প্রধান মন্ত্রী শ্রী নরেন্দ্র মোদীনা গুজরাতকী গান্ধীনগরদগী হয়েং ২০২০গী জনুৱারী ২৮দা রিমোত ভিদিও কনফরেন্সকী থোংদা ৩শুবা গ্লোবেল পোতেতো কনক্লেবতা ৱা ঙাংগনি।
প্রধান মন্ত্রীনা পোতেতো রিসর্স, ত্রেদ অমসুং ইন্দস্ত্রী, অমসুং ভেল্যু চেন মেনেজমেন্তকী লমদা এচিবমেন্তশিং অমসুং খুদোংচাবশিং নৌহৌনা য়েংশিল্লবা য়ারি অমদি চহী তরাগী খুজিংগীদমক রোদমোপ অমা লেপথোক্কনি।
হন্দক্কী কনক্লেব অসি পরিং অসিদা অহুমশুবনি। চহী তরা খুদিংগী আলুগী লমদা এচিবমেন্তশিং খংজিনবা অমসুং লাক্কদৌরিবা চহী তরাগী খুজিংগীদমক রোদমেপ অমা লেপথোকপা অসি দরকার ওইরি। হৌখিবা চহী তরাগী খুজিং অনি, ১৯৯৯ অমসুং ২০০৮কী মতমদা গ্লোবেল পোতেতো কনফরেন্স অনি পাংথোকখ্রে।
কনক্লেব অসিনা কমন প্লেৎফোর্ম অমদা স্তেকহোল্দর পুম্নমকপু পুরক্নবা খুদোংচাবা অমা পীরি মদুনা আলুগী সেক্তরগা মরী লৈনবা মীওই খুদিংমক পুন্সিন্দুনা হিরমশিং খন্ন-নৈনবা অমসুং তুংগী থৌরাং য়াৎপা ঙমহল্লি। মসি আলুগী রিসর্সতা নোলেজ অমসুং ইনোবেসনগী মাংজিল থারিবা লৈবাকশিংগী তোঙান তোঙানবা স্তেকহোল্দর পুম্নমকপু এক্সপোজ তৌনবা তোপ তোপ্পা থৌরম অমনি।
গুজরাত অসি লৈবাক অসিদা আলু য়াম্না পুথোক্লিবশিংগী মরক্তা অমনি। হৌখিবা চহী তরামাথোই খক্তদা, ভারত্তা আলু পুথোকপগী চাং চাদা ১৯ হেঙ্গৎলে, মসি গুজরাত্তা চাদা ১৭০ হেঙ্গৎলে (২০০৬-০৭তা হেক্তর লিশিং ৪৯.৭তগী ২০১৭-১৮দা হেক্তর লিশিং ১৩৩)। হৌখিবা চহী তরাগী খুজিংদা ভারত্তা হেক্তর অমদা তন ৩০ হেন্না পুথোকপগা লোয়ননা গুজরাতনা অহানবা মশিংদা লৈরি। রাজ্য অসিনা কল্তিবেসনগীদমক স্প্রিনক্লর অমসুং দ্রিপ ইরিগেসনগুম্বা এগ্রীকলচরগী মোদর্ন মেথদশিং শিজিন্নরি।
মসিগী মথক্তা আলুগী এক্সপোর্তর অয়াম্বা অয়াম্বসু গুজরাত্তা বেজ তৌরি। মসিনা রাজ্য অসি লৈবাক অসিদা মরুওইবা আলুগী হব অমা ওইনা মচিল তুমখৎলক্লি।
মসি য়েংলদুনা ৩শুবা গ্লোবেল কনক্লেব অসি গুজরাত্তা পাংথোক্লি।
কনক্লেব অসি ইন্দিয়ান পোতেতো এসোসিয়েসন (আই.পি.এ.)না ইন্দিয়ান কাউন্সিল ওফ এগ্রিকলচরেল রিসর্স, নই দিল্লী অমসুং আই.সি.এ.আর.-সেন্ত্রেল পোতেতো রিসর্স ইন্সতিত্যুত, শিমলা অমদি ইন্তরনেস্নেল পোতেতো সেন্তর (সি.আই.পি.). লিমা, পেরুগা লোয়ননা খুৎশম্নদুনা পাংথোকপনি।
অচৌবা থৌরম অসিদা মরুওইবা কম্পোনেন্ত অহুম লৈরি, (i) দি পোতেতো কনফরেন্স, (ii) দি এগ্রি এক্সপো অমসুং (iii) পোতেতো ফিল্দ দে।
পোতেতো কনফরেন্স অসি ২০২০গী জনুৱারী ২৮দগী ৩০ ফাওবা নুমীৎ হুম্নি পাংথোক্কনি। মসিদা থিম ১০ লৈগনি মদুগী মনুংদা থিম ৮দি বেসিক অমসুং এপ্লাইদ রিসর্সতা য়ুমফম ওইগনি। লেমহৌরিবা থিম অনি অদুনা পোতেতো ত্রেদ, ভেল্যু চেন মেনেজমেন্ত অমসুং পোলিসী ইশুশিংদা অখন্নবা মীৎয়েং থমগনি।
২০২০গী জনুৱারী ২৮দগী ৩০ ফাওবা এগ্রি এক্সপো পাংথোক্কনি। মসিদা আলুদা য়ুমফম ওইবা ইন্দস্ত্রীজ অমসুং ত্রেদ, প্রোসেসিং, সীদ পোতেতো প্রদক্সন, বাইওতেক্নোলোজী, তেক্নোলোজী ত্রান্সফরদা পব্লিক-প্রাইবেত পার্তনরশিপ অমসুং লৌমীশিংগা মরী লৈনবা পোত্থোকশিং অসিনচিংবশিং উৎকনি।
২০২০গী জনুৱারী ৩১দা পোতেতো ফিল্দ দে পাংথোক্কনি। মসিদা পোতেতো মেকানাইজেসন, পোতেতো ভেরাইতিজ অমসুং খ্বাইদগী নৌবা তেক্নোলোজীশিংগী দেমোন্সত্রেসন য়াওরি।
মরুওইনা খন্নগদৌরিবা হিরমশিং অদুদি প্লান্তি মেতরিয়েলগী অৱাৎপা, সপ্লাই চেনশিং, হার্বেস্ত মতুংগী অমাংবশিং, প্রোসেসিং হেঙ্গৎহন্নবগীদমক দরকার ওইবশিং, এক্সপোর্ত অমসুং দাইবর্সিফাইদ য়ুতিলাইজেসন অমসুং দরকার ওইবা পোলিসী সপোর্তনি।
