গুজরাতকী মীয়ামগী থৌগল তৌবগী ৱাখল্লোনবু থাগৎখ্রে
“ঐখোয়না সরদার পতেলনা তাক্লমবশিং ইনগদবনি অমদি লৈবাকসিবু নুংশিগদবনি, ঐখোয়গী ইরাইবক নঅমগা অমগা নুংশি চানবা অমদি তেংবাংনবনা লেপচগদবনি”
“অমৃত কালনা মীয়ামবু মীকপ থোকহন্নবা অচৌবা থৌদাং লৌরম্বা মখোয়গুম্বা মীওইশিংবু নীংশিংনবা পুক্নিং থৌনা হাপ্লি। ঙসিগী মীরোলনা মখোয়বু মশক খঙবা হায়বসি য়াম্না মরুওই”
“লৈবাকসিনা মশাগী হান্নগী স্কিলশিংবুসু মতমগী লৈরিবা খুদোংচাবশিংগা পুনশিন্নরি”
“’সবকা সাথ, সবকা বিকাস’কী পাঙ্গল করিনো হায়বসি ঐনা গুজরাত্তগী তমজরকপনি”
“কোরোনাগী লুরবা তানফমসিগী মতুংদা ঐখোয়গী শেন্মিৎলোন্না থুনা য়াঙনা হঙ্গৎলক্লিবা অসিনা মালেম পুমবনা ভারতকীদমক্তা থাজবা থম্নরক্লি”

প্রধান মন্ত্রী শ্রী নরেন্দ্র মোদীনা ভিদিও কন্ফরেন্সিংগী খুত্থাঙদা সুরত্তা সৌরাস্ত্র পতেল সেবা সমাজনা শাবা হোস্তেল ফেজ-১গী উরেপ উয়ুং তমখ্রে‍।

থৌরমদুদা ৱা ঙাঙবদা প্রধান মন্ত্রীনা গুজরাতকী মীয়ামগী মথৌনা অমদি ৱাখল্লোনবু থাগৎলদুনা খুন্নাইগী চাওখৎ থৌরাংগী থবক থৌরমশিংদা মতম পুম্নমক্তা গুজরাতনা লমজিংদুনা চৎলিবসি মহাক্কীদমক্তদি চাউথোকচনিংঙাইনি‍। থৌরমদুদা সরদার পতেলবু নীংশিংলদুনা অফাওবা লুচিংবা অদুনা হায়রমবা ৱাফম পল্লদুনা লৈবাক্কী চাওখৎ থৌরাংদা ফুরুপ অমসুং লাইনীংনা খুরৌ থাংহল্লোইদবনি হায়বা ৱাফম থমখি‍। “ঐখোয় পুম্নমক ভারতকী মচা ঙাক্তনি‍। ঐখোয় পুম্নমক্না ঐখোয়গী লৈবাকপু নুংশিগদবনি, অমগা অমগা নুংশিননা অমদি তেংবাংনদুনা ইশাগী লাইবক লেপচগদবনি,” হায়না সরদার পতেলনা হায়রমবা ৱাফম প্রধান মন্ত্রীনা থমখি‍।

ভারতনা হৌজিক মাগী নীং তম্বগী ৭৫শুবা চহিদা লৈরি‍ হায়না প্রধান মন্ত্রীনা হায়খি। অসিগুম্লবা মতম অসিনা অনৌবা ফিরেপশিংগা লোয়ননা, মীয়ামবু মীকপ থোকহন্নবা অচৌবা থৌদাং লৌরম্বা মখোয়গুম্বা মীওইশিংবু নীংশিংনবা পুক্নিং থৌনাসু হাপ্লি‍। ঙসিগী মীরোলনা মখোয়বু মশক খঙবা হায়বসি য়াম্না মরুওই, হায়না মহাক্না মখা তাখি‍।

প্রধান মন্ত্রীনা বল্লভ বিদ্যানগরগী মরমদা ৱা ঙাঙখি‍। মফম অসি মহৈ মশিং শন্দোক্নবগীদমক, খুঙ্গঙগী চাউখৎ থৌরাংগী থবকশিং য়াঙশিনহন্নবগীদমক শেমগৎলিবনি‍। মহাক্না গুজরাতকী মুখ্যমন্ত্রী ওইনা পুরিঙৈ মতমদা থেংনরকখিবশিংগী মরমদা মখা তারদুনা ফুরুপকী য়ুম্ফম থোইদোক্না লৈতবা মহাক্কুমবা মীওই অমবু মীয়াম্না স্তেত অসিগী থৌগল তৌনবগীদমক ২০০১দা থৌজানবিখি‍। মহাকপু স্তেতসিদা অমদি তুংদা লৈবাক পুম্ববু মখা তানা চহি কুন অরেপ্পা লৈতনা থৌগল তৌননবা থৌজানবিবগী থৌনাবুসু মহাক্না থাগৎখি‍। “’সবকা সাথ, সবকা বিকাস’কী পাঙ্গল করিনো হায়বসি ঐনা গুজরাত্তগী তমজরকপনি” হায়রদুনা মতম অমদা গুজরাত্তা অফবা স্কুলশিং মরাং কায়না লৈরমদে, অফবা মহৈ মশিং তাকপি তম্বিনবা ওজা মরাং কায়না লৈরমদে হায়বা ৱাফম থমখি‍। হায়রিবা ফীভমসিগী পাম্বৈ পুরক্নবগীদমক মহাক্না কমদৌনা মীয়ামগা শম্নখিবগে হায়বা মহাক্না পাউদমখি‍।

অনৌবা নেসনেল এজেকেসন পোলিসীদা প্রোফেসনেল কোর্সশিং লম-লমদুগী লোলদা তমজবা য়ানবগী থৌরাংসু লৌখৎলে‍। হৌজিক্তি লাইরিক তম্বগী ৱাহন্থোক দিগ্রীখক্তনা অরোইদা ওইদ্রে, লাইরিক তম্বগা স্কিলগা পুনশিন্নরি‍। লৈবাকসিনা মশাগী হান্নগী স্কিলশিংবুসু মতমগী লৈরিবা খউদোংচাবশিংগা পুনশিন্নরে হায়না প্রধান মন্ত্রীনা ফোঙদোকখি‍।

লাইচৎ মতুংদা হান্নগী ফীভমদা ইচঙ থৌনা হঞ্জিল্লকপগী মতাঙদা পল্লদুনা প্রধান মন্ত্রীনা হায়খিবদা কোরোনাগী লুরবা তানফমসিগী মতুংদা ঐখোয়গী শেন্মিৎলোন্না থুনা য়াঙনা হঙ্গৎলক্লিবা অসিনা মালেম পুমবনা ভারতকীদমক্তা থাজবা থম্নরক্লি‍। হন্দক্তা মালেমগী ওইবা লূপ অমনা ভারতনা অমুক্কা হন্না মালেমগী খ্বাইদগী খোঙজেল য়াঙনা চেনখৎলক্লিবা শেন্মিৎলোন ওইরক্কদৌরি হায়না হায়খিববুসু মহাক্না পনখি‍।

প্রধান মন্ত্রীনা গুজরাতকী মুখ্য মন্ত্রীবু থাগৎখি অমদি মহাকপু তেক্নোলোজীগী লমদসু খঙবা অমদি মীয়ামগসু য়াম্না তোৎন-তিন্নবা মীওই অমনি হায়না শিংথাখি‍। “তোঙান তোঙানবা থাক্তা থবক তৌবগী মহাক্কী ৱাখল্লোন, গুজরাতকী চাওখৎ লমজেলদা য়াম্না কান্নরক্কনি,” হায়না প্রধান মন্ত্রীনা মখা তাখি‍।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Indian Air Force’s Made-in-India Samar-II to shield India’s skies against threats from enemies

Media Coverage

Indian Air Force’s Made-in-India Samar-II to shield India’s skies against threats from enemies
NM on the go

Nm on the go

Always be the first to hear from the PM. Get the App Now!
...
PM Modi offers prayers at submerged city of Dwarka
February 25, 2024

The Prime Minister, Shri Narendra Modi went underwater, in the deep sea and prayed at the site where the submerged city of Dwarka is. This experience offered a rare and profound connection to India's spiritual and historical roots.

PM Modi paid homage to Dwarka, a city that continues to captivate imaginations with its rich cultural and spiritual legacy. Underwater, He offered peacock feathers also as tribute.

The Prime Minister posted on X:

“To pray in the city of Dwarka, which is immersed in the waters, was a very divine experience. I felt connected to an ancient era of spiritual grandeur and timeless devotion. May Bhagwan Shri Krishna bless us all.”