ঙসি প্রধান মন্ত্রী শ্রী নরেন্দ্র মোদীনা মুম্বাইদা গুন্দাবালি মেত্রো স্তেসন্দগী মোগ্রা ফাওবা মেত্রো তোংখ্রে অমসুং মুম্বাই ১ মোবাইল এপ্প অমসুং নেসনেল কম্মন মোবিলিতি কার্দ(মুম্বাই ১) হৌদোকখি অমসুং থৌরম অদুদা মেত্রো ফোতো একজিবিসন অমসুং থ্রি-দি মোদেল ফাওদুনা চৎখি। মেত্রো তোংলিঙৈ মনুংদা প্রধান মন্ত্রীনা মহৈরোয়শিং, নুমিৎ খুদিংগী মেত্রো তোংবা মীওইশিং অমসুং মেত্রো শাবগী থবক শুরিবা শ্রামজিবিশিংগা ৱারি শানখি।
থৌরম অদুদা প্রধান মন্ত্রীগা লোয়ন্না মহারাস্ত্রাগী রাজ্যপাল শ্রী ভগত সিংহ কোহশ্যারি, মহারাস্ত্রাগী চীফ মিনিস্তর শ্রী একনাথ সিনে অমসুং মহারাস্ত্রাগী দিপুতি চীফ মিনিস্তর শ্রী দেবেন্দ্র ফদনাবিস শরুক য়াখি।
প্রধান মন্ত্রীগী ওফিসনা ত্বিৎ তৌখি;
“প্রধান মন্ত্রী মোদী মুম্বাইদা মেত্রো তোংখি”
PM @narendramodi on board the Metro in Mumbai. pic.twitter.com/nE03O7nDmW
— PMO India (@PMOIndia) January 19, 2023
মসিগী মমাংদা, প্রধান মন্ত্রীনা মুম্বাই মেত্রো রেল লাইন ২এ অমসুং ৭ লৈবাক্কী মীয়ামদা কৎথোকখি, ছত্রপতি সিবাজি মহারাজ তর্মিনস নৌনা শেমগৎনবা অমসুং সিৱেজ ত্রিৎমেন্ত প্লান্ত ৭ গী উরেপ-উয়ুং তমখি অমসুং হিন্দুরিদেসমরাত বালাসাহেব থাক্করে আপ্লা দ্বাখানা ২০ শঙ্গাখি অমসুং মুম্বাইদা কিলোমিতর ৪০০ রোমগী লম্বী কংক্রিত থানবা প্রোজেক হৌদোকখি।
নুঙগীৱারোল
প্রধান মন্ত্রীনা মুম্বাই ১ মোবাইল এপ্প অমসুং নেসনেল কম্মন মোবিলিতি কার্দ(মুম্বাই ১) হৌদোকখি। এপ্প অসিনা মেত্রো তোংবা লাইহনগনি অমসুং মেত্রো স্তেসনশিংদা চংফমশিংদা উৎপা য়াগনি অমসুং য়ু.পি.আইগী খুৎথাংদা তিক্কেদশিং কক্নবা দিজিতেল পেমেন্ত পাংথোকপা য়াগনি। নেসনেল কম্মন মোবিলিতি কার্দ(মুম্বাই ১) অসি অহানবা ওইনা মেত্রো কোরিদোরশিংদা শীজিন্নগনি অমসুং মসি মতুং তারকপদা লোকেল ত্রেনশিং অমসুং বসশিংদা শীজিন্নগনি। মীয়াম্না কার্দ মখল কয়া পুবা দরকার ওইদ্রে, এন.সি.এম.সি কার্দনা লাইনা, শম্নদনা দিজিতেল ত্রান্সসেক্সনশিং পাংথোকপা য়াগনি।
