প্রধান মন্ত্রী শ্রী নরেন্দ্র মোদীনা ২০২১গী ওক্তোবর ২৮দা ব্রুনৈগী সুল্তানগী বার্তোন্দা ভর্টুএল ওইনা পাংথোক্কদবা ১৮শুবা এসিয়ন-ইন্দিয়া সম্মিত্তা শরুক য়াগনি। সম্মিত অসিদা এসিয়ন লৈবাকশিংগী রাজ্য/সরকারগী মকোকথোংবশিংনা শরুক য়াগনি।
১৮শুবা এসিয়ন-ইন্দিয়া সম্মিত অসিদা এসিয়ন-ইন্দিয়া স্ত্রাতেজিক পার্তনরশীপকী ফিভম য়েংশিনগনি অমসুং কোবিদ-১৯ অমসুং হকশেল, ত্রেদ অমসুং কম্মর্স, লম্বী ফাওনবা অমসুং এজুকেসন অমসুং কলচর য়াওনা মরুওইবা মফমশিংগী চংশিল্লিবা থবকশিং য়েংশিনগনি। লায়চৎ মতুংগী শেন্মিৎলোনগী ফগৎলকপা য়াওনা মরুওইবা রিজনেল অমসুং মালেমগী ওইবা চাউখৎ থৌরাংগী মতাংদসু খন্নগনি। এসিয়ন-ইন্দিয়া সম্মিত অসিদ চহি খুদিংগী পাংথোক্লি অমসুং ইন্দিয়া অমসুং এসিয়াগী অৱাংবা থাক্কী থবকশিংদা খুদোংচাবা পীরি। প্রধান মন্ত্রীনা মমাং চহিগী নবেম্বরদা ভর্চুএল ওইনা পাংথোকপা ১৭শুবা এসিয়ন-ইন্দিয়া সম্মিত্তা শরুক য়াখি। ১৮শুবা এসিয়ন-ইন্দিয়া সম্মিত অসি মহাক্না শরুক য়াবা মাপল শুবা এসিয়ন-ইন্দিয়া সম্মিতনি।
এসিয়ন-ইন্দিয়া স্ত্রাতেজিক পার্তনরশীপ্না গিওগ্রাফিকেল, হিস্তোরিকেল অমসুং সিবিলাইজেসনগী য়াম্না লিংবা য়ুম্ফম অমা ওইনা লৈরি। এসিয়া অসি ঐখোয়গী এক্ত ইস্ত পোলিসীগী মরুওইবা অমনি অমসুং ঐখোয়গী ইন্দো-পেসিফিক্তা হেন্না চাউবা মিৎয়েং অমনি। ২০২২গী চহি অসি এসিয়ন-ইন্দিয়াগী মরীদা চহি ৩০ শুবনি। এসিয়ন অমসুং ইন্দিয়া সম্মিত অমা, মিনিস্ত্রিয়েল মিতিং অমসুং মকোক থোংবা ওফিসিএল মিতিং য়াওনা তোইনা উন্না দাইলোগ মেকানিজম কয়া অমা লৈরি। এক্সতর্নেল এফিয়র্সকী মিনিস্তর দাঃ এস. জয়শঙ্করনা ২০২১দা ভর্চুএল ওইনা পাংথোকপা এসিয়ন-ইন্দিয়া ফোরেন মিনিস্তরস মিতিং অমসুং ই.এ.এস. ফোরেন মিনিস্তরস মিতিংদা শরুক য়াখি। কম্মর্স অমসুং ইন্দস্ত্রীগী রাজ্যগী মন্ত্রী শ্রীমতি অনুপ্রিয়া পতেলনা ইকোনোমিক কোওপরেসনবু মপাঙ্গল কনখৎনবা মখোয়গী হায়নখিবশিং ২০২১গী সেপ্তেম্বরদা ভর্চুএল ওইনা পাংথোকখিবা এসিয়ন ইকোনোমিক মিনিস্তরস+ ইন্দিয়া কন্সলতেসন্দা শরুক য়াখি।
প্রধান মন্ত্রীনা ২০২১গী ওক্তোবরগী ২৭তা ভর্চুএল ওইনা পাংথোক্কদবা ১৬শুবা ইস্ত এসিয়া সম্মিত্তসু শরুক য়াগনি। ইস্ত এসিয়া সম্মিত অসি ইন্দো-পেসিফিক্তা অহানবা লিদরস-লিদ ফোরুম্নি। ২০০৫তগী মসিনা চংলকপদগী, মসিনা ইস্ত এসিয়াগী স্ত্রাতেজিক অমসুং গিওপোলিতিকেল অওনবদা মশক থোক্না থৌদাং কয়া অমা লৌরি। এসিয়ন মেম্বর স্তেত ১০গী মথক্তা, ইস্ত এসিয়া সম্মিত অসিদা ইন্দিয়া, চাইনা, জাপান, রিপব্লিক ওফ কোরিয়া, ওস্ত্রালিয়া, ন্যু জিলেন্দ, য়ুনাইতেদ স্তেত অমসুং রসিয়া য়াওরি।
ইন্দিয়া, ইস্ত এসিয়া সম্মিতকী ফাউন্দিং মেম্বর অমা ওইনা, ইস্ত এসিয়া সম্মিতপু মপাঙ্গল কনখৎনবা ৱাফম থমখি অমসুং মতম-মতমগী ওইনা থেংনবা অৱাবশিং মতিক চানা থেংনরি। মসি মখা তানা ইন্দো-পেসিফিক্তা এসিয়ন আউতলুক ওন ইন্দো-পেসিফিক (এ.ও.আই.পি.) অমসুং ইন্দো-পেসিফিক ওসিন্স ইনিসিএতিব (আই.পি.ও.আই.)গী মরক্তা থেংননবা মরুওইবা প্লেতফোর্ম অমসু ওইরি। ১৬শুবা ইস্ত এসিয়া সম্মিত্তা, মেরিতাইম সেক্যুরিতী, তেরোরিজম, কোবিদ-১৯ কোওপরেসন য়াওনা রিজনেল অমসুং মালেমগী মরী লৈনবশিংদা ৱা খন্নগনি। লুচিংবশিংনা তুরিজম অমসুং গ্রীন রিকবরীগী খুৎথাংদা, হায়রিবা অসি ভারতনা কো-স্পোন্সর তৌবগী মখাদা মেন্তেল হেলথ, ইকনোমিক রিকবরী লাওথোকপা য়ানবসু পারি।
