প্রধান মন্ত্রী শ্রী নরেন্দ্র মোদীনা ২০২৬গী জনুৱারী ১০-১২দা গুজরাত্তা চৎকনি। প্রধান মন্ত্রীনা জনুৱারী ১০গী নুমিদাংৱাইরমদা সোমনাথতা থুংলগনি অমসুং নুমিদাং পুং ৮ রোম তাবদা, প্রধান মন্ত্রীনা ওমকর মন্ত্র শোনবদা শরুক য়াগনি অমসুং মদুগী মতুংদা মহাক্না সোমনাথ মন্দিরদা দ্রোন শো য়েংগনি।
জনুৱারী ১১দা, অয়ুক্কী পুং ৯.৪৫ রোম তাবদা, প্রধান মন্ত্রীনা সোমনাথ লাইশং ঙাকপদা মখোয়গী পুন্সি থাদোকখিবা মশিং লাকঙমদ্রবা লান্মীশিংবু ইকায় খুম্নবা উৎনবা শীনখিবা শৌর্য় য়াত্রাগী থৌরমদা শরুক য়াগনি। মসিগী মতুংদা অয়ুক্কী পুং ১০.১৫ রোম তাবদা, প্রধান মন্ত্রীনা সোমনাথ মন্দিরদা দর্শন অমসুং পুজা পাংথোক্কনি। অয়ুক পুং ১১ রোম তাবদা, প্রধান মন্ত্রীনা সোমনাথ স্বাভিমান পর্ব পালন তৌবগী মীয়ামগী থৌরম অমদা শরুক য়াগনি।
নুমিৎ অদুগী মতুংদা, প্রধান মন্ত্রীনা কচ্ছ অমসুং সৌরাস্ত্রা লমদমগীদমক ভাইব্রান্ত গুজরাত রিজনেল কনফরেন্সতা শরুক য়ানবা রাজকোৎতা চৎকনি। নুংথিল পুং ১:৩০ রোম তাবদা, মহাক্না কনফরেন্স অদুদা ত্রেদ শো অমসুং একজিবিসন হৌদোক্কনি। নুংথিল পুং ২ রোম তাবদা, প্রধান মন্ত্রীনা রাজকোৎকী মারৱারী য়ুনিভর্সিতীদা কচ্ছ অমসুং সৌরাস্ত্রা রিজনগীদমক ভাইব্রান্ত গুজরাত রিজনেল কনফরেন্স হৌদোক্কনি অমসুং থৌরম অদুদা মীয়ামদা ৱা ঙাংগনি।
রাজকোৎতগী প্রধান মন্ত্রীনা অহমদাবাদতা চৎকনি। নুমিদাং ৱাইরম পুং ৫:১৫ রোম তাবদা মহাত্মা মন্দির মেত্রো স্তেসনদা, প্রধান মন্ত্রীনা সেক্তর ১০.এদগী মহাত্মা মন্দির ফাওবা অহমদাবাদ মেত্রোগী ফেজ ২গী লেমহৌরিবা শরুক শঙ্গাগনি।
জনুৱারী ১২দা প্রধান মন্ত্রীনা জর্মনীগী ফেদরেল চাঞ্চেল্লর ঐচ.ই. মিস্তর ফ্রিদরিচ মর্জকা অহমদাবাদতা উনগনি। অয়ুক পুং ৯.৩০ রোম তাবদা, লুচিংবা অনিনা সবরমতী আশ্রমদা চৎকনি, মসিগী মতুংদা অয়ুক পুং ১০ রোম তাবদা সবরমতী রিভরফ্রন্ততা পাংথোক্কদবা ইন্তর্নেস্নেল কাইৎ ফেস্তিবেলদা শরুক য়াগনি।
মসিগী মতুংদা অয়ুক্কী পুং ১১:১৫দগী গান্ধীনগরগী মহাত্মা মন্দিরদা নাকল অনিগী ওইবা ৱারী শাবগী থবক চত্থগনি, মফম অসিদা প্রধান মন্ত্রী অমসুং জর্মনীগী চাঞ্চেল্লরনা হন্দক্তা চহি ২৫ মপুং ফাখিবা ইন্দিয়া-জর্মনী স্ত্রেতেজিক পার্তনরশিপকী থবক্কী খোঙজেল য়েংশিনগনি।
