প্রধান মন্ত্রী শ্রী নরেন্দ্র মোদীনা মার্চ ৯, ২০২৬ গী অয়ুক পুং ১০:১৫ রোম তাবদা ভিদিও কনফরেন্সিংগী খুৎথাংদা “সবকা সাথ সবকা বিকাস-মীয়ামগী অনিংবশিং থুংহনবা” থিমদা বজেত মতুংগী ৱেবিনারদা ৱা ঙাংগনি।
থিম অসিগী মখাদা, লাইরিক-লাইশু অমসুং স্কিল লৈহনবা, হকশেল অমসুং অয়ুস, তুরিজম অমসুং হোস্পিতেলিতি য়াওনা হিরম কয়াদা তোঙান তোঙানবা সেসনশিং পাংথোক্কনি। খন্ন-নৈনবা অদুদা লাইরিক তম্লগা থবক ফংনবা লম্বীশিং ফগৎহনবা, এনিমেসন, ভিজুয়েল ইফেক্স, গেমিং, কোমিক্স (এ ভি জি সি) কন্তেন্ত ক্রিয়েতর লেবশিং লিংখৎপা, হকশেলগা মরী লৈনবা শীনফমশিংগী মীওইশিং অমসুং সেবা তৌবগী ত্রেনিং পীবা হেনগৎহনবা, রিজনেল মেদিকেল হবশিং অমসুং অনৌবা অয়ুস ইন্সতিতুসনশিং লিংখৎপা, হোস্পিতেলিতি স্কিল হেনগৎহনবা, তুংকোইনা চৎনবা য়াবা তুরিজম, অৱাং-নোংপোক্ত বুদ্ধিষ্ট সর্কুইতশিং অমসুং হেরিতেচ তুরিজম য়োকখৎপগুম্বা থবকশিং খন্ন-নৈনবা অসিদা কোনশিনগনি।
বজেত মতুংগী ৱেবিনার অসিআন সরকার, উদ্যোগ অমসুং হিরম অমগী অখঙ-অহৈশিং বজেত্ত য়াওরিবা থৌশিল থবক ওইনা পাংথোক্নবা পুন্না থবক তৌমিন্ননবা মফম অমা পীগনি। মপুংফানা থবক ওইনা পায়খৎনবা অমসুং পুন্না চাউখৎমিন্ননবা চাউখৎপগী খোঙজেল য়াংশিনহনবদা মতেং পাংনবা থবক ওইনা পায়খৎপা য়াবা ৱাফমশিং খন্ন-নৈনবা অসিদা পুথোক্কনি হায়বগী থাজবা থম্লি।
