প্রধান মন্ত্রী শ্রী নরেন্দ্র মোদীনা জনুৱারী 5গী নুংমিৎ য়ুংবা পুং 12:15 রোম তাবদা দিল্লীদা লুপা করোর 12,200 হেনবগী চাউখৎ-থৌরাংগী প্রোজেক্ত কয়া শঙ্গাগনি অমসুং উরেপ উয়ুং তমগনি। প্রধান মন্ত্রীনা নমো ভারত ত্রেনদা তোংদুনা অয়ুক পুং 11:15 রোম তাবদা সাহিবাবাদ RRTS স্তেসনদগী ন্যু অশোক নগর RRTS স্তেসন ফাওবা চৎকনি।
রিজনেল কন্নেক্তিবিতী হেনগৎহনবদা মরুওইবা মাইলস্তোন অমা ওইনা, প্রধান মন্ত্রীনা চাউরাক্না লুপা করোর 4600গী শেনফম থাদদুনা সাহিবাবাদ অমসুং ন্যু অশোক নগরগী মরক্তা কিলোমিতর 13 শাংবা দিল্লী-গাজিয়াবাদ-মীরুত নমো ভারত কোরিদোর শঙ্গাগনি। মসি শঙ্গাবগা লোয়ননা দিল্লীনা মাগী অহানবা নমো ভারত কন্নেক্তিবিতী ফংলগনি। মসিনা দিল্লী অমসুং মীরুতকী মরক্তা চৎথোক-চৎশিনদা য়াম্না লাইথোকহনগনি অমসুং মীওই লাখ কয়াবু হায়-স্পীদ অমসুং কম্ফোর্তেবল ওইবা ত্রেবেলগী খুত্থাংদা অতৈগা মান্নদবা সেফতী অমসুং রিলাইএবিলিতী ফংহনগনি।
প্রধান মন্ত্রীনা দিল্লী মেত্রোগী ফেজ-IVগী ওইনা লুপা করোর 1,200 রোমগী শেনফম থাদদুনা জনকপুরী অমসুং কৃষ্ণ পার্কগী মরক্তা 2.8 km শাংবা স্ত্রেচ অমসু শঙ্গাগনি। মসি দিল্লী মেত্রোগী ফেজ-IVগী অহানবা স্তেসন ওইগনি। নোংচুপ দিল্লীগী মফমশিং হায়বদি কৃষ্ণ পার্ক, বিকাসপুরী, জনকপুরীগী শরুকশিং অমসুং অতোপ্পা মফমশিংনা কান্নবা ফংলগনি।
প্রধান মন্ত্রীনা লুপা করোর 6,230 রোম চংগদবা দিল্লী মেত্রো ফেজ-IVগী 26.5 km রিথালা-কুন্দলী সেক্সনগী উরেপ উয়ুং তমগনি। কোরিদোর অসিনা দিল্লীগী রিথালাবু হরিয়ানাগী নাথুপুর (কুন্দলি) গা শম্নহল্লগনি। মসিনা দিল্লী অমসুং হরিয়ানাগী অৱাং নোংচুপ থংবা শরুকশিংদা কন্নেক্তিবিতী য়াম্না হেনগৎহল্লগনি। কান্নবা ফংলগদবা মরুওইবা লমশিং অদুদি রোহিনি, বাৱানা, নরেলা অমসুং কুন্দলি অসিনি, মসিনা রেসিদেন্সিএল, কম্মর্সিএল অমসুং ইন্দস্ত্রীএল জোনশিংদা এক্সেস ফগৎহনগনি। মথৌ তৌবা হৌরবা মতুংদা, মসিনা দিল্লী, হরিয়ানা অমসুং উত্তর প্রদেশ শিনবা থুংনা এক্সতেন্দ রেদ লাইনগী খুত্থাংদা চৎথোক-চৎশিন তৌবদা মতেং পাংগনি।
প্রধান মন্ত্রীনা লুপা করোর 185 রোম চংদুনা নই দিল্লীগী রোহিনিদা সেন্ত্রেল আয়ুর্বেদ রিসর্চ ইন্সতিত্যুৎ (CARI) গী অনৌবা স্তেৎ-ওফ-দি-আর্ত বিল্দিং শানবা উরেপ উয়ুংসু তমগনি। কেম্পস অসিদা খ্বাইদগী নৌবা হেল্থকেয়র অমসুং মেদিসিন ইনফ্রাস্ত্রকচর ফংহনগনি। অনৌবা বিল্দিং অসিদা এদমিনিস্ত্রেতিব ব্লোক, OPD ব্লোক, IPD ব্লোক অমসুং দিদিকেতেদ ত্রিৎমেন্ত ব্লোক অমা লৈগনি। মসিনা অনাবশিং অমসুং রিসর্চ তৌরিবশিংগীদমক্তা ইন্তিগ্রেতেদ অমসুং অপনবা লৈতবা হেল্থকেয়র এক্সপরিয়েন্স অমা ফংহল্লগনি।
