প্রধান মন্ত্রী শ্রী নরেন্দ্র মোদীনা ভিদিও মেসেসকী খুত্থাংদা ওক্তোবর ১৫গী অয়ুক পুং ১০:৩০ তাবা মতমদা লোল মন্ত্রীশিং অমসুং লো সেক্রেতরীশিংগী ওইবা ওল ইন্দিয়া কনফরেন্সকী হৌদোকপগী সেসন্দা ৱা ঙাংগনি।
গুজরাতকী একতা নগরদা লো অমসুং জস্তিস মন্ত্রালয়না নুমিৎ নিনিগী কনফরেন্স অসি পাঙথোক্কনি। কনফরেন্স অসিগী পান্দমদি ভারতকী লিগেল অমসুং জুদিসিএল সিস্তেমগা মরী লৈনবা সমস্যাশিং খন্ননবা পোলিসী মেকরশিংগীদমক্তা কম্মন ফোরম অমা পীবনি। রাজ্যশিং অমসুং য়ু.তি.শিংনা কনফরেন্স অসিগী খুত্থাংদা মখোয়গী খ্বাইদগী ফবা প্রেক্তিসশিং শিয়র তৌবা, অনৌবা আইদিয়াশিং একচেঞ্জ তৌবা অমসুং মখোয়গী মুচুএল কোওপরেসন ফগৎহনবা ঙম্লগনি।
কনফরেন্স অসিদা থুনা অমসুং শেল চংদনা ৱায়েল ফংহন্নবগী আর্বিত্রেসন অমসুং মেদিএসনগুম্বা অলতর্নেতিব দিস্প্যুৎ রিজোল্যুসন মেকানিজমশিং; অপুনবা লিগেল ইনফ্রাস্ত্রকচর অপগ্রেদ তৌবা; শীজিন্নদ্রবা আইনশিং লৌথোকপা; ৱায়েল ফংনবগী এক্সেস হেনগৎহনবা; কেসশিং পন্দুনা লৈবা হন্থহনবা অমসুং থুনা দিস্পোস তৌবা ঙমহনবা; হেন্না ফবা সেন্তর-স্তেৎ কোওর্দিনেসনগীদমক স্তেৎ বিলশিংগা মরী লৈনবা প্রপোজেলশিংদা য়ুনিফোর্মিতী পুরকপা; স্তেৎ লিগেল সিস্তেমশিং মপাঙ্গল কনখৎহনবা অসিগুম্বা হীরমশিং অসিদা খন্ন-নৈনগনি।
