প্রধান মন্ত্রী শ্রী নরেন্দ্র মোদীনা ন্যু দিল্লিগী আই.সি.এ.আর পুসাদা ওগষ্ট ৭ গী অয়ুক পুং ৯ রোম তাবদা এম.এস শ্বামিনাথন সেন্তেনারি ইন্তরনেসনেল কনফরেন্স হৌদোক্কনি। থৌরম অদুদা মহাক্না মীয়ামদা ৱা ঙাংগনি।
কনফরেন্স অসিগী থিমদি ইভরগ্রিন রিভোলুসন, বাইওহেপিনেসকী লম্বী হায়বনি অমসুং মসিদা মীওই খুদিংমক চীঞ্জাক ফংনবা প্রোফেসার শ্বামিনাথন্না পুন্সি চুপ্পা কৎথোকখিবা অদুগী মমি তারি। গ্রিন রিভোলুসনগী ফিদমশিং মখা তানা থবক ওইনা পাংথোক্না খন্ন-নৈনবা খুদোংচাবা অমা মীফম অসিনা সাইন্তিস্তশিং, থৌশিল শেম্বশিং অমসুং অতোপ্পা মরী লৈনবশিংদা পীগনি। মরুওইবা থিমশিংগী মনুংদা বাইওদাইভরসিতি য়েংশিনবা, চীঞ্জাক্কীদমক তুংকোইনা চৎনবা য়াবা লৌউ-শিংউগী থবক, ক্লাইমেত চেঞ্জ থেংননবা হোৎনবা, চুনবা তেক্নোলোজি শীজিন্নবা, নহারোলশিং, নুপীশিং অমসুং লায়রবশিং থবক পীবা য়াওরি।
মহাক্না পাংথোক্লম্বা থবকশিং ইকায়খুম্নবা উৎপা ওইনা, এম.এস শ্বামিনাথন রিছার্স ফাউন্দেসন অমসুং ৱার্ল্দ একাদেমী ওফ সাইন্সেসনা চীঞ্জাক অমসুং শান্তিগী অহানবা এম.এস শ্বামিনাথন এৱার্দ পীবা হৌগনি। থৌরম অসিদা অহানবা মনা ফংলবা মীওইদা প্রধান মন্ত্রীনা মনা পীগনি। মালেম থাক্কী মনা অসি ফুদ সেকুরিতি, ক্লাইমেত জজতিস, ইকুইতি, শান্তি, রিছার্স, থৌশিল, মীয়ামগী থবক অমসুং লোকেল কেপাসিতি বিল্দিংগী লমদা মশক থোকপা থবক তৌরিবা মীওইশিংদা পীগনি।
