, প্রধান মন্ত্রীনা স্তেচু ওফ য়ুনিতীদা লৈ কৎকনি, মসিগী মতুংদা সরদার বল্লভভাই পতেলগী 150শুবা মপোক কুমওন পালন তৌরিবা রাস্ত্রিয় এক্তা দিবস থৌরম পাংথোক্কনি। মসিগী মতুংদা, অয়ুক্কী পুং 10:45 রোম তাবদা, মহাক্না আরাম্ভ 7.0দা 100শুবা কম্মন ফাউন্দেসন কোর্সকী ওফিসর ত্রেনীশিংগা ৱারী শানগনি।
অহানবা নুমিৎ - ওক্তোবর 30
প্রধান মন্ত্রীনা এক্তা নগরদা ইনফ্রাস্ত্রকচর অমসুং চাউখৎ-থৌরাংগী প্রোজেক্ত কয়া শঙ্গাগনি অমসুং উরেপ-উয়ুং তমগনি। প্রোজেক্তশিং অসিনা তুরিস্ত এক্সপরিয়েন্স হেনগৎহনবা, এক্সেসিবিলিতী ফগৎহনবা অমসুং লমদম অসিদা সস্তেনেবিলিতী ইনিসিএতিবশিং শৌগৎনবা পান্দম থম্লি। অপুনবা শেনফম লুপা করোর 1,140 হেন্না থাদদুনা, প্রোজেক্তশিং অসিনা ইকো-তুরিজম, গ্রীন মোবিলিতী, স্মার্ত ইনফ্রাস্ত্রকচর অমসুং মালেমগী খ্বাইদগী ৱাংবা মীতম অসিগী অকোইবদা লৈরিবা লমদম অসিদা ত্রাইবেল দিবেলপমেন্ত প্রমোৎ তৌনবা সরকারগী মীৎয়েং অদু উৎলি।
রাজপিপ্লাদা বিরসা মুন্দা ত্রাইবেল য়ুনিভর্সিতী; গারুদেশ্বরদা হোস্পিতালিতী দিস্ত্রিক্ত (ফেস 1); বমন বৃক্ষ ভাতিকা; সাতপুদা প্রোতেক্সন ৱাল; ই-বস চার্জিং দিপো অমসুং ইলেক্ত্রিক বস 25; নর্মদা ঘাত এক্সতেন্সন; কৌশল্যা পাথ; এক্তা দ্বারদগী শ্রেস্ত ভারত ভবন (ফেস- 2) ফাওবগী ৱাকৱে, স্মার্ত বস স্তোপশিং (ফেস 2), দাম রেপ্লিকা ফাউন্তেন, GSEC ক্বাতরনচিংবা য়াওনা প্রোজেক্তশিং অসি শঙ্গাগনি।
মখা তানা, প্রধান মন্ত্রীনা তোঙান তোঙানবা প্রোজেক্তশিংগী উরেপ উয়ুংসু তমগনি, মসিগী মনুংদা ম্যুজিয়ম ওফ রোয়ল কিংদমস ওফ ইন্দিয়া, বীর বালক উদ্যান, স্পোর্তস কমপ্লেক্স, রেন ফোরেস্ত প্রোজেক্ত, শোলপনেশ্বর ঘাতকী মনাক্তা জেত্তী দিবেলপমেন্ত, স্তেচু ওফ য়ুনিতীদা ত্রেভেলেতরশিং য়াওরি।
থৌরম অদুগী মনুংদা, প্রধান মন্ত্রীনা সরদার পতেলগী 150শুবা মপোক কুমওনদা লুপা 150গী অখন্নবা কম্মেমোরেতিব কোইন অমসুং স্তাম্প অমসু ফোঙগনি।
নুমিৎ নিনিশুবা – ওক্তোবর 31
প্রধান মন্ত্রীনা রাস্ত্রিয় এক্তা দিবসকী থৌরমদা শরুক য়াগনি অমসুং সরদার বল্লভভাই পতেলগী মফমদা লৈ কৎকনি। মহাক্না এক্তা দিবসকী ৱাশক লৌগনি অমসুং এক্তা দিবস পরেদতা শরুক য়াগনি।
পরেদ অসিদা BSF, CRPF, CISF, ITBP অমসুং SSBগী কন্তিঞ্জেন্তশিং অমসুং তোঙান তোঙানবা রাজ্যগী পুলিস ফোর্সশিং য়াওগনি। চহি অসিগী মরুওইবা এত্রেক্সনশিংগী মনুংদা রামপুরগী হুই অমসুং মুধোল হুইগুম্বা ভারতকী হুইশিং য়াওবা BSFকী মার্চিং কন্তিঞ্জেন্ত, গুজরাত পুলিসকী হোর্স কন্তিঞ্জেন্ত, অসাম পুলিসকী মোতোরসাইকল দেরদেভিল শো, অমসুং BSFকী কেমেল কন্তিঞ্জেন্ত অমসুং কেমেল মোউন্তেদ বেন্দ য়াওরি।
পরেদ অসিদা CRPFকী শৌর্য় চাকরা মনা ফংলবা মীওই মঙা অমসুং BSFকী গেলেন্ত্রী মেদল ফংলবা মীওই তরাতরুকসু ইকায় খুম্নবা উৎকনি, মখোয়না ঝারখন্দদা নক্সেলগী মায়োক্তা চত্থখিবা ওপরেসনশিং অমসুং জম্মু অমসুং কাশ্মীরদা তেরোরিজম থেংননবা চত্থখিবা ওপরেসনশিংদা থোইদোক হেন্দোকপা থৌনা উৎখি। ওপরেসন সিন্দুরগী মনুংদা BSF পর্সনেলশিংবু মখোয়গী থৌনাগীদমক শকখঙগনি।
চহি অসিগী রাস্ত্রিয় এক্তা দিবস পরেদতা NSG, NDRF, গুজরাত, জম্মু অমসুং কাশ্মীর, অন্দমান অমসুং নিকোবর আইলেন্দস, মনিপুর, মহারাস্ত্র, ছত্তিসগর, উত্তরাখন্দ অমসুং পুদুচেরীদগী তাব্লোক্স তরা য়াওগনি। আর্তিস্ত 900 য়াওবা কলচরেল প্রোগ্রাম অমনা ভারতকী কলচরগী ফজবা অমসুং দাইভর্সিতী উৎলদুনা ভারতকী ক্লাসিকেল দান্স উৎকনি। লৈবাক অসিনা সরদার বল্লভভাই পতেলগী 150শুবা মপোক কুমওন পাংথোক্লিবা অসিদা চহি অসিগী রাস্ত্রিয় এক্তা দিবস থৌরম অসি অখন্নবা মরুওইবা অমা লৈরি।
প্রধান মন্ত্রীনা আরাম্ভ 7.0গী অরোইবা তাঙ্কক্তা 100শুবা ফাউন্দেসন কোর্সকী ওফিসর ত্রেনীশিংগা ৱারী শানগনি। অরাম্বকী 7শুবা ইদিসন অসি 'রিইমজিনিং গভর্নান্স' হায়বা থিমদা পাংথোক্লি। 100শুবা ফাউন্দেসন কোর্স অসিদা ভারতকী সিভিল সর্বিস 16 অমসুং ভুতানগী সিভিল সর্বিস 3গী ওফিসর ত্রেনী 660 য়াওরি।
