প্রধান মন্ত্রী শ্রী নরেন্দ্র মোদী সেপ্তেম্বর ২০ দা গুজরাত্ত চৎকনি। মহাক্না ‘সমুদ্র সে সমরিদ্ধী’ থৌরম শরুক য়াগনি অমসুং ভাবনগরদা অয়ুক পুং ১০:৩০ রোম তাবদা লুপা করোর ৩৪,০০০ হেনবগী চাউখৎ-থৌরাংগী থবকশিং শঙ্গাগনি অমসুং উরেপ-উয়ুং তমগনি। মহাক্না থৌরম অদুদা মীয়ামদসু ৱা ঙাংগনি।
তুংদা, প্রধান মন্ত্রীনা ধোলেরাগী মথক্ত এরিয়েল সর্ভে পাংথোক্কনি। নুংথিল পুং ১:৩০ রোম তাবদা, মহাক্না লোথালদা হন্না য়েংশিনবা মীফম অমা চিয়ার লৌদুনা পাংথোক্কনি অমসুং নেসনেল মেরিতাইম হেরিতেচ কমপ্লেক্সতা চৎকনি।
মেরিতাইম সেক্তর চাউখৎনবা অচৌবা থবক অমদা, প্রধান মন্ত্রীনা মেরিতাইম সেক্তরগা মরী লৈনবা লুপা করোর ৩৪,২০০ হেনবগী প্রোজেকশিং শঙ্গাগনি অমসুং উরেপ-উয়ুং তমগনি। মহাক্না ইন্দিরা দোক্ত মুম্বাই ইন্তরনেসনেল ক্রুইজ তর্মিনেল শঙ্গাগনি। মহাক্না কোলকাতাগী শ্যামা প্রসাদ মুকর্জি পোর্ততা অনৌবা কন্তেন্নর তর্মিনেল অমা অমসুং মরী লৈনবা খুদোংচাবশিং; পারাদিপ হিথাংফমদা অনৌবা কন্তেন্নর বার্দ, কার্গো পুথোক-পুশিনগী খুদোংচাবশিং অমসুং মরী লৈনবা চাউখৎ-থৌরাংগী থবকশিং; কামারাজার হিথাংফম, ইন্নোরদা তুনা তেক্রা মল্তি-কার্গো তর্মিনেল; মৈ কন্নবা খুদোংচাবশিং অমসুং অনৌবা লম্বী; চেন্নাই হিথাংফমদা সমুদ্রগী চেকপলশিং অমসুং রিভেতমেন্তশিং; কার নিকোবর আইলেন্দদা সি-ৱাল শাবা; কন্দলাগী দিনদয়াল হিথাংফমদা মল্তি-পর্পজ কার্গ বার্থ অমসুং গ্রিন বাইও-মিথানোল প্লান্ত; অমসুং পাত্না অমসুং বারানসীদা জহাজ নৌনা শেমজিন্নবা খুদোংচাবশিং উরেপ-উয়ুং তমগনি।
প্রধান মন্ত্রীনা গুজরাত্ত তোঙান তোঙানবা হিরমশিংদা লুপা করোর ২৬,৩৫৪ গী কেন্দ্র অমসুং রাজ্য সরকারগী তোঙান তোঙানবা প্রোজেকশিং শঙ্গাগনি অমসুং উরেপ-উয়ুং তমগনি। মহাক্না ছারা হিথাংফমদা ঐচ.পি.এল.এন.জি রিগ্যাসতিফিকেসন তর্মিনেল, গুজরাত আই.ও.সি.এল রিফাইন্নরিদা এক্রাইলিক্স অমসুং ওক্সো অলকোহোল প্রোজেক, মেগাৱাত ৬০০ গী গ্রিন সু ইনিসিয়েতিপ, লৌমীশিংগী পি.এম-কুসুম মেগাৱাত ৪৭৫ কম্পোনেন্ত সি সোলার ফিদর, মেগাৱাত ৪৫ বাদেলি সোলার পি.ভি প্রোজেক, ধোরদো খুঙ্গং মপুংফানা সোলার ফংহনবগী থবক শঙ্গাগনি। মহাক্না এল.এন.জি ইনফ্রাষ্ট্রকচর, অহেনবা রিন্যুএবল ইনর্জি প্রোজেকশিং, কোষ্টেল প্রোতেক্সন থবকশিং, হায়ৱেশিং, জামনগরদা গুরু গোবিন্দ সিংহ গভর্নমেন্ত হোস্পিতাল অমসুং সার তি. জেনেরেল হোস্পিতাল পাকথোকপা য়াওনা অনা-লায়য়েং অমসুং সহরগী ত্রান্সপোর্ত প্রোজেকশিং অমসুং নেসনেল হায়ৱেশিংগী কিমি ৭০ লেন মরি ওনখৎপা য়াওনা প্রোজেক কয়া উরেপ-উয়ুং তমগনি।
গ্রিনফিল্দ ইন্দষ্ট্রিয়েল সিতি অমা ওইনা শেমগৎনবা অকোয়বদা উদ্যোগ শেমগৎনবা, স্মার্দ ইনফ্রাষ্ট্রকচর শেমগৎনবা অমসুং মালেমগী ওইনা শেন থাদনবা, প্রধান মন্ত্রীনা ধোলেরা স্পিসিএল ইনভেষ্টমেন রিজন (দি এস আই আর) মথক্তগী য়েংগনি। ভারতকী অরিবা মেরিতাইমগী চৎনবীশিং ঙাক-শেন্নবা অমসুং হরাওবা ফোঙদোক্নবা অমসুং তুরিজম, রিছার্স, ইজুকেসন অমসুং স্কিল দিবলপমেন্তগী মফম অমা ওইহন্নবা, লুপা করোর ৪,৫০০ রোম চঙনা লোথালদা নেসনেল মেরিতাইম হেরিতেচ কমপ্লেক্স (এন ঐচ এম সি) শেমগৎলিবগী মফমদা প্রধান মন্ত্রী চৎকনি অমসুং ফিবম য়েংশিনগনি।
