প্রধান মন্ত্রী শ্রী নরেন্দ্র মোদীনা ফেব্রুৱারি ১৬,২০২৬ গী নুংথিল পুং ৫ তাবদা ন্যু দিল্লিগী ভারত মন্দপামদা ইন্দিয়া এ.আই ইম্পেক এক্সপো ২০২৬ হৌদোক্কনি।
ভারত মন্দপামদা, ফেব্রুৱারি ১৬ দগী ফেব্রুৱারি ২০,২০২৬ ফাওবা এ.আই ইম্পেক সম্মিৎকা লোয়ননা ইন্দিয়া এ.আই ইম্পেক এক্সপো ২০২৬ পাংথোক্কনি। এক্সপো অসি লৈবাক অসিগী এ.আইগী থবকশিং উৎনবা মফম অমা ওইগনি, মফম অসিদা থৌশিলগা থবক্ক উনগনি, ইন্নোবেসনগা স্কেলগা উনগনি অমসুং তেক্নোলোজিগা মীচম মীয়ামগা উনগনি।
ইসক্বার মিতর ৭০,০০০ হেনবদা এরেনা ১০ হেন্না শন্দোক্লিবা এক্সপো অসিদা মালেমগী তেক্নোলোজি ফার্মশিং, ষ্টার্দঅপশিং, মহৈলোয়শঙ অমসুং রিছার্স ইন্সতিতুসনশিং, কেন্দ্র অমসুং রাজ্য সরকারশিং অমসুং মালেমগী মরুপশিং শরুক য়াগনি। এক্সপো অসিদা লৈবাক ১৩ গী পেভিলিয়নশিংদা এ.আইগী থবক্ত মালেমগী লৈবাকশিং পুন্না থবক তৌমিন্নবা উৎকনি। পেভিলিয়নশিংগী মনুংদা অষ্ট্রেলিয়া, জপান, রুসিয়া, য়ু.কে, ফ্রান্স, জর্মনি, ইতালি, নেদরলেন্দস, সুইজরলেন্দ, সর্বিয়া, ইষ্টোনিয়া, তজিকিস্তান অমসুং অফ্রিকাগী য়াওরি।
এক্সপো অসিদা একজিবিসন পেভিল্লিয়ন ৩০০ অমসুং লাইভ দেমোন্সত্রেসনশিং উৎকনি, মীয়াম, গ্রহ অমসুং চাউখৎপা হায়রিবা থিম চক্র অহুমদা শাগৎপনি। মসিগী মথক্ত, এক্সপোদা ষ্টার্দঅপ ৬০০ হেনবা শরুক য়াগনি, মখোয়গী মনুংদা অয়াম্বনা মালেমগী ওইনা চুনরবা অমসুং মীয়ামগী পাম্বৈশিং পুথোকপা ঙাক্তনি। হায়রিবা ষ্টার্দঅপশিং অসিনা তশেংনা শীজিন্নরবা থবক ওইনা পাংথোক্লবা পাম্বৈশিং উৎকনি।
ইন্দিয়া এ.আই ইম্পেক এক্সপো ২০২৬ দা মালেমগী দেলিগেদশিং য়াওনা মীওই লাখ ২.৫ রোম শরুক য়াগনি হায়না থাজবা থম্লি। থৌরম অসিনা মালেমগী এ.আইগী থবক মনুংদা নৌনা থবক তৌমিন্নবা অমসুং ললোন-ইতিক্কী খুদোংচাবশিং হেনগৎহন্নবা পান্দম থম্লি।
ৱাঙাংলোয় অমসুং পেনেল মেম্বর ৩২৫০ হেনবা শরুক য়াদুনা, সেসন ৫০০ হেন্না পাংথোক্কনি। সেসনশিং অসিদা এ.আইগী হিরমশিংদা অওনবা পুরকপশিং মীৎয়েং চঙগনি অমসুং মালেমগী মীওই খুদিংমক এ.আইগী কান্নবশিং ফংহন্নবা তুংগী থবক-থৌরমশিং খন্নগনি।
